|
<<< وده يناظر لـ tofo :D بس مستحي هههههههههههههههههههه ملزم علي الرياض يعني ياريان روح جده ترا احسن لك :D |
هامور الله يرجك:D بس حلو التطعيس ياسندريلا هههههههههه تعبنا واحنا نطعس والرجال جاي من حائل يعني عندهم طعوس ومالين منها والله ياريان فتحت علينا موضوع تخلينا نفضفض فيه.. بتستغرب من ردودنا بتقول إلى هالدرجه الرياض طفش.. وربي لو تأخذ خيمتك وتطلع البر ابرك لك من الرياض تعرف احنا بأيام ربيع :d <---يتخيل يكتبون بلوحات قبل ماتدخل الرياض ( للعوائل فقط ) :( |
الا اقول شرايك تعزمنا بس :D ونجيكم حائل يقولون عندكم رالي هاليومين |
صراحه الرياااااااض بااااااايخه مو حقت الاجازات ... وانصحك لاتفكر حتى تزورها ... |
. الرياض اسواق ومطاعم ومقاهي .. والسوق زي ماقالت دلع لازم معك اهل .. وعندك الثمامه فيها منتزهات وبعد للعوائل ..:) والمقاهي بالتحليه على افى من يشيــل .. خل الليموزين يدوور فيك ويمشييك ترى الرياض توسع الصدر .. بس اماكن الترفيه محدووده .. ومرحبــا فيك بالعاصمــه .. . |
ايه لازم تمدحونها يالبنات :D كل شي متوفر لكم وين مارحتو يقولون حياكم وتعالو اجل عمره ردوكم وقالو مخصص لشباب :D خطر لو كان جالسين شباب يقومونهم ويجلسونكم مكانهم :D |
تعال حياك الله.. يابعد حيي نورت الرياض .. بس الله لا يهينك جب معك اهلك ولا منت داخل شي .. حتى الشقق عساك تحصل عزاب .. ومع هذا الرياض حلوه ونحبها .. حياك الله .. وسندريلا كفت ووفت .. |
يا هلا بك يا ريان في بلدك الثاني الرياض ..:D:D على العموم تراني تارك الرياض بس يعني ادل فيها معليك ..:D شف عاد اللي يقولون لك البر زين والثمامة يحسبونك جاي من مدريد ..:D يا ناس الرجال من حايل أهل البر ..يعني طعوس عندهم النفود .. وإن كانها أودية وشعبان عندهم احسن الأماكن ..:) شف يالغالي ..الرياض كانك بتتسوق أو تمر لك شيء معين فهي زينة ..أما إن كنت جاي لها للترفيه فأشوفها صعبة شوي ..:( إن كانك من راعين لعب البلياردو أو الولينج أو تنس الطاولة والصالات الرياضية فهذ موجودة بكثرة ..:) وكذلك مقاهي شارع التحلية ..هذا ترفيه أهل الرياض ..:D فيه أماكن ممكن تزورها في الرياض وهي ماهيب ذاك الزود لكن نقدر نعتبرها معالم في الرياض مثل ( حديقة الحيوان في الملز + مركز الملك عبدالعزيز التاريخي + الدرعية الأثرية ) المهم كانك راعي رواقة ..عندك شارع الثميري اللي جنب قصر المصمك محلاته حلوة ..وممكن تاخذ لك لفة في المصمك ..وبعد الساحات اللي عنده جميلة ومع الأسف اللي مستفيد منها الأجانب ..:( لا تنسى فيه مقهى هناك جنب المصمك لا تفوت قهوته ..:) وإذا رحت هناك عندك سوق الزل أو البشوت ..حلو تاخذ لك فيه لفة بعد ..وفيه ممكن تاخذ لك فروة أو بشت ..:D بس عاد لا تفوت إنك تشتري عقال من المحلات هناك لأن عقلهم غير ..:) وكانك راعي آثار وأماكن أثرية عندك الدرعية القديمة ..وإن كانك راعي إلكترونيات عندك البطحاء ..:D:D الشيء الوحيد اللي مانت مبتلش فيه هو الأكل ..المطاعم في الرياض أشكال وأنواع وأي شيء ببالك وودك تاكله ماراح تضيع ..:D:D والله يعينك ..:d |
إقتباس:
