نادي الهلال السعودي - شبكة الزعيم - الموقع الرسمي

:D << أول مره موضوعي ياصل خمس صفحات خلاص ابحول من الرياضه العالميه لهنــا :D

صراحه أشكر كل اللي ردو وفزعولي لكن قبل أقتبس بعض الردود أتمنى من الكل يدعي لي لأن جاي عشان

أحد أقاربي بيسوي عمليه يعني قبل كل شي اتمنى دعواتكــمـ وعشان كذا انا جاي للرياض يعني معلقوله أحد

يترك وقت البر لا والرالي بعد

وللأخــوان اللي يقولو الثمامه وكذا مع احترامي لكــم طعوس الثمامه مهي طعوس هذي بالهللي أرقاها على الريوس

والكفرات بــه 45 :D أنتــو ماشفتو طلعت خمسين عندنا ؟؟

الربع يجيها بثالث ويمشي تقريباً 120 وياصل نصــها

:D المهويم << يسمع بطارق العلي مو هذا موضوعنا الحين ابقتبس بعيض الردود

إقتباس:

الله يحييك في مدينتك الثانية .. وفي عاصمتنا الغالية الرياض .. وتنور الرياض بضيوفها .. وتشرفونها بزيارتكم ..

الرياض جوها هاليومين جداً رائع .. يعني هالوقت بصراحة ينفع .. لطلعات البر .. او المنتزهات .. العائلية

عندك منطقة الثمامه .. فيها اماكن متخصصه للشباب وتجمعاتهم هناك الغالبيه يمارسون هواياتهم من تطعيس وركوب دبابات والناس اللي تتفرج يعني بصراحة جو ممتع للشباب ..واذا كانت العائلة معك تقدر تروح معهم لمنتزهات الثمامه أبرزها وأجملها منتزه فانتزي لاند ..

وطبعاً .. الرياض فيها استراحات حلوة ..وفيها مقاهي .. للشباب خصوصا في التحلية ..وفيها طريق الملك عبد الله للمشاة .. وعندك الفيصليه والمملكة ممكن تزور برج المشاهدة ..وفيها مطاعم راقية . . ممكن تدخلها

التحلية .. كلها مطاعم حلوة وجلساتها راقية ..

اقرب مباراة للهلال هي مع الاتفاق .. وفي الرياض .. ان شاء الله ..

وتوصل بالسلامة ان شاء الله .. والرياض باءذن الله راح تعجبـك .. الله يحفظها لنا ..

الله يبشــرك بالخيــر يعني فيه لو مباراة نحضرهــا .. واللي يقهــر أن كل شي عوائل

مابقى الا المساجد :D

إقتباس:

هههههههههههههههههههه ياشيخ والله لو أنك بتروح خارج المملكه

شف بقول لك شي

الرياض مو حقت تمشيه ووناسه ..هي وناسه لاهلها وسكانها.. لانهم متعودين على الرياض

كل الاماكن فيها عوائل .. ياخي حتى مقاهي الشباب يمكن يخلونها عوائل لاتستغرب..

عندك الثمامه كلها طعوس ودبابات ..

عندك التحليه اذا تبي وناسه وتفلها روش شعرك بيبسي عشان تطلع لك شوشه مثل حقين التحليه <--!!

والبس هذاك الجنز اللي يحشرها لك عشان يعطونك وجه هنااك..

ولا تعال بـ لكزس أو بانوراما أو رنج روفر..

شبعد شبعد

اييه عندك الحكير لاند عندك المنتزهات اللي عند دوارات الثمامه...

الزبده الرياض طفش للي مايعرفونها واللي ماتعودوا عليها

خلك في حائل أبرك لك وربي ودي اروح لحائل لو مره عشان الجو اللي عندكم

احس أني خبطت

ههههههههههههههههه الله يرجك رجاً مبرحاً انا شفت اشكال مثل ذوللي في المملكه قبل سنه يعني ليش يحطون شعروهم

كذا ما ادري وصراحه انا معك لاني قد رحت اكثر من مره طفش في طفش لاني مو متعود و

والله لو تحصل لي الجلسه في حايل جلست لكن مثل ماقلت ضروف صحيه ياعلها تعدي على خير

إقتباس:

ياحبيبي نصيحه لا تجي

قبل كذا شهر اقرا في جريده اعلاااااااااااااااااااان كبييييييييييييير بالخط العريييييييييييييييييض

فرررررررررررررررررصه للـــــــــــــشبـــــــــــــــاب الريـــــــــــــــــــــــــــــــــااض قلت بس والله اللي فتحو لنا مرق...

تدري وش صاار في الاخيير وش تتوقع يعني انت فكر بالله

اوكي شكلك فكرت صح

ملاهي الحكير لاند تفتح ابواابها لشباب الريااض من السااعه الوااحده ظهراان حتى السااعه الثاالثه ظهراان

تخيل شكلي وانا قااعد اقراء ومبسووط ويووم قرية الاعلااان قلت واااااااااااااااااااااااااااااااااااااااااااااااااااوو واوين بعد

يعني تخلف قسم بالله في عز الصيف يبونا نروح نلعب ملااهي الله وش هالتفكير عليهم لالا جد السيااحه عندنا عاامله عماايل

وقبل كم شهر جايبين سمو الامير سلطان بن سلمان على معتقد في برناامج حسين شبكشي اللي شبكنا يخلصنا << اقول لا يكثر

يقول للامير ان السيااحه عندنا باايخه ويزبد له قاال لا من قالك تدري ان عندنا في السعووديه احسن شواطئ في العاالم واجمل شواطئ <======== والله كلها خيااس ووسخ بزراان وانت قااعد تسبح ماتلقى بوجهك الا بقايا حفاضاات بزراان [ ورعاان ] وانتو بكراامه طبعاً

يارجاال شد ارضك ابرك لك والله بتجي بتتعقد وكل شاارع فيه نقطة تفتيش وزحمه والاسوااق مايدخلوونك اجل بالله عليكم انا وين نشتري اغرااضنا منه؟

قبل اسبوعين تقريباً راايح للفيصليه الصبااح ويقوول الخاال تعال يااولد ممنوع تدخل قلت الصبح انا قال ولو ممنوع بكيفي انا هذا اواامر من فووق يعني للاحض كيف هااضمين حقنا يالشباب والله شي يقهررر

هههههههههههه أما أحسن شواطي بس ماخبر في الرياض شواطي :rolleyes:

معقوله حتى الصبح ممنوع :confused:

إقتباس:

يا ناس تحمدوا ربكم

الرياض حلوه

بس اجواء الرياض والناس اللي عايشين فيها .. هم اللي مخربينها بصراحة

يعني بالعربي اهل الرياض اخلاقهم ......... وناس اشكال والوان .... اطياف وطبقات وقبايل وحضر وكل شيء

وياللي تسألأ وش احسن شيء بالرياض عليك بالموقع ذا :

http://www.arriyadh.com/

تحياتي

شكــراً علــى الموقع

إقتباس:

ملزم علي الرياض يعني ياريان

روح جده ترا احسن لك

الظــروف تخلــي العنــز خــروف :cry:

إقتباس:

هامور الله يرجك

بس حلو التطعيس ياسندريلا هههههههههه

تعبنا واحنا نطعس والرجال جاي من حائل يعني عندهم طعوس ومالين منها

والله ياريان فتحت علينا موضوع تخلينا نفضفض فيه..

بتستغرب من ردودنا بتقول إلى هالدرجه الرياض طفش..

وربي لو تأخذ خيمتك وتطلع البر ابرك لك من الرياض تعرف احنا بأيام ربيع

<---يتخيل يكتبون بلوحات قبل ماتدخل الرياض ( للعوائل فقط )

فعــلاً فاهمــني ياهلالي ياكلك والله الشبــاب يبون يطلعون ثلاث يام للبر بس للاسف ماني معهم هم بالبر وانا

عند باب الفيصليه اشتحد الخال يدخلني :p

إقتباس:

الا اقول شرايك تعزمنا بس

ونجيكم حائل يقولون عندكم رالي هاليومين

على طاري تعزمنا ابقولك سالفه حصلت لي يوم مباراة الهلال والطائي

وانا امشي عند الملعب قبل المباراة بساعتين لمحت كامري وحاط رقمه على من ورا ومكتوب تحته الرياض وانا ادق عليه

السلام وعليكم اخبارك تمام علطول منت عليه :D قلت له وش عندك قال انتظر المباراة تبدا قلت المباراة باقي له اكثر

من ساعه تعال لني بالبيت تقهو ولابدت نروح مع بعض والله نص ساعه وانا اتشحد ذا الرياضي وعيا ((رفض)) انه يجي

فـ أنا مو موجود بحايل وترا فيه ناس والله يعزمونك اذا انك جاد خمس ايام او العطله كله تنام عندهم ويودنك الرالي

ويطعسون بك ويرفعون بك اذا ماتخاف بس ابقولك شي الله يعيييييييينك اذا جيت (( يدبلون قاعة تسبدك بالقهوه )) :D

إقتباس:

تعال حياك الله.. يابعد حيي

نورت الرياض .. بس الله لا يهينك جب معك اهلك ولا منت داخل شي ..
حتى الشقق عساك تحصل عزاب .. ومع هذا الرياض حلوه ونحبها ..

حياك الله .. وسندريلا كفت ووفت ..

اللــه يحيــكـ وانا جاي معي أهلي وشكل اهل الرياض متعقدين من سالفة العزاب :D

إقتباس:

يا هلا بك يا ريان في بلدك الثاني الرياض ..

على العموم تراني تارك الرياض بس يعني ادل فيها معليك ..

شف عاد اللي يقولون لك البر زين والثمامة يحسبونك جاي من مدريد .. يا ناس الرجال من حايل أهل البر ..يعني طعوس عندهم النفود .. وإن كانها أودية وشعبان عندهم احسن الأماكن ..

شف يالغالي ..الرياض كانك بتتسوق أو تمر لك شيء معين فهي زينة ..أما إن كنت جاي لها للترفيه فأشوفها صعبة شوي ..

إن كانك من راعين لعب البلياردو أو الولينج أو تنس الطاولة والصالات الرياضية فهذ موجودة بكثرة .. وكذلك مقاهي شارع التحلية ..هذا ترفيه أهل الرياض ..

فيه أماكن ممكن تزورها في الرياض وهي ماهيب ذاك الزود لكن نقدر نعتبرها معالم في الرياض مثل ( حديقة الحيوان في الملز + مركز الملك عبدالعزيز التاريخي + الدرعية الأثرية )

المهم كانك راعي رواقة ..عندك شارع الثميري اللي جنب قصر المصمك محلاته حلوة ..وممكن تاخذ لك لفة في المصمك ..وبعد الساحات اللي عنده جميلة ومع الأسف اللي مستفيد منها الأجانب .. لا تنسى فيه مقهى هناك جنب المصمك لا تفوت قهوته ..

وإذا رحت هناك عندك سوق الزل أو البشوت ..حلو تاخذ لك فيه لفة بعد ..وفيه ممكن تاخذ لك فروة أو بشت .. بس عاد لا تفوت إنك تشتري عقال من المحلات هناك لأن عقلهم غير ..

وكانك راعي آثار وأماكن أثرية عندك الدرعية القديمة ..وإن كانك راعي إلكترونيات عندك البطحاء ..

الشيء الوحيد اللي مانت مبتلش فيه هو الأكل ..المطاعم في الرياض أشكال وأنواع وأي شيء ببالك وودك تاكله ماراح تضيع ..

والله يعينك ..

حلــوه مدريــد :D

صراحه جاي أمر لي شي معين لكنه مايخلو من الترفيه ;)

مشكــور على الرد النموذجي :rolleyes:

إقتباس:

هامور البورصة .قل آمين الله يصلح قلبك ..

الرياض وش طبيعتها ... !!! الرياض مدينة الشيء اللي تتميز فيه هو منطقة الثمامة .. لانها تحتل في الترفية المرتبة الاولى .. يعني عندنا بحــر وباخلتن فيه عليكم

عشان ماعندنا بحــر .. !! نروح نشوف اللي عندنا وهي المناطق البرية .. !! هو جاي من حايل عندهم بر !! طيب مو احنا يكون عندنا في الرياض ملاهي ونروح ملاهي في الشرقيه ولا جدة !!! التغيير مطلوب والتجديد .حلو!!

بعدين مو معقولة الرياض تكون كلها سلبيات ولا طبيعي تكون كلها ايجابية انا ماقلت الرياض سياحية من الدرجة الاولى !! لكن فيها أماكن ممكن تروح لها وتزوها .. !! هو زائر لمنطقة الرياض !! مو مثلنا مقيم فيها !! حتى يشعر باملل والروتين!!

بعدين هو ضيف عندنا ومن واجبنا ان احنا نزين المكان في نظره مهما كان مو نكسر من مجاديفه!!

احنا واجبنا نوجهه ونعلمة عن ابرز الاماكن اللي ممكن يروح لها .. ! مو يقول بزور الرياض والكل يقوم يسب ويستهجن زيارتة .. من حق الرياض علينا كمدينة سكناها وسكنتنا ..أن نبرز الجانب الحسن والجميل فيها ونحاول أن نعدل السيء منها .. اما تشويه الرياض بهذه الطريقة شيء مؤسف بصراحة ..

احيانا تزور مدينة ضخمه ورائعه من كل شيء كل ماتتمناه متوفر لكن سبحان الله ماتشعر بسعادة او على قولتنا مهب وسيعة صدر .. واحيانا تروح مدينة عاديه لكن تنبسط فيها وماتمل من القعده فيها يعني الاماكن سبب من اسباب الراحة اللي هي الأساس ..وليست كل شيء ..

الرياض ترحــب بكل زوارها ..

s60s

إقتباس:

أنا باذن الله العطله هالاسبوع الا اقضيه
بحايــــــــــــــــل
وتراك تبي تندم لا رجعت وسمعت بالوناسه اللي صارت بالرالي
الا كانك مرتبط بشغل بالرياض
بعد ماشفت الرالي العام والوناسه اللي فيه العام حلفت اني ما افوت
ولا رالي بحايل وانصح ربعنا بالرياض انهم يروحون لحايل(( العزوبيه)) ممنوع العوايل
ياعمري يا حايل بردت الكبد شي مخصص للعزوبيه

ولتسقط العوايـــــل

الله يحيــكـ واذا تبــي أحد يستقبلك او كانك لحالك عندك الخاص ولايردك الا ارسال وفعلا حايل صراحه بعد الرالي الاول

الكل صار وده يروح وناسه مابعدها وناسه وللمعلوميه حايل عوايل وعزوبيه يعني تنافس باريس في الاختلاط لكن في باريس

تقدر تلفت يمين ولايسار عندنا تلتفت ثانيه ثانيتين ثلاث وانت مذبوح يعني في النفود العوايل يمينك ويسارك لكن

مستحيل تلتفت او تفكر انك تتحرش ;) وحرام عليك سقطت العوايل

إقتباس:

هلا بريان

هلا وغلا بابن محبوبتي

اسمع تكفى ابعطيك رقم خالي تجيبه معك للرياض واذا أقنعته وجا معك لك مني أروح انا واياك وهو لبانكوك نقعد عشر أيام نفل أم الدعوى وننكس محمول مكفول مشكور

ههههههههه أما محبوبتك حايل وش به مابه الا نفود وبر وسماح سنتر وبيتنا ومسجدنا :D

وأبد أعطن رقم خالك تبي اجيبه بالقوه ولا بالمفاهمه ولا ؟؟ اختر ومالك الا صبح الخميس وهو مربوط عند بابكم :D

بس الله يهداك مالقيت الا بانكوك مافيها رالي حسبتك تبي ترجعني حايل :D

إقتباس:

والله الرياض تهبل فيها كل شي يعني اسواق مطاعم مقاهي تتمشى اللي تبي فيها ماعليك منهم والله بتستانس إذا جيت
يكفي ان فيها نادي الهلاال رح يوم زياره لنادي
وعندك منتزه سلاام روعه وخاصه هالوقت وحديقة الوطن خياال ومنتزهات كثييره على طريق الثمامه

فعلا فيها كل شي لكن اقدر ادخله كل شي عوااائل :cry:

إقتباس:

وش ذا . موب الى هالدرجه عاد الرياض بايخه

لا ماعليك منهم تعال للرياض . بس المهم لاتحط ببالك انك بتستانس بالحيل . او اذا لك احد تعرفه بتستانس اما بلحالك بتقعد تحاوط فيها مااتوقعشي

وانت جاي من المطار لازم توقف تصور عند البوابه . معالمنا تبدا من هناك

< تقرا رد البارق

زي ماقالك لاتفوت البطحا وخصوصا يوم الجمعه فيه احتفالات هناك .. ومحمد عبدو مسوي له حفله بالمصمك والساحات اللي قال عنها البارق بعد لاتفوتك ولاتنسى تاخذ معك سيكل اابو هنود ولا دباب بطه عشان يمديك تجاكر المصاريا والسودانيز اللي هناك . بس للمعلوميه ترى السياره ماتدخل الين هناك لازم توقف برا
< يمديكم بنت وكل هالمعلومات
وبآخر يوم لك الساعه 5 المغرب رح لم الفيصليه فوق وتفرج على الرياض من فوق بتلقى بيت احمر هذا بيتنا ان بغيت شي ولا شي لايردك الا لسانك . وان خلصت من الفيصليه رح للمملكه فوق تفرج على الرياض بعد بس من زاويه اخرى

ومره اخرى حاول انك تحول لدبي اصرف لك

والله يافويفو << يدلعها ترو

ان اللي اعرفهم كلهم يجون لحايل بالعطله يعني ماعرف احد والظاهر بتصير اطفش عطله بالعالم :D

إقتباس:

ريـ ـ ـ ـ ـان

من قريت إسمك خشيت قلبي على طول لأن ولد أخوي سميك ..

وثانياً حيا الله حايل وأهلها كلن بسمة ..

وثالثاً يشهد الله إني أحب لك الخير .. ولو كان عندي إجازة مثلك وبالذات في الوقت مافكرت اطيب الرياض ..

وأنت تعرف ولله الحمد هالسنة سنة خير وأمطار والربيع مد البصر ولله الحمد في الرياض (( جمع روضة )) والفياض فنصيحتي لك لا تحرم نفسك من المكشات ..

الله يسلمــك >> أدور الوجه المستحي :$

انا والله مغصوووب ياخوي يعني مو بشوري ومشكــور على ردك الحلو

إقتباس:

صار تحقيق ذا مب ارشاد

ياحلو التحقيــق اذا صار كــذا :rolleyes:

إقتباس:

هههههههههههههههههههههه

الله يرجكم جميع .. أشوى إنكم مب مرشدين سياحيين ..

يا جماعة ..الرجال ماهوب يشاور ويقول وين أروح ..

ولا أظن إنه من أهل حايل ووده يروح يركب دباب في الثمامة ..!!

يعني عطوه الأشياء اللي من الممكن يروح لها في الرياض ..هذا بافتراض إنه أول مرة يطبها ..

عندك المطاعم اللي على مستوى ..إن بغيت المشاوي ..سرايا في العليا <--- شاك باسمه ..

أو النافورة ..وهذولي الله يعينك على السعر ..

إن بغيت شي ممتاز وسعره زين ..لا يفوتك الفخار ..

كانك راعي رز .. عندك الرومانسي وإلا المكي ..بالنسبة لي أفضلهن على غيرهن وإلا مطاعم الرز والمثلوثة يا كثرها ..

إن بغيت شاورما ..عندك الصاج.. وإن بغيت الكبدة عند دوار الأحساء ..

شف عاد لا يهمك أحد من اللي يهرجون المكان إن بغيته أنت يكون زين يصير من أحسن الأماكن ..والعكس صحيح..

وكل شيء يرجع لاهتماماتك والأشياء اللي تحبها ..يعني أذا رحت لديرة أحب أروح لبيوتها القديمة وأسواقها الشعبية ..بالإضافة إلى المعالم المعروفة ..

ويمكن عشان كذا رديت عليك ردي الأول ..

والله يوفقك وين مارحت ..

ردك s60s ومشكوور على الردين الاثنين

إقتباس:

البارق

كل توصيفك علي المطاعم

شسالفتك مع المطاعم بس

شكل ريان حتي منتدي الهلال ماراح يجيه ههههههههههههههه

ريان قول وش نفسك فيه بالرياض ونخبرك

يعني وش هوايتك <-- ولاتقول التزلج علي الجليد

يافاهمني يافاهمني ياعيني عليــك أكثر اللي وصفو وصفو مطاعم طبعاً مشكوووورين

لكن أقولك هوايتي الكوره يعني مثلا وين أشوف مباريات الدوري الاسباني والايطالي وللمعلوميه أعشق اشوف مباريات

حتى الدوري السعودي يعني لو مباراة للنصر في الرياض لقاني من العصر في الملعب

إقتباس:

اقول الرياض ماوراها الا الدجه
عندك حايل وش تبي اكثر من حايل يابعد حيي عندك هالجو الزين وهالامطار وهالطعوس
الرياض زحمه وتعيف نفسك وبيفلسون فيك الليموزينات
هذي نصيحتي لك

:cry: يابعد حيي ياحايل لكن مثل ماقلت غصب عني رايح :cry:

إقتباس:

قسم بالله منسمين

صدق تنفعون مرشدين سياحيين ..

ما أعتقد هو بيجي لـ السياحه .. لأن الرياض مب للسياحه

أنا رحت لـ الرياض مرتين أو ثلاث ..

مرهـ عشان زواج ومرهـ عشان ابوي يبي يروح له .. ومرهـ عشان نزور عمتي قبل 7 سنين .. والمتواجدهـ الآن في جدهـ

يوم أروح أنا والوالد وأخوي أبرز ماشفناهـ هناك ..

مطبه في طريق عام أكلناها ضرب راسي بـ السقف ودخل برقبتي

لا وكان صيف وحر .. وغبرهـ ..

ما أعرف شي بـ الرياض الا الفيصليه .. والسوق اللي دخلته من عند الفندق بدون عائلهـ ،،

من فوائد هـ الموضوع انه خلى الأعضاء يفضفضون ..

حبيت أشكر أهل الرياض على مدحهم الفضيع لـ الرياض

يعطيك العافيه ..

الحمد لله حدا مواضيعي فيه فائده :D متحطم من قلة الردووود <<

إقتباس:

تدعو الهيئة العليا لتطوير مدينة الرياض جميع أهالي وزوار مدينة الرياض إلى زيارة المتحف الوطني، حيث ان المتحف الوطني تحفة معمارية ، على جنباته وفي أروقته وبين ردهه يتحدث التاريخ من منبر الحضارة ليوثق اصالة الماضي في قلب جميل الحاضر ليرسما معاً تطلعات المستقبل وفق منهجية اصيله صاغتها الهيئة العليا لتطوير مدينة الرياض لتتوائم مع عدد من الاعتبارات الأساسية التي وجهت عملية التصميم، والتفصيلات الإنشائية، والتجهيزات التقنية، التي أكملت النسيج العمراني للمركز التاريخي. وأضافت اعتناء المتحف الذي يُعنى بتاريخ الجزيرة العربية، والحضارة الإسلامية، وسيناريو العرض المتحفي بعدا ً تاريخياً من ناحية المضمون .

كما شكل موقع المتحف في مركز الملك عبدالعزيز التاريخي بعداً آخر في تصميم المتحف، من حيث اعتبار متطلبات تطوير منطقة وسط المدينة، وبرنامج تطوير منطقة قصر الحكم، وطبيعة المؤسسات والمنشآت القائمة في المركز، والبيئة المفتوحة التي تهيمن على معظم أجزائه.

يشتمل مبنى المتحف على عشر قاعات للعرض المتحفي تتباين في شكلها وحجمها والممرات التي تربطها، ويتيح المتحف أنماطاً مختلفة من الحركة العابرة من خلاله عبر أرجاء المركز، أو داخله، والمتعلقة بالعرض المتحفي.

كما يسهم التصميم الخارجي لمبنى المتحف في تكوين المناطق المفتوحة والحدائق، من خلال الممرات المظللة، والتكوينات الجمالية، والتكوينات المائية، وأماكن الجلوس.

وعلى الرغم من الحداثة التي يتمتع بها مبنى المتحف إلا أنه ينسجم معمارياً مع المستويات المختلفة من العمارة التراثية التي يزخر بها مركز الملك عبدالعزيز التاريخي.

تتسم منشآت المتاحف ومبانيها بطبيعة متحفية. فمبنى المتحف غالباً ما يمثل متحفاً في حد ذاته.

لذلك تحظى مباني المتاحف بعناية تصميمية كبرى، وتسخر لها أحدث المعطيات التقنية في صناعة البناء, وهي مجال رحب للإبداع المعماري، وإظهار القدرات التقنية الإنشائية، وتتربع على رأس قائمة المنشآت المعمارية من حيث الجودة، والقيمة الحضارية العمرانية، إضافة إلى قيمتها الوظيفية كوسيلة تعليمية حديثة، وعنصر مجسد للقيم الاجتماعية والمعنوية التي يعتز بها المجتمع ويأتلفون حولها.

