اولا..
السلام عليكم يا هلاليات ويا هلالين...
ثانيا..
الف مبرووووك الفوز..والتأهل لكأس العالم في اسبانيا...مو لبنان..((متأخره شوي))
ثالثا..
انا كنت ناويه ابارك لكم من بعد المباراة..بس اني بلشت ما لقيت اسم اسجل فيه..
اول شي قلت...ام يعقوب......لا مو مره ما له داعي...
بعدين عاشقة-----...لا ما ودي اتحيز للاعبين..
وبعدين قلت يا بنت ما لك الا ((الهلاليه))...بس بغيت اسم اقوى شوي..
واخيرا طلع معي....هلاليه حتى الموت..
لا وبعد ما سجلت ما رضى اني اكتب فيه...وقعدت يومين وبعدين جربت وزبط..
لاني من جد بغيت اموت في المباراة..لاني اول شي كنت مواصله ذاك اليوم فلما جت حزة المباراة وانا دايخه على الاخر..وثاني شي..اني كنت منقهره وضغطي بيرتفع ومرارتي بتنفجر..ليه البنات ما يروحون للملعب..يحطون لهم قسم خاص..والكاميرات ما تجي عليهم..اجل ليش البنات اليابانيات حضروا المباراة الاولى الي عندهم باليابان...علشان يشجعون فريقهم..واحنا يوم جت المباراة عندنا ما نروح؟؟؟؟وش زودهم...
ولما كان المنتخب بلبنان..يروحون البنانيات يشجعونه؟؟لا والله ما قصروا..
واحنا البنت عندنا لو تشجع او تتكلم عن المباريات او النوادي....قالولها اهلها...خلي عنك سواليف العيال..انت المفروض بنت ما تتكلمين عن هالاشياء..ليه طيب وش فيها؟؟..فيه اشياء كثيره المفروض انها للبنات...والشباب يسونها....
المهم انا ما جبت خبر هذا كله لاني بشجع الهلال رضوا والا مارضوا..الي قارهني اني ابغى اروح للمباراة..طبعا هذا الي ما فيه امل..
وشوي بدت المباراة..وبدا الحماس وطار النوم..وكمل علي هدف شيميزو الاول..
ووصلت معي..واراح صوتي من الصراخ..صحيح نعتبر احنا الفايزين بس ولو لو يدخلون هدف ثاني....
<----تحسب للمستقبل كثير....وخلص الشوط الاول..وجاء التحليل الرياضي..وانا صراحه ما احبه لانهم يتفلسفون فيه بزياده..والي صار صار..قلت باخذ لي قيلوله لما يبدا الشوط الثاني(اخبر القيلوله بالظهر)...بس يله عدوها احنا كانت عندنا المباراة بالظهر...نسيت اقولكم شي بعد قاهرني...ان الجمعان ما لعب.....
المهم انسدخت ونممممت شوي رن التليفون وقمت ورديت لقيتها غاده...قالت لي روحي البسي فستانك حق الهلال بسرعه..
-ليش؟؟
-بنروح نحضر الشوط الثاني(تحسب الي بيروح للمباراة لازم يلبس زي لبس الفريق الي يشجعه)...ترى بمر عليك لا تتأخرين..وجهزي سيارتك علشان لو فاز الهلال نطلع نشجع فيها..(لا تقولون اني غبيه علشاني بروح اشجع بسيارتيوافحط واخربها وهي سيارتها ما تخرب....علشان لمبات سيارتي زرق وهي لا......(احلفي يا شيخه)
-خلاص اوكي......
