السلام عليكم ورحمة الله وبركاته
تووي بقراطيسي ومرتعد مدري وش اللي صابني يمكن لرهبة المكان
والله ما انلام هذاني اكتب في شبكه عالميه وصرت عالمي <<< عالمي ولا نصراوي هههههه
على طاري النصر سمعت انهم من الحين يخططون على درع الدرجة الاولى هههههههههههههه اللهم لا شماته
اجل ناوين على العربيه وهم يصارعون الخليج على الهبوووط
صراحه من حقهم ولا نادي فيه معلّم المفطحات دنيلسون وما يفكرون ببطوله هذي السنه هههههههههههه
<<< يخوووي عن الشماته واكتب عدل
بما اني من سكان جده فأنا زعلااان من لجنة الاستعباط << والله محد درى عنك بس ارتااح
هالحين انا منتظر نجوم الهلال يلفون علينا بجده ويجيني في الاخير فصولي ويقوم ينقل المباراه ويضيع حلمي اللي بنيته ههههههههههههه
<< يا رجال وسع صدرك لو هي على فصولي يمدي الاتحاد لاعب اثنين وعشرين مباراه في جده
والله يا اهل الرياض اني احسدكم على الهلال <<< رحتووو فيها هههههههه
بس عتبي عليكم شلون نادي عالمي ( عالمي صدزي مهوب تايون مثل اللي تخبرونه
) ويكون حظوركم لمبارياته بهذا الشكل
ترى مهوب كل واحد معه art مثلي ويتفرج بالبيت هههههههههه
يا شباب والله الهلال بحاجتنا والمفروض ما تحتاجون اي شخص يذكركم بواجباتكم اتجاه ناديكم
والله ادري اذا جاء وقت الجد مهنا مثلكم ابد ابد بس البعض منّا يتعيجز يروح الاستاد ويقول محبتي للهلال في القلب مير خن اتربع قدام التلفزيون واتقشم فصفص واشرب شاهي واجلس اصارخ على كل هدف ،،، لا لا حبيبي هذا مهوب التشجيع المثالي << اجل وشو يالمثالي انت؟ ههههههههه
التشجيع المثالي سلمكم الله تسنترون جنب المبدع حبيب الكل ابراهيم حقوي وتبثون روح الحماس بالعيبه <<< ترى حلوه تبثون بس لا عاد تتعودها
هييييه مهووب كلكم يعني ثلاثين الف مشجع جنب ابراهيم ترى الدرجه الثانيه مهيب مكفيتكم اخاف تمسكون سره جنب المضمار هههههههههه
( دعابه لا تواخذوني ) بس والله مقهور يا شباب حنا بجده ننقهر علشان الهلال مهوب حولنا وما نصدق على الله يجي جده علشان نشجعه بالمدرجات ( ارجووكم قدروو شعورنا ارجوووكم
)
طلبي منكم ابي استاد الامير فيصل بن فهد مليان عن بكرة ابيه وملوّن ازرق وابيض
وفي الختام ارجو التثبيت لتعم الفايده ههههههههههههه