يأتي تصميم مبنى المتحف المعماري خلاصة للجمع بين وظيفتين:

الوظيفة الأولى: متعلقة بالعرض المتحفي حيث تتسم بالبساطة، والاستجابة المباشرة في أبسط صورها لمتطلبات سيناريو العرض المتحفي، واحتياجات الحركة داخل المتحف، والوظائف الأخرى، فقاعات العرض لا تستدعي في النواحي المعمارية أكثر من فراغات لا تفرض أي وجود منافس للعرض المتحفي، والذي غالباً ما يكون من خلال معروضاته، وما تحتاجه من وسائط ومؤثرات بيئية بصرية، تلغي وجود الجانب المعماري للقاعة في نظر الزائر للقاعة، هذه البساطة تجعل قاعات المتاحف مرنة في استيعاب أنواع مختلفة من العروض المتحفية.

إضافة إلى البساطة التي تتسم بها فراغات العرض المتحفي (القاعات والممرات) ينبغي أن تكون مؤهلة تقنياً وفنياً وإنشائياً لاستيعاب احتياجات العرض الفنية، والخدمات المساندة، كالتكييف، وأنظمة إطفاء الحرائق، وأنظمة النقل، وهنا قد تظهر احتياجات مختلفة، فالقاعات التي تحوي مؤثرات صوتية وبصرية، وعروضاً للوسائط المتعددة، تحتاج لتجهيزات تقنية وإليكترونية تختلف باختلاف موضوع العرض.

الوظيفة الثانية: متعلقة بدوره العمراني والحضري في الوسط المحيط به. (التصميم الخارجي للمتحف) ويندرج تحتها عدد من المتطلبات، فالمناسبة التي أنشئ من أجلها المتحف قد تشكل أحد أبعاد التصميم، كما أن طبيعة العرض المتحفي التي لا تؤثر بشكل بالغ في تصميم داخل المتحف (القاعات) غالباً ما تؤثر في التصميم الخارجي للمتحف، أما أقوى المؤثرات في التصميم الخارجي للمتحف فتكمن في موقع المتحف، وطبيعته العمرانية والحضارية، وهوية المدينة العمرانية، واحتياجات الجوار المحيط في الجانب التخطيطي، إضافة إلى البعد الجمالي، والتفرد المعماري لمبنى المتحف الذي يجعله أحد معالم المدينة، هذه الاعتبارات والأبعاد تضع أمام المصمم المعماري تحديات كبيرة، وتتيح له في الوقت نفسه مجالات رحبة للإبداع والجمع بين هذه المتطلبات.

هذه المتطلبات الوظيفية المختلفة، والأبعاد المعمارية التي ينبغي استيعابها في تصميم المتاحف تجعل من المتاحف مباني عالية الجودة، متفردة معمارياً، تشكّل علامات بارزة على عمران المدن، وتجعل من التصميم في حد ذاته قيمة جمالية حضارية تزداد بمرور الوقت.

الاعتبارات التصميمية في المتحف الوطني :

أخذت جملة من الاعتبارات والمحددات في وضع التصاميم المعمارية الأولية للمتحف الوطني، والتصاميم النهائية التنفيذية لمبنى المتحف ومنشآته، والجوار المحيط به.

يأتي إنشاء المتحف الوطني كأبرز عناصر مركز الملك عبدالعزيز التاريخي - بمناسبة مرور مائة عام على تأسيس المملكة العربية السعودية، إلا أنه أُعتبر في الاحتفاء بهذه المناسبة تأكيد المكانة العالمية والدولية لأرض الحرمين، وتوظيف المناسبة في تطوير مقومات النمو الثقافي، والتآلف الاجتماعي من خلال مؤسسات ثقافية من ضمنها المتحف الوطني.

لذا اعتبر في تصميم المتحف أن يكون بمستوى يعكس المكانة الدولية التي تتمتع بها البلاد.

في الجانب التقني، ينبغي أن يكون مبنى المتحف مؤهلاً لاستيعاب الجوانب التقنية للعروض المتحفية الحديثة، وأن يوفر بيئة عرض بمقاييس عالمية تجعله مؤهلاً لاستقبال العروض العالمية الزائرة، ومتطلبات سيناريو العرض المتحفي

كما يتسم موقع المشروع بعدد من الخصائص، فالمركز يقام على أرض قصر المربع الشهير، الذي ما تزال أهم عناصره الوظيفية والمعمارية قائمة (قصر المربع).

ومن حيث الجانب الوظيفي فمركز الملك عبدالعزيز التاريخي ستقام عليه عدد من المؤسسات الوطنية، والمنشآت التاريخية كدارة الملك عبدالعزيز، وفرع مكتبة الملك عبدالعزيز العامة، ووكالة الآثار والمتاحف، وقاعة الملك عبدالعزيز للمحاضرات، وجامع الملك عبدالعزيز، إضافة إلى الحدائق، والمناطق المفتوحة.

لذلك أعتبر في مبنى المتحف الوطني، ألا يكون في وضع تنافسي مع بقية منشآت المركز وعناصره، ومؤسساته. فلا يطغى مبنى المتحف على بقية العناصر، أو يلغيها، بل يكون في وضع تكاملي معها، وأن توظف سماته العمرانية الحديثة. لإظهار التباين مع الملامح العمرانية التراثية لبقية العناصر في إطار إيجابي متناسق.

واعتبر فيه - على ضخامة المبنى - أن يستهلك أقل قدر ممكن من المساحة، ليتيح مجالاً أوسع للمسطحات الخضراء، والمناطق المفتوحة، التي تشكل بيئة المركز العامة. ليس هذا فحسب، بل ينبغي أن يكون حضور مبنى المتحف ودوداً، يزيل مشاعر الرهبة التي قد تتولد لدى زوار المناطق المفتوحة، وأن يسهم في إكمال مرافق الحدائق المفتوحة، من أماكن الجلوس المتنوعة، والمنشآت الخدمية، والتكوينات الجمالية، وألا يعيق محاور الحركة العامة المفتوحة عبر أرجاء المركز في جميع الاتجاهات.

كما اعتبر في تصميمه، وتصميم بقية عناصر مركز الملك عبدالعزيز التاريخي أن يتكامل مع التصميم المعماري، والتخطيط الحضري لمنشآت منطقة قصر الحكم، بحيث تشكلان معاً طرفي محور التطوير الحضري والعمراني الذي سينفذ لاحقاً في المنطقة التي تفصل بينهما، ومنها حديقة الفوطة، والنسيج العمراني في منطقة الغراوية.

العرض المتحفي :

اعتبرت الهيئة العليا لتطوير مدينة الرياض -عند صياغة سيناريو العرض المتحفي- أن يتسم بالقيمة الفكرية التثقيفة التربوية العالية، من خلال الشمول الذي لا يقتصر على التاريخ الحديث للجزيرة العربية والدولة السعودية، وإنما يذهب بعيداً ليحكي قصة متصلة منذ تكون سطح الكرة الأرضية، وبدايات الوجود الإنساني في جزيرة العرب، ومن خلال التميز في منهجية معالجة الأحداث التاريخية، ووضعها في سياق العرض حسب أولويتها، فالعرض المتحفي يستند في محاكمته للتاريخ من خلال مقاصد الشريعة، والمبادئ الشرعية الثابتة في الحكم على الأحداث، وتقويم التجارب البشرية عبر الأزمان.

وبدلاً من الاقتصار في تصميم فراغات المتحف الوظيفية علي مجرد تقديم فراغات محايدة لاستيعاب مواضيع القاعات. اتجهت الهيئة إلى ضرورة أن يسهم تصميم قاعات المتحف في إبراز الجوانب الموضوعية في العرض المتحفي. وأن يقدم حلولاً لبعض التحديات التي تضمنها العرض.

فالعرض المتحفي يعالج جميع الفترات التاريخية، وضمن هذا المدى الزمني الطويل جداً تكمن مراحل تاريخية ثرية، تستوعب كل واحدة منها متحفاً مستقلاً، ومثل هذا العرض المطول الملئ بالمحطات يفرز عدداً من التحديات من أهمها: الملل والإرهاق الذي قد يصيب الزوار عند التنقل بين مواضيع المتحف الكثيرة. فكان لزاماً أن تتسم قاعات المتحف بالتنوع المعماري، الذي يجعل رحلة الزائر عبر تاريخ المتحف متصلة التشويق والإثارة، وأن تسمح في الوقت ذاته بمستويات مختلفة من الحركة، كالحركة العابرة عبر جميع المواضيع، والحركة المتفحصة لمواضيع محددة، وأن يتاح للزوار بدء الرحلة في وقت، وإكمالها في آخر، وعدم اشتراط الانطلاق من البداية في فهم مواضيع قاعات محددة.

كما اعتبر في التصميم أن يسهم في إبراز بعض الجوانب المعنوية والموضوعية في العرض التاريخي، فالمعروضات التاريخية التي لا تنتمي إلى فترات زمنية محددة، وضعت خارج القاعات في مناطق بينية، والصعود عبر سلم متحرك من قاعة العرض التاريخي لفترة الجاهلية إلى قاعة العرض التاريخي للبعثة النبوية يجسد للزائر السمو الذي رفع الله به البشرية بالإسلام من حمأة الجاهلية، ويجسد الجسر المعلق الذي يربط بين كتلتي المتحف إلى حادثة الهجرة النبوية، التي كانت بداية ظهور الإسلام، وفاصل مهم في تاريخ البشرية جميعاً، منذ أن وقعت إلى يوم الدين، فكانت همزة الوصل بين زمنين: زمن الجاهلية وزمن الإسلام، وكذلك يشير مبنى المتحف في وضع القاعات المتعلقة بما قبل البعثة والهجرة النبوية في جهة، والقاعات التي تليها في الجهة المقابلة.

الهوية العمرانية :

سعت الهيئة العليا العليا لتطوير مدينة الرياض في بلورة الهوية العمرانية لمدينة الرياض، إلى تطوير نماذج عمرانية تستلهم مفهوم الطابع العمراني التراثي لمدينة الرياض الذي جسدته المباني الطينية القديمة، وتكون قادرة على استيعاب المتطلبات الوظيفية، والطابع الحضري الحديث للمدينة.

وذلك من خلال نظرة أكثر عمقاً لمفهوم الهوية العمرانية من مجرد تكرار الملامح التراثية الشكلية في المباني والمنشآت الحديثة، فالهوية المعمارية هي أعلى درجات التناغم والتكامل بين المعمار والمكان والسكان في ذلك المكان، فإذا كان المعمار يراعي الظروف المناخية، والجغرافية للمكان، ويوظف مواده، وموارده، ويستوعب احتياج المستخدمين في ذلك المكان، وفق ثقافتهم وعاداتهم، ويقوم بالواجبات الوظيفية، فتلك هي الهوية العمرانية للمكان، إنه معمار يصعب تقبله خارج بيئته، وفي الوقت نفسه يشكل أعلى درجات التكامل والتناسق مع بيئته ومحيطه.

مثل هذه المنهجية والعمق في النظر لمفهوم المعمار التراثي والهوية المعمارية لا يشكل عائقاً أمام الحداثة والتقنية، ويتيح مجالاً واسعاً من التنوع والإبداع، فمنشآت قصر الحكم، ومنشآت حي السفارات، ومنها قصر طويق، ومنشآت مركز الملك عبدالعزيز التاريخي - على اختلافها - يشكل التناغم مع المكان قاسماً مشتركاً بينها، وتعكس جميعها هوية موحدة.

يمثل المتحف الوطني أحد العناصر الرئيسة المشكلة للهوية المعمارية لمدينة الرياض، فقد أنشيء إلى جوار عدد من المباني التاريخية المتفاوتة في القيمة التراثية، والمختلفة في منهج المعالجة المعمارية، والمتحف إضافة إلى المكتبة وقاعة المحاضرات منشآت إضافية حديثة إلى مركز الملك عبدالعزيز التاريخي، وأكثرها حداثة وتقنية المتحف الوطني، فاعتبر في تصميمه أن يعطي قدراً من التباين مع المباني التراثية في الموقع، وخصوصاً مبنى دارة الملك عبدالعزيز، الذي أعيد بناؤه على حدود قصر الملك عبدالعزيز في المربع، هذا التباين بين المنشآت تربطه وتوحده عوامل كثيرة من أهمها: تجانس البيئة المحيطة بجميع المنشآت، والمتمثلة في الحدائق والمناطق المفتوحة، إضافة إلى تجانس كتل المباني وأبعادها الإنسانية، التي تجعل الزائر والناظر لا يشعر باختلاف أكان في المتحف أو الدارة، ويدعم هذا التجانس استخدام مواد إنشائية موحدة، وتكسيات داخلية وخارجية متجانسة، إضافة إلى طبيعة الاتصال بين المنشات القائمة في المركز، فتعد محاور الحركة واختراقها لمعظم المباني، فضلاً عن تقاربها مؤكدات للتجانس بين هذه المنشآت، على الرغم من التباين الكبير بينها في التصميم والوظيفة.

الفكرة العامة للتصميم :

صمم مبنى المتحف الوطني، ليكون أحد المعالم العمرانية للمدينة، يجسد هويتها المعمارية، والحضارية.

مساحة أرض المتحف 17000م2، وتزيد مساحة مبانيه عن 38000م2، إلا أن حجمه الكبير نسبياً لا يطغى على بقية العناصر المعمارية والمنشآت المؤسسية الأخرى في مركز الملك عبدالعزيز التاريخي، في تباين تكاملي مع تصميم هذه العناصر.

تشكل واجهات المتحف، وحوائطه الخارجية محددات للمناطق المفتوحة وحدائق المركز، وعناصر مكملة لها، نظراً لما تتسم به من تكوينات جمالية، تحمل قدراً من الرمزية، أو بما توفره من مرافق، وممرات، وتكوينات مائية، وأماكن للجلوس.

يتكون المتحف من عشر قاعات عرض كبرى، تتسم في الجملة ببساطة التصميم، وتوفير الفراغ الفسيح الذي يستوعب أنماطاً متعددة من العروض المتحفية، تمتاز قاعات المتحف بقدر من الاختلاف في الشكل والحجم والمداخل والممرات وطريقة الاتصال بعضها ببعض، ما يعطي قدراً من الرمزية، وتأكيد بعض الجوانب الموضوعية التي تضمنها العرض المتحفي، والقيم التي يسعى لإبرازها، وهذا التنوع يضفي أجواء متصلة من التشويق، والإثارة المتجددة أثناء تجول الزوار عبر قاعات المتحف.

كما يشتمل المتحف على فراغات وظيفية وخدمية أخرى، فهناك المستودعات، وأماكن حفظ المعروضات، ومعامل معالجة المعروضات التراثية وصيانتها، إضافة إلى مكاتب الموظفين والإدارة، وتجهيزات الخدمات، كالأنظمة الكهربائية، وأنظمة التكييف والأمن، إضافة إلى أنظمة العرض، حيث زود المتحف بشبكة إليكترونية مترابطة بالألياف البصرية.

ويتصل مبنى المتحف من الخارج. بمبنى مكتبي من دورين خصص مقراً لوكالة الآثار والمتاحف، يتسم مبنى الوكالة بالبساطة، كما يتصل عضوياً بمبنى المتحف عبر عدة أروقة، تذكِّر بالأروقة القديمة التي كانت تربط مباني قصور المربع، وتشكل أحد العناصر الجمالية في المركز، ومحدداً بصرياً لميدان المربع، فضلاً عما توفره من ممرات مظللة، وأماكن لجلوس الزوار.

الحركة في المتحف :

يتيح مبنى المتحف أنماطاً مختلفة من الحركة حوله وداخله، فمن الخارج يتيح مبنى المتحف - الكبير نسبياً - مرور الحركة العابرة عبر المركز في الاتجاه الشرقي الغربي، عبر البوابة الرئيسة للمتحف، وهذا الممر متاح معظم الوقت، دون أن يؤثر على حركة زوار المتحف وقاصديه، ونظراً لاتساع مركز الملك عبدالعزيز التاريخي، وتوزع مواقف السيارات في جهاته الأربع، وضع المدخل الرئيسي للمتحف مع البهو الرئيسي في وسط المتحف، وتكوين هذا المدخل مع قاعته الفسيحة يتيح إتصالاً مباشراً بالمناطق المفتوحة والحدائق من ثلاث جهات، فيمكن للزائرين الوصول إلى بهو المتحف من عدة مداخل، مرتبطة بالمتنزه العام، من الجهات الغربية والجنوبية والشرقية، وجميعها قريبة من مواقف السيارات، ولا تضطر الزوار لحركة التفاف طويلة حول مباني المتحف للوصول إلى مداخله، كما أن المدخل المتوسط للمتحف (البهو)، يتوسط أيضاً سيناريو العرض المتحفي، ويتيح للزائر الانتقال بشكل مباشر إلى القاعة التي يريدها، دون الحاجة للسير وفق التسلسل المنهجي لقاعات المتحف.

من الداخل يتيح المتحف أنماطاً مختلفة من الحركة، فيوفر تصميم المتحف ممرات خلفية ومداخل مستقلة تقود العاملين في المتحف إلى مكاتبهم، ومن خلال الاتصال الآخر بين مكاتب الموظفين وقاعات العرض المتحفي يتاح للعاملين الوصول إلى القاعات، إنطلاقاً من مكاتبهم، دون الحاجة للخروج من المبنى.

أما الحركة المتعلقة بالعرض المتحفي، فتنقسم إلى ثلاثة أنواع، الأول: المعني بالحركة العابرة بين القاعات، وهي تتيح للزوار السير وفق التسلسل الموضوعي، بدءاً من القاعة الأولى، وانتهاء بالقاعة الأخيرة، أو الاتجاه مباشرة إلى قاعة محددة، وتمتاز الممرات الواصلة بين القاعات بالتغير في الشكل، والتصميم والحجم، وتشكل في حد ذاتها مجالاً للعرض المتحفي، كالممر الموصل بين القاعة الأولى، والقاعة الثانية الذي يشكل بالنظر إلى اتساعه، ووفرة معروضاته، وتفرد وسائط العرض فيه قاعة مستقلة، ومثل هذا ينطبق على الجسر المتحرك الذي يربط القاعة الثالثة (قاعة العصر الجاهلي) بالقاعة الرابعة (قاعة البعثة النبوية)، وكذلك جسر الهجرة الذي يربط القاعة الرابعة (البعثة النبوية) بالقاعة الخامسة (الإسلام والجزيرة العربية) كل هذه الممرات تمتاز بتصميم مختلف، وتحوي معروضات ووسائط عرض تشكل جانباً مهماً من العرض المتحفي، وتسهم بدور كبير في ترابط سيناريو العرض المتحفي، وإبراز الفكرة الأساسية من العرض التاريخي للمحتوى المتحفي.

