اذا صدقت الأخبار فهذا ندائي للجمهور الهلالي بسم الله الرحمن الرحيم والصلاة والسلام على اشرف الأنبياء والمرسلين سيدنا محمد وعلى آله وصحبه اجمعين السلام عليكم ورحمة الله وبركاته ======================= وبعد اخواني وردت الأخبار لتؤكد تقريبا نقل مباراة الهلال والاتحاد من جده الى الرياض بسبب شغب جمهور الاتحاد في نهائي كاس الأمير فيصل بن فهد وهذا القرار قد يكون او بالفعل هو ( سلاح ذو حدين ) فالفرصة اصبحت سانحة للهلال بالفوز وبنسبة اكبر من النسبة التي كانت عليها اذا اقيمت المباراة في جده ولكن ماذا سيحصل لو حصل شغب ولو بنسبة ضئيلة جدا من جمهور الهلال ؟ صدقوني سيجلدون الهلال جلد هذه المرة سينقلون له ثلاث مباريات وليست واحده سيخصم من رصيده النقطي ثلاث نقاط سيلعب بقية مبارياته التي ستقام على ارضه بدون جمهور والسبب في ذلك لأنهم تجرءوا ونقلوا مباراة واحده للاتحاد خارج ارضه واللي قاهرهم اكثر واكثر انها كانت امام الهلال فالحذر الحذر ياجمهور الهلال من هذه المباراة بالذات ابعدوا المندسين اللذين سيتم نشرهم وسط المدرجات من اجل ان يقوموا باي شي يتسبب في تنفيذهم لمخططهم اتمنى ان تصل رسالتي هذه لكل مشجع هلالي سيحضر مباراة الهلال ضد الاتحاد القادمة والتي قيل انه تم نقلها للرياض الحذر الحذر يازعماء كما اني اوجه ندائي للاعبي الهلال بان لايعتقدوا انه مجرد نقل المباراة للرياض اصبحت النتيجة هلالية فكلنا شاهدنا كيف لعب الهلال امام الطائي بحائل وكيف حقق الفوز للحماس الكبير الذي لعب به الفريق من اجل رد اعتبار اسم وسمعة الهلال فقد يفعلها الاتحاد ويدخل للمباراة بحماس لرد اعتباره هو ايضا وقد ينتصر بسهولة لذلك اوجه ندائي لهم بان يدخلوا للمباراة وكأنها في استاد جده وليس في الرياض تكفوووووون انتبهوا لذلك رسالتي هذه خارجة من قلب محب للزعيم ( فاعذروني إن اخطأت بتوقيتها ) |
إن شاء الله .. جمهور الزعيم .. موب راعي هالحركات :) |
والله كلامك عين العقل ويا ليت الاطفال يقدرون العواقب رغم تأكدي أن جماهير الهلال كلهم رجال لكن المندسين مشكله ياخي شجع وبس هاذي مهمتك ولاتغلط على احد ولا تنسون ابد انتم في بلاد التوحيد والاسلام وحركات الاجانب ما تجي عندنا كالدوري الاسباني والايطالي وحتى الانجليزي وبالتوفيق ان شاءالله |
والله انك صادق بس أنا اللي قاهرني قرار فع الإيقاف عن نور |
صادق والله ارجوا ان يتنبه حقوي ويبلغ اشلرطة كل واحد مايشجع مع حقوي ويسب تعرفه انه مدنس |
جبتها يالذيب وانا معك اخوي يامعشر الهلاليين اي شخص يسوي حركات نص كم امسكوه ادبوه لين يدوخ .... |
أي واحد تشوفوه مندس أطردوه |
المشكلة وشلون نعرف المندسين .. |
البلاء كله بالمندسين ..!!! |
مشكله والله لكن أي واحد يسوي شغب أو يرمي ... فعلى جمهور الهلال برمي هذا المشجع إلى الملعب <<< أمزح |
صادق اخوي وهذا اللي خايفين منه ومن الجماهير المندسة لذلك على جميع الزعماء اللي يحضرون المباراة يشوفون واحد ناوي بس يسوي حركة بايخة يمسكونه ويقعدونه غصب وإذا تمادى يسلمونه ل رجال الأمن هذا هو الحل الوحيد وأتمنى من الجماهير لا يتنرفزون إذا أحد لاعبين الاتحاد سوى شيء قدامهم لأنهم يمكن يسوونها عشان ينرفزون الجماهير ويرجمونه وكذلك عدم التلفظ بالفاظ ينتظرها ابن عبدالهادي ويلقاها مستمسك عشان يتفرنك بقراراته الجديدة والله يوفقك الهلال في المباراة ونكسب الثلاث نقاط |
اشكركم جميعا على المشاركة واتمنى مرة ثانية من كل حضور المباراة عدم التأثر بالنتيجة إن لم تكن في صالح الزعيم ( ان شاء الله النتيجة هلالية ) كما اتمنى ان نبتعد عن الألفاظ التي تسئ للهلال ولاتخدمه مع ايماني الكامل بان جمهور الهلال اكبر من كل هذا ولكن احيانا الواحد ينسى نفسه وتخرج منه اشياء لاينتبه لها إلا بعد خراب مالطا عموما مشجعي الهلال وكما ذكرت هم اكبر من ان يسيئون لأي كائن كان ولكن البلا ثم البلا من المندسين ( الله يكفينا شرورهم ) |
كل مشجع هلالي يحرص على من حوله فمن يحاول الخروج عن النص فلابد من التعاون ضد هذه النوعية من بدايتها |
الله يكتب الي فيه الخير |
الوقت المعتمد في المنتدى بتوقيت جرينتش +3.
الوقت الان » 12:33 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd