|
Brazil vs Portugal in Emirates Stadium
السلام عليكم <<< يووه من زمان ماكتب موضوع
كيفكم جميعا ... ان شاء الله تكوونوون بخير ونعمه يارب
اليوم يا طويلين العمر جايب لكم تقرير مصور عن مباراة البرازيل مع البرتغال اللي انلعبت في ملعب الامارات في لندن
طبعا الصور واجده عشان كذا ما اقول الا الله يعين راعين الدايل اب ...
طبعا عندي مجموعة صور كثير بس نقيت احلاهم وبوريكم اياها
طلعنا انا و 4 من الشباب اووريدي شارين التيكيت من فتره للندن المهم انا ماكان عندي فريق اشجعه لا البرازيل ولا البرتغال
لكن طلعتي كانت انو استمتع بمباراة تجمع البرتغال و برتغال امريكا الجنوبيه  وما طلع هالكلام الا بعد هالمباراة
هنا في الطريق للملعب
والى الحين ما قررت وش اشجع بس اميل للبرازيل
لكن بعد اللي شفته من الجماهير والجماهيريات  خلاني اطقق شال البرتغال والله لا يعوق بشر 
طبعا كل العيال برازيل الا انا برتغال 
المهم شرينا الشال وهذانا عالمدخل
عاد قامو هالمشجعيين يترززون وترا كل صوره اصورها لها معنى والذيب اللي يفهمها
وهذي واجهة الملعب طبعا بعد ما نعدي جسر
ودخلنا الملعب وكنا قبل بحول الساعه
وشفنا بعض الجمهور اللي متكي
والمنتخب البرتغالي باديين يسخنوون
وشو وبعدها طبوو البرازلييين
والجماهير قامو وتحمسو
عاد ابو الشباب مرره خاش جوو مع التحميه مدري وش جايه ولا تهون ام العيال :p
اما اللوحه هذي قامو هالمساكين يرززوونها لما الكاميرا كانت تدور في الملعب وينتظروون وجهييهم تطلع بس للاسف ماطلعت عاد انا قلت منيب رادهم
وصورتهم
اما العجيزه هذي غير طبييعيه ماسكتت ابد تحسبها مباراة خروج المغلوب بس وش حليلها كلما طاحت عيني بعينها قامت تبسسم 
هذا كان مسوي زحمه غير طبيعيه وارتاع يوم صورته
في هالوقت خلاص دخلو الاعبين والحكام
وهنا صوره للملعب لما بدا يمتلي
ودقيقه صمت الاعبين سووهاا عشان واحد برتغالي ميت منيب اعرفه
ووبدا الماتش على بركة الله
يحليله اللي تحت يحسبني مصوره
هذي كانت بين الشوطين
وبدا الشوط الثاني
هنا لما تمشكل كواريزما مع لوسيو
الهدف البرتغالي الاول ولا امداني اصور شي منه 
وهنا يبين لك عدد الحظور
اما الصوره الجايه متعوب عليها لقطت كافاليو وهو وتوه يحطها عالطاير بس مدري وش جا الكميرا وتاخرت
هنا منطقة الجمهور البرتغالي الفله ;)
لا اوصيكم بالزوم
وبعد كذا انتهت المباراة
وهنا صور للجمهو لما بداا يتوكّل
نقاط من المباراة
- جو المباراة كان مرره حبي وكل العالم مع بعض بحكم انهم يتكلموون نفس اللغه على ما اعتقد
- كان فيه جمهور برازيلي كثير
- واحد من الجمهور قاعد يصارخ يقول قاعدين ليش متأوومو تروحوو وبعدها قاعد يقول اهلي اهلي اهلي << مصري الرجال ;)
- في كره غير طبيعي على الاعب رونالدو وانا اول لاعب ما اطيقه بس الحق يقال انه مستلج من تالي مستواه يأهله لانه يصبح احسن لاعب في العالم هالسنه
- الجماهير حيوو كاكا كثيرا بس للاسف خيب ظنهم والمشكله موب فيه بس في دونقا
- يزين المشجعين البرتغالين والبرتغاليات ولا يهونون البرازليين البرازيليات
هذا اللي عندي واتمنى استمتعو بالصور واسفين للاطاله والتاخير في التنزيل المشكله كانت مني والشكر موصول للغالي احمد في مساعدتي برفع الصور على سيرفر الشبكه  ]
اخر تعديل كان بواسطة » مهتوي في يوم » 13/02/2007 عند الساعة » 04:14 AM | 
مهتوي 
الوضع الشجري
