من 120 إلى 141 !!! : ( - نادي الهلال السعودي - شبكة الزعيم

LBa your heart · #1 28/01/2007, 06:25 PM

السلام عليكم جميعاً

<--مظلوم

أمس كانت مباراة منتخبنا السعودي ومنتخب الاماراتي اللي فاز فيها المنتخب الاماراتي <--يبي يقهركم

انا قلت بروح أشوفها بمقهى ..والمقهى هذا عند كبري الفحص اللي بالرياض ..

وانا طالع من مخرج سبعه ومتجه للمقهى الا وهالنقطه قدامي .. وأربط الحزام <--مدري ليش الواحد يرتبك إذا شاف قدامه نقطة تفتيش ..

المهم وقف قال هات الرخصه والاستماره واعطيه ..

قال وقف يمين وقفت الا وابو الشباب يكتب لي مخالفه سرعه

قلت ليش كم أنا ماشي ؟!

قال لي 141

انا سكت مابي اطول الكلام معه عشان الحق على المباراة ..

تبون تعرفون المشكله

المشكله أني كنت ماشي 120 ..لاني عارف ان فيه نقطه تفتيش وعارف مكان الرادار ..التفتيش موجود يومياً بعد مخرج

ثمانيه وانت متجه لمخرج خالد ابن الوليد ;)

...

طيب على الاقل لو قال 140 نقول عادي بس يقول ماشي 141

برب دق جوالي

بااك المهم

اللي ابي اعرفه ليش يقول ماشي 141 ..وانا ماشي 120

كل هذا عشان يبي يخلص دفتر القسايم ويأخذ أجازه

...

وصارت لي سالفه قبل وقعدت بالتوقيف لاني تعديت الاشاره وهي باللون البرتقالي مدري الاصفر

طيب هذي بعد تعتبر قطع اشاره

...

برب بروح أكل لي شي

..

مارد البطولات · #2 28/01/2007, 07:45 PM

من توقيعك وانا غاسل ايدي

عادي يا كلي هلالي انا صكوني قسيمه يقولون اني ماشي 120.37

تعيش وتاكل غيرها والسرعه ماوراه خير

تحياتي

ابوندى الهلالي · #3 28/01/2007, 08:57 PM

إقتباس


	المشكله أني كنت ماشي 120

اقلبها مع العسكري بقسي

هلالية حرة · #4 28/01/2007, 09:43 PM

والله المرور ادرى كم مشيت واكيد ماعطاك قسيمه إلا انك مسرع

هامور البورصه · #5 28/01/2007, 10:58 PM

^
^
^
والله شكلها حااقده على الشباب السعوودي

انا ادرى عااد ماعتقد شااب سعوودي يمشي فووق المية وعشرين لالا مهووب معقوول انا مانسسرع لا مانسرع

كلي هلالي اكييد انه ظلمك حسبي عليه بس الغريب لييه ماركبوك البااص قصدي صندقووبك ؟ اللي اعرفه اذا مسكوك مسرع

يصندقوونبك غرريبة والله ولا اساساً الجندي هذا مسكيين شكله حق ريااضه ومستلم في يوم مبارااة السعووديه وهو دااري انك بتروح تتابع المبارااة في المقهى قال يااولد صكه بقسيمه

كلي هلالي ترااني احبك في الله ياليت تغير توقيعك ترااه قهررررني

البارق · #6 28/01/2007, 11:37 PM

^
^
^
لا ما يصندقونه إلا من 150 وفوق ..

عاد تصدق قد حصل لي موقف قريب من هالموقف .. وإنا طالع من المدينة إلى جدة ..وقفت في محطة من المحطات وأخذت أغراض وعبيت بنزين وأنا طالع من المحطة وما أمداني أمشي إلا والتفتيش قدامي ..

طبعا أبو الشباب قال لي مسرع فوق 145 ..!!!!

قلت له والله لو إن سيارتي من حقات الفرمولا ون ..كان ما أمداني أجيب 145 ..!!!!

المهم إنه عطاني القسيمة ..وقلت له : لو إنك تدري إنك ظالمني الله لا يوفقك ..ومشيت ..

طبعا كنت متوقع إنه ضميره راح يأنبه ..لكن والله ما جاب لي خبر ..

ما أقول إلا تعيش وتاكل غيرها ..خلها دفاعة بلى ..

هلاليه من الرياض · #7 28/01/2007, 11:45 PM

العسكري بشر ولازم يخطيء

والله يخلي المرور لولا الله ثم هم كان صارت الدنيا حوادث *حوادث....

LBa your heart · #8 29/01/2007, 12:04 AM

مارد البطولات

إقتباس


	من توقيعك وانا غاسل ايدي

أي توقيع الله يهديك

<---يقاله بيجحد

ياخي لاتلومني ترى من تأثير الهزيمه

إقتباس


	عادي يا كلي هلالي انا صكوني قسيمه يقولون اني ماشي 120.37

صدقتك

إقتباس


	تعيش وتاكل غيرها والسرعه ماوراه خير

طيب ما أسرعت

....
ابو ندى الهلالي

إقتباس


	اقلبها مع العسكري بقسي

تبيه يحجز لي غرفه بالناصريه

لو أنا فاضي وقتها كان تفاهمت معه بس كنت بلحق على المباراة

...

هلاليه حرة

إقتباس


	والله المرور ادرى كم مشيت واكيد ماعطاك قسيمه إلا انك مسرع

يعني أنا كذاب

الله يسامحك بس

....

هامور البورصه

إقتباس


	كلي هلالي اكييد انه ظلمك حسبي عليه بس الغريب لييه ماركبوك البااص قصدي صندقووبك ؟ اللي اعرفه اذا مسكوك مسرع يصندقوونبك غرريبة والله ولا اساساً الجندي هذا مسكيين شكله حق ريااضه ومستلم في يوم مبارااة السعووديه وهو دااري انك بتروح تتابع المبارااة في المقهى قال يااولد صكه بقسيمه

الباص ماكان موجود.. شكله مليان وقلعوه للناصريه من حظي والله

بس قبل كنت اشوف الباص موجود

إقتباس


	كلي هلالي ترااني احبك في الله ياليت تغير توقيعك ترااه قهررررني

مي تو

... وبعدين أي توقيع

<--مصر على الجحده :p

...

البارق

إقتباس


	عاد تصدق قد حصل لي موقف قريب من هالموقف .. وإنا طالع من المدينة إلى جدة ..وقفت في محطة من المحطات وأخذت أغراض وعبيت بنزين وأنا طالع من المحطة وما أمداني أمشي إلا والتفتيش قدامي .. طبعا أبو الشباب قال لي مسرع فوق 145 ..!!!! قلت له والله لو إن سيارتي من حقات الفرمولا ون ..كان ما أمداني أجيب 145 ..!!!! المهم إنه عطاني القسيمة ..وقلت له : لو إنك تدري إنك ظالمني الله لا يوفقك ..ومشيت .. طبعا كنت متوقع إنه ضميره راح يأنبه ..لكن والله ما جاب لي خبر .. ما أقول إلا تعيش وتاكل غيرها ..خلها دفاعة بلى ..

زين أنه كتبها 145 .. موب مثل العسكري اللي عطاني القسيمه مابقى الا ويكتب 140 ونص

....

هلاليه من الرياض

إقتباس


	العسكري بشر ولازم يخطيء والله يخلي المرور لولا الله ثم هم كان صارت الدنيا حوادث *حوادث....

ياليتهم يخطؤن مره وحده ولا مرتين ..العسكر يخطؤن بالالوف

..

تعبت

مشكورين ياحبايبي

الكلاسيكي · #9 29/01/2007, 12:19 AM

ياكثرها تصير دايم ..

يحط حرته في ام المواطنين .. والله دايم يبلشنا عسكري بشي احنا بريئين منه ..

بس الحين عادي تعودنا .. لا تستغرب يجي واحد لكم في البيت ويقول انك

قاطع اشاره وانت اصلا توك صاحي .. ترى تصير .. اهم شي يخلص الدفتر ..

تعيش وتاكل غيرها ..

هلالي القرعاء · #10 29/01/2007, 12:26 AM

هلا بـ المندس ..

هـ السالفه ذكرتني بـ سالفة زوج خالتي الله يسلمه ..

الأخ كان عندهـ موعد الصبح .. وطلع وماسك طريق الملك ويمشي 130 أو أزود شوي ..

الا والشرطه وراهـ .. وشالوهـ على التوقيف

يوم دخل التوقيف حاولنا من هنا من هناك انه يطلع .. مااااش ماسكه معهم الا يقعد عندهم

وقعد له يومين ..

