بسم الله الرحمن الرحيم ..


السلام عليكم ورحمة الله وبركاته ..


ابي ادخل بالموضوع على طول ...


انا اليوم رحت للنادي عشان اشوف التمارين واتصور مع نجوم الزعيم ..


بس اللي نكد علي رجال الأمن اللي بالنادي وهذي مو اول مره يسوونها ... دايم يطردونا من النادي !! ياخي انا جاي من اكثر من 1000 كيلو لعيون الزعيم وبالأخير انطرد ؟؟؟


اتحدى لو هالقرار من ابو سلطان وحق الأمن يقول الا من الاداره نقول له احلف يقول مااقدر !!! عجيب ؟


المهم خلص التمرين وقلت يالله معذورين خلاص بطلع من النادي .. طلعت ورحت جلست عن البوابه اللي يطلعون منها اللعيبه بسيارتهم لعلّي أصورهم لحالهم بس ..


عاد جلست هناك تقريبا ساعه وكل ماطلع لاعب صورته وهو يمشي ... وشوي جاء حق الأمن وقالي انت شكلك عاقل وطيب خلاص روح مابقى احد .. قلت له طيب شوي وبروح .. بعدها بربع ساعه تقريبا ناداني نفس رجل الامن وقالي روح مع البوابه الجنوبيه من هناك بيطلع طارق التايب .. قلت اكيد ؟ قال ايه هو توه يتروش قلت يابن الحلال خلني ادخل من هنا انا جاي من مكه ورجلي هذي فيها عملية قديمه مااقدر امشي كثير .. قالي لا صدقني اذا رحت هناك بيطلع من هناك هو قلت اوكي بروح ..


المهم وامشي والف النادي واروح للبوابة الجنوبيه واجلس هناك تقريبا نص ساعه محد طلع والبوابه مقفله بعدين جاء رجل الامن وقالي ثواني بجيب المفتحا قلت طيب انا بنتظر وانتظرت وجاب المفتاح وفتح الباب وشوي فيه اثنين طلعوا بس الاول حق العلاج الدكتور التونسي والثاني مدري منهو وانتظر التايب ولااحد طلع !! بعدين جاء رجل امن ثاني وقفل الباب واقوله بقى احد ؟ يقول لا قلت طيب خويك قالي اجي هنا عشان اللعيبه بيطلعون .. قال لا مافي احد .. قلت له جزاك الله خير انت وخويك والله يسامحكم ..


واخذت اللفه الثانيه عالنادي لين وصلت لنفس البوابه اللي كنت عندها وأكلني البرد <-- أهل مكه ماتعودوا على هالجو ..


وبديت اتنافض والسبب كله من رجال الامن كان النادي ملكهم .. ياخي حنا جاين من بعيد يعني لو اني ساكن بالرياض عادي اجي يوم ثاني بس انا من مكه مدري وش ظروفي ..


عالعموم ياليت ادارة النادي تشوف لنا حل بعدين حنا بنسلم عاللاعبين بس ماراح ناكلهم ..


وياليت يوصل هالكلام للإداره وتحس بالجمهور .. انا والله ثم والله أجلت رحلتي لظهر السبت عشان احضر مباراة الزعيم مع الاتحاد وعطلت اهلي كلهم لعيون الزعيم لااخواني ولا خواتي كلهم بيغيبون السبت عشان احضر المباراه ..


وآسف عالإطاله بس والله مقهور ..


أخوكم


راشد الراشد ..