|
العيب إنك تظن إن كل الناس لازم يكونون مثلك بالضبط! كل دول العالم بدون استثناء عندها مشجعات سافرات يحضرون للمباريات ويشجعون منتخباتهم. تعرف وش معنى (كل دول العالم)؟ يعني إذا كان عدد السعوديين 20 مليون وعدد سكان العالم 7 مليار فحنا نتكلم عن 6 مليار و 980 مليون بني آدم ما عندهم اعتراض على حضور مشجعاتهم للملاعب سافرات. وإذا ودك تستبعد الإيرانيين لأن غطاء الرأس عندهم إلزامي ويتم منعهم أحياناً من حضور المباريات فترى عدد سكانهم 70 مليون نسمة.يعني 20 + 70 = 90 ومن عندي أعطيك 10 مليون فبالتالي يكون تعداد البشر اللي يمنعون مشجعاتهم السافرات من الحضور للملاعب 100 مليون بينما يبلغ عدد غير الممانعين 6 مليار و 900 مليون نسمة!! عاد أنت بكيفك! إذا بتفكر إن كل هالمليارات من البشر ديوثين وملاعين جد وإن أنت بس اللي صح 100% فهذا شيء يرجع لذكاءك. حبيبي لازم تعترف بأن مو كل السعوديين زي بعض. وهذا مو عيب على فكرة.بالعكس،كل شعوب الأرض فيها تنوع ديني ومذهبي وفكري. بالسعودية فيه سنة وشيعة وإسماعيليين وليبراليين وعلمانيين وملحدين. كونك ما تصدق هالشيء فهذا لا يعني أنه غير موجود.هذا يعني بس إنك تتعامى عنه. كلامك غير منطقي،تدري ليش؟ لأنك تدري إن بطولة القارات في السعودية شهدت حضور مشجعات سافرات للمنتخبات الأوروبية والأمريكية. كانوا يحضرون وكانوا يشجعون وهم سافرات وإلى الحين أتذكر صورة مشجعة مكسيكية حضرت لاستاد الملك فهد وشجعت منتخب المكسيك ونشرت جريدة الشرق الأوسط صورة لها في ملحقها الرياضي. أنت لو معترض على حضور هالمشجعات الأجنبيات السافرات للملاعب السعودية كان قلنا إن معك حق تزعل لأن السعودية بلد إسلامي ويمنع الاختلاط.لكن إنك تزعل على حضور هالمشجعات في بلد يسمح بحضور المشجعات الكاشفات فهذا اللي ما لك حق فيه أبداً ويخلي الواحد يضحك عليك بصراحة. العلم علم بلدهم السعودية. وأنت تعرف إن فيه سعوديات يكشفون شعورهم إذا سافروا لمصر أو للخليج أو لأمريكا أو لأوروبا. وإذا ما كنت مصدق إسأل أي واحد من الشباب اللي يدرسون برا وبيقولك إن فيه طالبات سعوديات وبنات حمايل ما يتغطون بأمريكا ولا حتى يغطون شعورهم. الإسلام وأنا أخوك موب على كيفي ولا على كيفك.السفور حرام أنا اتفق معاك بس ترا حلق اللحية حرام بعد ومطالع قنوات الأغاني حرام برضوه فليش تسويهم؟ الإسلام له أركان معروفة مو من بينها الحجاب.والإسلام له موبقات أولها الشرك بالله وآخرها قذف المحصنات ومو من بينها السفور. يا أخي الغيبة اللي يرتكبها الواحد وهو مو منتبه حرام،فكيف بالمحرمات الثانية؟ اللي يقول إن هالمشجعات غير سعوديات أو أنهم طرش بحر ما قد سافر برا عشان يعرف إن الحجاب ما له علاقة بأصالة الوحده قدر ما له علاقة بتدينها والتزامها بالحجاب الشرعي. فيه سعوديين عيال حمايل بناتهم يكشفون في الخارج وفيه أميرات بعد يكشفون.عساك بتتبرى منهم بعد؟ اللي يقول أنهم أجنبيات لأنهم شقر أقوله فيه شيء اسمه صبغة شعر وفيه بنات حمايل أكثر بياض من السوريات. سعودية بيضاء وصبغت شعرها أشقر تبيهم يسحبون منها الجنسية يعني؟ إذا شفتهن يحضرون سافرات بالملاعب السعودية لك حق تزعل. أما برا السعودية فهم ما خالفوا القوانين ومالك إلا إنك تدعيلهم بالهداية. إلا إذا كان ودك تروح تفجر فيهم وتذبحهم فهذا شيء ثاني. http://www.9q9q.org/index.php?image=jy7Ab9Y0WTXta7 قال مو سعوديات قال! |
