ليه يا هلال؟
تشسيلسي
برشلونه
ارسنال
المان يونايتد
ليون
المنطق يقول الاقوى على مستوى العالم == احدث طرق اللعب والاساليب الفنيه
هل الهلال افضل من هذه الفرق؟ اذا كان الجواب نعم... فالمفروض ننافسس على كاس العالم القادم ونغير المدرب..
حقيقة شي يحزن ...
العقليه الرياضيه عندنا تحتاج الى سنين لنصل الى فهم معنى الادراه والتخطيط السليم....
معذرة يا جماهير الهلال ... انا هلالي ومتابع للرياضه والعب كرة قدم كهاوي واحاول تثقيف نفسي وتطويرها بالمتابعه والتحليل والقراءه الفنيه للمباريات ولكن لست كابيلو ولا مورينهو ولا ريكارد...ولكني افهم كرة القدم وبحسبه منطقيه نقول الهلال متصدر الدوري واكثر الانديه فوز وقدم مباراه لم يلعب الهلال مثلها من فتره طويلة جدا ( مباراة الشباب)
والهلال دفاعيا قوي جدا جدا ( احصائية كل مباراه توكد ان الهلال اقل هجمات من الفريق المنافس)
الهلال يعاني من لاعب الميزه الواحده ( خالد عزيز ممتاز جدا في قطع الكور وسيئ في تسليم الكور == مبدا اساسي في كرة القدم) مثال اخر ( الشلهوب ضعيف جدا في الالتحام العاديه وليست القويه بعد ) مثال اخر ( الخثران لاعب بطئ جدا وهو ظهير) ومثال اخر (الصويلح ضعيف جدا في استلام الكوره == مبدا اساسي) ( سعد الذياب ضعيف جدا وبطئ وصاحب استلام سيئ) الجمعان ( لاعب فقير مهاريا وفكر كروي اقل من عادي) ( الغنام والخراشي يفتقدون للتركيز والفكر الكروي والتثقيف الرياضي التكتيكي)
ومع ذلك بيسيرو قدم نهج كروي على حسب امانيات لاعبيه واكثر من امكانياتهم.... راينا الهلال يمتلك الكوره بنسبه كبيره في اغلب المباريات..
ياعالم كفانا خطط برازيليه عقيمه 4:4:2 ....( من السهل ضرب هذه الخطط مع اي منتخب اوربي او امريكي جنوبي او حتى فريق محلي قوي وبتصبح كارثه في تاريخ النادي).. الكره تتقدم ونحن نرجع وراء واكبر دليل نتائجنا في كاس العالم والتخبطاطات الي جالسه انديتنا تعملها على شان تفوز في مباراه ومبارتين وبعدين يرجع الوضع للاسواء ونفقد كل ما بنينا ونجيب مدرب جديد يبدا من الصفر وعلى نفس الاسطوانه الممله.
بيسيرو بنى هويه للفريق بلاعبيين عاديين مع احترامي الشدديد لهم واظهر لنا المرشدي كقلب دفاع قادم والعبد لسلام كظهير عصري قادم.. بيسيرو كشف عن مواهب ياسر... بيسيرو مدرب محترف وما يجامل والي يتدرب معه يحصل له مكان ( اكبر دليل الهليل والذي حصل له نقله في مستواه رغم ضعف امكانياته) ..
لازم تكون الاداره قويه وصاحبة استراتيجيه طويله لدعم الفريق وتبنى صوره عامه للفريق مع المدرب خلال 3 سنوات القادمه ( مثال الاهلي المصري = فريق محترم جدا..... رغم بداية المدرب الغير مقنعه للصحافه استمر 70 مباره في الدوري لم يهزم لان الاداره اقدمت على استراتيجه واضحه خلال السنوات الماضيه واعطت المدرب الصلاحيات كمدرب فني)
في الاخير اقول بيجي مدرب جديد وبنفوز ببطوله وبنفرح وبنخسر كثير صدقوني..
بنخسر مدرب كبير صاحب فكر جديد على الملاعب السعوديه مثل ما خسرنا ما تشالا... وصاحب رؤيه طويله بنخسر بطولات قادمه مهمه بنخسر ثقة الاداره بنخسر تشريف الكره في كؤؤس العالم بنخسر سمعتنا ( تخصص في تعليق الشماعات على الغير)
المشكله نقول لاعبينا ما تعودوا على الطريقه الجديده ( كانهم مخترعين الكوره ) وليش ما يتعودوا ويتطورا ويبداون في الاحتراف الخارجي في ظل نفس طرق اللعب المختلفه...
وفي الاخير اقول مع السلامه ياكرة القدم السعوديه ومكانك سر ومرحبا بكل يا تخبط ويا مع الخيل يا شقراء.....وسوف نبكي على حالك يا هلال كثر في الايام القادمه ( صدقوني)
وداعا بيسيرو .....
... وشكرا لكل من قرا الموضوع .... والسلام عليكم

شي محزن..... هل فعلا نحن متخلفون؟؟؟

هلالي دوت كوم اشكرك عزيزي... انا متابع لمنتديات الزعيم ولم ارد أن اشارك.. الا ان نكتة الموسم في اقالة المدرب فرضت علي اول مشاركه لي .... واقول لك معادلة صارت قريبا : اعدام بيسيرو بالاقاله يذكرني باعدام صدام... ولك جزيل الشكر مره اخى عزيزي هلالي دوت كوم واشكرك على المرور والتعليق الرائع جدا...

كلاااااااااااااام جميل جداًً جداً

وأرجوا الإدارة ما تتسرع في القرار

يا ناس والله شوفوا الخراشي لاعب فنان وعنده فكر كروي بس من يسلم ما فيه احد يسلمله
الكوره صح لازم هو يرجع وياخذ الكوره وهو الماجم الوحيد ياسر القحطاني كان عنده محمد الشلهوب يوصله وطارق التايب يعني ارجوا انكم ما تظلمونه لانه لاعب مميز


وشكرا

عزيزي قضيتنا اكبر من الخراشي... نادي الهلال الاهم...واحترم رايك بس الخراشي يبذل مجهود كبير في بداية المباراه مما يفقده التركيز في باقي المباراه ... بس ياليت يكون اهتمامنا بالهلال كنادي كبير فالمفروض مدربه ولاعبيه اصحاب فكر كبير...وشكرا لكم

للتذكير فقط ...

اقراوا ما كتبت بعد اقاله بيسيرو ...

كلام كبير اخوي ويعطيك العافية

وفعلا الإدارة اخطأت في اقالة بوسيرو

عواااااافي


وكلهم فيهم الخير والبركه

كلام جميل وواعي أخوي يدل على عقلية جميله ..
أنا قلت في رد لي عندما أعلنت الإدارة عن الإستغناء عن بوسيرو : أخاف يجي اليوم
اللي تندم فيه الإداره على تفريطها في المدرب . للأسف بدا يقترب هذا اليوم وخروجنا
من كأس الإتحاد ينبئ بذلك .. البعض يقول مو مشكله نتصدق فيها لبقية الفرق أو الهلال
عنده بطولات أهم منها وأكيد بنفوز فيها ، بهذي السياسة بيطير علينا كل شي أصبحنا
في منتصف الموسم والمدرب لم يأتي وإذا أتى بحاجة إلى فتره طويلة للإنسجام مع الفريق
قد تستمر أشهر إذا ما علمنا إنه مدرب مغمور وأول مره يخرج خارج البرازيل ..
ياريت المسؤولين عندنا يستفيدوا من سبقونا في هذا المجال ياشباب فيرغسون مدرب المان يونايتد تجاوز العشرين سنه مع الفريق كم مره حقق أبطال أوروبا ؟؟ .. مره واحده فقط ولم يطرد ولم يقال أو يتم الإستغناء عنه بالعكس الفريق والجماهير ومن خلفهم الإدارة متمسكين فيه لأبعد الحدود ..
كل اللي أرجاه إنه ما تتحقق مخاوفي وتعدي هذه الأزمة بأسرع وقت ممكن ويعود زعيمنا كما كان ..