&:. (هذا) هو اللي نكب المنتخب .:& - نادي الهلال السعودي - شبكة الزعيم

أبوشمس · #1 28/01/2007, 03:14 PM

السلام عليكم ورحمة الله وبركاته

مساكم الله بالخير وهاردلك على الخسارة .. والله يغفر للأستاذ عبدالله الدبل ويرحمه ..

البارحة خرج المنتخب من بطولة الخليج والكثير أو كل الجماهير السعودية كانت غاضبة وفجرت غضبها في الصحف والمنتديات وغيرها وكل واحد يحمل جهه من الجهات الخسارة ..

البعض قال المدرب هو السبب ..
والبعض يقول الصقري أو الحقباني وغيرهم ..

لو قلنا الدفاع السبب ليش يسمحون بدخول الهدف لازم بعد نقول الهجوم ما سجلوا أهداف ..

صحيح إن الصقري كان بداية هجمة الهدف جت من جهته وصحيح إن الحقباني كان يتفرج لكن بعد المدرب هو المخطئ بإشراكهم ولا لو كان فيه الخثران وفي المحور عزيز كان صار مثل الظل لإسماعيل مطر ..

لكن فيه كلام عن الحراس في جريدة الرياضية اليوم وتكلموا وقالوا الحارس نصف الفريق وفعلا هذي المقولة لا غبار عليها ..

يعني لو تعيد شريط المبارة بتشوف إن الدفاع بقيادة المنتشري استبسلوا وجابوا كل ما عندهم حتى لا تصل الكره للحارس لأنه زي ما ذكر جاسم الحربي الحارس جالس ديكور بالمرمى ..

يا جماعه (خوجه) من أول الدوره ما صد ولا كوره خطره إلا وحده قدام العراق أما غيرها كلها كور سهلات والصعبات كلها دخلت أهداف أو ساعده الحظ وضربت في القائم ..

يعني تخيلوا حارس يلعب أربع مبارايات كل الكور الخطره تدخل أهداف هذا حارس يمسك للمنتخب السعودي المعروف بالحراس المتميزين ..

أنا للأمانه شاهدت المباراة في أحد المقاهي ومعي عدد من الجمهور وكنت أراهن على إن أول كوره خطره بتجي للأخطبوط (خوجه) بتدخل هدف وفعلا جت أول كوره ودخلت هدف مع إنها كانت من منتصف الملعب ومو ذيك الخطره ..

يعني والله حرام الدعيع وزايد والمسيليم وخوجلي كلهم في نواديهم وخوجه ماسك حراسة المنتخب وهو مطرود من حراسة الشباب بعد فضيحة (السته) ..

** وأعتقد الحين عرفتوا من اللي نكب المنتخب **

دمتم في رعاية الله والسلام عليكم ،،،