|
السالم ام الحارثي ؟؟؟؟؟؟؟؟؟؟؟؟<دعوة للنقاش>> السلام عليكم ورحمة الله وبركاته اخواني بعيدا عن التعصب وبدون عصبية انا اكتب هذه الكلمات كسعودي ولست كهلالي وانتم اريد من الجميع ان يرد بصفته سعودي ويخاف على منتخب بلده هل يوسف السالم يستحق المنتخب هل صالح بشير يستحق المنتخب هل سعد الحارثي يستحق ان يتبعد من التشكلية اعتقد في نظري ان هذا ظلم للاعب سعد الحارثي والله انه فنان بس محد فاهمه المفروض انه يكون المهاجم الثالث بعد ياسر ومالك انتظر ردودكم ولحد يفهم اني نصرواي او اني مني هلالي لا والله ثم والله اني عاشق لهذا الكيان الازرق منذ صغري لكنني لا احب الظلم وشكرا |
الحارثي اكثر لاعب مظلوم في المنتخب نعم سعد يجب ان يكون هو البديل الاول لياسر او مالك لاكن ان يكون بشير او السالم لاتعليق مشكور اخي على الحياديه وذكر الحقيقه |
والله اذا بغيت وجهة نظري وبعيد عن التعصب والله انا اشوف الثلاثة ودك باقرب طيارة تسفرهم واذا بغيت مهاجم ثالث الكابتن المظلوم الشمراني لاعب نادي الوحده |
والله يالغالي السالم والحارثي وبشير مستوياتهم متقاربهـ واللي راح يكون في فورمته راح يكون الأجدر |
مشكـــــــــور اخوي عبدالملك على هذا الموضوع بعيدا عن التعصب الرياضي انا من رأيي ان اللاعب سعد لم يقدم مايشفع له لدخول المنتخب بعكس ياسر ومالك وبالنسبة ليوسف السالم وصالح بشير افضل بقائهم مع انديتهم وخصوصا الاول يعطيك الف عافية على الموضوع |
انا ودي أقول شي (( ارجعو لمباراة الكويت والسعودية في التصفيات المؤهلة لكاس العالم2006 وشوفو سعد كيف سحب بدفاع الكويت واحد واحد وتعرفون ليش سعد انظم لتشكيلة المنتخب )) ولحد يحسبني نصرااوي الحين والله اني هلالي بس الحق ينقال وانا اقترح باكيتا يعلب 4-3-3 |
سعد لاعب رغم عننا لكن ليس مؤهل ليكون البديل عن يسار ومالك واما بشير والسالم فهؤلاء الافضل لهم المغادره ويوجد لاعبين افضل منهم لم يتم اختيارهم |
والله انا مستغرب ..سعد وينه الحين مستبعد ولا احتياط ولا وش السالفه؟ انا شفته في لقطات مع المنتخب في الامارات |
.. هالمدرب راح يجننا .. .. ليش مستبعد الحارثي للحين .. .. اذا لعب بالقحطاني ومعاااااذ يبقى الحاراثي بديل يعني ورقه يهدد فيها الخصم .. .. سعد الحارثي مظلووووووم .. .. هو المهاجم الثالث في الاخضر .. .. اللي مو مقتنع في سعد لايفقه كرة قدم .. .. شوفوا يوسف السالم وبشير وش الفرق اللي يسجلون فيها .. .. وشوفوا الحارثي يسجل في مين .. .. صرااااااحه قهر نشوف السالم وبشير يلعبون بأعصابنا في الملعب .. .. ومشكووووور اخوي على الموضوع الرائع .. |
اتوقع ان سعد بيلعب المباراة الجاية ارضاء لجمهور النصر بس اذا فية مفاضلة فسعد افضل بمراحل من بشير والسالم يكفي خبرته مع المنتخب اكثر من خبرة بشير والسالم |
الحارثي هو المهاجم الثالث في المنتخب السعودي وافضل من بشير والسالم بس باكيتا عليه مسكات غريبه |
الحارثي افضل احتياط لـ القحطاني ومالك لكن بشير والسالم يفضلهم باكيتا على الحارثي :confused: صعععععععععععععععععععععععععععععععععععععععععععععععععععبة |
بدون تعصب :/ والله العظيم مادخل في مزاجي الحارثي وصالح بشير والسالم اطلاقا حرام يدخلون المنتخب والله كلام واقعي وبدون تعصب المفروض يحطون عبدالرحمن القحطاني بديل ياسر القحطاني ومحمد امين حيدر بديل لعمر الغامدي والله لو اني اداري او مسؤول في الاتحاد السعودي اول امر :/ طرد سعد الحارثي و يوسف السالم و صالح بشير وادخال بديلا عنهم عيسى المحياني - علاء الكويكبي - ريان بلال لاعب احد الصاعد |
بصراحهـ : يوسفـ السالمـ ,, مادخلـ مزاجيـ أبد .. صالحـ بشير ,, أنواعـ اللامبالاة .. سعد الحارثيـ ,, ماقدّمـ مستوى معـ فريقهـ يشفعـ لهـ للإنضمامـ للمنتخبـ .. بسـ دامهمـ خذوهمـ كلهمـ فـ سعد أهونـ و أفضلـ واحد فيهمـ .. بالأخير : الشمرانيـ أحسنـ منهمـ كلهمـ .. ( وجهة نظر خاااااصهـ ) |
يارجال ما اردى من المربوط الا المفتلت وقل طلقها وتزوج أختها.. قال الله يلعن الثنتين:D سعد خدمه الاعلام وعظم من امره بعد هدفه في مرمى الكويت وزاد من شهرته بعد هدفه في مرمى الهلال الموسم الماضي عندما اعار للأتحاد يعني عطوهـ اكبر من حجمه .. هذ من ناحية الحارثي لو نجي للأخ الثاني السالم احسه يمين واللعب يسار قسم بربي هاللاعب مابلعته ولا هضمته عطوهـ اكبر من حجمه سجل كم هدف ومشى معه الحظ في مباريات فريقه بعدها تصدر للهدافين يعني لاتستبعدووون هالسنه يرشحون الحارثي او السالم لجائزة افضل لاعب يازين ياسر ومعاذ بس مافي احلى منهم والله وصالح بشير كويس بس تنقصه الخبره وتذكروا كلامي .. تنقصه الخبره .. ولو استمر مع المنتخب راح تشوفون منه الكثير والكثير يعطيك العافيه |
| الوقت المعتمد في المنتدى بتوقيت جرينتش +3.
الوقت الان » 02:50 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd