بسم الله الرحمن الرحيم

الحمد لله اللذي طلعني من السجن ورزقني بفلوووس واسدد مخالفاتي وطبعاً مخالفاتي كلها بسبب ( رودريقو )

لا احد يقول أني ظلمته وربي أني أحبه مع أني دعيت عليه بالرباط الصليبي

طبعاً بقولكم سبب دعائي عليه ...!!؟؟

أنا دخلت يوم السببت الظهر علـى شبكة الزعيم

بعد الغداء وبعد ماصربت بالخمس ( الكبسه اللي متفننه فيها الوالده الله يطول بعمرها )

لقيت موضوع مثبت يعلن فيه أن الاعب البرازيلي ( رودريقو ) راح يكون بالمطار الساعه 6 المغرب

قلت يولد دامني ما عندي شي وراي ماروح للمطار واستقبل الاعب وفرصه منها أننا نصور مع الاعب

واستلملكم الجوال واحد واحد هلالي نصراوي شبابي الا يروحون معي
بعد محاولات واغراءت صفينا على اربعه

ثلاث هلاليه وواحد شبابي <- ضعيف بالغصب رايح ههههههه

المهم مسكنا الدائري

طبعاً ما أخفيكم أننا يوم مسكنا طريق المطار كانت الساعه 5.40 عصراً باقي على وصول الاعب ثلث ساعه

قلت لا بد من التهور

وأعلنت لشله اللي معي بربط الاحزمه

لاني راح اتهوور

وهذي صوره لعداد واحنى ماسكين طريق المطار




طبعاً السياره كلها اعلام هلاليه من برى طبعاً

وفجاءة حدثت الكارثه

لاحد يقول لي أنفجر الكفر

ولكن سمعت صرخت البراءه من اللي كان وراي
يقول الرادار صادنا

قال لي لا توقف قلت كيف ما اوقف

قال لا توقف قلت لا بوقف

قال أقول لا توقف

قلت لا بوقف

قال خلاص وقف وتحمل اللي يجيك

المهم جينا عند نقطة التفتيش

الا فيه مطوع نصراوي

وربي أني عرفت أنه نصراوي من يوم شفت وجهه فيه شبه من خالد سلامه ..!!!؟؟

قال لي اثباتك يالهلالي

عاد أنا فيني حركات مكر ودهاء قلت مو معي

قال طيب سفط يمين ونزل العفش اللي فووق <_ يقصد الاعلام

المهم سفطنا يمين ونزلنا الاعلام

وماشاء الله معي ثلاث كل واحد اعقل من الثاني <_ هههههه حرجوو على العسكري تحريج استهبلو عليه لين حقد واللي أكلها أنا

طبعاً وبنظرات حقد قال لي مامعك اثبات هااا
الناصريه تعرفها هالحين

وسرعه بعد جنونيه <- يقولي تسابق الطيارات أنت هههههه

بصراحه بعد محاولات كان يبي يفكني

وعطيته ثباتي لاني داسه في محفظتي

لكن معي ناس محشيين حولوهم على التحليل على طول هع هع

طبعاً بعد ماركبونا كلنا بالدوريه

مسكت معنا على الصلاة لأننا ما صلينا المغرب

بعد مانزلونا على شان نصلي واحد من العيال انحاااش على رجوووله ههههههههه

ينقال له بياصل بيتهم أبو الشباب

المهم الحقووه وكفخوووه وركبووووه

<- الضعيف اللي أكلها الشبابي ماله دخل

المهم اطلقوو صراح اللي معي وخلووني أنا لأني السايق

وأزيدكم من الشعر بيت

أخذو السياره معي وخلووهم يرجعووون كعاابي هع هع هع

أخذني العسكري ووداني لقسم المرور اللي في المطار

وصبوولي قهوه وشاااهي ماقصروو يكرومون اضيوفهم <- أيه هين هع هع

بعد ما اكرمووووني اخذوني من قسم المطار على أنهم يودوني الناصريه على طول
طبعاً على حسب الاتفاق اللي صار بيننا <- مخالف ويتشرط هههههههههه

الكلام ذا قبل صلاة العشاء

كننى متجهين الى الناصريه بس لفو الرياض كله من تفتيش الا تفتيش

الزبدة ماوصلت الناصريه الا الساعه وحده بالليل

يعني من الساعه 7 الا الساعه وحده وهو يفرفر فيني

المشكله تكمن هنا القسميه قميته 1300 ريال

900 ريال السرعه

300 ريال حقت الرخصه

100 ريال التظليل

وطلع الصرافه لقيت فيهاا 800 ريال ايووووووه وش السواه ياولد

قلت مالي الا ابو شنب << يقصد ابوة هههههههههههههه

الله يخليه ماقصر دفع الباقي مع شويت زفه عشان السرعه

والسياره باالحجز الا الحين تهي تهي تهي

يقولون تبي تطلع بعد 5 ايام الحين صار لهاا 3 ايام الله يصبرني يومين بدون سيارة

كله لعيون الزعيم يهون

وكلهاا بسبه ردوريقو

وعذروني على الاطاله والاخطاء الاملائيه

لكم خالص التحيه
ياسر الرحيمي