|
سياره مهيب سياره سيارة بو مازن ــــــــــــــــــــــــ مرحبا بكم كيفكم اخواني اسمحولي الموضوع مرررره طويل بس شيق بامررره واتمنا يعجبكم (بو مازن) ومن خلال مشاهداتنا اليوميه صادفنا في الطريق سيارة عجيب يقودها شاب اكتشفنا فيما بعد انه سعودي وقد كتب رقمه على " رفرف " السيارة اتصلنا عليه استوقفناه على جانب الطريق وتجاذبنا اطراف الحديث معه وصحبنا معه الى " الحوش " الذي يتواجد فيه وذلك لاجراء مقابله مصغره وتصوير هذه السيارة ولكن حديثنا معه كان ذو شجون والان اترككم مع ابومازن في البدايه اخوي ابومازن ياليت تحدثنا عن فكره السيارة ؟ اول شي اخوي خلني اعلمك انا طبيعتي احب البر وبعد احب الشغل واحب احبرش كان الوالد عنده ماطور هواء صغير للبيت وقمت اخذه من الوالد اذا طلعت للبر واحطه في سيارتي الخاصه واطلع للعاذريه وافتح الشنطه واعبي هواء للناس وعلى اقبال لكن على خفيف قمت بعدها اخذت هايلوكس حقت واحد من الشباب قلت بشوف الشغله تنفع والا لا واخذتها وحطيت ماطور هواء وركبت ماطور كهرباء صغير ، وقمت اشتغل ولكن في عز الشغل الوالد الله يحفظه تعب ورقد المستشفى وتركت الشغله علشان الوالد واكون بجواره ولكن خلال الفتره الثلاث شهور اللي كنت مع الوالد كنت ادور سياره غماره احط فيها العده كلها ولقيت هالونيت واخذته وزينته زي ماتشوف والحين مشت اموري ولله الحمد الفكره من هالسياره ؟ الفكره من السياره هو تقديم اسعافات اوليه سريعه للمتعطلين في البر من بنشر هواء او رقعه كفر وكذلك عندنا زيت مكينه وزيون دبابات وغيرها من الاشياء المتوفره .. ممكن تشرح لنا كيف تم تجهيز هذه السياره ؟ اول شي هالسياره لقيتها في الصناعيه وشريتها من واحد سوري بحوالي 1500 ريال سعودي بعدها قمت اصلح عليها واغير قطع من كلبيليتر و .... وغيرها من القطع الين ماهداها الله وضبطت معي ن وحطيت لها انوار وبواري مشكله وزي ماتشوف السرج ... كيف نظرة الناس لك ؟ والله يعني فيه وفيه ، فيه ناس تتعجب وتبدي اعجابها وخاصه اذا عرف اني سعودي واكسب رزقي بالحلال وبعضهم لا يجي ويضحك ويستهبل ، وفيه بعضهم ياخذ مثلا من الهواء ويعبي كفراته ويمشي ولا يحاسب وناس تزعل لو قلت له هذا قيمته بكذا او اجاره بكذا ، والله لو انا اجنبي يمكن يخاف مني ومايقدر يقول شي طيب هذا وانا ابن البلد ومعروف يعني ما اقدر اغشك او اللعب عليك لاني موجود في هالديره وين اروح ؟ بينما الاجنبي يلعب عليك ويسختف فيك وياخذ دراهمنا وفي النهاية يمشي لديرته .ثم رح دوره هناك .. لكن فيه ناس يحترمونك ويقدرونك ، وبعضهم ياخذ رقم جوالي خاصه رواد منطقة العاذريه والثمامه ويتصلون علي اذا احتاجوا مساعده واجيهم على طول وبصراحه تعاملت حتى مع امراء وكانوا اشد الناس كرم واحترام في نفس الوقت طيب تقدر تمشي بالسياره في الطرقات بشكل عادي او تجد مضايقات ؟ والله يعني لكن ما اعتبرها ماضايقات بينما هي بقصد الحرص على الامن وهذا شي طبيعي عندك التفاتيش مثلا دايم يوقفوني وينخلون السياره ويستغربون منها ولكن هذا عادي وتعودت لان الامن اهم شي ، ولهم الحق والله يكون بعونهم بالعكس بعضهم تعود علي وصاروا يعرفوني وبعضهم يشكرني ويمدح فيني على هالعمل الطيب .. لاحظوا معاي مكتوب ماء عادي ،،، ماء ملفتر والمصيبه انه كلهم يصبون من نفس التانكي دش اوربت ياخي صحيح سياره كوووول تقز فيها خخخخخخخخخخ |
خخخخخخخخ وش هالسيارة ما شاء اللهـ ..!! مشكوور اخوووي ع الصوووور |
هههههههههههههههههههههههههههههههههه مشكوووووووووووووور اخوي على الصوره |
مشكورين على المرور |
ذي بيت مب سيارة |
يعطيك العافية |
هههههههههههههههههه الله يذا الياره العجيبه ومشكوووور ويعطيك العافيه |
على حسب معلوماتي ان صاحب هذه السيارة قد توفي قبل فترة وقد توفي بعد ما ضربه البرق الله يرحمه ويسكنه فسيح جناته |
مصنع ماهى سيارة |
مشكوووووووووووووور |
ههههههههههههه:D حلووووووة مشكووور |
مشكور |
خخخخخخخخخخخخخخخخخخخخ والله حلووووووووووووووووه |
مشكور |
خخخخخخخخخخخخخخخخخخخخخخخخ |
| الوقت المعتمد في المنتدى بتوقيت جرينتش +3.
الوقت الان » 02:18 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd