باب ماجاء في الخنفشار ..!! - صفحة رقم 3 - نادي الهلال السعودي - شبكة الزعيم

الهلالي دائماً · #31 01/02/2007, 06:30 PM

^^فرانشيسكا ^^

هلا وغلا بـ فرانشيسكا

ماشاء الله نورت موضوع الخنفشاريين

على فكرة لايكون حاولت تلمسين خشمك بلسانك خخخخخ

اختي بنت الاحساء ذات الميول الرومانية خخخخخخخخخخخ اقصد روما ..

من جد اهل العقول في راحة والله يكافينا شر الخنفشاريين

شكرا لك مشاركتك الرائعة وتواجد الجميل ..
دمت بخير وعافية ,,,

^^ هلالية سنعة ^^

هلا وغلا بالمبدعة هلالية سنعة

والله الرياض ها اليوميين جو خيالي

ومثل ما قلت مع الامطار الواحد لازم ينته والله اليوم اسوق السيارة كني بنقالي
لازق في الدركسون ومبقق عيوني خخخخخخخخخخخخ

وعلى فكرة ترا الخنفشار والفيشار عيال عم ;)
اما احب كوعي الله صعبة >> ما حاول ابد خخخخ

شكرا تواجد الرائعة اختي هلالية سنعة ..
والله يعطيك العافية ’’’

سلااااااااااااااام

الهنوووف · #32 01/02/2007, 11:48 PM

هلا ماجدنا

ياكثر هالنوعية عندنا ماعاد نفرق بين الصدق والمزح والكذب

ذكرتني في نفسي هاليومين

من قريت موضوعك صرت خنفشارية:p

لا تصدقون عاد وش يفكنا من لسان البعض ;)

بقولك خنفشاريتي :p
بما ان بنت عمتي الله يوفقها بتتزوج

المهم ابحث عن موديل لفسطان (فستان :p )
مير ماعندك موديل

المهم اسال البنوتات الزعيمات الي معاي
اقول عندكم موديل فستان يقولون ليه
ملاقيف عاد :p
احط لهم صورة وجه مستحي

يقولون بتتزوجين
ايضا وجه مستحي

بعدين قلت هذي سنة الحياة يابنتي
الي قال لي شكلك غلط

توك صغيره كانهم شايفيني ;) :p
والي يسال مين قريب والا بعيد الرجال :p مدري وش الفايده من هالسؤال

عاد بالنهايه قلت تراه مقلب بشوف رده فعلكم هذي لقافتهم هي الي خلتني خنفشاريه

بس بيني وبينك احيانا اللقافه والغباء تخلي الواحد خنفشاري في ناس على نياتهم
امثالي

:p نصدق بسرعه يعني >>>مو كل شي كل شي

بس اكره الخنفشارين والله

ماحب الي يسوي لي مقلب او يكذب علي
ياخي وش الفايدة من هالخرابيط

اكرهكم ياخنفشارين

الحمد لله على سلامتكـ نمــر وماتشوف شر والله يكفينا شر الحوادث ويحفظكم يارب

ماجد مقبل
عاد انتبهو ترى ماجد اكبر خنفشاري >>>>اشاعه ترى

الله يحفظكـ خيوو
لاعدمنا اطلالتكـ المميزة

الهنووف

كانت

هنا

ورحلت

ابوندى الهلالي · #33 02/02/2007, 12:41 AM

إقتباس


	إلا يتفلسف بوه

ياهوووه ارحمنا يارجال

احرجتنا

إقتباس


	( نــ15 ــمر )نجاحه هذا الفصل وعلمت انه حدث له حادث سير كدر صفو إجازته ..

مايشوف شر ان شاء الله ويقوم بالسلامة ان شاء الله
ومبروك انه نجح

رعبوبة الزعيم · #34 02/02/2007, 02:39 AM

هلا والله بالخـــنفشاري ماجد

<<لاتصدق

والله جــد هالخنفشـاريين يقهرون احيان تجيــك سالفه
تتحمس لها وتتأثر فيها آخر شــي يطلع مقلب

مثـــل ناس الله يصلحهم يقولون ماسمعتي آخر خبر ..اقوول شنو..
واتحمس خبرك حريم

وآخر شي يطلع الخبر مثلا يعني ((بكره السبت))
بالله وش ودك تسوي للي قالك كذا بس ماباليد حيله

ولا سالفه طويله وقصه تحمس وبالأخير مقلب:p
انا مثل هنووو اكره الخنفشاريين
ثاانكس ماجد وسعت صدورنا بعد نكد الطبخه اللي سويناها
بالاختبارات

الحمد لله ع السلااامه متعــــب..

