مــاهو سبب حقد الجزيرة و الكاس و دبي وابوظبي والكويت للمنتخب السعودي ............؟؟!! - نادي الهلال السعودي - شبكة الزعيم

BLACK KNIGHT · #1 29/01/2007, 02:24 PM

السلام عليكم ورحمة الله ..

عندي استفسار ..؟

ليه القنوات حاقده علينا .. ؟؟

انا بستلم القنوات وحده وحده ..

الجزيرة ... يازين هذي القناه وهي تنقل الدوري الايطالي و الاسباني .. وياشينهم اذا جابوا طاري السعودية ..

يوم منتخب الكوكتيل حقهم .. اخذ ميداليه ماهو كاس اسياد سوو زحمة كانها كــــــــــاس اسيا ..!!

قطعوا في منتخبنا يوم طلع ويوم منتخبهم ماجابوا طاري .. منتخبهم ابو نقطة بالغلط مع صقورنا .. منتخب قطرالمنتخب اللي فيه مصري و غاني ومدري وشو حارسهم ومهاجمهم ابو شعر الاسود والحين الخلفه خلفان ولد الصدفه ومسوين زحمة بسبستيان اللي ماسو اي شي مفيد غير تصليح الهدف .. بس معروفين منتخب قطر .. لها الشرف التعادل معنا وهذا شئ باعتراف الكثير .. ولكن انهم منتخب الاعلام خلاه اطلق من البرازيل !!!

الكاس ..

قناه غريبه انكم ماجبتوا طاريها .. قسم بالله هذاك اللي كانه (( مكي ماوس )) اللي وجه مايل اللهم لك الحمد حط السعوديه بنجلادش .. ؟؟؟ ياخي رافع ضغطي .. لا ويتكلم على الزياني وعلى الداود ... ياخي عيب عليهم ودي اشوف حلقتهم يوم ينهزم منتخب الكوكتيل !! بشوف الميكي ماوس وش بيقول ..

دبي و ابوظبي ..

فالحه في التضحك على المنتخب السعودي وخلق المشاكل بين الاعبين وتشتيت اذاهان الاعبين فيه برنامج في ابوظبي او دبي وحده منهم قالوا وين السعوديين مادقوا علينا .. وقام يتطنز علينا ..؟؟

من زين منتخبهم ماعندهم الا لاعب واحد اللي هو مطر لو جته اصابه ماصارو يسون ريال ...

قناه الكويت ..

لو منتخبهم ماهو بحالته الحاليه والله يابيشبون فيك شب ..

ماقصروا سوو برنامج يوم اننا تاهلنا لكــــــــــاس العالم 2006.. بس احس انه سووه غصب فوق خشومهم ..

فيه واحد دق ما انساه .. قال للمذيع قل امين قال امين ... قال تخسر السعودية 10 / 0 ...؟؟؟!!!

طيب ليه .. والله اتمنى اعرف السبب ..

حتى الحكم السعودي ..... والله المسكين شبوا فيه وهو والله ماسوا غلط ..؟؟!!!

شي يقهر ..؟؟

الكل ضدنا ... ليه ؟؟

علموني وش السالفه يمكن اني غلطان او شي ... ؟؟؟

اسف على الاطاله ..

سور الهلال العظيم · #2 29/01/2007, 02:31 PM

الكبير كبير

MaKeL aLJaW · #3 29/01/2007, 02:33 PM

ماترمى الاالشجرة المثمرة ..

ارفع راسك ولاتهتم بهرج الحساد وانا اخوك

shgawee · #4 29/01/2007, 02:34 PM

هلا أخوي

أنا بتكلم عن قنوات أبوظبي ودبي

لو كان فعلاص قيل هالكلام فعيب عليهم

ولكن أنا متابع من بداية البطوله ياخوي

وما سمعت الكلمه اللي أنت كاتبها ..

يمكن تقصد يوم إتصل واحد سعودي وقال

ليش ما تسوون مقابلات مع اللعيبه السيعوديين ..

فقال المذيع إنه ممنوع الإقتراب من جميع اللاعبين فالبطوله

ولو نقدر بنتصل بهم .. هذا اللي سمعته بس ..

وأتمنى ما يكونوا سبب في تفرقتنا ...

لأنها فالنهايه مجرد قنوات تخدم مصالحها ...

BLACK KNIGHT · #5 29/01/2007, 02:36 PM

طيب انا ماهموني ..

بس ابي اعرف وش السبب ..؟؟

BLACK KNIGHT · #6 29/01/2007, 02:39 PM

إقتباس

الرسالة الأصلية كتبت بواسطة shgawee


	هلا أخوي أنا بتكلم عن قنوات أبوظبي ودبي لو كان فعلاص قيل هالكلام فعيب عليهم ولكن أنا متابع من بداية البطوله ياخوي وما سمعت الكلمه اللي أنت كاتبها .. يمكن تقصد يوم إتصل واحد سعودي وقال ليش ما تسوون مقابلات مع اللعيبه السيعوديين .. فقال المذيع إنه ممنوع الإقتراب من جميع اللاعبين فالبطوله ولو نقدر بنتصل بهم .. هذا اللي سمعته بس .. وأتمنى ما يكونوا سبب في تفرقتنا ... لأنها فالنهايه مجرد قنوات تخدم مصالحها ...

اكيد انها ماراح تكون سبب في التفرقه ..

السوال هل من المفترض ترك المجال لهم ..؟؟

*بدر* · #7 29/01/2007, 02:40 PM

والله انهم مساكين مقهوريييييييييييين

G o L d E s T · #8 29/01/2007, 02:40 PM

ابو ظبي ودبي

ما شفت عليهم شي

اما البقيه

كل ناجح محارب

shgawee · #9 29/01/2007, 02:43 PM

بالطبع يجب عدم الموافقه على ما يفعلون (( لو حدث ))

وإن شاء الله سيخسر كل من يحاول التهجم على السعوديه ..

يعطيكم العافيه ...

يـ إني هلاليه ـلوموني · #10 29/01/2007, 02:47 PM

ماضر السحاااب نــــــــــبــح الـ ----

thanx

BLACK KNIGHT · #11 29/01/2007, 02:53 PM

إقتباس

الرسالة الأصلية كتبت بواسطة مجنون @ الزعيم


	ابو ظبي ودبي ما شفت عليهم شي اما البقيه كل ناجح محارب

والله ركز شو وشف .. بس الحين هم مسوين قلق عشان نهائي كاس العالم .. اقصد الخليج

BLACK KNIGHT · #12 29/01/2007, 02:54 PM

إقتباس

الرسالة الأصلية كتبت بواسطة shgawee


	بالطبع يجب عدم الموافقه على ما يفعلون (( لو حدث )) وإن شاء الله سيخسر كل من يحاول التهجم على السعوديه .. يعطيكم العافيه ...

والله اتمنى ان نقف في وجهيهم .. والله الاعلام راح يسبب تفرقه بينا ..؟؟!!

هـلالـي للنخاع · #13 29/01/2007, 05:24 PM

إذ طعنت من الخلف فأعلم انك بالمقدمه

الله يكفينا شر الحسود

قسم بالله هذولي حاقدين فيهم من الحقد على السعوديه اللي معميهم

كبيررر يا وطـنـي

juve1897 · #14 29/01/2007, 05:31 PM

دبي مافيها شين الا اللي اسمه يعقوب السعدي لو يقلل بس من هالنفخات يكون احسن والا تراها ممتازة

أبو غاده الهلالي · #15 29/01/2007, 05:35 PM

الكاس والجزيره حقد سياسي ودبي أشوفه عاديه بعكس تبعد الظغط عن المنتخب الامارتي