هذا وهو هدفين وش لون لو بيشوف مباراة كامله !!! (هذا الي صار معي اليوم) - نادي الهلال السعودي - شبكة الزعيم

ساميو 722 · #1 22/01/2007, 11:16 PM

السلام عليكم
كيف حالكم ان شاء الله بخير

اليوم كنت في الحلاق وكان فيه مصريين يتكلمون عن صفقة انتقال لاعب في الدوري المصري والظاهر انه بينتقل بمبلغ عالي

المهم سمعت واحد منهم يتكلم عن ياسر ويقول في معنى كلامه ان ياسر منتقل بـ 25 مليون وهو لو يجي للدوري المصري ما ينتقل لفريق ...... (نسيت اسم الفريق الي قاله) ولا بجنيهين

عاد انا يوم سمعته يتكلم كذا ما قدرت اسكت

قلت له اذا صار ياسر ما يستاهل الملايين هذي اجل من يستاهلها !!

قال بالله عليك ياسر تسميه لاعب

قلت اجل من الاعب قال ابو تريكه

قلت له ابو تريكه ما يجي ولا جزمة ياسر ولا يقارن بياسر اصلا !! ( طبعا انا قلت ما يسوى جزمة ياسر ردا على كلامه يوم قال ياسر ما يسوى جنيهين)

قلت له شفت هدفه في كاس العالم

عاد هو قام يصرف قال اصلا الهلال فريق تحكيم !!!!!!! >>>> مدري وش دخل ذي في الموضوع

قلت له شفت هدفه في الشباب قال لا و وريته اياه وكان الحلاق يناظر الهدف معه وقال (يخرب بيته اي ده)

ويوم شافه معد يدري وش يقول وقلت له شفت هدفه في فلنسيا قال لا و وريته اياه ونفس الشي ما فتح اثمه بكلمه (حسيت انه في موقف محرج)

هذا وهو ما شاف الا هدفين بس اجل وش لون لو بيشوف مباراة كامله

طبعا انا ما انكر ان ابو تركه نجم من نجوم الكره العربيه والافريقيه لاكن يبقى ياسر هو الافضل

هذا الي صار معي اليوم

اترك لكم التعليق

ساميو 722

الشبح الهلالي · #2 22/01/2007, 11:22 PM

هـهـهـهــاااااااااي ..
كــان وريــتــه هــدفـه اللي بالكـعب علـى النصر ..
كـان يتبلعـم و يطلـع من الحـلاق ..

حبيب روح الزعيم · #3 22/01/2007, 11:23 PM

اكيد زباين المصري ( نصراويين )

هههههههههههه

Z3EEM . FC · #4 22/01/2007, 11:49 PM

ياسر الاعب الاول مهاريا مستوى بو تريكه مايوصل مستواه بالمهارات بالارتقاء (الراس)هدف على المغرب وين راح هدف على الاهلي وين راح هدف على الكويت وين راح هذي الي اذكرها كانت بالمرمى اجل الي بالعارضه وغيرها كم وبعدين ياسر لاعب قناص قدامه المرمى يحطله الكوره بالباب حتى لو مادخلت الاهم يحطها بالمرمى وياسر الاعب الي له شعبيه كبيره تساوي شعبيه مو ابو تريكه تسويه شعبيه الاهلي المصري

مولع بالازرق · #5 22/01/2007, 11:53 PM

يابن الحلال كان حطية بمخباته ريال ويغير اقواله....ويمكن يمدح بعد حمود الفشقه!!!

المهاجر الهلالي · #6 23/01/2007, 12:02 AM

اهم شي كملت الحلاقة او لا ..........؟

المصري من يوم يشوف مبارة واحدة يحكم على اللاعب

اخ لو انت معطيه شريط مبارة الهلال والنصر والهلال والشباب

كان قال ده رونالينهو جاي للسعودية

mkn911 · #7 23/01/2007, 12:04 AM

مشكله المصريين في كل المجالات يعتقدون انهم الافضل ليش؟
عشانهم هم اللي بدو في الرياضه في العالم العربي وهم بدؤو بالفن والعلم والخ المهم يحسبون ان الناس ما تتطور ولا تتطورنا وعديناهم بمراحل
وعطني موقع الحلاق ابروح احوسه قهرنييييي