ودي..

سندريلا الهلال · #35 02/02/2007, 03:23 AM

اولا .. الحمد للة على سلامة العضو نمـ15ـر.. والله يتمم عليه فرحته بنجاحه وسلامتة ان شاء الله ..

دايم اسمع بالخنفشاريه .. والله انها مهب سهلة لها تاريخ وتأسيس ماشاء الله ..

الله يعطيك ألف عافية .. ماجد مقبل ..

الماسه الزرقاء · #36 02/02/2007, 05:23 AM

ممارسة رياضة الركمجة شي خيالي , <<< إن كان هذا اسمها الصحيح
خصوصا لما يجي الموج فوقك وتحتك وجنبك وانت داخل الموجة وعلى اللوح ,
ادري شطحت خارج الموضوع

بس وش اسوي وقت ما فتحت الرد
شدني ثلاثة اصدقاء في التلفزيون يركبون الموج ,و كان ارتفاعه فوق 4 متر ,

بصراحة احسه شي ممتع , مدري ليه تذكرت جدة والموجة أم نص متر بعدين مترإلي تطيحنا

<< الجد مدري كم ارتفاعها
بس طبعاً ما ركبنا فوق لوح بس واقفين ونصارخ إذا طحنا

ياليتني اعرف اتزحلق على الموج

^
^
^
ما كأن السالفة خنفشارية ؟!!

ماجد مقبل .. كعادتك مواضيع رائعة وممتعة وخفيفة وشيقة , ما إن نبدأ القراءة حتى نجد انفسنا في نهاية الموضوع ,
قصة الخنفشاريين سبق وسمعتها ولكن حتى حدود اليمن , وما بعد ذلك ممّا شمل البقر لم أسمعها إلا منك

إقتباس


	في المنام الأبيات التالية: سيـدي مِـلْ بعنانـي نحو باب الأصبهانـي إن بالبـاب.. أتـانـاً فضَلت .... كلًّ أتان تيمتنـي يـوم رحنـا بثناياهـا.... الحسان و بغنـج …ٍ و دلال ٍشل جسمي و برانـي فلها خـد ٌ... أسيـلٌ ** مثلُ خـدِ ( الشيفـران ) فقال له أصدقاؤه و ما) الشيفران ) !! يا أبا معاذ ؟ فأجابهم: هذا من غريب الحمير ، فإذا لقيتم حمارا فاسألوه.. !!

يبدو أن الحمار يحتل مكانة كبيرة لدى من سبقونا بعكس جيلنا فقبل بشار بن برد كان هنالك
الزير سالم , والذي انتقم لحماره الذي اكله السبع بأن قتل بضع وسبعين منها

والحمدالله على سلامة النمر , وألف الف مبروووك النجاح , وشكراً ماجد ,

افتخر بالزعيم · #37 02/02/2007, 06:54 PM

افاااااااا اجل هذه الخنفشارية :p

على بالي لها معنى ثاني ...

موضوع رائع ومميز اخوي ماجد..

الله يعطيك العافية

جراح الهلالي · #38 02/02/2007, 10:18 PM

لله عليك ياخوي كنت داخل وضايق خلقي بس يوم شفت الخنفشاري

دايم تتحفنا بمواضيعك

واحلى شي

إقتباس


	>>> انتبه لا تحاول تلمس انفك بطرف لسانك أيه القارئ العزيز خخخخخخخخخخ

ساقي الـعُطـور · #39 02/02/2007, 10:42 PM

السلام عليكم ورحمة الله وبركاته

أهلا فيك أخي الكريم

أضحك الله سنك وجعل السعادة في الدنيا والاخرة ظلك

كم هي جميله ومضحكة نوادر العرب جميلاً أن أجدها هنا والاجمل أن تجدها من عضوا في قمة التميز

وقد ذكرتني بقصة خنفشار من أحد الدول العربية أنشاء شركة وسماها " شركة الله ورسوله " صلوات الله عليه وسلم

وفتح باب المساهمة وكان الجهل سائداً في هذه الدولة فتدافع عليه الناس وجمع المال وهرب.

والحمد الله على سلامة أخاً "نمر 15" و دمت في حفظ الله ورعايته .

أخوك
رحـــــــــيل الحـــــال

عسيريه · #40 04/02/2007, 11:18 AM

ياسلام عليك يالخنفشاري <--بدينا بالغلط:p

بالنسبه للخنفشار والله العظيم على بالي انها مدحه

وانا ما بقيت احد إلا وقلت له خنفشاري وأولهم أنــت
حتى دايم أروح عند أمي وأقول لها يايمه عندي لك فكره خنفشاريه;)

موضوعك يفرفش وويخلي الواحد يستانس مع ان الوناسه مالها مكان بقلوبنا هالأيام

والحمد لله على سلامة متعب وطهوور ان شالله

يعطيك العافيه يابن مقبل

مع التحيه

الهلالي دائماً · #41 04/02/2007, 04:21 PM

ياهلا وغلا ومرحبا ....

