بعض العرب في سيرته دنفوس(أهداء
 

السلام عليكم اولاً اهنيكم بشهر الغفران شهر
رمضان شهر القرآن وهذه قصيده تحكي احوال
الشباب وانواعهم العتديده واني ارجو الفائده
منها في هالشهر الكريم

بدينا بالي خلق جنة الفردوس

خلقها وبين في كتابه مراتبها

قريب مجيب يعلم السر والهاجوس

ومن حكمته سير الفلك مع كواكبها

ألـه خلق كل البشر ريس ومريوس

خلقها وفي يوم القيامة يـحـاسـبها

سلامي على هل الدين كسابة الناموس

سلامي عليهم عدد ريعها وبايبهـا

على منهج التوحيد ناخذ عبر ودروس

ما عدا العقيده ما نقصر بواجــبهـا

سلامي على الي لحيته ما جاها الموس

ولا شجع الكورة وصفق لــلا عـــبــهـا

على سنة المعصوم ما طول الملبوس

عبيد جـو للخـيـر والـمـعاصي مجنبهـا

يقرى الكتاب ولا يداني أهل المنكوس

كمل الصفات الحميده من كل جوانـبـهـا

بفعله رفع راسه مع رافعين الروس

تقدم على كسب المعاني الحميدة وفاز بها

ترى راعي الطاعة ذي عاداته الناموس

على طتاعة الـمـعـبـود نفـسـه مدربــهـا

انا أشوف بعض الناس في سيرته دنفوس

حـريمة مع الـسـواق دايــم يـدوج بـهـا

يشـري له الموتر وسـواقـه الهندوس

ولا تيـسـألـه لا راح مـتى يعـود بـــهــا

وفي منزله خدامة تعبد الجاموس

تربي وراعـينـه عـلى تـخـبـث مـذهـبـهـا

وفي البيت تلفاز عليه الجميع جلوس

على شاشته كل المعاصي يجيك بــــهـــا

ترى النوع الآخر بالمكاسب ضعاف نفوس

مـشـو بالـربا مـا حـسـبـوا في مصايبها

شباب على درب الردى يدفعون فلوس

شرى غرشـة الوسـكي علشــان يــشـربــهـا

وأليا بغى يسهر قال حبة ام القوس

أحبـوب خـطـيـره والـمـراجل تــخـربـهـا

عيال الحمايل جو عقب الحبوب تيوس

وكم واحد باع الشرف من ســبــايــبــهـا

خذا العز من راسه برجله يدوسه دوس

جـمـيـع الـمـصـايـب ما يـحـسـب عواقـبها

علامت شرابه للزقاير سواد ضروس

عـلى فـرتـه حـط الـنـجـاسـه وجـاك بـهـا

صلاة ربي عد ما ذعذع النسـنوس

عـلى المـصـطـفـى المـخـتـار منشي سحايبها

ـ من شريط وسم لم يذكر قايلهاـــــ