0 البنات يعني ماعندها وطنية ! خلوهم يشجعون .. يعني لازم يلبسون نقابات او لثم ! |
موضوعك ممتـــاز ألف شكــــــر عليه إلا سعوديات ويفشل شكلهن .... واللي يفشل أكثر تفاخر الجرايد بمثل هذي الصور كثير السعوديات اللي يدرسون خارج السعودية ومحافظات على إحتشامهن وكثير البنات اللي تحظر المباريات سعوديات وغير سعوديات وبرضوا محافظات على إحتشامهن وأدبهن |
السلا م عليكم ورحمة الله وبركاته شكرا اخي على طرحك للموضوع ونشر البلبلة في دورتنا الخليجية يااخي ان كان الحاصل في السعودية فلنا الحق جميعا ان نتكلم لكن الحدث كان في الامارات والامارات معروفة بدولة لاتلتزم بالحجاب الكامل يعني البنت السعودية هناك رايحه جاية في الشارع بدون حجاب تبيها بالله تلبس الحجاب في الملعب انا من وجهة نظري :/ ان كان الاهل موافقين فلها الحرية الكاملة في ذلك بما انها مشت في وضع الاحترام وعدم التعرض لاحد ومن وجهة نظري :/ بما اننا من عائله محافظة فلا ارضى ان يحدث هذا لاهلي اذا المشكله تكمن في الاهل ............. ارجوكم دعونا من هذا الموضوع التافه الذي لا يحقق نسبة نجاح ولا 1 % لمنتخبنا الوطني تحدثنا في هذا الموضوع للالف مرة ولكن ليس من مجيب فلم كل هذا الجدل فدعونا من هذا الموضوع ارجوكم ... ودع السفن تجري على مجراها ولنفكر بفكر واحد وان يكون تفكيرنا جميعا بقول :/ >>>> http://sansiroboys./s3odi.gif <<<<< |
اقولكـ يااخ حتى لو كانـــوا سعوديات الموجودين اتمنــى ماتــكون بقدر هذا التخلف يعني مشاهدة كورة القدم حلال على الرجال وحرام على النساء |
متى افتتاح ملعب ويمبلي ؟؟ <<< خخخ يبي يغير الموضوع ياشباب ترى انا استراالي يعني محايد كل واحد يصلح سيارته واللي قاصره شيء انا اغطيه اهم شيء حب الوطن واللي حافظ النشيد الوطني يقوله لاني ناسيه |
يعقبن ما فيهن السعودياااااات اصل وفصل كلهن شقر يا رجال |
وانت وش دخلك فيهن .. اذا هن واهلن راضين بكيفهم ,, |
حتى لو ماهم سعوديات ما يشرفونا في المدرجات لنا عاداتنا وتقاليدنا يا خليجيات |
والله ياأخوي لو تحط صور يمكن أفضل لا تفهموني غلط ياجماعه. بس عشان أللي ماشاف يشوف ويعرف الموضوع وشو فككككككككككككككككككككككككره |
لو في المدرجات تيوووووووس ما طربت المعزاء |
الله لا يبلانا انشاء اللة |
لا حووووووووووول ولا قوة الا بالله ما يستحوووووووووون الشرهه على اهلهم اللي ما عندهم غيررررررررررررره بكيفهم ولا يمثلون السعوديه لا بارك الله فيهم .. |
أخواني سعوديات أو مو سعوديات مانقول إلا إذا لم تستحي فصنع ما شأت ونسأل الله العافيه والسلامه |
بس خل عنكم والله بنات زي القمر s51s :thumbup: |
| الوقت المعتمد في المنتدى بتوقيت جرينتش +3.
الوقت الان » 08:23 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd