المعاقب يعطيك ألف عافية على موضوعك و على غيرتك على هالبلد..

أنا شخصيا صار لي موقف قريب من موقفك و لكن بصورة أخرى، و اليكم ما حدث:

قبل أسابيع أقيم "المؤتمر الوطني للتعاملات الالكترونية" برعاية خادم الحرمين الشريفين في فندق الانتركونتننتال بالرياض.و أثناء أيام المؤتمر و في نفس الفندق اقيم معرض للشركات و القطاعات التي تسعى لتطبيق الحكومة الالكترونية أو ما يسمى بالتعاملات الالكترونية.

المهم.. أثناء وجودي بالمعرض بحكم أنني انتمي الى أحد القطاعات المشاركة بالمعرض قابلت أحد الأشخاص(لبناني الجنسية) التقيت معه في عدة مرات و جمعتنا أكثر من مناطق عمل.

قال لي اللبناني : ايش رايك لو نطلع للبهو ناخذ لنا كوب قهوة .

قلت: ما عندي مانع.

و كان مع اللبناني شخص مصري مو غريب علي بس للأمانة ما أعرفه.
بعد ما جلسنا نشرب القهوة و سولفنا في أكثر من موضوع،

قال اللبناني: و الله قابلت ناس هنا معاهم شهادات الدكتوراة و فطاحلة في علوم الكمبيوتر و العلوم الالكترونية . و بعدين قال: بس لو يأخذون فرصتهم هنا في القطاعات و الشركات راح تشوفون التغيير.

قال المصري: ايه و لما يروحون عندنا للقاهرة بتشوف المصايب.

قلت أنا: مصايب مثل ايش؟؟

قال: كل حاجة، شراب و بنات و سهر و حفلات و بلاوي و صرف فلوس.

أنا ارتفع ضغطي...


بعدين قلت له: في السعودية تشوف الناس المتعلمة و الراقية اللي هم عامة الشعب، بس فيه ناس فاسدة تدور لها على مكان تطلع فسادها فيه ، و ما لقوا مكان أحسن من ديرتكم يطلعون الفساد فيه، لأن جميع أنواع الفساد متوفر عندكم و قدام الناس.
و بعدين قلت : فيه مثل يقول " الطيور على أشباهها تقع "، فالفاسدين راحوا يدورون لهم على بلد فاسد مثلهم.


بعدها جلسنا نصف ساعة ما فتح فمه بأي كلمة....


و صاحبنا اللبناني يضحك عليه و يقول له اللي بيته من زجاج لا يرمي الناس بحجارة...



و آسف على الاطالة...