نادي الهلال السعودي - شبكة الزعيم - الموقع الرسمي - ابو سلطان : الله يستر عليك واستر ما واجهت طال عمرك ..

والله اني اكتب لكم وانا مقهور ومرتفع ضغطي .. نحن في نعمه محسودين عليها ..
نعمة محمد بن فيصل هذا الشاب الواعي الطموح الي حقق للهلال ما عجز عنه الكثير
روووح الهلال وسر تألقه وابداعه خلال السنتين الماضيتين .. سبب تغير كبير في رياضه الوطن
وهو بالفعل تغيير ايجابي .. صفقات لاعبين بالملايين ودعم لجمهور الهلال وغيرها الكثير
الذي اعجز عن سرده بموضوع ..

ابو سلطان استمر مع الهلال بعد ان رضخ للضغوط الجماهيريه " والوعود " الشرفيه والتي جعلته
يؤجل قرار الاستقاله .. تخيلوا معي فقط وحط نفسك بمكان الامير محمد بن فيصل وراح تعرف مدى
معاناة ابو سلطان ومدى التعب والضغط اللي يواجهه ..
ياتيك رجال ويقول ابشر جاهزين ازهلها يا محمد بس انت استمر ولا يهمك وراح تشوف الدعم والمسانده
ويوم ورى يوم والخزينه تفضى وابو سلطان يدفع من جيبه الخاص بمساعدة والده الله يحفظه ..

س / وين اللي طق صدره وقال ازهلها وابشر .. وين الامراء وين التجار ورجال الاعمال

للاسف قلناها المشكله واضحه من شهور الهلال يعاني واعضاء شرفنا ولا همهم والله قهر يا اعضاء
الشرف ..يعني حتى لو نشوفكم بالنادي حتى لو دعم معنوي اذا ما تقدرون مع اني عارف والكل يعرف
انها مهيب صعبة على رجال الزعيم ولكن ؟

لو حقق الهلال بطوله راح نشوف المنصه مليانهونشوف الترزز ونشووف اعضاء الشرف ويا كثرهم
لكن هذا عند البطوله .. اما اذا كان الهلال يعاني ونحتاجهم كلن يقفل جواله وكلن يصرف وكلن
يقووول وش نفعتنا الكورة .. طيب الله لا يهينك اعلنها وقل ما اقدر اما اننا نشوفك بالمنصه مع اول كاس
وبعدها لا علم ولا خبر ..

ابو سلطان والله شيء مؤسف ويحزنني اني اشوفك تعاني من اعضاء شرف " نادي الهلال " اللي اول
كانوا يجتمعون بدون نداء وكان يجتمعون بالنادي بدون توجيه دعوه جمعهم حب الهلال وجمعهم كيان
واحــد وااااااااااه يا الامير ..

هناك اعضاء شرف لن نظلمهم اعطوا وساندوا وشجعوا .. ولكن قليل والاغلبيه الله بالخير ..

ابو سلطان والله انهم ما يستاهلونك ..