المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > منتديات نادي الهلال > منتدى الجمهور الهلالي
   

منتدى الجمهور الهلالي لمناقشة جميع الأمور المتعلقة بنادي الهلال

إضافة رد
   
 
LinkBack أدوات الموضوع طريقة عرض الموضوع
  #1  
قديم 08/02/2007, 01:38 PM
الصورة الرمزية الخاصة بـ قويل الطامة
زعيــم نشيــط
تاريخ التسجيل: 29/09/2006
المكان: دمـشــق الفيــحــآء حاليا ّ & الريآض سآبقا ً ومستقبلا ً
مشاركات: 742
Talking ^^لآيفوتـَكـْ :: هذآ مآحَدَثَ مَعِيْ أثـْنَآء المُبَآرَآة .. ادخل واضـحـ،ـ،ــكـ ::^^

السلام عليكم ورحمة الله وبركاته


لأول مرة بكتب الموضوع بالعاميّة من باب تغيير الجو لا أكثر ولأن اللهجة والحوار فيها كان بالعاميّة <---- أول مرة أجل.. ناظر عدد مشاركاتك بعدين تكلم

هذي قصة مدري أقول مأساويّة أو كوميدية صارت معي أمس وأنا أتابع المباراة مع كم طالب يمني يدرسون هنا معنا

طبعا ً مدري وش اللي أبلشني قلت ياولد تابع المباراة عند أبو علي <-- المعزّب .. خويي اللي رحت عنده .
من العصر رحت عنده مسنتر قدام الشاشة تابعت مباراة المنتخب والرجـّال ماتكلم بــ حرف وهذا أحسن شي فيه
ويعرف طبعي وقت المباراة لحد يكلمني .. مالنا بالطويلة جا وقت مباراة الهلال

أبو علي: أنا استأذن بروح لي كم مشوار وإنت خذ راحتك.
أنا : لا ماعليك خذ راحتك البيت بيتي <-- أبو الذوق اللي تعرفه.

راح الرجـّال ,, بدت المباراة ,, في نص الشوط الأول سمعت صوت الباب ,, أول شي قلت ياولد طنـّش لايجي واحد يغثـّك الحين ,, بعدين قلت يمكن الرجـّال ناسي المفتاح قم افتح بلا نذالة قمت وفتحت طلع لي واحد يمني بعد من أخوياه ,,قلت تفضل ودخل الأخ رجعت مكاني قدام الشاشة وجلس هو ,, (( كنت أقول لنفسي يارب يسسسكت إلين ينتهي الشوط الأول أقل شي )) شوي وبدا مسلسل الضغط والسكّر .. ومدري عنه هو يستهبل علي أو هو غبي مدري تابعو هالحواااار الرهيب..


هو : أنا إسمي سعيد.
( في قلبي قلت : بدييييينا ) رديت : عاشت الاسامي (وسكتت).

رجع قال هذا أي دوري ؟؟ قلت الدوري السعودي ,, قال اهاا مين ومين ؟؟ قلت الهلال والاتفاق .. قال : أي واحد الهلال ؟؟ قلت الأزرق ,, رجع سألني أحلى سؤال قال : وأي واحد الإتفاق ؟؟
هنا ارررررررررررتفع الضغط وقفلت الأخلاق : قلت الإتفاق إلى الحين ما جا ,, قال أجل مين هذا الأخضر؟؟ قلت : هذول رديف الهلال يسخـّنون مع الأساسي قبل المباراة ,,قال : ايش يعني رديف ؟؟ قلت يعني احتياط ,, قال ما شاء الله تسخين وفيه حكم !!

