نادي الهلال السعودي - شبكة الزعيم - الموقع الرسمي

- منتدى المجلس العام (http://vb.alhilal.com/f1/)

- - الى سكان الرياض ارشدوني (http://vb.alhilal.com/t370269.html)

فــي الأخيــر مشكوريــن علــى الــردود وأعتــذر علــى تأخــر ردي لكــن تعرفوا أحــوال الاختبــارات :cry:

صــراحه الاعضــاء ماقصــروا اللــي دلني علــى نص مطاعم الرياض واللي مقاهي واللي اسواق واللي متاحف

لكــن مافيــه أحــد قالي عــن المباريــات مباريات (( الهلال - النصر - الشباب )) طبعاً (( اول - شباب - ناشئين ))

<< متيم كوووره ..

إقتباس:

رياان مافيه امل يجي الريااض بعد هالموضوع اتوقع انه يقوول ياليتني مانزلت الموضوع

خخخخخخخخخخخخخخخ الله يرجــك لا بالعكس لكن الاختبارات مشغلتني :D

إقتباس:

هههههههههههههههههههههههههههههههههههههه

الله يرجكم

شكل ريان جته سكته عشان كذا مارد علينا

فعلا نتكلم بواقعيه وش فيها الرياض عشان يجي

والبنات اللي يمدحونها من حقهم لان كل شي مفتوح لهم وحنا لنا الله يامقاهي ولا متسدحين في البيوت

اقول اقظب ارظك بس

والله ودي مو افظب الا اعظها واتشبث فيهــا بس تجري السفن بما لاتشتهي الرياحُ

إقتباس:

<<< متـ1بعهـ بصمتـ وتتحرّى ريــــ1نـ ( بسـ مـ1ظنتيـ بـ يرد )

لا هذا انا رديــت

إقتباس:

وين سهل ما قفل الموضوع

فال الله ولا فالك :p

إقتباس:

هلا والله اخوي ريان في الرياض

صح اني ماني في الرياض بس ان شاء الله راح افيد شوي

اول شي

الوقت اللي انت جاي فيها حلووو بنسبه للبرد و الجو الحلو

يعني الجو هالايام جو طلعات و كشتات

يعني اذا نزل مطر في الرياض

دور اهلها كلهم في الثمامة

ثاني شي التمشية

التمشية في الرياض حلووه بنسبة لي

صح اني ما اطلع اتمشى الا يوم واحد او يومين في الاسبوع بس فيه اماكن حلوه تتمشى فيها بالسيارة

زي طريق التحلية و الضباب و الثلاثين و العليا و الستين و غيرها من الشوارع

بس دايما اختر الوقت المناسب

يعني لا تطلع بعد صلاة العشاء او بعد الساعه 9 الليل و تتمشى لانك راح تكره حياتك من الزحمات

غير كذا واحد جديد في الرياض يعني ما راح تعرف الطرق المختصره و الاسرع اللي توصلك للمكان اللي تبي

ثالث شي

الاسواق

طب و تخير

السوق جمب السوق

يعني خطوتين على رجولك و انت في السوق الثاني

الاسواق صراحه حلووووه مره و نظيفة

طبعا هينا عامل الوقت و العوائل يتدخلون في هذي المسئلة

يعني اذا انت عزوبي عندك الصبح

رح ادخل اي سوق يعجبك و ماحد يقولك لا

اما اذا انت مانت رايق تقوم الصبح عشان سوق

عندك العصر و ان شاء الله تدخل و تستانس الى تقول بس

طبعا هذا الكلام ينطبق خلال وسط الاسبوع

اما نهاية الاسبوع عندك من صلاة العصر الى المغرب بعدها برا و و اذا انت محظوظ الى صلاة العشا بعدين اوت

انا اذا كان معك اهلك فاهينا كلام ثاني

ادخل اي سوق و في اي وقت تبي محد يقولك لا

رابع شي

المفروض اذكره اول شي

المتاحف الوطني و قصر المصمك و ساحة الحكم و سوق الزل و الاثار في الدرعية

كلها اماكن حلوه و حلو انك تتعرف على تاريخ المملكة السعودية

عندك المتاحف الوطني و قصر المصمك و ساحة الحكم و سوق الزل كلها جمب بعض و يكفيها يوم واحد عشان تروح تتمشى فيها خاصه سوق الزل

