بسم الله الرحمن الرحيم

تعيين مشرف جديد بمنتدى المجلس العام بدلآ من إبراهيم النجيدى


لقد تم تعيين العضو سعود مشرف جديد بمنتدى المجلس العام بدلا من المشرف الحالى إبراهيم النجيدى اعتبارا من غرة رمضان 1422 ... والله الموفق.

إدارة الأزرق


بعد هذا الإعلان قام العضو الناجح بحر01 بعمل لقاء مع الأخ العضو سعود

(المنتدى عز الله دج ما همه إلا السيارات الكشخه وهو مطفر ) للأستفسار

عن شعوره بهذا الخبر وكيف حصل على هذا المنصب.

بحر: آلف آلف مبروووووووووووووووك

سعود: الله يبارك فيك ( اشوف بدت الناس اتلزق )

بحر: كيف كان شعورك عند قراءتك لهذا الخبر.

سعود: الفرح و السرور.

بحر: كيف تم تعيينك. ( اسئلة روتينيه )

سعود: القصه طويلة شوى بس ممتعه

بحر: تفضل عطنا القصة

سعود: الله يسلمك …. الحقيقة انا طالب معروف ( الله و اكبر يا الدافور)

في الجامعة والمكافئة 1000 ريال … قلت يا ولد ورى ما تدور لك وظيفة

ثانيه … عاد ذاك اليوم طالع من الجامعة طفشان ومريت محل البخاري

وأخذت لي نص كبسة و مريت على السوبر ماركت و خذت لي جريدة الرياض و

مجلة الزعيم… عقب ما ضربت الكبسة و تبطحت قمت خبرك عارف أتصفح

الجريدة و المجلة وآلا اقراء اعلان عن شغر وظائف في شبكه الزعيم … قلت

يا ولد ورى ما تروح لمهم وتشوف الوظيفة هي تصلح لك وآلا لا …. اليوم

الثاني من الصبح وانا في المركز الرئيسي لشبكه الزعيم وأسأل الي في

الأستقبال ( صار فندق ) انتم معلنين عن و ظايف قل الموظف نعم …

تقدر تدخل مكتب الأخ سفر هو اللي حاط الإعلان … دخلت عند الأخ سفر ودار

بينا الحوار التالي

سعود: السلام عليكم

سفر: هلا اخلص وش عندك تراني لحالي مضغوط

سعود: بس طال عمرك المندى أحلى

سفر: وجهك قوى وتنكت … المهم انت القهوجي الجديد

سعود: دمك خفيف … انا المشرف الجديد إن شاالله إذا فيه نصيب

سفر: جابك الله

سعود: أمر..... سم

سفر: شف أبيك ذيب مهوب مثل هيمو الداج ترى كثرة مشاكله ... وعمل لنا

عجز في الميزانية بسبب ذا الأقفال المستوردة من باريس وترى الدوام

من الساعة الرابعة عصرا اللين الساعة الثانية عشر ليلا عشانك في

الجامعة .... وترى هيمو حسب معلوماتي مطلوب من الإدارة العليا ( مهوب

دارى عن الأدارة داج فى الشام ) في المنتدى شكلهم بينزلونه الى عضو

جديد بأسم أخر لكن لا أوصيك أي موضوع له حتى لو موضوع ممتاز أبيك

تقفله .... أنت فاهم وآلا مثله دجة

سعود: فاهم .. فاهم .. طال عمرك ... حتى لو لقيته كاتب في منتدى

ثاني أبشوف واحد من برى يقفل مواضيعه

سفر: بعدى .... ترى الإدارة ذا الأيام مشددة علينا الرقابة .... خلك

صاحى ( داج مهوب يدرى عن الأداة بس يسمع فيها )

سعود: ما عليك ازهل الموضوع

سعود: فيه واحد طال عمرك يدق الباب

سفر: أي باب

سعود: باب المكتب

سفر: أدخل ... أقول ادخل علة تعلك ما تسمع

دخل عليهم موزع بريد الإدارة العامة المعروف السيد خلخال

(السعودة قدام )

خلخال: سلام عليكم

سفر: وعليكم السلام ( خايف منة موزع بريد المدير العام)

خلخال: هذا بريد من مال مدير انت

سفر: يازين العربي

خلخال: مدير كلام لازم انت فيه يقراء الهين

سفر: حاضرين

قام سفر وفتح مظروف الإدارة و قراء الخطاب التالي:-

بيان أداري

بسم الله الرحمن الرحيم

بناء على ما تقتضيه المصلحة العامة في إدارة الأزرق و بناء على ما تم

رفعه من توصيات و بناء على ما تم من ترشيحات من قبل الأعضاء فلقد

قمنا بتعيين المشرف سفر المرزوقى كمشرف جديد على منتدى الثقافة

الأسلاميه

و إعفاءة من منصبة الحالي بناء على طلبة .


مدير عام إدارة المنتديات بإدارة الأزرق

إبراهيم النجيدى




بعد ما قراء سفر الخطاب تدرون وش اللي حصل ...... طبعا لا


(سفر محدن رشحه ولا طلب اعفاء ولا شى بس هيمو قاعد لة)


سفر: سعود يا ويلك ويلاة لو تقفل لهيمو أي موضوع او تعقيب

سعود: وراك توك حاشة و موصينى عليه

سفر: يا المهبوووووووووووووووووول الرجال صار مدير عام علينا مدري

وشلون اقول والله انى دجه وكثر غيابى عن اجتماعات الأدارة وسفراتى

لتشرين عند جماعه الدبكة ضيعتنى ... سعود حبيبى سعود

سعود: سم سم آمر

سفر: وين موترك

سعود : عند الباب

سفر : الله يوفقك ودنى لمستشفى التخصصي الظاهر عندي القلب بسبب

هيمو ...... اجل لو قابلته وش بيصير لي ياويلى ويلاه ....... سعود

الحقنى بموت حسبي الله و نعم الوكيل

سعود: على فكرة الوظيفة بطلنا ما نبيها

سفر: ازين لك

وش اللى صار فى الطريق وفى المستشفى ...... اكيد فلم .... لكن

تدرون خلوه فى

الجزء الثانى من قصة المدير العام بعد شهر رمضان المبارك .


<<<<::::: حالم فيها و فكرت اكتبها. :p
اخوكم بحر01
تحياتى.