وانقز وادور فستاني حق الهلال...والبسه..وحبيت اسوي حركه اصبغ شعري خصل ابيض وازرق..بس وين اروح للمشغل واقعد ساعه الا المباراة خلصت..وتجي براسي ذيك الفكره..يا بنت ما لك الا الالوان المائيه...وانقز والون شعري ..واخذ اكبرعلم عندنا بالبيت(علم الهلال طبعا) واحطه على كل السياره..
واقعد استناها..وجع بيبدا الشوط الثاني وهي ما جت وكم يبيلنا علشان نوصل للملعب..واسمع صوت الجرس..واطلع طيران واركبالسياره...ونوصل للملعب والشوط الثاني توه بادي..ونروح ونقعد..وانا طبعا من زين الحظ ما قعدت الا وراء وحده لابسه شي على راسها وش كبرها اشك انه قبعه..وما اشوف منها لا وزياده على كذا شوي واقفه وشوي قاعده....وصلت معي.. انا ماجيت اتفرج عليها اجيت اشوف المباراة..قلت لها لو سمحتي يا افصخي الي على راسك والا تعالي مكاني واجي مكانك....قالت لا وصديقاتي؟؟..صرخت عليها..روحي اقعدي انت وصديقاتك وراء اخر شي...انا جايه اشوف المباراة مو هذا الي فوق راسك..المهم قامت وافصخته...بس بعد ما طلعت روحي...
ما امداني ارتاح منها الا وتجي غاده تحن علي..بروح اشتري فشار..وما معي فلوس عطيني..(يا شين القراوا)خير تحسبين نفسك بسينما..(عاد احنا متعودين عندنا بالرياض 24 ساعه بالسينما)..ومع حماس المباراة واتذكر شي خطير....انه لو فاز الهلال..وشلون نروح للبيت وناخذ سيارتي ونروح نشجع..اكيد الطريق بيصير زحمه؟؟؟يصير التشجيع خلص..يووه
بالطقاق نشجع بسيارة غاده..(حسافة لمباتي الزرق)...بس اهم شي يفوز الهلال..ويقطع تفكيري تشجيع الجماهير..واشوف الملعب...واسمع صوت المعلق
(ما شاء الله صوت المعلق في الملعب)الكوره مع الدوخي يله يا الدوخي..
ويمررها الدوخي للجمعان...والجمعان يله الجمعان..وقووووووووول
وافز من النوم..على صراخ اخوي (عاشر الاشياء الي تقهرني)..
عاد انا طاح قلبي اكيد اليابان دخل الثاني...قلت وانا خايفه..
شيميزو..؟؟
قال..ايه ايه بس ارجعي نامي..
-يله عاد بلا مصاله مين؟؟(ما كأن التلفزيون قدامها)
-الهلال طبعا..
عاد انا المرجوجه لازم افضح نفسي..واقعد اصارخ ايوه تعجبني يا الجمعان..
واخوي يطالعني..وقالي...هذا يسمونه عمر الغامدي..وبعدين مين قالك ان الجمعان يلعب في المباراة؟؟....نامي احسن لك كنت مرتاح تو وانتي نايمه..
سفهته ومارديت عليه لاني دخلت مع جو المباراة..او بالأصح طاح وجهي..
ودقاااايق وانتهت المباراة..بفوز فريق الهلال السعودي علي شيميزو
الياباني.....
بصراحه انا كنت متوقعه الفوز...بس كنت خايفه..
وخلص تسليم الكأس وبدا التحليل الرياضي(يا ثقل دمه)..
وطفيت التلفزيون...وقعدت اتذكر الحلم يا سلاااام لو انه صدق بس ما تجي ذيك ام قبعه تحضر المباراة....
بس اهم شي ان الهلال فاز...رحت المباراة والا ما رحت..
والله يستاهل الزعيم...
********
يا هلال نادتك البطوله ولبيت***تستاهل المجاد مجد ورا مجد.....الخ

هلا والله وغلا اختي..

الله يبارك فيك...ومن مجد لمجد بأذن الله

وحكاية الملعب..الله يصبرنا وانا اختك..

حياك بالمنتدى..وبانتظار مشاركاتك

--------------
إن كان للبطولات ديرة..فالهلال العاصمه

اختي الهلاليه حتى الموت ......
هلابك وهلا بجميع الهلاليين والهلاليات ....
مقالك جدا جميل وشدني الين نهايته لكن انا ابسالك سؤال واحد بس !!! وش هي التسع الأشياء الباقيه اللي تقهرك.
(مع تحفظي على حكايه الروحه للملاعب)
مشكوره وحياك مره ثانبه

------------------
ضحّيت بهنايافداك وحاعيش على ذكراك

هلا والله بالاخت هلالية حتى الموت (بسم الله علينا)
انا اقول في مباراة الهلال الجاية او نهائي (بكيفك) كلمي على
غادة هذي و قوليلها يمكن توافقولا تخافي من ام طاقية خلها تجي ارميها عند النصر (بعض الاحيان يرمون الزبيرية و مو شرط النصر)


------------------
يا هلال نادتك البطوله ولبيت ... تستاهل الأمجاد مجد ورى مجد.

تحياتي ياأخت هلالية حتى الموت .
هو صحيح طولتيها شوي لاكن استمتعنا وتكفين كثري منها وحنا بانتظارك وبعدين خليسمحولكم بالسياقة حتى يسمحولكم بحظور المباريات.
العالمي ... ياقاهرهم.

هلالية حتى الموت

هلا والله بك ,,,,,,

نشوفك في برشلونة في مباراة الهلال,,,,!

@@@@@@@@@@@@@@@@@@@@@@@@@@@@

وعليكم السلام ورحمه الله وبركاته ,,,
أختي الغاليه(هلالييه حتى الموت ) ,,,

ياهلا وسهلا فيك ياغاليه بيننا , نورتي المنتدى بوجودك معنا ومع اخوانك واخواتك الهلاليين والهلالييات ,,,

والله يبارك فيك ياغاليه على البطوله , وهذا فوز لنا جميعا كهلاليين , وباءذن القادم احلى واحلى , طالما الاداره تسير وفق الخطوات السليمه في تعاملها مع اللاعبين ومع المدربين وفي العامل مع البطولات واحداثها ,,,

وبالنسبه للاسم , كلها (اسامي) حلوه , المهم اللي يحمل هالاسم , فاياهلا فيك بيننا مره ثانيه ,,,

والله يعطيك العافيه على هذا المقال الجميل واتمنى استمرارك كتاباتك معنا دائما وابدا ,,,

وتقبلي خالص تحياتي لك ,,,




------------------
هلال التحدى شب ضوه وجاب الكأس ... على صك خمسين السنه ولعت ناره
وبشب ضوي بالثمامه على الأطعاس ... جماهير الأزرق من على النار سماره

اختي== هلالية حتى الموت
اولاً ) اهلا بك كعضو جديد
ثانياً ) موضوعك جميل وشيق
ثالثاً ) الف مبروك فوز الزعيم وعقبال البطولات
رابعاً ) وهو المهم الذهاب للملاعب بالنسبة للأناث امر لا يقبله ديننا ومااعتقد ان فيه اي بنت تؤيدك في كلامك لأن بنات الحمايل مالهم الا بيوتهم ومع احترامي الكبير لك
يقول الشاعر (الأم مدرسة ان اعددتها اعددت شعباً طيب الأخلاق.
ومع احترامي وتقديري لك ولكل بناتنا ،امهات اجيالنا القادمة



------------------
وين الذي لاغاب غابوا كلهم
وين الذي لاغاب ماحدٍ درابه

اهلا وسهلا بجميع أعضاء المنتدي من مشجعين ومشجعات

هلالية حتى الموت ( بسم الله عليك من الموت )

بالعكس انتي سوف تجدين للحياة طعم ثاني بسبب انكي
هلالية هلالية هلالية هلالية هلالية هلالية هلالية هلالية هلالية
هلالية هلالية هلالية هلالية هلالية هلالية هلالية هلالية هلالية
هلالية هلالية هلالية هلالية هلالية هلالية هلالية هلالية هلالية
واهلا وسهلا بالجميع

والى الأمام نحو عمل مميز جميل فى المنتدي يد بيد


اخوكم الوليد
[email protected]

السلام عليكم ورحمة الله وبركاتة
اختي الكريمة هذة المرة الاولي التي تقع عيني فيها علي موضوعك الرائع هذا ولكن لي بعض الماخذ علي ماذهبتي الية اخيتي الكريمة.
انت من بيت مسلم ومن بلاد مسليمن منى الله علينا بديننا ولاعزة لنا الا بالاسلام .
وما تنادين به منافي لمادعانا ديننا الحنيف له .
اما حلمك وخلافة فانتي حرة ولكن ليس كل حلم يجب ان نعيشة في واقعنا.
الاخت سلمي /ردك جاء جميلا وفية كثير من روح الفكاهة .
وعساك تعرفين تصلحين جريش.
اللهم اهدنا الي مافية وصلاح امرنا انه سميع مجيب الدعوات.
والسلام ختام


