نادي الهلال السعودي - شبكة الزعيم - الموقع الرسمي - أقوى هاكر في العالم مستحيل يسرق منك باسسورداتك إذا سويت هالطريقه(شرح بالصور)

السلام عليكم

موضوعي يتكلم على كيف تحمي نفسك من واحد يرسلك فايروس ليسرق باسسورداتك.

على سبيل المثال واحد كتب موضوع: ( شاهدوا فضيحه الفنانه المعروفه فلانه بالفيديو)

تدخل الموضوع تحمل الملف تلقى شكل الأيقونة مثل أيقونة الفيديو فعلا لكن لما تشغل الملف تتفاجيء أنه فايروس

لسرقه الباسسوردات أنت بمجرد ماتشغل الملف جميع الباسسوردات الي مخزنه في جهازك راح ترسل في أقل من دقيقه

إلى إيميل اللي حط لك الفايروس وراح تجيه الرسايل على ايميله مثل الصور الي تحت:

http://ag16.dk/wow/up/ar/less1.JPG

هذه بريد واحد من الي شغلوا الملف واعتقد انها فعلا فيديو مع انها فايروس وباسسورده مخزن في جهازه

اسم ايميله أنا غطيته بس شوفوا باسسورده ronaldo

مثال آخر:

http://ag16.dk/wow/up/ar/less2.JPG

هذه وحده ثانيه شغلت الملف تحسبه فيديو ماتدري أنه فايروس وشوفوا اسمها وباسوردها في المنتدى

واسمها:soumia
باسوردها:mahdi200

طيب الحين نحن كيف نحمي أنفسنا من مثل هالكلام ويصير حتى لو شغلنا الفايروس عن طريق الخطأ

توصل الرساله فاضيه للي يبي يسرق باسسوردي

عليكم بالآتي:

تروح لInternet Explorer وتضغط زر أيمن مثل الي في الصوره

http://ag16.dk/wow/up/ar/less3.JPG

ثم تضغط على content الي يعادلها بالعربي محتوى على ماأظن

ثم تضغط على AutoComplete الي يعادلها بالعربي اكمال تلقائي

http://ag16.dk/wow/up/ar/less4.JPG

بعد ماتضغط على AutoComplete راح تطلع لك مثل الصوره الي تحت

http://ag16.dk/wow/up/ar/less5.JPG

سوي مثل الي في الصوره بالضبط

الForms الي هي النماذج بكيفك تبي تخليها أو تشيلها أنت حر لأنها مالها دخل بالباسسوردات

بس تحفظ لك الكلمات الي بحثت عنها في قوقل مثلا أول ما تكتب حرف (م) في قوقل يطلع لك جميع الي بحثت عنه

سابقا بحرف الميم إذا شلت علامه الصح منها ماراح تعاني من هالمشكله الي هي يحفظ لك الكلمات الي بحثت عنها

سابقا في قوقل الخ........

أما المهم والي لازم تشيل منه علامه الصح هي ال User names and passwords on forms

لأنها هي الي تخزن الباسسوردات في جهازك وتعرضها للسرقه

وبعد ماتشيل علامه الصح منها وتبي تتأكد 100% أنه خلاص ماعندك ولا باسسورد مخزن في الجهاز

اضغط على زر Clear Passwords مثل الي في الصوره تحت
http://ag16.dk/wow/up/ar/less6.JPG
ثم OK

وكذا أضمن لك 100% أنه محد يسرق باسسورداتك لوتجيب أقوى هاكر في العالم

بس انتبهوا بعض الفايروسات فيها خصائص تسجيل كل مايكتب على الكيبورد مثل برامج

Key logger

حتى لوتلاحظون طريقه ادخال الباسسوردات في مواقع البنوك للأسهم وغيرها يتم عن طريق الماوس لأنها أئمن

وليس عن طريق الكيبورد لأنه الكيبورد ممكن أي واحد يكون زارع في جهازك Key logger ويسجل ماتكتبه.

وفي النهايه أتمنى أن أكون وفقت في الشرح وأن تكونوا فهمتوا الموضوع جيدا

وانصح الجميع ببرامج الحمايه من الفايروسات وأفضل برنامج يؤدي الغرض على أكمل وجه الكاسبر.

وأكيد ممكن أغلبكم يعرف هالطريقه لكن أنا كتبتها للي مايعرفها

والي عنده أي أسأله يتفضل وأنا حاضر.