اللوحة الالكترونية السحرية هي الحل لأزمة الزعيم المالية (( كلنا أعضاء شرف للزعيم )) - نادي الهلال السعودي - شبكة الزعيم

HKFUPM · #1 03/02/2007, 03:49 PM

اللوحة الالكترونية السحرية هي الحل الوحيد لأزمة الزعيم المالية (( كلنا أعضاء شرف للزعيم ))

السلام عليكم ورحمة الله وبركاته

الاقتراح هو عبارة عن لوحة الكترونية كبيره مشابهه لتلك الموجودة بالملاعب وتكون معروضه عند باب النادي أو أي مكان اخر بحيث يراها الجميع ..
وتكون اللوحة كالتالي :

قائمة الداعمين للزعيم
1 مليون ريال فأكثر / مئة ألف ريال فاكثر / 10 ألاف ريال فأكثر / 100 ريال فأكثر

وتعرض أسماء الداعمين تحت كل قسم خاص بهم .. حسب الدعم المقدم للنادي ويكون ذلك بشكل مستمر .. وكما هو معلوم سيكون هناك زحمه كبيره في قسم 100 ريال فأكثر وسيكون مرور اسمك متأخر نظرا لكثرة الاسماء الموجوده هناك مما يحمس الكثير لزيادة الدعم ونقل اسمه للمراحل المتقدمه من الدعم .. وهكذا
طبعا سيتم إضافة أي دعم جديد للدعم السابق ..
يعني لو شخص دعم النادي بـ خمس مئة ألف ريال بعدين خمس مئة ألف ريال يذهب تلقائيا في اللوحه الكترونيه للداعمين الاكثر من مليون ريال وهكذا

ويستمر عرض الأسماء في اللوحة الالكترونية بشكل دائم ..

(( ملاحظه مهمة )) :

تزويد قناة الزعيم بالاسماء الداعمة للنادي وعرضها في شريط خاص للداعمين للنادي ويكون على سبيل المثال كالتالي :
الداعمين للنادي : HKFUPM مليون ريال , الامير عبدالله بن مساعد مليوني ريال , فلان الفلاني 100 ريال

وهكذا وبإذن الله لن نسمع بعد ذلك أي عجز مالي .. للخزينة الهلاليه

صدقوني الفلوس موجوده بس تحتاج عقول لجلبها .. وكفانا اعتماد على عضو شرف الفلاني وغيره (( نقول لهم ما قصرتوا ))

ولكن من اليوم ومن هذه اللحظه أعلن حملة (( كلنا أعضاء شرف للزعيم ))

أتمنى الموضوع أعجبكم و أرجو إبداء رأيكم .. لأن رأيكم يهمني كثيرا

وشكرا

اسيــــــرالليـــل · #2 03/02/2007, 04:34 PM

ههه فكره حلوه بس هذي اشياء ما تصلح لنا ،،
،،،،،شخص راح يدفع عشر مليون < ويروح يتكبر ويغتار يقول شوفووا اسمي هههههههه
بس فيه افكار اسرع واحسن واحلى

لكن اقولك
ابدعت
قدمت
فشكرا لك

سعد بن ناصر · #3 03/02/2007, 04:35 PM

بصراحه الفكره جيده

واتوقع لو حصل فيها بعض التعديلات وبعض التحفيز لرأت النور

وكل اللي نبيه تسويق للفكره من النادي

وعقبها احنا مستعدين للدفع

شكرا اخوي

MELAN FOREVER · #4 03/02/2007, 04:42 PM

والله الفكره

حلوه

ALZa3eEm 3AmaHoM · #5 03/02/2007, 04:48 PM

فكره حلوه

HKFUPM · #6 03/02/2007, 05:22 PM

شكرا لكم على المرور .. وعلى العموم اذا في رايكم تحتاج تعديلات .. لا مانع من ذلك ( اللي يشوفه قال بتتطبق بكره ))

هههههههههههه اتمنى تقترحون التعديلات اللي تشوفونها مناسبه

HKFUPM · #7 03/02/2007, 05:24 PM

والله يا اسير الليل .. يا ليت واحد يدفع عشره مليون و يغتار ويتكبر .. اهم شي دفع

ما هو احسن من اللي صاير الحين .. ما دفعوا ولا ريال ومالين الدنيا تصريحات وتكبر

خلها على ربك بس .. الله يعين زعيمنا

فرفوري الهلال · #8 03/02/2007, 05:31 PM

والله شف وانا اخوك ترى فكرتك ماهوب شينة لكن حنا بنصير مكشوفين للنوادي الاخرى مثل نادي الفقر من حيث الدعم وبيصيرون زينا من حيث الدعم ويمكن احسن منا وزي ماصار في قناة الهلال يسون قناة الفقر وجوال الهلال وقاموا قلدونا بجوال الفقر وجوال الاتشاد وجوال الـــخ.................... المطلوب خطه سرية بحيث مااحد يشوفنا من الاعلاميين او الصحفيين او النوادي الاخرى .....................................

هلالي جامعه البترول · #9 03/02/2007, 05:31 PM

ولد جامعتنا والله افكارك جهنميه فكره رائعه بس زاحفه بنفس الوقت وش بيصير هبال عن باب النادي

بس تظل فكره مدمره ورائعه

مشكور يالغالي

HKFUPM · #10 03/02/2007, 05:38 PM

مشكورين على المرور

هلالي جامعة البترول .. الافكار كثيره .. حتى لو تبي أفكار مدمره تمشيك في الجامعه زي السلام عليكم
ترى عندي كل شي ... ترى يلقبوني بــ هذاك وش اسمه ..... ((عبقرينو)) ... على العموم بالتوفيق لك بالجامعه