|
ولا زال اللاعب ( ياسر الياس ) المظلوم خارج القائمة... لماذا؟؟ لماذا؟؟ السلام عليكم ورحمة الله وبركاته سؤال ماهوب بالجديد ولكن الجديد أن المدرب تغير وتغير معه الجهاز الفني ... طيب معقوله المدرب بيمشي على طريقة المدرب اللي قبله ؟؟؟ ( ما استفدنا شي ) معقوله اللاعبين اللي ماخذوا نصبيهم أو فرصتهم بالمشاركات بيستمرون ولا يلعبون ؟؟؟ ( بعد ما استفدنا شي ) يعني المدرب أتوقع أنه جاي وبنى على التشكيلة القديمه وأشرطة المباريات الزعيم اللي شافها ودرسها مثل ماسمعنا ... ( طيب إلى متى وحنا على هالحالة ما نستفيد من المدرب الجديد بحيث نخليه يختار اللاعبين اللي يستاهلون ومن هنا نعرف أن المدرب صاحي ويعرف اللاعب الزين من الشين ولا نخليه يسرح ويمرح أو يكون عبد مطاع من الإدارة أو عضو شرف وينجبر على هذا اللاعب أو ذاك ) ... طبعا هناك صراحه ناس مظلومين أولهم ( ياسر الياس ) المظلوم المظلوم المظلوم، أنا مدري ليه الأكثرية غير مقتنعين فيه وإن شاء الله يخيب ظني ... سؤالي/ معقوله مقتعنين بـ ( العبدالسلام و العنقري و تركي الصويلح ) و ( ياسر الياس ) موجود ؟؟؟ شي يقهر صراحه مافي ناس غيورين على الزعيم وعلى لاعبيه الموهوبين علشان يدعمهم وينبه المدرب على لاعبين أنظلموا من قبل أو ماخذوا فرصتهم على أقل تقدير مع ( بوسيرو ) ... لكن ما أقول إلا ( العاقل خصيم نفسه )، لأن هناك بالزعيم عقلاء كثير ولكن خاصمين أنفسهم ويمشون على حسب هواهم على حساب مستقبل النادي والاعب ... (( وما أقول إلا يا جمهور الزعيم تذكروا [ ياسر الياس ] أيام باكيتا اللي أخذ فرصة وسد فراغ كنا محتاجين من يسده ))) بالنهاية أتمنى للزعيم التوفيق بالمباريات القادمه أن شاء الله والحفاظ على تصدر ترتيب الدوري ... ولكم مني أطيب واجمل الأمنيات،،، |
وين الردود يا زعماء ؟؟؟ |
أبشر بعودة إن شاء الله رائعة للاعب إذا ستمر في التمارين فلا بد من يوم يثبته أسمه من جديد رغم أنف من أبى |
بيرجع ان شاء الله اذا فرض نفسه بس رأي الشخصي ان مستواه نازل مرررره والعنقري افضل |
يا خوان تقولون مستواه نازل ومدري ايش؟؟ مع احترامي لكم كلام ماله اساس السبب/ الفترة الطويله اللي ( قضاها في اجازة في ملعب النادي ) اكيد بينزل مستواه وبقوة لكن خلوه يشارك مباراة وثنيتن وثلاث واكيد مستواه بيرجع مثل اول واحسن |
تغير المدربون وتغير مدراء الكرة ولم يقتنع أحد بإلياس .... يعني كلهم مايفهمون ... واللي يطالبون بإلياس يفهمون !! ياجماعة .. المدربين يبحثون عن الأفضل لفريقهم .. وسواء اختاروا العبدالسلام أو العنقري أو إلياس ... هم أبخص .. خاصة إن الثلاثي مستواه متقارب .. ومن وجهة نظري أن الأخير أقلهم إمكانيات !! أتمنى أن تنتهي أسطوانة .. إلياس المظلوم .. وما على شاكلتها !! تحياتي ,, |
لاتزعل من اللي ابقوله ياسر الياس مع احترامي له لاعب اقل من عادي والدليل مر العديد من المدربين ولم يقتنعوا به باكيتا بدأ يبلعب بالياس ومن ثم اعاد خالد عزيز للظير هذا دليل عدم اقتناع بعده جاء المدرب كليبر ولم يقتنع به بعده جاء كندينيو لم يقتنع به بعده بسيرو والآن الجديد ولم يقتنع به يعني كل هذه الاجهزة الفنية خاطئه وحنا الصح ياسر الياس من الاساس لم يكن مؤهل للعب للهلال انا معاك ان الصويلح حنا محنا مقتنعين فيه لكن اجمعت الاجهزة الفنية عليه انا اقول بصراحة خالد العنقري والاحتياط عبدالعزيز العبدالسلام وعبدالعزيز المفرج واتمنى تنسيق ياسر الياس او اعارته او بيعه لاحد الفرق لانه ليس بمستوى الطموح البيت الهلالي |
بصراحه ما ضيعنا و ضيع ياسر الياس معنا الا ابو خشم كاندينيو حسبي الله عليه |
إقتباس:
إقتباس:
أخي الغريب أعتقد هذه وجهه نظرك ومو لازم تجبر الناس أنهم يستمعون أو أنك تنهي الموضوع وياللي تقولون مستواه ومستواه وينكم السنوات الماضيه لما كان يلعب ماحد كان يتكلم لا وتمدحونه فأي تناقض تعيشونه ياهؤلاء وبعدين كم مبارة لعبها العنقري علشان تحكم على مستواه مبارياته تعد على الاصابع وفي اثناء طرحك ((خاصة إن الثلاثي مستواه متقارب وبعدين يناقض كلامكم تكملته أن الأخير أقلهم إمكانيات !!)) إقتباس:
إقتباس:
أعتقد أن هذي وجه نظر ونقول مثل كلامنا السابق وينكم من أول ما تنتقدون لو نعد أخطاء العبد السلام العبد السلام يخطي اربع والياس يخطي وحده>>> وتقولون العبد السلام والله حاله ومع هذا انا اقول أن هذه وجهة نطري ولا أجبر احد عليها لكن أين المنطقية في الطرح وترى الناس تثقفت ولا صار يهمه الاشكال او الواسطات او اي اشياء اخرى وأقول لك اخوي الشايطين الزرق بيض الله وجهك وأنا امثل بصراحةو صدق الياس لو أعطي مثل الدوخي من ناحية المهام أعتقد بيكون خليفة الدوخي والرشيد ويذكرنا بأيامهم |
بيرجع ان شاء الله اذا فرض نفسه بس رأي الشخصي ان مستواه نازل مرررره والعنقري افضل كلام سليم 100% |
يا حبيبي ويش اللي خارج ... والله العظيم ما يستحق ارتداء شعار الهلال عبدالسلام أفضل منه بمراحل ... بشهادة محمد العبدالله الفيصل (( واحد نصاب يبي يثبت كلامه )) |
ياسر الياس فعلاً مظلوم ومستواه جيدجداً وخاصة بالنواحي الدفاعيه |
[quote=حبيب روح الزعيم;4681787] (( وما أقول إلا يا جمهور الزعيم تذكروا [ ياسر الياس ] أيام باكيتا اللي أخذ فرصة وسد فراغ كنا محتاجين من يسده ))) والله انك صادق ياسر الياس يحتاج فرصه وبإذن الله راح يبدع |
ياسر الياس مانقول فيه شي بس هي فرص وجت للعبدالسلام فرصه وغير ان تم التعاقد مع العنقري ممكن هذي الاشياء الي خلت ياسر الياس خارج التشكيله بس راح تشوف عودته وبقوه |
ما أقول إلا يا جمهور الزعيم تذكروا ياسر الياس أيام باكيتا اللي أخذ فرصة كامله وسد الفراغ اللي كنا محتاجين من يسده بعد الدوخي ياسر الياس يحتاج ياجاعة الخير فرصه وبإذن الله راح يبدع وسيجدها انشاء الله مع هذا المدرب فقط يجب عليه اثبات الوجود والتوفيق بيد الله . |
| الوقت المعتمد في المنتدى بتوقيت جرينتش +3.
الوقت الان » 09:02 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd