الهجوم الناري للزعيم الغالي . . . . أمنيــــة العمر
زمان لما كنت أشوف هاللاعب كنت أقول لو هاللاعب مع ياسر وش بيصير للفرق الثانية ؟؟
لو هاللاعب مع ياسر وش بيحصل لهجوم الهلال ؟؟
بس بعد ماراتين فقط مباراتين عرفت الجواب ؟ ؟
والله مو معقول هجوم المنتخب مع إحترامي للجميع أقوى هجوم مر على المنتخب السعودي
من عشر سنوات من يوم ماراح المهلل من رفيق دربه في المنتخب سامي . .
والله هجوم ناااري ومرررررررعب
مالك معاذ : سرعة , قوة جسمانية , تركيز على المرمى . . هداااف
ياسر : فطن , سريع البديهة , مهارات على أعلى مستوى , تمركز عالمي . . هداااف
وكلهم عندهم صفة مشتركة القدرة على الإختراق وبسهولة من العمق . .
والله ياجماعة الخير هجووووم نااااااااااار والله حريقة
تخيلوا بس أبو عزيز محور وقدامه الشلهوب متفاهم مع ياسر
والتائب يمد المهاجمين بكرات بينية ولا أروع والتمياط كرات عالية وطويلة ومركزة
والهجوم ياسر ومالك . . والله مافيه حل لهم والله مافيه حل لهم ماشاء الله عليهم
إختراق من العنف مع الجنب وتصليح للثاني تمركز جيد كرات طويلة معها السرعة
المطلوبة خلف المدافعين . .
أتمنى من الإدارة الهلالية تضع لمالك مبلغ 15 مليون ريال وتشتريه أو 3 ملاايين ريال
وإعارة لنهاية الموسم مع تمديد الإعارة في حالة فوز الفريق ببطولة آسيا إنشاء الله
أتمنى من كل قلبي مالك معاذ . . مع ياسر
والله أمنية , ياجماعة الخير رايحين ندور على كولمبي وأفريقي ومدري وشو
وفيه كنز في السعودية . تكفون مالك لو إعارة أنا عارف إنه صعب
وأنا عارف إن الهلال ماهوب راعي الطرق الملتوية بس اللاهب ذا يجيبون باللي هي به
أهم شي يجي للفريق لو إعارة سنة ونص بستة مليون أهم شي يجي
تكفون يالإدارة . . تكفون يا أعضاء الشرف تكفون نبي مالك معاذ و مالك إلا مالك
مجرد تخيل . .
الدعيع
الخثران المفرج تفاريس العبدالسلام
الغامدي وإلا ( أبو عزيز )
الشلهوب التائب التمياط
ياسر مالك
يا جماعة الخير من مباراتين شف الهجوم كيف نااااار
في هدف المنتخب على قطر أعجبني ياسر راح للمكان اللي فيه معاذ وفتح
لمعاذ خانته ومالك شاف الطريق مفتوح
شغل التيربو ماشاء الله ودز وهبااااا جوا الجول ( على قولة المعلق إمام )
أمنيتي الحين لا عماد الحوسني مع إحترامي الشديد ولا غيره
مالك معاذ وبس تكفوون يا إدارة