31/01/2007, 02:37 PM
|
| زعيــم متواصــل | | تاريخ التسجيل: 18/12/2006
مشاركات: 146
| |
وش فيكم على الأحساء ياناس ؟؟
السلام عليكم ورحمة الله وبركاته ..
كيف حالكم كلكم ان شاء الله بخير ؟؟؟
طبعا أنا عضوة جديدة .. وهذي أول مشاركة لي .. وأول موضوع ..
لكني أعرف الأعضاء كلهم تقريبا لأني من زمان أقرأ في المنتدى خصوصا العام ..
ومنتدى الرياضة العالمية .. وأنا من محبي المواضيع الطويلة مثل الهنوف >>أمزح:p
اللي عجبني بمنتدى الزعيم أن الأعضاء والعضوات أغلبهم خيريين ودينيين من خلال
الردود ..
أعرفكم بنفسي ..
الإسم : فرانشيسكا نسبة إلى فرانشيسكو توتي .. أشجع روما وبعنف .. وأكره ماعلي بهالدنيا طاري الإنتر >> لاتزعلون يالإنتراوية . أنا من الأحساء .. وهذا أساس مو ضوعي .. يمكن تحسونه موضوع سخيف بس من جد من زمان نفسي أكتبه .. أنا أفتخر أني حساوية .. وأحب الأحساء وأموت بترابها ..يكفي بساطة ناسها .. يعني لو ألف المملكة كلها ماألقى مثل أهلها .. فيهم طيبة .. مو طبيعية .. لكن اللي يرفع ضغطي أن مافي إهتمام بالأحساء أبدا أبدا .. غير أن كثير من الناس ماخذين عنها فكرة خطأ .. يعني أنا ماأجي الرياض إلا للأسواق وأحيانا نودي أخواني الصغار الملاهي الخيمة وستار سيتي والحكير لاند .. العبرة . أنه من أروح أشوف وحدة تقول لي : أنتي من وين ؟؟ أقول من الأحساء تقول : لا أتحداتس  . أقول ليه ؟؟ تقول لا مو كلام حساوية .. الحساوية قراوى ورفضة .. شرشحتها .. ووحدة تقول : وش عندكم بالحسا مابوه شي فيهاغير التمر والنخيل والمزارع .. الأحساء هي اللي كان فيها العلم والعلماء من زمان .. الأحساء فيها أكبر حقل بترول بالعالم (الغوار)وش عدل الرياض غير خير الأحساء .. ولاتزعلون مني بس من القهر . من أروح الملاهي لازم أتهاوش .مع وحدة ..
لا واللي يرفع ضغطي أكثر لما تلقى ناس أصلهم من الأحساء بس ساكنين بالخبر ولا
بالرياض .. خلاص تتبرى من أصلها .. لاوع أنا مو حساوية .. رضت ولا مارضت
هي بنت الأحساء ..
وأسخف شي أن الواحد يتنكر لأصله ..اللي يعجبني بغازي القصيبي على الرغم
من اختلافي مع توجهاته الفكرية أنه يفتخر أنه من الأحساء ويعترف بهالشي .. يكفيني فخر أن الشيخ محمد العريفي لما جاء قال أن أثبتت إحصائية عملها على مدن
المملكة أثبتت أن الأحساء أخذت المركز الأول في إلتزام بناتها بالحجاب العباة السنعة سؤالي .. ليه الأغلبية من نجد خصوصا .. ينظرون للأحساء على أنها كلها شيعة وأن لهجتنا مثل مايصورها بعض ممثلين طاش ماطاش . وهي عكس كذا . هذي لهجة الشيعة عندنا .. اللي خربوا الأحساء وكرهوا الناس فيها .. ويظنون أن الحساويين ناس مو راقين .. كأنهم من كوكب ثاني ..هذا بصراحة من خلال زياراتي المتكررة للرياض ... خل سوون عندنا الفيصلية والمملكة بالأحساء .. والله كان ماعاد أجي للرياض >> الله يقطع السوق بس . ولاتزعلون علي . بس والله من حر مافيني .. تحياتي لكم .. وآسفة أن الموضوع طويل
ومو منظم .. ويمكن ماله داعي .. |
الوضع الشجري