عاد يقول واحد لو انكم مدبرين له واسطه قبل مايدخل التوقيف كان ممكن بس بعد مادخل مستحيل

ويمكن سمعت بـ المهندس مدري وش اللي عندنا بـ جدهـ .. توقيف بسبب السرعهـ ..

والرجال الظاهر كان عندهـ شي يبي يسويه ولا طلعوهـ ..

دايم اشوف اسمه بـ لوحه عند البحر بس نسيته :p

كل هـ السوالف إمتداد لـ سالفتك .. وأقول لك احمد ربك انك مالقيت وراك واحد وضافك على التوقيف ..

بـ المناسبه حتى الرجال اللي أقول لك عنه حطوا السرعهـ أكثر من السرعهـ اللي هو ماشي به ..

أنا مرهـ أمشي بـ طريق صغير وبينـ محلات .. ولا أخبر بُـه شرطه أو شي ..

و كان معي ولد عمي .. عاد يقول لي تفتيش قدامنا .. قلت أقول كل **** بس .. وش تفتيشه اللي يجي هنا ..

الا والشرطي قدامي وجنـّـب ويصكني بـ مخالفه

عاد أنا مسوي فيها ذكي أقول الجوال كان بـ جيبي وفكيت الحزام عشان أكلم

المهم .. لا تستغرب انهم يصكونك بـ مخالفه .. هم عندهم الدفاتر وقايلين لهم لا يقضي اليوم الا والدفتر قاضي ..

ولو تشوف جيوبهم تلقى صفـّـة أقلام تحسبًا لـ إنقطاع الحبر أو خلاصه :p

حتسيت كثير .. معي علم .. بس محد قال لك تكتب موضوع أستانس عليه ..!

يعطيك العافيه يـ المندس .. وهارد لك خروج المنتخب ..

التنين · #11 29/01/2007, 12:36 AM

تـسـتـاهـل ..

>>> نـــذل ..

عزوز الأزرق · #12 29/01/2007, 12:43 AM

هههههههههههههههههههههههه

انت ماشفت فالاخباريه (( سؤال اليوم ))

عسكري من حائل يسال المذيع لو كان مطلوب منك تخلص البوك والا تعاقب .. وش تسوي ؟؟!
والا اذا جاك مخالف بس صاحب منصب .. وتدري لو عاقبته راح يعاقبك مسئولك ..

ياخوووووووووك خلها ع الله ..

بس بيني وبينك فيهم ناس زي العسل .. خصوصا نقطة التفتيش اللي يوميا انا وياهم اصحاب .. خخخخخخخخخ

قسيمة سرعه ماقد اخذت ولله الحمد .. رغم اني اكبر مسرع على شبه الجزيره الله يهديني..<< << << مدمن لا اراديا..

اما اشارات انشدني والله بعض الاشارات ماحس لها داعي .. لذا اعتبرها دروب من خريطتي..

< < < من زين شوارعكم ..

سي يااااااااااا والله يعوضك خير...

انتهى , , ,

hilalemooot · #13 29/01/2007, 12:59 AM

يا رجال ما بلانا الا هاللحوج اللي ممسكينهم سيارات وفرفرة وزاقتن معهم ويبردون بهالشعب حسبي الله عليهم

عاشق الهلال والريال# · #14 29/01/2007, 01:19 AM

يا رجال ما بلانا الا هاللحوج اللي ممسكينهم سيارات وفرفرة وزاقتن معهم ويبردون بهالشعب حسبي الله عليهم

عفره · #15 29/01/2007, 03:04 AM

لا تروح بعيد انا مره صارت لي
وانا راجع من المطار بعد البوابه عارف انه فيه تفتيش
وقفني ابو الشباب وقالي ليش مسرع قلت مااسرعت قال وقف على جنب بس
المهم يوم رحت لمه ولقيته يكتب المخالفه قلت ليش تكتب انا ما اسرعت قال الا
مسرع قلت كم امشي طيب قال 146

وانا امشي 110 تقريبا
المشكله مو هنا المشكله ان سيارتي طبلونه 140

ومافي امل اجيب الطبلون بعد
يوم قلتله كذا قال انا كتبت المخالفه تبي تاخذه خذه ماتبي
حنا نسجله بالكمبيوتر<<< اخلاقه زفت

واخذته ومشيت