الرياض وش طبيعتها ... !!! الرياض مدينة الشيء اللي تتميز فيه هو منطقة الثمامة .. لانها تحتل في الترفية المرتبة الاولى .. يعني عندنا بحــر وباخلتن فيه عليكم:D عشان ماعندنا بحــر .. !! نروح نشوف اللي عندنا وهي المناطق البرية .. !! هو جاي من حايل عندهم بر !! طيب مو احنا يكون عندنا في الرياض ملاهي ونروح ملاهي في الشرقيه ولا جدة !!! التغيير مطلوب والتجديد .حلو!! بعدين مو معقولة الرياض تكون كلها سلبيات ولا طبيعي تكون كلها ايجابية انا ماقلت الرياض سياحية من الدرجة الاولى !! لكن فيها أماكن ممكن تروح لها وتزوها .. !! هو زائر لمنطقة الرياض !! مو مثلنا مقيم فيها !! حتى يشعر باملل والروتين!! بعدين هو ضيف عندنا ومن واجبنا ان احنا نزين المكان في نظره مهما كان مو نكسر من مجاديفه!! احنا واجبنا نوجهه ونعلمة عن ابرز الاماكن اللي ممكن يروح لها .. ! مو يقول بزور الرياض والكل يقوم يسب ويستهجن زيارتة .. من حق الرياض علينا كمدينة سكناها وسكنتنا ..أن نبرز الجانب الحسن والجميل فيها ونحاول أن نعدل السيء منها .. اما تشويه الرياض بهذه الطريقة شيء مؤسف بصراحة .. احيانا تزور مدينة ضخمه ورائعه من كل شيء كل ماتتمناه متوفر لكن سبحان الله ماتشعر بسعادة او على قولتنا مهب وسيعة صدر .. واحيانا تروح مدينة عاديه لكن تنبسط فيها وماتمل من القعده فيها يعني الاماكن سبب من اسباب الراحة اللي هي الأساس ..وليست كل شيء .. الرياض ترحــب بكل زوارها .. |
أنا باذن الله العطله هالاسبوع الا اقضيه بحايــــــــــــــــل وتراك تبي تندم لا رجعت وسمعت بالوناسه اللي صارت بالرالي الا كانك مرتبط بشغل بالرياض بعد ماشفت الرالي العام والوناسه اللي فيه العام حلفت اني ما افوت ولا رالي بحايل وانصح ربعنا بالرياض انهم يروحون لحايل(( العزوبيه)) ممنوع العوايل ياعمري يا حايل بردت الكبد شي مخصص للعزوبيه ولتسقط العوايـــــل |
^ ^ ^ والله وانا اخوك فريت المملكه كلها باايخه مافيها الا ابهاء هي اللي اشوا |
هلا بريان:) هلا وغلا بابن محبوبتي:yes: اسمع تكفى ابعطيك رقم خالي تجيبه معك للرياض واذا أقنعته وجا معك لك مني أروح انا واياك وهو لبانكوك نقعد عشر أيام نفل أم الدعوى وننكس :yes: محمول مكفول مشكور |
ياخوي وش يوديك الرياض تعال عندنا جده فهي ام الرخا والشده والفله والوناسه هع هع اما انا ماقد رحت الرياض ومقدر افيدك بس نصيحه تعال عروس البحر الاحمر فالعكس هناك كلهم شباب وممنوع دخول العوائل هع هع مجوودي |
والله الرياض تهبل فيها كل شي يعني اسواق مطاعم مقاهي تتمشى اللي تبي فيها ماعليك منهم والله بتستانس إذا جيت يكفي ان فيها نادي الهلاال رح يوم زياره لنادي وعندك منتزه سلاام روعه وخاصه هالوقت وحديقة الوطن خياال ومنتزهات كثييره على طريق الثمامه |
وش ذا . موب الى هالدرجه عاد الرياض بايخه :confused: لا ماعليك منهم تعال للرياض . بس المهم لاتحط ببالك انك بتستانس بالحيل . او اذا لك احد تعرفه بتستانس اما بلحالك بتقعد تحاوط فيها مااتوقعشي وانت جاي من المطار لازم توقف تصور عند البوابه . معالمنا تبدا من هناك :p < تقرا رد البارق زي ماقالك لاتفوت البطحا وخصوصا يوم الجمعه فيه احتفالات هناك .. ومحمد عبدو مسوي له حفله بالمصمك والساحات اللي قال عنها البارق بعد لاتفوتك ولاتنسى تاخذ معك سيكل اابو هنود ولا دباب بطه عشان يمديك تجاكر المصاريا والسودانيز اللي هناك . بس للمعلوميه ترى السياره ماتدخل الين هناك لازم توقف برا :p < يمديكم بنت وكل هالمعلومات :D وبآخر يوم لك الساعه 5 المغرب رح لم الفيصليه فوق وتفرج على الرياض من فوق بتلقى بيت احمر هذا بيتنا ان بغيت شي ولا شي لايردك الا لسانك . وان خلصت من الفيصليه رح للمملكه فوق تفرج على الرياض بعد بس من زاويه اخرى ;) ومره اخرى حاول انك تحول لدبي اصرف لك :D |
| الوقت المعتمد في المنتدى بتوقيت جرينتش +3.
الوقت الان » 04:15 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd