السلام عليكم ورحمة الله وبركاته

كيف احوال اخواني الغالين

وش اللي صار في جده والله ملطشه

اقول تراني مدري وش اكتب بـ عنوان الموضوع

على العموم ابدخل بالموضوع من غير مقدمات

ادارة محمد بن فيصل على عيني وراسي

لكن اللي حصل في اعارة الجمعان وتنازل الهلال عن حصته شي يرفع الضغط

اتمنى من محمد بن فيصل يشوف اللي يحصل لنا في مباريات الاهلي

والله اننا نرجع من الملعب مطقوقين واللي مكسره سيارته واللي مسروق وياليت وقفت علينا كـ جمهور بس

حتى اللاعبين ما سلمو من اعتدائات وشغب من جمهور اغلبه منحط

انا مابي اقلب الماضي او افتح باب جديد او ,,,

هل هذي المثاليه التي مللنا منها هي حل ؟

وليش اللي يسيئ لنا نحسن له ؟

هل هو خوف او تقدير او احترام او طيبه او كبر فكر من هلالنا او هناك اشياء لا نعلم ما هي

نتذكر حينما طلبنا استعاره لاعب من نادي الاهلي لكرة الطائره للمشاركه معنا في البطوله الخليجيه وتفاجئنا برفض النادي الاهلاوي لطلب الهلال والمصيبه اغلكبرى بمفاجئه اخرى وهي اعارة اللاعب لفريق خليجي ينافس الهلال في البطوله ؟؟

يابوسلطان انا ادري انك ابخص ولكن نبي حقوقنا والبيع والشراء مافيه اخو او ابو او صديق

وياليت نعامل الناس مثل ماتعاملنا فيه وهذا شي يرضي الجميع

والله يوفق ان شالله ويكتب الخير لنا ولهلالنا

* بمناسبه مبارة الهلال المقبله اما الاتحاد هل ستنقل الى الرياض ؟ او تقام بدون جمهور ؟

هذا اذا طبقو القانون اللي ماشين فيه على الهلال , ام الاتحاد غير ؟

وهل سنشاهد نور في تشكيله الاتحاد مثلما اكد اغلب الجمهور وهل تأتي البطاقات التي شاهدناها اليوم امام الاهلي عذراً لهم ؟

كل شي جائز في الدنيا

مثلما تعاقب يوسف والهريفي في عام 94 م ورفع عن الاخير , اما الاول كأنه ( ,,,, بالمسجد )

اذا لم يعاقب الاتحاد فـ
اتمنى من اخواني في المنطقه الغربيه التواجد بكثره في مبارتنا المقبله واتمنى ان نخرج بعد المباره يداً واحده لكي مايحدث مثلما حدث في اغلب المباريات المقامه على استاد ( الكاف )

اما اذا عوقب الاتحاد بنقل المبارة فأنتم ابخص

واذ منع دخول الجمهور في المبارة هل سنكون نحن ايضاً من الممنوعين والمحرومين ؟



تحياتي لكم اخواني

والله يوفق الهلال في المباريات المقبله وان شالله نحصد جميع النقاط