|
سبب اعـتــزال خالد التيماوي ... نقاط اخرى من حياة ابو فـيــصـل الكروية السلام عليكم استقبل برنامج ليلة الذي يعرض على القناة الرياضية خالد التيماوي اللاعب الخلوق اللاعب الاسطورة وذكر عدة امور مابي اطول عليكم راح اذكرها لكم سبب اعتزال ابو فيصل خالد التيماوي كانت صدمة نفسية وكره بعدها الكورة والصدمة هي كان خالد لاعب في تصفيات كاس العالم اللي قبل 2002 ياهي 98 او 94 نسيت اي عام كان خالد النجم الاول في التصفيات بشهادة جميع الصحف والنقاد بس جت القائمة اللي بتروح كاس العالم لكن بدون خالد التيماوي فانصدم خالد وقرر الاعتزال واكد خالد مقولة ان اي لاعب مو مرتاح وهو يلعب لما يتعرض لظغوط نفسية وشرفية واعلامية وتفكير في الاصابة وتفكير في المستقبل وخوف والكورة مالها امان ذكر خالد ان مرة واحدة في حياته وضع على قائمة التنسيق بالنادي لسبب خلافه مع الامير خالد بن سعد -رحمه الله- لكن ذكر خالد ان اليد الاولى والذراع الايمن لخالد في حياته هو الامير خالد بن سعد-رحمه الله- وكندينيو والخلافات انتهت والله يحلله ويبيحه ذكر خالد مشكلته مع يوسف الثنيان في يوم من الايام وكان خالد لايفرح لهدف يسجله الثنيان والعكس لكن لما عرفوا اساس المشكلة وانها لاتستحق وكان من حل المشكلة صالج النعيمة الرجل الخلوق رجعوا من افضل ماكانوا وعاشوا 8 سنين بعدها احلا الايام ذكر خالد انه كثير الشغب داخل التدريبات ومع اللاعبين وكثير من المدربين اشتكوا منه وقال (هذا طبعي مشاغب) كان من ضمن المتصلين بشار عبدالله وقاله خالد قبل مايتكلم بشار (من وين طلعت انت) وذكر بشار بعض المواقف الطريفة اللي حصلت بينهم وكان ايضا من المتصلين فيصل ابو اثنين وذكر بعض المواقف الطريفة والايام التي لاتنسى مع خالد وايضا الشاعر عبدالعزيز السالم اللي الف قصيدة اعتزال لصالح النعيمة وكل نجوم الهلال اللي اعتزلوا كليبات وصور واهداف عرضت على خالد في الشاشة فما كان منه الا ان مسك الدمعة في عينه ذكر خالد انه قد يغير بعض قناعاته من بعد شوفته للجمهور المحب له ومانساه ويتمنون عودته بـأسرع وقـت وعد خالد التيماوي زيارة نادي الهلال بعد كم اسبوع وكان من المتصلين العضو الهلالي في شبكة الزعيم (الهرم الهلالي) وقال لخالد اوعدنا انك تزورنا بالشبكة قال اوعدك سألة المذيع بدر الفرهود عن مستوى المنتخب قال : باكيتا ضعيف فنيا لكن قدم لنا وجيه شابة تخدمنا بالمستقبل سأله المذيع افضل لاعبين في المنتخب حاليا قال : ياسر القحطاني وسعد الحارثي ومحمد الشلهوب سأله المذيع افضل لاعبي الهلال قال : ياسر والشلهوب سأله المذيع افضل لاعبي الكرة السعودية حاليا قال : ياسر القحطاني بلا منازع وله مستقبل كبير جدا ذكر انه يتوقع العراق وعمان للنهائي والسعودية اذا وصلت للنهائي ماأتوقع تاخذ الكاس البرنامج كان بعد مباراة السعودية والبحرين في خليجي 18 |
البرنامج كان اعادة اليوم الخميس بعد ماانتهت بطولة خليجي 18 عشان محد يقول توك تحط الموضوع |
وعليكم السلام ،، اخوي ياقاهرهم يالهلال سبب الاعتزال اللي ذكرته غير صحيح بسبب بسيط ان اللعب لم يعتزل عام 98 م ولو كان اعتزاله احتجاجا على استبعاده من قائمة المنتخب المشارك عام 98 بفرنسا لكان اعتزل في نفس العام مباشرة ولكن اللاعب خالد التيماوي لم يعتزل الا بنهاية عام 2001 واذكر انه سجل هدف الفوز في آخر بطولة شارك مع الهلال امام الاسماعيلي المصري بجدة وفاز الهلال بسبب هدف خالد التيماوي والبطولة كانت عام 2001 م ،، يعني بعد اربع سنين تقريبا من الاستبعاد من قائمة المنتخب ،، هل من المعقول ان ينصدم بعد اربع سنين ويقرر الاحتجاج بعد اربع سنين ؟؟؟ ،، نعم قرار اسبتعاده من المدرب كارلوس البرتو عام 1998 م كان صدمة للوسط الرياضي وليس للكابتن خالد التيماوي لوحده ولكن هالقرار لم يترتب عليه قرار اعتزال من الكابتن خالد لأن لو كان سبب الاعتزال كان يعتزل عام 1998 وليس عام 2001 ،، قرار الاعتزال قرره الكابتن خالد بعد ما قدم كل مالديه ويشكر على ابداعه وتالقه ولكن كل لاعبين العالم يجيهم يوم يعتزلون عندما يعطون كل مالديهم ويكونون غير قادرين على العطاء بنفس الاداء السابق ،، تحياتي |
الله يذكر أيامك يابو فيصل بالخييييييييير |
لم أشاهد الحلقه للأسف:wallbash: لكن خالد التيماوي سيظل لاعب الوسط الأول في الهلال والمنتخب إعتزاله كان مأساه بالنسبه لجماهير الهلال(تكريم بين شوطين في مباراه عاديه) هكذا جزاء مافعله (الدينيمو) :crybaby: أتخيل خالد التيماوي إذا دندن للهلال فلن يقول سوى تبرى حبيبي مني تبرى أعزي الحال وأشكي واعليه نسى انه تحت فيي تغرى وهني الزاد وكلته بيديه أنوح الليل وسط الجوف حره أرددها وأقول الفين مره ثواب إيدي في هالدنيا رديه خالد إعتزل لن نستطيع إعادة الماضي ولكن قليلا من التكريم والوفاء ياأعضاء المنتدى لهذا المبدع(أين التصاميم عن خالد؟) تحياتي للجميع ولخالد التيماوي على وجه الخصوص (صورتي الرمزيه لن يتم تغييرها أبدا وفاءً لك):thumbup: |
احبيلك ياخالد |
الله يذكرك بالخير ياخالد |
إقتباس:
|
إقتباس:
فقد شارك بعدها في كاس العرب وسجل هدف رائع على الكويت ياليت لو تتاكد من معلوماتك اخوي قبل ماتكتبها |
الله يذكرك بالخير ياخالد |
الله يذكر ايامك يا خالد التيماوي بالخير والله اني مشتاااااق لهالاعب واتمنى انه يمسك اي منصب سواء اداري او فني بالهلال |
اااه وحشتنا يا التيما |
آه يا خالد قالوا ايش قالوا اعتزل بسبب الاصابه .. !! |
إقتباس:
شكلك تسمع مع خشمك انت :p خالد بن سعد ما عمره صار رئيس للهلال وهو شبابي متعصب اللي صار رئيس للهلال اخوه عبدالله بن سعد الله يرحمه |
ابو فيصل انت مارادونا السعوديه |
| الوقت المعتمد في المنتدى بتوقيت جرينتش +3.
الوقت الان » 07:38 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd