أنا وأخوي على ولد عمي ... وأنا وولد عمي على الغريب
 

بسم الله الرحمن الرحيم



اخواني الكرام

على ما أظن أن الكتاب باين من عنوانه

بس فيه ملاحظه ياليت اننا ننتبـه لها

قبل بطوله الخليج كان بيننا حنا كسعوديين كلام وردود كل واحد وحسب ميوله

بس لما بدأت بطوله الخليج توقعت اننا بنكون يد وحده
بحكم جنسيتنا السعوديه وبحكم ان بطاقاتنا الشخصيه وحده وبحكم ان لون جوازنا واحد وبحكم اننا ولدنا وتربينا في السعوديه

لكن للاسف

صار المنتخب من ناحيتنا مشتت... كل واحد همه لاعب ناديه وبس

ياليت كلنا نتذكر التصفيات المؤهله لكاس العالم كيف كنا يد وحده
نملأ الملعب كله بلون واحد.... أخضر
ما ننتقص من هذا وذاك
سجل سامي فرحنا...سجل ياسر فرحنا ... سجل سعد فرحنا

بس اللحين للاسف
كلن يغني على ليلاه

في منتدى العالمي طايحيين سب في ياسر لانهم يرون ان سعد احق من ياسر باللعب

وزعلانين عشان بدر الحقباني وانه ما يلعب او ما احد يمدحه
يتمنون الاصابه لياسربس عشان سعد يلعب

هل ياسر يستاهل كل هذا

باكيتا ينتقدونه..ولهم الحق في هذا بس
ينتقدونه لما تكون الخطه غير مناسبه

بس لما ينتقدونه عشانه مالعب سعد هل هذا معقول

وبعضهم يدعي انه فيه ايادي خفيه...ولاحظوا وش كبر الكلمه...عشان طلع مالك في مباراه البحرين
وكلامهم المفروض يطلع ياسر ويدخل بداله سعد

سعد اللي بدأوا يسبون الكل عشانه...نسينا كلامكم عنه قبل شهر أو شهرين

ياليت تدخلون المنتديات القطريه

شوفوا كيف متماسكين ومترابطين مع بعض... ياليت نتعلم منهم

في منتدى الزعيم طالبنا بسعد مثلكم
وهذا الرابط
في فقره نقاط عن المباراه في النقطه الخامسه بالتحديد
http://vb.alhilal.com/t367555.html

وتكلمنا واشدنا بالمنتشري في مباراه قطر وانه اوقف سباستيان

وارجع واقول يا ليت تدخلون المنتديات القطريه

بعضهم يمدح اسم لاعبهم اللي كسر ياسر
ويقولون عنه بطل
وبعضهم خلا التوقيع حقه الكسره وكتب تحتها ان اللاعب بطل

ويتكلمون عن المشجعات اللي يقال عنهم سعوديات وانا ما اظن بس الله اعلم عنهم

ودخلوا في اعراض السعوديه ويتكلمون بكلام ماله اي دخل في الرياضه

ياليت ياليت ياليت ياليت ياليت ياليت

اننا نكون يد وحده على الاقل في بطوله الخليج
وبعد البطوله لكل حادث حديث
ويكفي اننا كلنا نشجع منتخب واحد اذا لعب

وياليت على الاقل نطبق المثل

(((( انا وأخوي على ولد عمي....وانا وولد عمي على الغريب))))

وشكرا

(((( انا وأخوي على ولد عمي....وانا وولد عمي على الغريب))))
هذا المفروض كل لاعبينا مثل بعض كلهم اخضر وابيض مع المنتخب

مشكووور اخوووي وكلام منطقي وجميل

تصدقون يالربع زميلي في العمل نصراوي ويتمنى العراق يفوز بالبطوله ويفرح إذا مالعب المنتخب زين وكل هذا علشان لعيبة الفقر خارج التشكيله

كلام منقطي وجميل !!!

وأنا أقول ياليت

مشكور يخوي ..

كلامك منطقي جدا..

ياااااااليت

لا تشرهون على النصراويين
احد يشره على المجنون
الحمد لله على نعمة العقل

شوفو ياشباب توه تتكلامون على اليد الوحده شوفو اخوكم ن و س 7 7 يقول نصروين

تسلم تسلم تسلم اخوي الله يعطيك العافيه على الكلام الحلو

(((( انا وأخوي على ولد عمي....وانا وولد عمي على الغريب))))

الله الله على هالكلام الراقي ..

اوووووووووووه خليجي 15 كان الكل يد وحده هلالي -نصراوي-اتحادي-اهلاوي -شباب-اتفاق -قادسية ....

كل هالإسماء تمحي وتزول لما يلعب المنتخب ويبقى الكل ماسك شال سعودي ويردد ..آوووووووووه باسيعودي ..

صدق فقدنا هذيك الأيام ..

مشكووووور يابعدي على كلماتك وياليت الجميع يكون بــ فنك وبفكرك الكروي الراقي ..