بطوله من بطولاتي ( إنقاذ كوكب الارض ) (1)
 

السلام عليكم ورحمة الله وبركاته :

هذه قصه من قصصي يوم اني شباب آه من ذيك الايام .

في أحد الليالي الغبراء وأنا في عز نومي قطع نومي ترن ترن ترن <= = = = صوت التليفون
<== = = = أيه لو تنفجر قنبله مايصحي قال أيه تليفون بس لزوم الحبكه
المتصل : آلو
أنا : نعم
المتصل : الصبحي معاي
أنا: لا بنك بانثر أيه الصبحي
المتصل : ياأخوك الحق علينا معاك وكالة ناسا :cool:
أنا : خير إنشاء الله
المتصل : لابد تكون عندنا قبل 24 ساعه الامر خطير
أنا : أوكيه مسافة السكه < = = = تأثير الافلام المصريه
بوم <= = = = صوت تسكير السماعه يا أنتم تددقون في الاشياء :D
كان أفز من فراشي الوثير اللي هو عباره عن حصير متسلفه من jaj ولحاف من المحسن bowbow المهم اروح المطبخ وأغسل وجهي وأروح الحمام وأفطر دقيق ارجع شوي أيه رحت الحمام وغسلت وجهي وفرشت ضروسي بمعجون أسنان لادموع بعد اليوم واروح المطبخ وافطر ايه ذاك الفطور وبعده عصير طماطم السعوديه ياسلام .
وبعدها أروق واتصل علي صاحبي ابراهيم ايه ولد النجيدي <= = = لاتستغربوا دنيا كان صاحبي
المهم خليته ينقز يم اقرب مكتب سفريات ويحجزلي علي امريكا ( هذه المساحه للاعلان الاتصال تليفون 999 ) وبعد ساعه اتصلبي برهوم وقالي جهز نفسك السفر بعد خمس ساعات .
والله اروح واجهز الشنطه حقت السفر واجيب الملابس الغاليه عندي ومانسيت اغلي شئ عندي سروال وزارة المعارف ايه يذكرني بأولي ابتدائي يوم وزعوها علينا فنيله وسروال وجزمه ياسلام الجزمه توها وصارت علي مقاسي وكانت أحسن ما استفدته من دخولي المدارس هو حصولي علي فنيلة وسروال وزارة المعارف وقبل السفر بساعه اتصل علي برهوم ويجيب الددسن الــ72 ولما وصلت المطار وشفت الطيارات كان تصيدني أم الركب الله يهديك ياسعود كل يوم جايب صورة من صور الطيارات الجميله ولما وصلت المطار أخذت غفوه علي كراسي المطار وماصحيت الا علي صوت المذيع ينادي علي الرحله ولما مشيت يم الطياره برضه ام الركب طابه في وماراحت .
والي الجزء الثاني الملتقي .
أشياء ماشفتوها :
ضاع مفتاح ددسن ابراهيم واخذنا نص ساعه ندوره
ابراهيم جلس يترجاني أني اسلفه سروال وزارة المعارف يجخبه علي خويانه لكني رفضت:cool:

السلام


ياخوي عجل بسرعه

الناس هناك مختبصه وانت قاعد مع ولد النجيدي

تدورون على المفتاح وعلى من يلبس السروال المدرسي

اقول ابو الخل

من اولها سروال

وين القفل ؟؟؟؟؟؟؟؟

شف له قفل بيج لو سمحت




تحياتي

الحريف

يا حبك للتشويق ..:D


ياخي ( ياخي .. طاحت الميانه :D ) .. مدام( لا عانسه:D ) الجزء الاول قصير .. كان شبكته بالثاني ( ما عنده وقت يصبر :D )


اما اني اعطيك لحافي .. هذي انساها مافي امل( ولا تهاني:D ) .. لو تجيني في عز البرد القارص وتقولي : تكفى باواواااا عطني لحاف ......... يا شيخ اصب عليه بنزين وولع فيه ولا اعطيك اياه ..( يلعن ام النذاله :D )

< ---------------- لا تستغرب هذا بعض ماخذته من جامعة هيمووو للنذاله والبناء :D :p

----------------- > اهم شيء الشهاده معترف فيها :D


وبعدين تعال كيف تقول على هيمووو ان عنده ددسن 72 .. نصااااااب:mad:

اصلاً هيمووو عنده هويلكس موديل 68 :D


واخلص علينا بالجزء الثاني انت وراسك ;)

وانت جاي بالجزء الثاني جيب معاك فانيلة وزارة المعارف معاك :) .. تكفى ياسوري ( دلع ياسر :D ) ابي اكشخ فيها يوم الخميس :D


ومره ثانيه اكتب اسمي صح انت وخشمك :cool:



تحياتي ...:cool:

الله يازمن , على آخر عمر الصبحي .... يقول لرامبو " رح إحجزلي على أمريكا " !! ,,,

وبعدين ياداج سروالك حق وزارة المعارف أبعلقه في المنتدى علشان الناس تشوف إلى أي مدى وصلت فيك النظافه :rolleyes: ,,,

خاص بالحريف :

أنا موفر القفل إلين ينزل الجزء الثاني علشان أقفل الموضوعين مع بعض ,,,

<===== هذي الجامعه اللي يقصدها كوكو واوا :cool: ,,,

منسم يالصبحي كالعاده ..... وياليت تروح للبنشر اللي في آخر الشارع علشان يشوف لك حل في هالتنسيم المستمر في أعلى دميجتك :rolleyes: ,,,

تحياتي تو إيفري بدي ,,,

السلام عليكم ورحمة الله وبركاته
 

هلا والله بالحريف ياخوي الناس مستعجله علي ايش ماعندهم سالفه انا ما احب واحد يعجلني اوكيه :cool:

BOWWOW افا يعني جحدتني اصلا انا سارق اللحاف بس انت فضحتني لكن احلم اني ارده لك واسمك كذا احسن وخلاص يانذل :eek:

برهوووووووم هلا والله بصديقي القديم لا عاد مو للدرجه ذي نسيت ايام اول .