فتح ناصر باب البيت....
وبثوانى..كان حوله خمس زهرات...
ابوى..ابوى..
وماحس الا القبلات..تجي له من كل الجهات..
بناته الحلوات الخمسة ..يحبونه ويعتبرونه اكثر الآباء حنانا في العالم كله.. قال ناصر... " حبيباتى على مهلكم اش صاير فيكم.."
قالت سارة.. "هات عنك يا أطيب أب في الدنيا ...خلنى أشيل الشنطة .."
قال لها ..."لا...لا..يا عفريتة علشان تاخذى كل اللى فيها.."
وضحكوا كلهم..
جاءت الأم على أصواتهم.. "خير يا بنات..شوى شوى على أبوكم .. كيف حالك يا ناصر؟؟ .. تتغدى..الغداء جاهز..."

جلسوا بعد الغداء..
ناصر يحب يشرب الشاهى ..وحوله زهراته..الخمسة..
قالت امهم.."اه منكم احتليتوا كل المكان ..وين اقعد أنا.."
قالت سارة.." تعالى يمه اجلسي مكانى..تفداك عيونى يمه.."
انتفض ناصر.. وقال.." لا..لا..خليك ياسارة..اجلسي أنت وأمك هنا "..وأفسح لهما المكان..

ناصر ما كان يقدر يبعد عن سارة ابنته الحبيبة طول ما هو في البيت..
أول ما يدخل البيت يسال عنها..
ولو راح اي مكان ..كل شوية يتصل..يسال عن البنات ..وعن سارة بالذات..
هل لأنها آخر العنقود؟؟؟
صحيح هو يحب كل بناته...
العنود...البكر الحبيبة..
ومشاعل..الطيبة الهادئة..
والجوهرة اللى كأنها جوهرة حقيقية..
ولولوة..المتفوقة..وحبيبها الكتاب..
لكن سارة غير...غيييييييييييييييييير..

ليه سارة ؟!! .......

رجع بذاكرته..لـ..15 سنة..راحت..
كانت زوجته حصة حامل....
تذكر كيف تخاصموا..اش السبب ما يتذكر..
بس تذكر انه قال لها..
"والله يا حصة..لو جبتى هالمرة بنت..لأطلقك وأتزوج واحدة ثانية..."
تذكر كيف يومها..بكيت حصة..وهى تقول له...
" يا ناصر ما هو ذنبى..ما هو بيدي انه ربنا رزقنا أربع بنات.."
لكن ناصر..قفل الباب بوجهها وتركها تنوح وخرج..

تذكر.... كيف تعبت حصة..وكيف كانت دموعها دايم على خدها..
وكيف كانت تقول له.. “أنا سلمت أمرى لله هو خالقى وهو رازقي.."

وجاء يوم ولادتها...
آه ..ما ينسى هاليوم..
يوم طلعت الطبيبة تبشره وهى تضحك...
" ربنا بعتلك بنت زى البدر...فلئة امر والله...ربنا يخليها لك..وتتربى في عزك.."

تذكر كيف يومها طلع من المستشفى بدون ما يقول لحصة الحمد لله على سلامتك..وبدون ما يشوف ابنته..



ورجعت حصة البيت....حزينة..ومعها طفلتها اللى مالها ذنب إلا أنها بنت..
ومرت الأيام وناصر معاند..لا شاف بنته ول ارضي يسميها..
وفي يوم ما ينساه ناصر...
جاته حصة تبكى ...ناصر البنت كأنها بتموووووت...

في المستشفى..قالوا الأطباء..ان استمرار سارة في الحياة لليوم معجزة..
لأنه في قلبها عيب خلقي كبير وتحتاج عملية..عاجلة..
ولازم السفر لبلاد بره..

لليوم .....
وناصر لما يتذكر هذه الكلمات يشم ريحة المستشفى معاها..ويحس بالم في صدره ..نفس الألم اللى حس به يومها..

