|
ضاقت بي الدنيا وارض الله وسيعه ولالي بعد الله غير الهلال(اللي عنده واسطه الخطوط )!!!! بســـــــــــ الله الرحمن الرحيم ـــــــــــــــــــــــــم السلام عليكم ورحمة الله وبركاته كيف حالكم جميع ان شاء الله بخير :thumbup: ؛ اما انا حالي لايسر لاعدو ولا صديق قفلت معي الدنيا مدري ليش مع اني كنت مسلكها غير :D :D الشكوى لله عيال الحرام خربوا بينا وقامت تلطمني يمين ويسار؛؛مادري وش فيها حاقده علي من عقب ماحضرت مباراة الهلال والنصر وجيت من ابها خصيصاً للمباراه وسحبت على اختبار البرمجه (حاسب الي) مع انها كانت صعبه الا اني كنت ضامن النجاح لكن ربك ماراد النجاح :cry: :cry: وحملت الماده لكن الله بيعوضني ان شاء الله :yes: في الترم الجاي ؛؛؛الزبده انا ناوي احضر مباراة الاتفاق يوم الاربعاء ودورت على حجز ولقيته مليـــــان وحجزت على العوده وباقي الذهاب وبحاول اطلع انتظار لكن ماظن لان فيه زحمه واحتمال يخاويني ثلاثه من اخوايي:thumbup: :D وكل هذا لعيون الهلال ولعيون ابو سلطان ولعيـــون اعضاء منتدى الزعيم اللي كل يوم يطالبوننا بالحضور وانا مايهون علي طلبهم وجاي ان شاء الله الله لايعوق بشر لكن حبيت اسألأ اذا كان فيه حد عنده واسطه ولايستغل في الخطوط ولا شي:D :D :laugh: يقدر يشوف لنا مقاعد هلاليه تكون زرقاء<<<طرار ويتشرط يكون سوا خير ويراسلني على الخاص وسلامتكم واترككم مع ابيات انفجرت بها قريحتي الشعريه بهذه المناسبه:D :D :::: يادنيا رديه ياللي مالتس امــان @@@دايم تدورين بالناس ماعندتس حميه حميتي للزعيم فيه ربع واعوان @@@ولا لي خلا منهم وحضورنا ماريــه ان كانت البرمجه معانــده الان @@@في الترم الثاني نجيبها للهلال هديه |
طيب يا خي شوف الخطوط الجويه التندحاويه هههههه على فكره يمدحون الكداده ومالكم عذر يثا جمهور خصوصا ان هالاسبوع الجاي اجازه |
اخوي الاربعاء نهاية اختبارات واجازة يوم الاربعاء يازعماء |
تستاهل يارب ماتلقى حجز ,, على فكرة ابيات القصيدة حقتك كأني سامع أحمد الشريف قايلها بشاعر المليون واحد منكم سارق الثاني هع اسمع يا هيثم <<<<<< أما لو اسمك هيثم خخخخخخخ اركد الله يحفظك انا جايكم بالاجازة بأقابلك <<<< نشبة |
اقرب كداد :) |
الله يوفقك وان شاء الله احد الاخوان يساعدك |
الكداد بويديني لاقرب مستشفى هع هع بايع روحي انا |
الكدادة اللي عند محطة النقل الجماعي ,, على فكرة انتبه لعمرك لأنهم احيان يكونون ثلاثة أخويا أو أربعة ,, واذا مسكتوا الخط الله يستر منهم ,, |
الله يسهل عليك وتلقى حجز... |
اقول طقه تشيره |
الله يعينك من جد ......... |
اللـــــــــــــــه كريـــــــــــــــم دورلك كدادة بس لاتشرب معاه شاهي ولا تقول بعدها ان ما في احد نصحك |
اقول اجي اخذك |
النقل الجماعي وتاخذ الرياضية وكم كيس فصفص كلها 12 ساعة وانت بالرياض مالك ومال الطياره يمكن توديك جده بدل الرياض لان منصور البلوي يمكن يسويها |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 10:24 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd