هذي مجموعة خواطر تدور في ذهني عن الهلال ....


# هل يحقق الزعيم بطولة كأس خادم الحرمين الشريفين هذا الموسم ،، والله اتمنى من كل قلبي لأنها بطولة غالية بالمرة صار لنا كذا موسم عنها ،، أتمنى من كل قلبي التركيز على هذي البطولة.

# من وجهة نظري ان المدافع الشاب فهد المفرج افضل من يتواجد بجانب الجنرال الشريدة ،، بصراحة اطمئن لوجود فهد في الدفاع ،،تحس انه لما يلعب ذهنه صافي وهادئ وهذي الاخيرة اهم عنصر لازم يتوافر في المدافعين ( يأتي بعده خليل وبعدين سليمان ) .

# ليه ما تستغل ادارة الهلال انتهاء عقد الخوجلي بخطفه للزعيم ،، والله يستاهل يكون احتياط للدعيع وبكذا نطمئن في حالة غياب الدعيع لأي سبب كان .

# حسن العتيبي يخوف ،، كنت اقول انه حارس واعد بس بصراحة مستواه من جرف لدحديرة ،تمنيت لو ان الامير بندر بن محمد خلاه يروح للنصر .

# وش قصة أرثر جورج مع النهائيات ، اتمنى مع اول بطولة للزعيم نشيل هالخزعبلات من روسنا،، بس عجل يا ارثر ببطولة وريحنا .

# وين عضو الشرف الفعال خالد بن الوليد ؟؟؟؟ ،، اتمنى ما يكون وجود الامير سعود بن تركي سبب في ابتعاده ،، ترى مالنا غنى عن أي عضو شرف .

# غريب امر الهلال مع الفرق الصغيرة ( الشعلة تشرين ... ) اتمنى ينتبه المصيبيح لهالموضوع ،، اخاف يجي علينا وقت نقول "لو فاز الفريق الفلاني بنتيجة كذا يكبر املنا في المربع .

# الحاقا للنقطة السابقة ترى الفرق الكبار ثلاثة ، هذا اذا كانت كبار ،، وبحسبة بسيطة لو فزنا عليها كلها في الدورين تراها 18 نقطةبس ،، والمربع يبيله نقاط اضعاف هالرقم ،، يعني الفوز على الفرق الصغيرة هو اللي يأكل عيش .

# وحشتنا يالثنيان ،، والله العظيم وحشتنا يا القائد .

# وش يصير يعني لو يجيب الهلال العنزي بدل ادميلسون ،، افضل الف مرة ،، خصوصا ان الهلال من اقل الفرق تهديفا بالراس ، وافضل الفرق رفعا للكرات ،، يعني لو اعتمدنا بعد الله على راس زي العنزي ما في اي شك ان رصيد الاهداف بيزداد زيادة مرعبة ،، خصوصا وان الهلال افضل فريق اسيوي يعرف كيف ومتى يصل للمرمى .

# الله لا يوفقك يا بيتر فليمبان بحق هذا الشهر الفضيل .

# ما نبي الهلال يتخلف عن اي بطولة للصداقة الدولية ،، تراها زينة وتزيد الغلة لنا والعلة على قلوب البعض .

# اقول وش اخبار التوأمة؟؟؟!!!

# نبي الهلال يكون دايم راعي الاولة والتالية ،، كرمنا ناصر الجوهر وكنا اول من تبرع بدخل المباريات لأفغانستان ،، ونبي دايم نستمر على هالنمط بحيث نكسب ود الجميع ،، والعلاقات تنفع في الازمات ،، مو مثل بعض الناس يوم طاح كثرت سكاكينه ،، نبي الناس يذكرونا بالخير ويدعولنا في الفرج والضيق ،، ما نبي نهضم حق احد ولا نبي نظلم احد ،، ترى دعوة المظلوم ما دونها ودون ربي حجاب ،، وشوفوا دعوة المظلوم .... عفوا ... المظاليم وش سوت بغيرنا .


# مرة ثانية ،، اقسم بالله انك وحشتنا يا يوسف .

# بعد كم يوم بنحتفل بمرور عام على شبكتنا الغالية ،، عقبال مئة سنة يا اروع شبكة .



مبروك عليكم الشهر الفضيل وتقبل الله صيامكم وقيامكم .

بصراحة كل نقطة سالفة لوحدها

لكن انا اعارضك في مسألة فهد المفرج صح ان ممتاز وحماسي بس ما يقارن ابد باحسن مدافع في السعودية عبدالله سليمان فارق خبرة كبير جد

اول شي مبارك عليك الشهر الفضيل . ثاني شي انا مع سوهارتو و ان كان الأسم لك عليه عبدالله سليمان افضل في الوقت الحالي اما بطولة خادم الحرمين فباذن الله للزعيم و لا غير

نقاط مميزه ،، وكل نقطه يبيلها موضوع خاص للحديث عنها ...

الخوجلي ليس الهلال بحاجه له ... الدعيع متى سوف يغيب ؟ في مباريات الدوري ... ولكن سوف يشارك بإذن الله في المباريات الهامه كالمربع الذهبي والمباريات الخارجيه ..

المفرج مدافع متحمس وممـتاز وله مستقبل كبير لكن يظل عبدالله سليمان لاعب كبير وله اهميته في خط الدفـاع ..
نقول فهد احتياطي ممتاز ..

وننتظر رجـوع ابويعقوب للملاعب الرياضيه بأسـرع وقت ..

تحياتي لك

اول شي السلام عليكم

انا ودي اقولك يالغالي صحيح ان فهد المفرج مدافع ممتاز وحماسي


بس بصراحه لا يمكن مقارنته بالمدافع عبدالله سليمان ولا احمد خليل


وبعدين فهد المفرج توه المستقبل امامه وانشالله في المستقبل يكون نجم الدفاع
الهلالي والسعودي

والثنيان اه اه اه اه اه اه اه اه على الثنيان


والله والله والله والله والله والله اشتقنـــــــــــــــالك موت

يعطيك العافيه اخوي..
بالنسبه للخوجلي الهلال في غني عنه مليون مره...وعلى فكره احمد ضاري احسن منه بكثيييييير بس ما أخذ فرصته.
اما المفرج مع احترامي (لا يقارن ) مع عبدالله سليمان او احمد خليل.
وانا معك في ما يخص بطولة الدوري صار لنا زمن ماذقنا طعم هالبطوله لكن العيب
مو فينا..العيب في (بعض المسؤولين)اللي وظيفتهم حرمان الهلال من البطولات.