^^ الهنوووف ^^

هلا وغلا بالمبدعة الهنووف ..
وحياك الله في قائمة الخنفشاريين الجدد

من جد عليك خنفشه ماهي بسهلة خخخخخخخخ
والله معلومة جديدة أجل الفساتين لها موديلات
عسى موديل 2007 طلع هههههههههههه

والله الرجال مساكين وشوما سوا الثوب هو الثوب
ما يقدرون يتفلفسون ويتميدلون :p
اذا خربها لبس جنز هههههههههههه
بس بصراحة احس كذا اصرف واحسن وبلاش وجع راس

وترا الدنيا ما تمشي من دون خنفشه يعني خنفشي على خفيف

وتقبلي بعض الخنفشات بصدر رحب

الهنوووف تواجدك ضروري لانه هو خنفشة الموضوع

شكرا لك ووفقك الله ورعاك ..
دمت بخير وعافية ,,,

^^ ابو ندى الهلال ^^

هلا وغلا بـ الغلا ابو ندى الهلالي ..

خخخخخخخخخخخخخخخخخخخخخ
الله يرج ابلسيك ياشيخ ..

وبعدين ترا ها الكلمة يابو ندى متعوب عليها
وما جات من فراغ >> يسمع بـ ما جات من فراغ ;)
شكرا لك اخي الغالي تواجدك الرائع ..
دمت بخير وعافية ,,,

^^ رعبوبة الزعيم ^^

هلا وغلا بالمبدعة رعبوبة ...
اللحين تراك المذاكرة والدراسة وجاية تتخفشرين علينا

دنت خنفشارية انما اييييييييه ;)
الا من جد رعبوبة ما سمعت أخر خبر ...
^
^
^
^
^
عصفورانتحر خخخخخخخخخخخخخخخخ

عاد هذي دايم نسمعها بس ما يحطون عصفور يحطون شي ثاني ;)
وبعدين مايصير تكرهون الخنفشاريين لانكم كذا تكرهون اكثر من نص العالم
رعبوبة تواجد جميل ورائع حفظك الله ووفقك ..
دمت بخير وعافية ,,,

^^ سندريلا الهلال ^^

اهلا بالمبدعة الرائعة سندريلا ..
ايييه انت شفت جاجة >>> الاخ خنفشاري

سبحان الله اكثر الاشياء يكون لها قصة اساسية
ولكن ربما نحن لانعرفها وهذي هي الحياة ..
شكرا لتواجدك الرائع اختي سندريلا
والله يحفظك ويرعاك ,,,

^^ الماسة الزرقاء ^^

هلا وغلا بالمبدعة المتميزة الماسة الزرقاء ...
اعتقد يا الماسة انك تجاوزت مرحلة الخنفشارية بكثير
في هذه القصة حتى وصلت الى درجة الركمجية ...

وهي درجة تفوق الخنفشارية بكثير حتى ان صاحبها يتزحلق على الموج خخخخ

اما بالنسبة لتكملة القصة فقد أستخرجتها من بطون كتب التاريخ
وبعد عناء وبحث وسفرفي طلب العلم ;)
>>> هذي هي الخنفشه على أصولها

أعتقد اخيتي ان سبب مكانة الحمار في الماضي أن الحمير كاوا قلة :p
بعكس هذا الزمن

خخخخخخخخخخخخخخ

تواجد خنفشاري بكل ما تحويه هذي الكلمة اخيتي الماسة ...
شكرا لك ودمت بخير وعافية ,,,

~~~~~~~~~~~~~~~~~~~~~~~~~~~~~~~

لي عودة لباقي الحبايب :p

الهلالي دائماً · #42 04/02/2007, 11:01 PM

السلام عليكم ورحمة الله وبركاته ,,,

^^ افتخر بالزعيم ^^

هلا وغلا بالغالي ..
افتخر بالزعيم الهلالي

تكفى لاتخليني لحالي >>> ماسكة شعر خخخخ

هي هذي الخنفشارية بشحمها ولحمها وخنفشتها
وانت المتميز اخوي افتخر بالزعيم

ومشكور تواجد الرائع ..
دمت بحفظ الله ورعايته ,,,

^^ جراح الهلالي ^^

هلا وغلا بأحلى جراح في الدنيا

إنشاء الله ها البسمة دوم اخوي جراح
واما من ناحية لمس الخشم بلسان فياليت تحط
على خشمك كاتشب عشان الطعم خخخخخخ

شكرا لك أخي الحبيب جراح
ودمت بخير وعافية ,,,

^^ رحيل الحال ^^

هلا اخوي الغالي هلالي من العوالي ..;)
>>> ماسك على ها الاسم يبي يتصفق

اخوي الحبيب رحيل الحال مشكوركلماتك الجميلة
واما الخنفشاري الكبير صاحب شركة الله ورسوله
فهو مثل صاحبنا لقى ناس بقر ولعب عليهم ..
تواجد رائع من اخ عزيز وغالي ...
دمت بحفظ الله ورعايته ,,,

^^ عسيرية مصرقعة ^^

هلا وغلا بالمبدعة .. عسيرية مصرقعة ..
انا حاس ان لقب الخنفشاري بيلصق فيني
الله يستر بس خخخخخخخ

لكن مهي بشينة اسوى نك ثاني في الزعيم
باسم الخنفشاري وخلييه للصرقعة هههه

وبعدين ترى خنفشاري تجي مدحه فلا اوصيك
عليك بالافكار الخنفشاري تقوليها للوالدة الله يحفظها ;)
شكرلك اختي المصرقعة تخنفشرك معنا ..
ودمت بحفظ الله ورعايته ,,,

~~~~~~~~~~~~~~~~~~~~~~~~~~~~~~~~

قسم بالله من الخنفشة اللي تخنفشتها في ذا الموضوع
صارت حياتي خنفشارية خخخخخخ

والله شوي يطردوني من الوظيفة ماغير مبقق عيوني
على الكمبيوتر وكل من شافني ذب كلمة ..
المشكلة هي الردود قسم بالله انها اصعب من الموضوع
لا وياشينها اذا امسحت بالغط حينها الواحد يكره نفسه

قفلة ؟؟ @
أصبحت لهواً لراعي الضأن أعجبه ** ماذا يريبك مني راعي الضان
أنعق بضأنك إني قد فقدتهمو ** بيض الوجوه بني عمي وإخواني

دمتم بخير احبتي ,,,

كان هنا · #43 06/02/2007, 11:15 AM

افا يابو مقبل طلعت خنفشاري

...خذ هالنكتة

مشابهة لسالفتك)
كان العتابي يأكل خبزاً على الطريق بباب الشام فقال له أحد أصحابه :ويحك ! أما تستحي ؟ فقال أرأيت لو كنا في دار فيها بقر كنت تستحيي وتحتشم أن تأكل وهي تراك ؟! فقال : قال :فاصبر حتى أعلمك أنهم بقر . فقام ووعظ وقص ودعا حتى كثر الزحام عليه , ثم قال لهم : روى لنا غير واحد أنه من بلغ لسانه أرنبة أنفه لم يدخل النار فما بقي واحد إلا وأخرج لسانه يومئ به نحو أرنبة أنفه ويقدره حتى يبلغها أم لا ! فلما تفرقوا قال له العتابي : ألم أخبرك أنهم بقر ؟!

_____________________________

من باب الفكاهة لا أكثر ....

وترا ما أقصد أنك تسذوب

لكن قد يكون هناك تشابه بالسوالف ....:p

~SaKaB · #44 06/02/2007, 11:50 AM

كالعادة مواضيعك رائعة..

لا جديد أضيفه سوى أن لدي معلومة عن الخنفشاري بشار بن برد

أنه كان أعمى واسمه بشار بن برد بن يرجوخ

<<<< جده مو سعودي

لكن لديه قصائد من عيون الشعر العربي

منها قصيدته المشهورة في الأصدقاء و وصف أحدى المعارك بخيال واسع <<<<<<< هذا وهو أعمى

يقول في مطلعها:

إذا كنت في كل الأمور معاتباً ... صديقك لم تلق الذي لا تعاتبه

إلى أن يقول :
وجيش كجنح الليل يزحف بالحصى... وبالشوك والخطي حمر ثعالبه
مشينا له والشمس في خدر أمها.... تطالعنا والطل لم يجر ذائبه <<<<<< كيف صور الشمس وهو أعمى ؟

88888888
88888
888
88
8

هذا مداخلة خارج الموضوع

المهم الخنفشاريه كثير وكل ماجا إلا وهم يكثرون بزيادة لا تصيرون منهم ;)

كفاية مع السلامة

السكب

عاشقه الهلال موت · #45 06/02/2007, 11:57 AM

يعطيك العافيه ما قصرت