((على جملته هذي جا هدف الإتفاق ,, شاف الأخلاق قاااافلة وأنا أحلف تسلل تسلل ))

,, قال : شكلك عصبت ,, قلت : يعني .. قال : ولايهمك الحين الأزرق بيجيب قول ,, قلت : إن شاء الله ,, قال : مين جاب القول ؟؟ ,, قلت : القحطاني .. قال : هذي آخر مباراة ( قصده نهائي ) ,, قلت : لا هذا الإياب ,, قال : يعني كان فيه ذهاب ,, قلت : إيه كان فيه ,, قال : مين فاز !! ,, قلت : انتهت واحد صفر ,, قال : للأزرق أو للرديف !! ,, قلت : للأزرق ,, قال : اهااا فهمت يعني الأزرق كان واحد والرديف صفر .. قلت : ما شاء الله عليك :p ,, قال : تعرف علي النونو !! ( علي النونو لاعب يمني يلعب في تشرين السوري ) .. قلت : إيه طبعا ً من ما يعرفه .. قال : إنت طالب هنا !! ,, قلت : طبعا ً . أجل جاي عشان المباراة يعني !! .. قال : والله شكلها المباراة طيّرت عقلك ,, قلت : لا والله مو المباراة اللي طيّرت عقلي .


(( هنا انتهى الشوط الأول واللي رفع ضغطي أكثر إنه سكت بين الشوطين الييييين بدأ الشوط الثاني .. الظاهر كان يشحن الأخ ))

بدأ الشوط .. دقيقتين وجاب ياسر فديته التعادل ,, وأنواع المطامر والتصفيق والتصفير ,, وهو مبتسم لي يعني إني فرحت لك ,, قال : مبروك ,, قلت : الله يبارك فيك ,, قال : مين جاب القول !! ,, قلت : القحطاني .. قال : ما شاء الله جاب قولين كل مرة مع فريق ,, قلت : إيه ملاحظ الموهبة إنت ,, قال : هذا لازم يحترف في تشرين مع علي النونو ,,
(( هنا قزّيت فيه ذيك القزّة )) ناظر فيني وقال : ماعجبك كلامي !! ,, مارديت ,, قال : عارف إنه موهوب وتبغاه يستمر مع الهلال بس صدقني لازم يحترف مع علي النونو فترة تتطور الموهبة بعدين يرجع للهلال بعقلية احترافية ,, قلت : اللي كاتبه ربي بيصير .. قال : يعني أقنعتك !! ,, قلت : إيه اليوم بكلم رئيس النادي عشان يعرض ياسر على تشرين ويارب تشرين يوافق .. :p

(( جاب ياسر الهدف الثاني .. وبدا المطامر مرة ثانية ))

,, قال : والله حرام هذا لازم يحترف مع علي النونو ,, (( هنا عطيته خااااامس مارديت .. كنا في طابق رابع وخفت أتهوّر وأرميه )) .. (( سمعت صوت الباب مرة ثانية قلت هذا أكيييد أبو علي رجع .. قمت وفتحت وطلع لي واحد يمني جديد من أخوياه .. قلت تفضل ودخل .. سلـّم على خويّه سلام حار وتكلموا دقيقتين وسكتوا ..

فجأة قال : أنا إسمي فهيم .. :p

(( هنا قلت في قلبي لااااااااااااااااااااااااااااااااااا ياربي أنا وش مسوي ))

.. قلت : عاشت الأسامي حيّاك.. قال : إنت صديق أبو علي !! .. قلت : إيه .. قال : حتى أنا (( بغيت أقول له احلف بس )) .. قال : الظاهر إنك هلالي وتحب الهلال .. قلت : أي والله أحبه .. قال : طيّب هو يحبّك !! (( وضحك هو وسعيد يستخف الأخ )) ..

(( جت اللقطة على سيريزيو )) قال فهيم : هذا مين !! ,, رد سعيد : هذا مدرب الرديف ,, قلت : لا هذا مدرب الهلال .. قال فهيم : كأنه صعيدي !! .. قلت : إيه هو من صعيد البرازيل .. وضحكنا (( طبعا ً ضحكتي من تحت ضرسي بالقوة طلعت كنها عطسة من القهر )) ,, مع التوتّر والقلق لايجي تعادل للإتفاق بديت أهز ّ رجلي لاشعوريا ً .. جا سعيد قال لــ فهيم : هههههه قوم قوم حطـّه على الصامت أبو علي ناسيه على الهزاز ههههه ..

(( ضحكنا مرة ثانية وأقول في قلبي هيّن يبو علي تجي وأورّيك هذول أخويا الحين !! هيّن ))

صفـّر الحكم وانتهت المباراة وتنفـّست الصعداء .. وأنا التفت لهم وأقول في نفسي يلا عاد الحين خذوا راحتكم فاز الهلال وروّقت .. وقام سعيد قال : شكله أبو علي مطوّل أنا مضطر أمشي .. قلت : وين بدري ! , قال فهيم : خذني معاك حتى أنا تأخرت بس جيت أسلـّم.. يلا أخوي تشرفت بمعرفتك .. قلت : فرصة سعيدة .. (( خش سعيد عرض )) قال : مافي فرصة فهيمة !! ههههههه .. :p
(( هنا فسطت ضحك من قلب على السماجة))
.. قال : يلا نشوفك على خير ولاتنسى تكلم رئيس النادي عشان يحترف ياسر مع علي النونو .. افعل خير .. قلت : إن شااااء الله ابشر بس لا أوصيك في كل صلاة تدعي إن تشرين يوافق .. قال : أوكي من عيوني .. في أمان الله


شوي ورجع أبو علي .. وأنا أفز ّ : تعااااال تعاااااال ياشيخ .. وشو هذول !! من وين جايبهم !! .. قال : وش السالفة ؟ .. قلت : أخوياك سعيد وفهيم .. وقلت له القصة .. مات ضحك وقال : ياخي مو غبي ولا يستهبل هذول مخزّنين أكيد .. فطست ضحك وقلت : اهاااا كذا السالفة أجل زين إني مابلشت بواحد فيهم .. الله لايبلانا بس .. ورجعت بيتي على طول وأول ماوصلت حبّيت الجدار من الفرحة :p

نصائح من القصة : 1- لاتتابع مباراة بالبيت وإنت عند الملعب (( تهئ أنا أدرس برة يرحم أيام أول بس ))

2- لاتتابع مباراة مع واحد مايدري عن الكورة شي

3- إن شفت سعيد أو فهيم حطططط رجلك :p نصيحة لوجه الله حتى لو تتابع المباراة من بوفيّة

أتمنى إني ماطوّلت عليكم مشكورين على المرور سلفا ً .. طبعا ً مع احترامي الشديــــــــــد لحبايب قلبي اليمنيين والقصد من القصة تغيير الجو لا أكثر.

يعفيكم العاطية .. أخوكم : قويل الطامة

اخر تعديل كان بواسطة » قويل الطامة في يوم » 08/02/2007 عند الساعة » 02:03 PM السبب: خطأ مطبعي
اضافة رد مع اقتباس
  #2  
قديم 08/02/2007, 01:45 PM
مشرف سابق في منتدى المجلس العام
تاريخ التسجيل: 18/12/2004
مشاركات: 9,681
يالله لك الحمد والشكر ...الظاهر ان ابو علي مرسلهم خصيصا لك ....تذكر أنت وش مسوي لابو علي...


عوافي ع هالموضوع الحلو.. بس في سؤال ممكن :

إقتباس
عارف إنه موهوب وتبغاه يستمر مع الهلال

وش دراه ان هالفريق هو الهلال
اضافة رد مع اقتباس
  #3  
قديم 08/02/2007, 01:49 PM
الصورة الرمزية الخاصة بـ almo7y6
زعيــم مميــز
تاريخ التسجيل: 25/09/2005
المكان: نجد يا أرضي وسماي
مشاركات: 1,749
يعطيك العافيه
أما مافيه فرصه فهيمه
لوأني منك لــــ أرجمهم ترجيم ومع الباب