------------------


[email protected]

السلام عليكم والله عليك ياسلمان
حقيقة انني افخر بوجودك
اخوي سلمان انا لست ضط احد ولا اعترض على وجود الاناث هنا
اتعرف لماذا؟ لانني لست مسؤولا فالله يعينكم على المسؤولية
اخوي سلمان مؤشر خطر ماهو؟ الفتيات يردن التشجيع والذهاب للملاعب!!!!!!!!
لاتعليق ولكن لاحول ولا قوة الا بالله

السلام عليكم...

اهلين...ريما عزيزتي...
الله يحييك...
مشكوره على الرد...
وامين..الله يصبرنا جميعا....
*****
اخوي ابراهيم النجيدي...
اهلين فيك...
اتمنى يكون المقال عجبك من جد...ومشكور...
اما بالنسبه للاشياء الي تقهرني...
1-ان فيني النوم..
5-لاني ابغى اروح للملعب..
7-هدف شيميزو الاول..

والعاشر الي هو اخوي...
والعفو..
********
واحد هلالي....هلا فيك...ومشكور على الرد..
بصراحه فكرتك حلوه ما عندي مانع..
وشكرا اقين..
*******
s9a9m9....
مشكور على الرد..
واسفه على التطويله...
وبصراحه انت صادق...
وشكرا مره ثانيه...
*****
Loafer..
اهلين...ومشكور
هههههههههههههه...ان شاء الله...
****
y2k..
اولا...اهلين فيك.
ثانيا...شكرا..
ثالثا...الله يبارك فيك...
رابعا...انا عارفه هالشيء كويس...وعارفه انه استحاله يكون عندنا...
وشكرا لك...
******
الوليد..
تسلم اخوي....
ومشكور على الرد...واصلا لو ما كنت اشجع الهلال كنت بشجع المنتخب..
لان المنتخب هو الهلال بس غيرو اسمه...
******
الاسطوره..اهلين وسهلين اخوي..
مشكور على الرد الجميل...
ونتمنى يستمر الهلال زي ما هو..واو يتقدم للاحسن...
مع انه ما فيه احسن من كذا...
وشكرا اقين...
******
mso..
مرسي اوي...
ههههههههههه...خلاص اشوفكم هناك...
ثانكيو اقين..
******
جدتي سلمى...مرحبتين...
لا تكفين كلش الا النصر...
بس تكفين لا تعلمين امي...*_*..
يا حبيلس يا جدتي...
ومشكوره...
****
اهلين اخوي الصقر...
الله يبارك فيك..
اما انا اخلي الخرابيط...(مع انه مب خرابيط)...كثر منها..
هههههههههههههه
ومشكور..على الرد..
وهلا فيك...
*******
اختكم...
هلاليه حتى الموت...

ما شاء الله كل هذي ردود انا والله كتبت كذا مره وكتابات بناءه
مهوب احلام وحريم يبون يروحون ملاعب ومع ذلك محد رد علينا
ياخوان مدري ليش يمكن !!!!!!!!!!!

الاخت هلالية حتى الموت
ماشاء اللة تبارك اللة نفسك طويل مثل الهلال,صحيح انك هلالية
100%.شفتوا ياناس جمهور الابداع في نادي الامتاع.
لكن الذي ارجوه منك عدم التفكير للحضور للملعب هنا في السعوديه لا عتبارات لاتخفى عليك,واذا فيك شده مثل ماقال اخوي LOAFER الوعد برشلونه الله يقويك.

------------------
كل العداوات ترجى مودتها
الا عداوة من عاداك عن حسد

مرحبا000
أجل تبين تروحين الملعب؟؟
والله ان عاد نطقتيها لسجل اسمتس في منتدى النصر سمعتي؟؟
وتحمدي الله اني منيب امتس ولا كانت علوم000وبعدين وش هالحلوم هاه؟ البنت العاقلة تحلم انها تسوي جريش ولا تودي عيالها المدرسة وانتي هذي حلومتس؟؟

اقول انتي كم عمرك؟

جدتس : سلمى