النوع الثاني من الحركة المتعلقة بالعرض المتحفي، تكون داخل القاعات، فكل قاعة إضافة إلى اتصال موضوعها بالقاعة التي تليها، والقاعة التي تسبقها تتضمن سيناريو عرض متحفي مستقلاً بها، فالقاعة الأولى - على سبيل المثال - يبدأ سيناريو عرضها المتحفي بتكوين الكون، والقوى المشكلة لسطح الأرض، ثم الأدوات البشرية الأولى، ثم بيئات الجزيرة العربية وتختم ببدايات النقوش الإنسانية، ومثل هذه السيناريوهات المستقلة توجد في جميع القاعات.

النوع الثالث من الحركة المتعلقة بالعرض المتحفي، وهي تتم - أيضاً - داخل القاعات، ولكنها ضمن الجوانب الموضوعية الجزئية في سيناريو العرض الخاص بالقاعة، فالموضوع الأول في القاعة الأولى المتعلق بنشأة الكون، يتضمن سيناريو تفصيلي، يبدأ بنشأة الكون والمجرات، ثم حركة القارات، ثم القوى المشكلة لسطح الأرض، ثم تكوين القشرة الأرضية والمعادن،. وهكذا.

وبعد فتصميم المتحف الوطني يجمع بين البساطة والتفرد، والوضوح الوظيفي مع الجمع بين مستويات مختلفة من الوظائف والأداء، كما أنه من الخارج يبدو منسجماً مع الجوار المحيط المتمثل في طبيعة المركز الخضراء ومنشآته الثقافية، وكأنه أقدم هذه المنشآت في الموقع، وكأنما صممت بقية العناصر للإنسجام معه، وهو على مكانته المعنوية العالية، وما يضفيه على الزائر من شعور بالهيبة والوقار، يظل على الدوام يوفر للزائر بيئات مشوقة، وإطلالات متجددة، وهو من الخارج يبدو مألوفاً بأبعاده الإنسانية، لا يشكل نهايات صارمة للبيئة المرحة المحيطة به، بل من أسواره وكتله تبدأ البيئة الترويحية، التي تغلب على مركز الملك عبدالعزيز التاريخي.

المـوقع الرسـمي للمتحـف
http://www.saudimuseum.com/

مشكــور على جهدك أخوي لكن وين مكان المتحف ؟؟

إقتباس:

iq1399 << ولكم باك لي بعد العودة

أحلى باك :yes:

إقتباس:

iq1399

اقول لاتقعد تترييق

نصلح ترانا مرشدين سياحيين

الرياض كلها مافيها شي

اتصل على الدليل السياحي وافلقني ان قالوا لك اين تذهب

يا ان الواحد يمشي مع الفلبن ويروح يلعب بولنج او يروح فال

او انه يذلف لعالم الثلج (احلى عالم ايه هين) الخايس اللي بطريق الملك عبدالله

او يروح يلعب بلياردو وترى عندهم مقاهي نت حلوة

وطعس في نهاية الدايري

ومقاهي معسل

عندهم معسل بنزين وبدل الموية يحطون موية اسيد عشان تضبط راسك

وافلقني ان قالوا لك اين تذهب :D ياعيني عليك

بس ترا ما احب سوالف الدخان والشيشه :rolleyes:

إقتباس:

يا ولد التواجر وراك ماتعقل
الرياض وش حلاتها ووش زينها ويكفي اني فيها <<< ايه كثر لي
لا والله من جد اتكلم .. انا ما اقول ان الرياض سياحية بالدرجة الاولى .. لكن يظل فيها اشياء تستاهل الزيارة مثل ( المصمك , الدرعية , الفيصلية , المملكة , الكترو , جيان , هايبر بنده , شارع العليا عموما , التحلية , الثمامة , مصانع الالبان في الخرج , منتجع المرسى اللي في الدائري الشرقي , فانتزي لاند اللي في الثمامة , الجسر المعلق , نادي الهلال , الصالات الرياضية ) وللمهجولين ( البركسات , العمارية , غروب الشمال , البحري , الفورسية , البعارين , الاصفر , اربعين الربوة , الجوهرة )

كل الدول مدنها مقسمة عدة تقسيمات ( العاصمة وفيها اجهزة الحكومة الرئيسية , المدن الصناعية وفيها المصانع والشركات , والمدن السياحية وفيها مناطق السياحة , وخدمات الترفيه) ومن المعروف ان العواصم تكون قليلة المناطق السياحية , لانها يالله تتحمل اهلها واحتياجاتهم المتفرقة , سواء امنية او غيره .. والكلام ينطبق على الرياض ..

تخيل انت ان الرياض صارت عاصمة ومدينة سياحية بنفس الوقت , كيف بتكون الزحمة , وكيف بتكون الاسعار , وكيف بيكون الغثاء !!! الحين حنا ماعندنا احد وبلشين باعمارنا , اجل كيف لو مثلاُ طبوا علينا حقين الخليج جايين سياحة للرياض !!! وش يصير الحال ..

تبقى الرياض عاصمة المملكة , ويكفي ان اميرها اللي حاطه بتوقيعي , يا شيخ لو هي دمار وهو الامير كان جلست , اجل كيف وهي عمار .. يالله لك الحمد ..

واختم مثل مابديت :

الرياض وش حلاتها ووش زينها ويكفي اني فيها <<< بدون ايه كثر لي

مصانع الألبان :D أحسن مكان

وفعلا زينة الرياض الامير سلمان الله يحفظه

إقتباس:

خلاص قفلوا الموضوع مني انا ريان هون موب جاي للرياض

ههههههههه

لا ان شاء الله جاي جاي :cry:

إقتباس:

الــرجــال كــره الــيــوم الــلــي كــتــب فــيــه الــمــوضــوع وكــرهــتــوه بــشــبــكة الــزعــيم ..

بــس الــمــوضــوع جــاب فــائــدة ..

والــفــائــدة هــي إن الأعــضــاء لــهــم مــســتــقــبــل يــكــونــوا مــرشــيــدين ســيــاحــيــيــن..!!

بالعكس اول مره اكتب موضوع يصير له اقبال

وتراني لي فوائد بس محد يعرف :)

إقتباس:

ههههههههههههههه

أيضاً الله يرجكم ..

اللي قالوا إنه ماهوب جاي يعبي بطنه ..

أقول تخيل نفسك في أي مدينة ثانية ما تعرفها .. وش الأشياء اللي ودك تدري عنها قبل ما تروح لها .. إن كان المطاعم شيء عادي بالنسبة لك إفلقني ..

إلا من جد وين ريان

:D اول واحد يسال والله انا كتبت الموضوع وانا مستعجل عشان الاختبارات :D

والاربعاء طلعت البر ومافضيت الا ظهر الخميس وها انا ذا