يستخف دمه في مباراة الهلال يختبر أعصابك ذا
اضافة رد مع اقتباس
  #4  
قديم 08/02/2007, 01:51 PM
الصورة الرمزية الخاصة بـ قويل الطامة
زعيــم نشيــط
تاريخ التسجيل: 29/09/2006
المكان: دمـشــق الفيــحــآء حاليا ّ & الريآض سآبقا ً ومستقبلا ً
مشاركات: 742
اللــه يعآفي قلبكـ أخوي عبود البطل .. وبالنسبة لسؤالكـ الظاهر إنت سعيد أو فهيم ههههههههههههههههههههه طال عمرك اطلع فوق شوف أول سؤال سألني إياه ,, بين مين ومين قلت الهلال والإتفاق ^_*
اضافة رد مع اقتباس
  #5  
قديم 08/02/2007, 01:53 PM
الصورة الرمزية الخاصة بـ قويل الطامة
زعيــم نشيــط
تاريخ التسجيل: 29/09/2006
المكان: دمـشــق الفيــحــآء حاليا ّ & الريآض سآبقا ً ومستقبلا ً
مشاركات: 742
يسلمووو المـُحيط عــ المرور أرجمهم مع الباب !! يابن الحلآل أقول لك بغيت أرميهم من الطابق الرابع بس ربّك ستر هههههههههه
اضافة رد مع اقتباس
  #6  
قديم 08/02/2007, 01:57 PM
الصورة الرمزية الخاصة بـ [ AbU tUrKi ]
زعيــم نشيــط
تاريخ التسجيل: 08/04/2006
مشاركات: 515
خشيت جو مع القصة

ويمال العافية
اضافة رد مع اقتباس
  #7  
قديم 08/02/2007, 02:01 PM
الصورة الرمزية الخاصة بـ قويل الطامة
زعيــم نشيــط
تاريخ التسجيل: 29/09/2006
المكان: دمـشــق الفيــحــآء حاليا ّ & الريآض سآبقا ً ومستقبلا ً
مشاركات: 742
اللـــه يعآفي قلبكـ أخوي stock ومشكور عــ المرور : )
اضافة رد مع اقتباس
  #8  
قديم 08/02/2007, 02:03 PM
زعيــم فعــال
تاريخ التسجيل: 03/10/2006
مشاركات: 486
لو منك كان ألحين تلقاني في القسم
اضافة رد مع اقتباس
  #9  
قديم 08/02/2007, 02:07 PM
الصورة الرمزية الخاصة بـ !!هلالي الرس!!
زعيــم مميــز
تاريخ التسجيل: 29/12/2006
المكان: الـ عـآصمة
مشاركات: 5,135
هههههههههههههههههههههههههههه
الله يرجك بس
اضافة رد مع اقتباس
  #10  
قديم 08/02/2007, 02:08 PM
زعيــم متواصــل
تاريخ التسجيل: 23/09/2006
المكان: حيث يوجد الزعمــاء
مشاركات: 121
انا لو عندي هالثنين واطالع مباراه الهلال..

اقل اقل اقل شي اسويييه ....

اطلعهم ... بس المشكله مب بييتك ...


مره ثاانيه لا تطالع مباراه مع اي احد احسن لك ...

يعطيك العافيه عالموضوع
اضافة رد مع اقتباس
  #11  
قديم 08/02/2007, 02:17 PM
زعيــم مميــز
تاريخ التسجيل: 30/09/2005
مشاركات: 2,202
ههههههههههههههههههههه

الله يرجك

والله لو اني منك كان مع اقرب شباك :p
اضافة رد مع اقتباس
  #12  
قديم 08/02/2007, 02:18 PM
زعيــم نشيــط
تاريخ التسجيل: 28/09/2005
المكان: هولندا
مشاركات: 538
زيـن ما استـخفيت ..

ههههههههههههههههههههههههه
اضافة رد مع اقتباس
  #13  
قديم 08/02/2007, 02:20 PM
زعيــم فعــال
تاريخ التسجيل: 24/10/2005
مشاركات: 389
هههههههههههههههههههههههههههههههه
اضافة رد مع اقتباس
  #14  
قديم 08/02/2007, 02:28 PM
زعيــم مميــز
تاريخ التسجيل: 22/09/2005
المكان: الرياض
مشاركات: 7,852
ههههههههههههههههههههه
اضافة رد مع اقتباس
  #15  
قديم 08/02/2007, 02:33 PM
الصورة الرمزية الخاصة بـ قويل الطامة
زعيــم نشيــط
تاريخ التسجيل: 29/09/2006
المكان: دمـشــق الفيــحــآء حاليا ّ & الريآض سآبقا ً ومستقبلا ً
مشاركات: 742
يسلمووو أخوي shast عــ المرور
القسم !! بغيت أورح شهااار أول
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:30 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube