(( الزحف الهلالي الكبير )) من حائل - نادي الهلال السعودي - شبكة الزعيم

زعيم اصيل · #1 04/02/2007, 12:55 AM

بسم الله الرحمن الرحيم

السلام عليكم ورحمة الله وبركاته 000000
جمهور الزعيم في حائل طالبنا سمو الامير / محمد بن فيصل ( أعزه الله ) بأن يفتح لنا المجال بدعم الزعيم عن طريق فتح حساب للنادي بالبنوك 0 ولاكن هذه الطريقة مرفوضة بنظر الإدارة الحكيمة 0 وسمو الامير / محمد 0 يرى مالا نراه 0

((يوم الإربعاء القادم ))
احبائي اهل حائل جمهور الزعيم الحائلي لقد شاهدت في مباراة الهلال والطائي الماضية لوحة مكتوب عليها ( في الرياض او حائل جمهور الهلال هائل ) 0 وهلالنا الان يمر بمرحلة مهمة جداً تتطلب من الجميع الوقفة الصادقة والدعم المطلوب 0 ادعوكم الى (( الزحف الازرق الكبير )) 0000الى الرياض 000

طبعاً بعد اذن أعضاء مجلس الجمهور الهلالي بحائل الذين نبارك لهم هذه الثقة 0 ويستاهلون
------- خطة الانطلاق ---------
اليوم : الإربعاء 0
الزمان : الساعة 10 صباحاً 0 ((( والذي يريد ان يسبقنا يصل بالسلامة إن شاء الله ))) الوعد الملعب00
المكان : امام شركة تويوتا بالصناعية 0
=== الذين ليس معهم سيارة يحضر فقط وان شاء الله سوف يأمن لهم مركب ذهاباً واياباً (( محفولين ومكفولين )) لعيون الهلال ===

(( الا اذا كان اعضاء مجلس الجمهور بحائل لديهم ترتيبات اخرى فأنا اتبع اعضاء المجلس لانهم ادرى وعلى قدر المسئولية إن شاء الله )) 0000000000000000000000000

احبائي ابو سلطان قدم لنا وعلى مدار الثلاث سنوات القادمة كل مايملك ورسم البسمة على شفاهنا وحان الوقت لكي نرد له بعض الدين وحضورنا ان شاء الله يوم الاربعاء وبشكل مكثف يجعل الهيبة والثقة ترجع لزعيمنا الهلالي وزعيمنا ابو سلطان حتى اعضاء الشرف اذا شاهدوا المدرجات زرقاء وليس هناك مكان فارغ سوف يتذكرون هلالهم راعي البطولات بأذن الله 000000000

شعب الهلال في كل المناطق نرجوا ان نرى الزحف الهلالي الكبير من جميع مناطق المملكة بإتجاه النادي الملكي
(( مدرجات إستاد المللك فهد الدولي تناديكم 0 فهي مشتاقة لهتافكم ))) 0000000000000000او ملعب الامير فيصل بالملز والله مادري بالضبط المباراة وين بس الي اعرف انه بالرياض

الى اللقاء 0000000000000000 ودمتم

معزوفة الأنامل · #2 04/02/2007, 12:57 AM

الله يقويكم
وياجمهور الزعيم ترى مافي عذر
اجازة ونهاية اختبارات

مدريدي جداً · #3 04/02/2007, 12:58 AM

ننتظركم في الرياض و توصلون بالسلامة إن شاء الله...

زعــيــ511ــم · #4 04/02/2007, 01:01 AM

ننتظركم في الرياض و توصلون بالسلامة إن شاء الله...

انتبهوا للخط

zi5zo · #5 04/02/2007, 01:04 AM

كفوووووووووووووو والله ياجمهور الزعيم والله يسهل عليكم انشالله بالطريق

وياااااااااااليــــــــــــت جماهير الزعيم فالرياض يقدرون ويحضرون

هل هلالك يالهلال · #6 04/02/2007, 01:16 AM

مشكور اخوي زعيم اصيل والله يستر على اهل حائل وهم اهل الكرم وماهي غريبة

وتلبية لدعوة الهلال نناشد جماهير الزعيم في الدمام تنظيم مثل هذا الزحف ويستاهل الهلال

20 ياسر الجابر 9 · #7 04/02/2007, 01:21 AM

ياجمهوووووووور الكوره في ملعبكم نبي الملز فلللللل

تعال وأسحب معك كل هلااااااالي

الخالدي 911 · #8 04/02/2007, 01:26 AM

زعيم اصيل شرفتنا يا بطل
حايلي ولا هلالي بعد تعال خل اشخفك >> كلمة حايليـــه
بس ياليت تحط ايميلك هنا علشان الشباب يتواصلون معاك
ولا تنسى تنسخ الموضوع بالمنتديات الحايليه
ودربك خضر حبيبي والله يوفق الزعيم

كل مافيني هلالي · #9 04/02/2007, 01:28 AM

ياقلبي عليكم
خبر والله مرررة يفرح
وتوصل بالسلامة

التمياط 999 · #10 04/02/2007, 01:34 AM

مشكور والله ياغلاهم

وان اول الحاضرين من اهل حايل من بعد صلاة العصر محضر

بالملعب

عندي اختبار بالقصيم يوم الخميس والاربعاء بأذن الله بالرياض

والجمعه مايبي لها

كلام بعد رالي حايل ينتضرنا بأذن الله نتوفق بهالرحلات

لا ومعي خمسة ابشركم

مشكووووووووووووورين@

راعدالصوت · #11 04/02/2007, 01:38 AM

ماهي غريبه عليكم يا بعد حيي

رجال مواقف يا اهل حايل

نتمنى تعقيب مجلس الجمهور والتنسيق فيما بينكم

وقوماً تعاونوا ما ظلوا

تحياتي

زعيم اصيل · #12 04/02/2007, 01:44 AM

اخواني الزعماء (( معزوفة الانامل , الهلال المبدع , زعيم 511 , زيزو , هل هلالك يالهلال , ياسر الجابر ، الخـــــــالــــــــدي 911 , كل ما فيني هلالي )) اشكركم على صدق مشاعركم ولا شكر على واجب والوعد ان شاء الله الملعب 0 الخالدي مشكور حبيبي على هالمشاعر الطيبة 0 وبالتوفيق يالتمياط999 بالاختبار وننتظرك 00000000

ياشعب الهلال الملعب يناديكم (( الازمة المادية + حب الهلال + حب ابوسلطان + الصدارة +0000000000000000 ))
كلها تناديكم وعلى قولتهم : ناديكم يناديكم

زعيم اصيل · #13 04/02/2007, 01:45 AM

مشكور راعد الصوت وننتظر تعليمات مجلس الجمهور الهلالي وإلا على الوعد السابق

أمير الظـلام · #14 04/02/2007, 01:51 AM

الله يسهل عليكم طريقكم وتوصلون بالسلامة إن شاء الله ...

اكبر فخر اني هلالي · #15 04/02/2007, 02:02 AM

كفووو والله ..

تعجبني يا بعد حيي انت ..

الله يوفقكم ..وبإذن الله الاربعا ..استاد الملك فهد ..ملتقى الزعماء ..

تحياتي