وظل ناصر يردد يا رب..ويستغفر ربه..
وسافروا بالبنت على طائرة طبية..بعد معاناة..
وأجريت العملية لسارة..وسط دموع أمها...
ودعوات أبوها...

ما ينسى ناصر يوم شاف سارة بعد العملية بكم يوم..
وأمها ملبستها فستان ابيض..
ظنها ملاك..
ماهى بشر..
من كثر البراءة والجمال العجيب اللى رزقها به الله..
وتعجب كيف دخلت قلبه هالمخلوقة الصغيرة وفرضت نفسها وتربعت على عرش قلبه..
وبكى ناصر يومها من قلبه وأحس بندم كبير..

ومرت الأيام...
وكبرت سارة..وكبر حبها وزاد في قلب أبوها..
حتى صار الكل يناديها..
حقت أبوها...
لكن ناصر..
كان أحيانا يناديها..” ياللى فديت أمك.."
وتسأله ..اش يعنى..هذا الكلام..
فيبتسم لها ويحضنها...




ومرت الايام..
في صباح ذات يوم..
لاحظت حصة أن ناصر..ما هو على عادته..وأنه صار له كم يوم مرتبك..ومشغول ..وبعيد..
قالت له..
"ناصر..خير إن شاء الله..في شي مضايقك.."
قال ناصر..
"لا..والله يا حصة ما فينى شي.."
قالت له.." بس يا ناصر..حالك اليوم ماهو رايق..إذا في أى شي قول لي.."
قال لها ناصر..” بس ياحصة..لاتكبريها وهى صغيرة..ولاتبدى بالنكد .. هالحين .."
وسكتت حصة واوكلت امرها لله..
وارتاح ناصر..
قال.." انا رايح اشوف البنات .."

دخل ناصر غرفة سارة..
لقاها تبكى..
خير ..خير..
سارة ابنته حبيبة قلبه تبكى..ليه ياسارة..؟؟
قالت سارة.." ابوى..لو سألتك سؤال..تجاوبنى عليه..بصدق.."
قال لها .." اسالى ياحبيبة ابوها.."
قالت سارة..
" اليوم صديقتى حنان..قالت لي ..ابوك بيتزوج على امك.."
تفاجأ ناصر..لكنه اخفى مشاعره وابتسم وحضن بنته..وقال لها..
" لا..لاياحبيبتى لاتصدقين هالخرابيط.."
فرحت سارة وحضنت ابوها..وجريت على غرفة امها ..علشان تحضنها بكل قوتها...

ناصر اليوم بيستعد..بكل هدوء علشان لااحد يحس به..
اليوم رح يخطب ابنة صديقه..
وان تم الموضوع..بيصارح حصة والبنات..ويقنعهم..
خرج من غرفته..شاف حصة في الصالة..ولونها متغير..

قال في قلبه..
"الله يستر لاتكون عرفت عن موعدى اليوم.."
قالت له..
" ناصر..البنات تأخروا..
كلمت اختى تقول من نص ساعة طلعوا من عندها..
دقيت لهم جوال ماحد يرد.."
قال ناصر.." شبكة زفت..الواحد شارى الجوال بدون فايدة.."

قبل ..
لايفتح ناصر باب البيت..رن جرس التلفون..
رفع ناصر السماعة..وانقلب وجهه بكل الوان العالم..
وخرجت منه صرخة كتمها..
" اى ..انا ناصر..
احد صار له شي..
طيب ..طيب..مسافة الطريق..





الحزن..يملا..البيت..
ماتت سارة..
صدمتهم سيارة..
ونجا الجميع الا سارة...

حصة..حالتها صعبة..ام وفقدت اصغر بناتها..
البنت اللى فرحت ورضيت بها يوم ربي رزقها اياها..
وناصر..دموعه تنزل غصب عنه..يقولوا له تحمل انت رجّال...
وهو يتالم..زهرته الصغيرة انطفت منها الحياة..
..
مسح ناصر دموع حصة..وقال لها...



ياحصة ..سارة فدتك ..مرتين