|
!.. فضاوة قصيمي .. ! بسمـ اللهـ الرحمنـ الرحيمـ .. :) السلامـ عليكمـ ورحمة اللهـ وبركاتهـ .. :) -- يا مرحبا يا مرحبا .. نورك غطا على الكهرباء :D اهلين وسهلين .. منورين يا جماعه -- من الحين اللي عنده اختبار ولا مشغول ولا مب فاضي يسكر الصفحه .. ! واذا فضى وخلص اختبارات يجي يقراه لأن هذا الموضوع ما هو الا نتاج الفضاوه .. اللي تصير كثير مع راعين الاختبارات وترا يا جماعه .. بالاختبارات كل شي يصير زين مباراة .. تلفزيون .. نت .. الخ .. كل شي يصير له طعم خاص بالاختبارات حتى انا طايح بالمباريات لانه تتاخذ وقت طويل من اليوم ;) لو مباراة بالدوري الصومالي كان شفته لا وسويت له تحليل بعد :p فأنا اليوم قلت بسوي موضوع اقطع فيه وقتي فدورت لي شي عاد لقيت رساله قصيميه بحته نخش في صلب الموضوع .. عندما علمنا ان بعض من ابناء الجيل التالي واجهوا مشاكل في فهم اللهجة القصيمية وعندما انتشرت هذه الرساله .. اصبح بعض من هؤلاء متشوقين لمعرفة ماهية هذه الرساله !! فتمت ترجمتها من قبلي .. مراعاة وشفقه لمن هم لا يفهمون اللهجة او بمعنى اصح اللغة القصيمية ! لما تحمله من مفردات وكلمات يصعب عليهم معرفة معناها ! وتمت الترجمة بعد مساعده من كبار السن الخبراء في هذا المجال والرسالة كان نصها ( قبل الترجمة ) : قصيمي يصف حالة المطر : القصيم يلثق ... وغادين لقسه .. ! وكلشن رابص عندنا !! وانا متعنقط بفروتي من الذراقة ومارغن الفكس بخشتي .. ! والهواء يشخفن من كل محل وصايرن مثل الحوقلة أصوي صوي وشاقصن بمحلي ما غير أقحن من هالزنجبيل !! -- :confused: ادري ما فهمتوا شي :D -- والرسالة اصبح نصها ( بعد الترجمة ) : قصيمي يصف حالة المطر : القصيم مبتلة بالماء وقد أثر عليها الماء سلبياً .. ! وكل شي مبتل لدينا .. وانا قد تمسك بقوة بلحافي من الخوف ! وقد وضعت على بشرتي الكريم المرطب .. والهواء يضرب جسمي مع كل ناحية .. !! واصبحت مثل ( صغير الطير ) اشتكي واصيح بصوت منخفض نسبياً وقد جلست بمكاني وارتعد من البرد وأواصل وبكثرة شرب الزنجبيل -- هاه .. ان شاء الله فهمتوا شي :D -- يله عاد ما ابي اطول الموضوع وسامحونا على القصور :p يله هذي موضوعي قضى :yes: وما اظن جنيتوا منه اي فائده تنفعكم في حياتكم الطبيعية :p نراكم على خير :) دمتم بكل الود خفايا الهلال :) |
هلا والله خفايا الهلال عاارف اني منور طال عمرك اساسا انا مركب لمبة إقتباس:
إقتباس:
ترى مانب ناقصين لحسة مخ الله يرحم والدينك وش جاب لجااب وبعدين وش هالكلمه الذرااقه اعوذ بالله عليكم كلاامك يدبل الكبد بس لهجتكم حلووه >>> عااش مرقع قصدي مجاامل |
خخخخخخخخخخخخخخخخخخخخخخخخخخخخخـ احلى شي متعنقط تحس محد فهمها ولا عاد مارغ عاد اقحن شي ثااني هعععععععععععععععععععععععع |
إقتباس:
لا تسذب قال الفقس والفقس مهب كريم ولا مرطب بعد... مشكور تحياتي... |
غدي الكناري يجي ويترجم الترجمه :D وين الغيبات خفايا .. والا متخفي :) |
و عليكم السلام و رحمة الله و بركاتة ,, الخوف خوفي اني هالقطعة تثبت اني قصمنجي تجاري صناعة تايوان :D ؛؛ ياله خل نترجم على فهمنا .. معاني الكلمات / يلثق : يرطش بالماء و كلشن رابصن عندنا : كل شي ممتلئ بالماء عندنا متعنقط : ممسك بالفروهـ بشدهـ :D ,, الذراقة : الخوووف ,, مارغن الفكس بخشتي : اعتقد واضحه ,, شاقص : حالة جماد :D ,, اقحن بالزنجبيل : يشرب الزنجبيل زي الشايب و هو يشرب قهوهـ :D ,, هذي ترجمتي ,, و ممكن يكون فيها غلط لاني ما قريت ترجمتك يا خفايا ,, دحيم الله يخلي الاختبارات اللي تبي تخليك تكتب موضوع !! وين الغيبات !! ما غير هاقن بالمسن لكن بالمنتدى ساحب على ام الدنيا .. لا تقطع ,, السلام عليكمـ ,, |
وعليكم السلام ورحمة الله وبركاته هلا والله اخوي خفايا إقتباس:
حتى الاخبار اللي كثير مايواطنوونها تحنط بالاختبارات وماشاء الله الاخوان يصيرون مطيعين لو يقولون اهلهم جيبو خبز وصامولي يقولون سمو وابشروووا :)هما بس فيها فكة من المذاكره واالا قبل الاختبارات انووواع التزريب والتمنن .. إقتباس:
فهمت فقس وزنجبيل ههههههههههههههه لهجتكم صعبه مرررره :) إقتباس:
مشكوور خفايا على الترانزليشن :) |
وترا يا جماعه .. بالاختبارات كل شي يصير زين مباراة .. تلفزيون .. نت .. الخ .. كل شي يصير له طعم خاص بالاختبارات اي والله اللهجه رهيبه |
الله يوفقكم يا رب في اختبارتكم وكويس الترجمه كانت مرفقه ولا كان صارت علوووووووووووووم تشــــــــــاو |
والله ياعليكم لهجة يالقصمان الله يصلحكم بس :) الله يعين تغريد اذا جت تقراء الموضوع انا قريته ومافهمت الا الفكس والزنجبيل وذراقة .. وغيره يفتح الله بصراحة اكاديمة خفايا لتعليم اللهجة القصيمية .. جابت نتيجة وفهمنا الرسالة :) الله يعطيك ألف عافية .. والله يوفقكم يارب ويسهل عليكم اختباراتكم .. |
هلا و غلا خفايا الهلال ... ياخي وين هو بوه انت :D من زمان ياشيخ مشتاقين لك ...s13s الا على فكرة برشحك لمترجم في قناة القصيم خخخخخخخخخخخs60s لهجة القصيم جميلة مميزة s60s دمت بخير وعافية ,,, |
بعدي والله يا اهل 06 .. الحسوا مخ العالم بهالحتسي خلوهم يبلشوون صدز .. والله ياكم واحد يبي يتوهق .. ههههههههههههههههههههههه بس اللي يقول ان لهجة اهل القصيم صعبه وما ادري وش .. تراه يعترض على سياسة المنتدى .. مهوب كوكتيل هو المؤسس ؟؟!!! مهوب نص المشرفين من القصيم ؟؟!!1 يكفي كبيرنا الذي علمنا السحر البارق .. هههههههههههههههههههههه |
الحمدالله ماعمري فضيت ولا وش صار :D < برا الكلام قصيمي بحت . حقت اللي يقحن زنجبيل جتني مسج . مع انه لغتنا عجزت افهمه كله :confused: يالله يارب يوفقك بأختباراتك و يشغلك ولايخليك تفضى ابد :p |
خفايا الهلال تسلم على الموضوع وتسلم على الترجمة .. يوم قريت كلامك ذكرت ولدي عمي الله يذكره بالخير يشتغل بمستشفى التخصصي ببريدة على ماأظن يقول عندنا فلبيونو ويتكلمون قصمنجي يالله من فضلك إجتمعوا ... بس من جد جو ثاني مع الثنائي .. |
اهلاً وسهلاً بكم جميعاً ..:) ما شاء الله وش هالنشاط والحيويه .. s60s الاختبارات تسوي اكثر :yes: 12 رد بـ 12 ساعه !! كل ساعه رد .. الله لا يضركم بس :p اولاً احب اشكر : هامور البورصه هلالية حرة فهد عاشق البرسا سهل الكناري الازرق هلاليه سنعه بكيفي9999 نـــ15ــمر سندريلا الهلال ماجد مقبل صدى الامس tofo زعيم سديراوي يعطيك العافيه على المرور يا الدرزن :D وشكر خاص لنايف ( الكناري ) على هيك ترجمه .. ;) وش رايك نفتح معهد وخذ شهادات وجب شهادات :thumbup: والله احس مكسب عظيم .. احسن من مقابل وجيه هالدكاتره والمدرسين :p واشـكر كل من سأل عنّـي وعن غيابي .. ومنب لاعب عليكم وقايل ظروف :D بس والله مثل ما قال سهـل .. موجود بس بالخفيه .. :yes: وانا شاء الله بالاختبارات النهائيه الفصل الجاي نعطيكم موضوع جامد .. :thumbup: |
| الوقت المعتمد في المنتدى بتوقيت جرينتش +3.
الوقت الان » 06:55 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd