29/01/2007, 04:11 AM
|
| زعيــم متواصــل | | تاريخ التسجيل: 20/09/2006 المكان: الرياض..
مشاركات: 192
| |
|
وش الي يصير...
السلام عليكم ورحمة الله وبركاته...... بصراحه وش الي يصير في الزعيم انا اول مره اشوف النادي بهذي الصوره....... * مافيه اي اهتمام من الاداره بالنادي مدرب يقال رغم النتائج الايجابيه وبدون سبب مقنع استغرب من ابو سلطان يسمع كلام الجماهير بالنسبه لاقالة بيسيرو رغم ان الجماهير عاطفيه في ارائها اذا فاز الفريق احسن مدرب واذا خسر تقوم الدنيا يعني ياسر القحطاني في الموسم الماضي ترك الخبر وانتقل الرياض ومع ذلك احتاج الى موسم كامل حتى ينسجم مع الفريق ابغى اي واحد يقول لي وش سوى ياسر الموسم الماضي مع الهلال ولاشي الا في قليل من المباريات رغم انه سعودي يتكلم نفس اللغه ونفس الدين ونفس العادات والتقاليد ونفس كل شئ ومع ذلك احتاج موسم كامل اجل مدرب اول مره يطلع برا بلاده ولغه مختلفه ودين جديد عليه وعادات وتقاليد ومجتمع لاول مره يشاهده كل شي مختلف مدرب محترف في دوري مايطبق الاحتراف وبعد كل هذا نبغى من المدرب يفوز في كل المباريات ( مستحيل )........ والله حرام ..... كان مفروض نصبر عليه المدرب عنده اشياء كثيره يقدمها فاز معنا في تسع مباريات متتاليه معقوله كلها نفوز فيها بجهد اللاعبين خلونا واقعيين المدرب جيد بس وش اقول ولا انا متاكد ان الغالبيه يتمنونه يرجع بعد ماشافوا الوضع....... عموما حنا الخسرانين وتذكروا كلامي بكره اذا شفتوه في ريال مدريد او اليوفي بتقولون وشلون فرطنا فيه وعلى فكره المدرب صغير يعني المستقبل قدامه..... * الاداره يوم اقالت بيسيرو لابد تكون حاطه في اعتبارها المدرب البديل يعني بطولة الخليج بدت وانتهت ومع ذلك ماندري من هو المدرب الجديد كل يوم يطلع لنا اسم مدرب غير ... المفروض المدرب يكون وصل من زمان واذا كانت الميزانيه ماتكفي ليش يقيلون بيسيرو من الاصل..... * اتمنى يكون الغاء عقد رودريقو كذبه اللاعب مفيد وجيد ويخدم النادي ليش الفلسفه واذا كان لابد من الغاء عقد لاعب اجنبي عشان يتعاقدون مع مهاجم اتمنى يكون التايب رغم اني احبه لكن مصلحة النادي فوق كل اعتبار....... التايب اذا كان في مستواه بيفيد الفريق كثير لكن مشكلته الاصابات وقلة المشاركه وهذا الشي مايساعده على انه ينسجم ويقدم الي عنده....... عكس رودريقو الي شارك في كل المباريات ويفيد الفريق ويساهم في كل انتصاراته.... عموما بالتوفيق للزعيم قولوا امين.......  ودمتم سالمين
|
الوضع العادي