فيه متعه و وناسة و انت تتمشى فيه ما تقدر تحس فيها في اي مكان ثاني

اما الاثار فعندك ساعتين عشان تقعد و تتمشى فيها الين تقول امين

خامس شي

عندك حي السفارات

حي راقي كل السفارات اللي تجي في بالك هيناك

حي محروس و امان فيه

داخل الحي عندك منتزهات و حدائق و ساحة الكندي و ساحة الكرازي ((اسمها كذا على ما اظن)) و غيرها من المطاعم الراقية

تروح هينا و تتمشى و تتعشى او تتغدى كيفك بس لا يفوتك الحي

تراه حي جميل و منسق

سادس شي

جسر المشاهدة في برج المملكه و مطعم و مقهى اللي في الفيصلية فووق

هيناك رح تتستمتع بمشاهدة الرياض كلها

هذا كل اللي اشوفه

و اذا بغيت تتستفسر عن اي حاجة في بالك عن الرياض اسئل

الكل في خدمتك يا اخوي

سلامـ

s60s مشكووووووووور أعجبني ردك s60s

إقتباس:

الرياض يصلح لها عوايل وبس

الشباب ياطويل العمر يروحون للاماكن التالية <---- حلوة التالية صح

1-دوران في شارع التحلية حيث الزحف والمواتر المرهمه والمواتر الفخمه والمواتر اللي مالها اسم من حيث الصناعة

2- الفيصلية والمملكة من حيث التكحيل والاستهبال حتى الطرد بس لازم تشبك حارس الامن ولا تمشي ورا ست من الستات

3- المقاهي وماأدراك مالمقاهي معقل شباب الرياض وخاصة وقت المباراة واربعاء وخميس وصبح المدارس للبزران المفاختين وتوه طاق موتر مجمع مبزرة ورايحين يعسلون معسل (والله حالة )

4- الملاعب وقت المباريات (الملز) (ستاد الملك فهد) (نادي الهلال) <-- مره ياملعب ريال مدريد كل يوم مباراة

5- يجتمعون في بيت واحد من الشباب للاتي :: (بلوت) (كنكان) (سوني) (جايبين افلام يشوفونها وكل واحد بيته <<<ياكثرها ذي) (تضييع الوقت عشان مافيه مكان يستقبلنا يالشباب والله ماكلينها حنا اه بس)

6- الثمامة من حيث دخول المنتزهات مع الستات ومخادعة حراس الامن زي الفيصلية يعني _ ولا خذ حطبك وجمع لك كم داشر وفرشة وحب وورقة عشان البلوت واقعد هناك الين يجيكم نوم وهباااا البيت ياحلوين

7- ينام الين يقوم بعدين يقوم الين ينام <------------- حال كثير من شباب الرياض خخخخخخخخخخ

المهم اذا كنت تعرف احد في الرياض تعال وجربها عشان تكون درس تعجبك ولا ماتعجبك

واذا ماتعرف احد وغير كذا بتدور في ليموزين لاتجي نصيحة خذها من مجرب

عندك الشرقية وجدة ومكة وباحه

ابها كنك في باريس من براد وثلج واماكن خيالية

حلووووه التاليه والاحلى ردك s60s

وأخيــراً أتمنــى مــن كــل الأخــوان اللــي ردوا والأخــوان اللــي شافــوا المــوضوع أنهــم يدعــون لــي

بالتوفيــق لأنــي جــاي منشــان أحد أقاربــي بيســوي عمليه أتمنــى تدعوله بنجاحهــا ااااااااااميـــــن

ومشكورين على ردودكم الحلوه والنقاشات المنتازه

و

شكــــــراً

الله يوفقك وإياه ... والله يجزاك خير على اللي تقوم فيه ..والله يكتبها في موازين حسناتك ..:)

تروح وترجع بالسلامة يا ريان ..:)

إن كانك من محبي الدوريات الأوربية فلا تخاف .. أغلب المقاهي ( الشيشة:D والكوفي شوب ) يكون عندهم جميع القنوات ..:)

وعندك شارع التحلية كله مقاهي وفيه الدوريات بأنواعها ..:D

والآن والحمد لله أغلب المقاهي فيها إنترنت ( وايرلس ) لو معك لاب توب ممكن تستفيد من الانترنت .. بس إسأل المقهى قبل عن القنوات والإنترنت ..:)

أما عاد المباريات السعودية .. عندك ملعب فيصل بن فهد ( الملز ) في الملز .. أو ملعب النادي للناشئين والشباب والنادي في العريجا ..:)

أجل يقول لك الثمامة ..:D والله لو تروح لها لأشره عليك ..:D:D

ياهلا فيك اخوي .

شوف اذا اسواق
روح المملكه .. الفيصليه .. صحارى .. هذه يعني الاسواق اللي تصلح للشباب

اذا اماكن شباب
روح للتحليه .. او مقاهي .. او اللي تبي

وهذا اللي اقدر اقوله لك .. وعلى فكره انا مو من الرياض بس هذي خبرتي فيها

الله يحييك في مدينتك الثانية .. وفي عاصمتنا الغالية الرياض .. وتنور الرياض بضيوفها .. وتشرفونها بزيارتكم ..

الرياض جوها هاليومين جداً رائع .. يعني هالوقت بصراحة ينفع .. لطلعات البر .. او المنتزهات .. العائلية

عندك منطقة الثمامه .. فيها اماكن متخصصه للشباب وتجمعاتهم هناك الغالبيه يمارسون هواياتهم من تطعيس وركوب دبابات والناس اللي تتفرج يعني بصراحة جو ممتع للشباب ..واذا كانت العائلة معك تقدر تروح معهم لمنتزهات الثمامه أبرزها وأجملها منتزه فانتزي لاند ..

وطبعاً .. الرياض فيها استراحات حلوة ..وفيها مقاهي .. للشباب خصوصا في التحلية ..وفيها طريق الملك عبد الله للمشاة .. وعندك الفيصليه والمملكة ممكن تزور برج المشاهدة ..وفيها مطاعم راقية . . ممكن تدخلها

التحلية .. كلها مطاعم حلوة وجلساتها راقية ..

اقرب مباراة للهلال هي مع الاتفاق .. وفي الرياض .. ان شاء الله ..

وتوصل بالسلامة ان شاء الله .. والرياض باءذن الله راح تعجبـك .. الله يحفظها لنا ..</B>

http://vb.alhilal.com/images10/statu...ser_online.gif http://vb.alhilal.com/images10/buttons/report.gif

يا اخوي لا تجي ابدا

إلا إذا معك عوائل بس ...

ترى لو تبي تتزوج ما يزوج عزاب لا زم عوائل ههههههههههههههههه

نصيحة لا تجي للرياض والله ام الطفش وخاصة لو ما تعرف احد فيها

تعال عندنا بالشرقيه انواع الفله ياشيخ

أقـول إقضبـ أرضك بسسسسسسس ،، :D

< مجهـّـز الموتر لـ الرالي ،، ومنسم كفـرات الهلــّـي من اللحين :D

===

ياخي من زينها الريـاض ،، تدري قبل كم يوم جيتها وكنت مع واحد من اخوياي هنـاك ،،

قلت يالله عاد أمـّـش ودنـاً للاماكن الحلـوه خلنـاً نستـأنس ياشيـخ ، ، ،

تصدق قعد يتلفت ما يدري وين يروحـ ،، ما غير الثمامه بسس ،، ومقهـى الدانه للشيشه < 24 ساعه فييييه :D

مثـل ما قلت لك أقضـب أرضك وإستانس ،، وكان عندك أشغـال خلصها وتعـال ،،

أهــم شيّ لا تــفوت الايامـ هذي ..أنت ووجهك اللي تقل خشــة كامـري ناشبـه بحدى طعـوس نعجــه :D

،
،
،
،

أخوك/محمد الثنيان

.

حياك الله اخوي بيننا بس انصحك تقعد بحايل لان جوها احسن من الرياض اطلع لبر حايل احسن لك

إقتباس:

الرسالة الأصلية كتبت بواسطة سندريلا الهلال (مشاركة 4639051)

.. وعندك الفيصليه والمملكة ممكن تزور برج المشاهدة ..

..

والله اذا انت تخاف مثل واحد من الشباب انصحك لا تروح لبرج المملكة والله فشلنا هناك من اول ما رقضينا البرج لين نزلنا وهو مغمض :D

هلالي لاتكون انت عمك عمت عينك (اسم البلوتوث ) :D

اسمع وانا خوك رحلك اسكن في شقه او فندق وبعدين رح لمبارات الهلال والاتفاق وبعدين ارجع للفندق او الشقه وانصحك جب معك بلس تيشن وتفلت عليه ورجع لحايل اووووووو وبعدين تقولي وسيلت التنقل لموزين الله يعينك على اتمشي الرياض ماااااااااااااااااااااااافيها تمشي فيها طفش

حرام عليك تروح للرياض في الاجازه

الى البر الله لا يعوق بشر