محترف وسط ايمن .. وهجوم ناري .. ومحترف درجة ثانية نمساوي؟؟ - نادي الهلال السعودي - شبكة الزعيم

بحرالعيون · #1 26/01/2007, 10:09 PM

جميع جماهير الهلال لو تسألها وش تبغى تقول البطولة الاسيوية والأندية العالمية

لكن هل يتحقق انشـــــــــــالله..

لكن سمعت ان الهلال راح يحضر محترف مهاجم من النمسا او البرازيل أيآ كان

سيكون كغيره من المهاجمين اللي واحد يجلس اسبوع والثاني شهر واذا جاب هدف قالوا عنه ماردونا ؟!!

لكن فكر ياهلالي هل حنا ينقصنا مهاجم وإلا وسط ايمن

مع غياب مستوى نواف وفشل رودريقو اللي مستواه أقل بكثير من بطولة اسيوية

هل خانه الوسط اليمن لاتحتاج وخانه الهجوم تحتاج ..

أولا في مباريات كبيرة الهلال سيلعب بمهاجم واحد او اثنين اذا بالكثير

لكن مع وجود هجوم بحياتي الرياضية بتشجيع الزعيم ل 20 سنه لم اشاهد هجوم قوي مثل هذا

(( ياسر الكاسر .. القائد سامي .. العنبر وضربات الرأس .. الصويلح وحسم النهائيات .. الخراشي والفرصة اللي يبحث عنها .. الجمعان وقوة التسديدات ))

حراااااااام عندنا هالهجوم ونحضر لاعب من النمسا درجة ثانية حراااام

وكلها تجارب طيب جربتوا العنبر العام الماضي وحسم لنا البطوله ..

صدقوني اني اتكلم لحبي للزعيم نحتاج وسط يمين وعلى يساره الشلهوب وطارق خلق المهاجمين على القوس

وخلفهم عزيز وقدام ياسر واذا احتجت عندك بنـــــــــــــــــك هجوم في الاحتياط ..

لنرفع اصواتنا يدآ بيد لمصلحة الزعيم زنطالب إدارة الهلال بمحترف وسط وكفاية تجارب في مهاجمين

بحرالعيون · #2 26/01/2007, 10:21 PM

هههههههههههههههههههههه

شر البلية مايضحك

انجازات المهاجم النمساوي حصل على رابـــــــــــــــــــــع هدافين الدرجة الثانـــــــــــية في النــــــــــــمسا !!!1

لو يعرف ياسر و العنبر والصويلح والجمعان والخراشي ذلك عليهم مراجعه أقرب عيادة نفسية

بحرالعيون · #3 26/01/2007, 10:43 PM

؟؟؟؟؟؟؟؟؟؟؟؟؟؟؟؟؟؟؟

ونشتكي من الضائقة المالية

ويلتون ورفاقه المهاجمين الطباخين بكم عقودهم ؟؟

عنبرالكل · #4 26/01/2007, 11:24 PM

عب الخزينه وجب وسط يارجال خلو الاداره تعمل على كيفهاء

بحرالعيون · #5 26/01/2007, 11:49 PM

طيب بديل الطباخ ويلتون وغيره مانبغى نكلف عليهم

نبغى ياسر والعنبر وسامي يكفون

قاهر الظروف · #6 27/01/2007, 12:10 AM

ياخي البطوله الأسيويه باقي لها شهرين والعنبر والصويلح والخراشي مو في مستواهم
الهلال يحتاج مهاجم جاهز بجانب القناص الوسط الهلالي يوجد فيه الشلهوب والتايب
ونواف سيعود قريبا بأذن الله وأيضا سعد الذياب لاعب ممتاز
بالعربي الهلال يحتاج حاليا لمهاجم أجنبي

alzaeem-one · #7 27/01/2007, 12:13 AM

اخوي المهاجم برازيلي محترف في الدوري السويدي

وليس في النمسا!!!!!!!!

وعلى فكره بالنسبه للوسط الايمن فهذه مشكله قد تحل باعارة احد لاعبي الفرق الاخرى كالكويكبي او الشمراني
بالرغم من وجود لاعبين هلاليين ممكن يغطون هذه الجهه كسرور بعد عودته من الاصابه او نواف مع وجود التائب كصانع لعب

اما الهجموم فالهلال رايح يحتاج إلى مهاجم اكثر من لاعب وسط

فهجوم الهلال ليس بمستواه كما كان العام الماضي بالاستثناء عن ياسر القحطاني الذي ابدع هذا الموسم على عكس الموسم السابق الذي كان ابداعه قد يكون بسيط

وشكراً

نجم سهيل1424 · #8 27/01/2007, 12:59 AM

الله يكتب اللي فيه الخير

بحرالعيون · #9 27/01/2007, 11:31 PM

???????????????

عـاشق الهـدايا · #10 27/01/2007, 11:50 PM

من زين الهجوم هالحين

ياسر : ماعليه كلام
الخراشي : تنقصه الخبره
الصويلح : ما اقنعني مستواهـ بالمرهـ
العنبر : معطينه اكبر من حجمه
الجمعان : بالله هذا لأعب
سامي : أأأهـ بس .. ليت الاسامي مثل سامي

وتقول مانحتاج مهاجمين

والله ضحكتني ياخووك بس

رامي وبس · #11 28/01/2007, 12:01 AM

للمعلوميـه العنبر والصويلـح مرتبطيـن بمعسكرات ومباريات من الأسبوع الجاي ولمـده 4 أشهر قادمــه مع المنتخب .

أذا أنت طموحـك تكسب كأس آسيـا وتلعب كأس العالم للأنديـه بهـجوم يتشكل من الخراشي والجمعـان ماأقول ألا الله يخلـف علينــا بس وأن صرت وصيـف لبطل المجموعـه بالتصفيات التمهيديـه فأحمـد ربـك وحب أيدك مقلوبـه .

عاشق البرشاوالزعيم · #12 28/01/2007, 12:32 AM

تسلم يالغالي

عاشق السماء · #13 28/01/2007, 02:27 AM

إقتباس


	لكن فكر ياهلالي هل حنا ينقصنا مهاجم وإلا وسط ايمن مع غياب مستوى نواف وفشل رودريقو اللي مستواه أقل بكثير من بطولة اسيوية هل خانه الوسط اليمن لاتحتاج وخانه الهجوم تحتاج ..

صح لسانك يا بطل

تحياتي لك

Canada's gallant · #14 28/01/2007, 02:50 AM

The new player will success. I'm pretty sure. And so will the coach!!!!

الهـ عبادي ـلالي · #15 28/01/2007, 03:06 AM

الهلال يحتاج لمدرب وطني وبس وليش محترف ودرجه ثانيه بعد !!