26/01/2007, 11:15 PM
|
زعيــم فعــال | | تاريخ التسجيل: 10/12/2006
مشاركات: 308
| |
خووووووووووش أعضاء شرف والله السلام عليكم ورحمة الله وبركاته من البارح وأنا أهوجس وأفكر وأسترجع الأيام الخوالي أيام الهلال اللي طاريه يهز وماحد يقرب له وأيام الفريق اللي والله يدخل ماتفكر حتى أنه يتعادل بتوفيق الله دايم فايز ودوم ثقافة الفوز عنده موجوده ألا مغروسة فيه لأنه وبكل بساطة هلالي. لكن تبون الجد من يواخذ هالفريق اذا تراجع مستواه وإذا صارفريق هزيل ويخاف من الفرق حتى الصغيرة من متى والهلال ينهزم من الحزم ويطلع مبسوط من تعادل مع الوحدة ويالله يفوز على الفيصلي وغيره وغيره وغيره والله أنا كنت أزعل بس يوم أشوف كل المشاكل اللي تصير وتحاصر هالهلال المسكين والله أرضا وأرضخ لواقع أهل الهلال حطونا فيه وأهل الهلال هم المسؤلين عنه وأخص أعضاء الشرف اللي والله ملينا من صورهم في الجرايد ولاشفنا منهم شي الرئيس يفتح الباب لكل من هب ودب ليستغل ضعف الهلال من خلال تصريح والله يجيب الضغط وكان من الواجب مشاكلنا ماتطلع وتحل في البيت الهلالي وأعضاء الشرف مبتعدين ولايدعمون ولايوفون باللي يوعدون به من دعم والمصيبة إذا تغلب الفريق على مشاكله وتأهل وطلع في مناسبة مهمة تلقى الكل يشخص ويصرح ويتحدى!!!!!! طيب يا أعضاء الشرف وينكم بأعلى صوت نصرخ وينكم والله الهلال هو الفريق اللي بيشهركم ويبرزكم ويخليكم تشخصون صح لكن لازم توقفون معه ويارئيسنا المحبوب الله يرحم والديك تصاريحك هذي والله تخلي الهلال جدار قصير وأقصر مماتتوقع وتخليه فريسة سهلة للثور منثور وغيره من أهل البيانات اللي والله ما أفلحوا الا فيها. نداء أخير لأعضاء الشرف الهلال في حاجتكم يا أنكم تدعمونه وماتخلونه والا قولوا لنا ونرتاح ومانحرق أعصابنا مع فريق الكل يستهدفه من أعلى الهرم في الاتحاد السعودي إلى أقل شخص رياضي غير هلالي وسلامتكم. |