قــــــــــمر وشمـــس .. والطـــــــبخة ..!!! - نادي الهلال السعودي - شبكة الزعيم

سندريلا الهلال · #1 30/01/2007, 06:45 AM

بسم الله الرحمن الرحيم ..

مقدمتي راح تكون لحوار ألفتة بنفسي.. لأصل ما أريد ايصاله اليكم ..

الحــوار بين قريبتين ..!!

الأسماء ..(( قمــر وشمــس ))

ــــــــــــــــــ

قمـــر ::

تصدقين ياشمس طبخت اليوم أكلة حلوة تجنن الكل أنهبل على طبختي وانا مبسووطة بصراحة لان طبخي لذيذ ..

شمـس::

قمر تراهم يقولون ماد ح نفسه يبغى له رفسة .. ومن يشهد للعروسة الا امها .. يعني لا تقعدين تقولين طبخي حلو ونَفسي زين ترى هذا غرور عااد بكره وش يسلمك من ألسنة اللي حولك ..

قمــر ..

بالعكس ياشمس اللي سويته لاهور غرور ولا هو ثقه زايده .. شيء حبيته طبيعي اتقنه والطبخ شيء من هواياتي ويعتبر في الاخير موهبة الكل يعرف يطبخ لكن مو شرط الكل يكون متقن وبارع .

.

شمس ::

اقول لاتاخذين مقلب في روحك وتعودي ماتمدحين نفسك ترى هذا شيء مهب زين ان مدحوك الناس كان بها اما تقعدين تقولين طبخي حلو لا حركه مهب حلوة منك ..

ــــــــــــــــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــ
ـــــــــــــــــــــــــــ

انتهــى حــوار قــــــمر وشمــس ..

اللي صار بين قمر وشمس .. يصير بحياتنا اليومية .. احنا لما نسوي خطاء ونتراجع عنه نعترف ونقر بخطأنا ونذم أنفسنا اذا قصّرنا واذا أحد نقدنا نتجاوب معه ..لأننا صدق نحاول نكون الأفضل وماراح نكون الأفضل الا من خلال اللي نعيش معهم فأذا ما ارتحت لهم ولا ارتاحوا لي فأكيد ان الخلل موجود بينا ولازم نسعى لأصلاحة ..

شمس طلبت من قمــر انها ماتمدح نفسها .. قمر استنكرت هالشيء ومن حقها تستنكر ..!!!

ليه احنا لما نخطاء الكل يدري ان احنا اخطينا وان احنا اعتذرنا وان احنا مقصرين ولا يعتبر هذا ضعف

..

ليش توبيخ أنفسنا صار أسهل علينا من الثناء

مثل ما اني أوبخ نفسي واعاقبها من حقها علي اني اظهر محاسنها وأثني عليها ..

حلو الشخص يعترف بجمال شيء عملة .. شيء رائع اني اكون على ثقة بشيء سويته وعملته ..ليه يسمى مدح النفس والثناء عليها غرور او افراط في الثقه .؟؟؟.

طبعا احنا نعرف نميز .. بين الغرور واعطاء النفس حقها ..

من حق نفسي علي اني اظهر حسنات وايجابيات اللي أعملة خصوصا اذا كان هالشيء بادر من ذات الأنسان

..

شيء طبيعي انك تتلقى ثناء من اي شخص سواء يهمك رأيه او لا ..

لكن الشيء الرائع انك تحس بجمال الشيء اللي سويته وأول شخص يهنيك ..هي ذاتك أنت.

. وأمام الجميع ..

من حقنا أن نفرح ونستمتع بجمال مانعمل ونكون على رضا تام

.. ومثل ما اعترف بخطائي اعترف بروعة ادائي

لأي عمل قمت به حتى لو كان صغير .. فالبداية ما أروعها ان تبداء صغيرة حتى تكبر على أساس .

.

في النهاية أقول ...

..ليــس كل من يثـني على نفســة انسان مغرور ..

ولست في ارضاء اهواء الناس مجبور

في رعاية الله ..