نادي الهلال السعودي - شبكة الزعيم - الموقع الرسمي - الجزيرة الرياضية بين التنكيت والضحك على الجمهور !

السلام عليكم ..

أولا ً ألف مبروك الفوز " المستحق " للمنتخب السعودي على شقيقه البحريني ..
ما راح أتكلم عن الأمور الفنية بالمباراة .. لكن لي تعليق حول التحليل التحكيمي بالجزيرة الرياضية ..

أمس لحقت على آخر برنامج مساء الخليج بالجزيرة الرياضية واللي يتكلم عن البطولة وعن احداثها ..
مقدّم البرنامج " ما اذكر اسمه الحين " وكان ضيفه هو رابح ماجر الجزايري
ما علينا منهم ..

المهم أنّه في آخر البرنامج جابوا المحلل التحكيمي جمال الشريف ..
وبدأ في تحليل الاحداث التحكيمية ..

أولا ً جاء بلنتي البحرين ، وقال أنّه صحيح ، والاستوديو ماشي معاه زيّ الفل ..!

ثانيا ً جاء البلنتي السعودي ، هنا بدأت المهازل ..
جمال الشريف قال أنّه صحيح ولا غبار عليه ، وانه يستحق الكرت الأصفر ،،
تدخّل المقدّم بعدها وقال : بس يا أيمن البلنتي هذا اعطاه كرت اصفر ، ليش البلنتي البحريني ما اخذ اللاعب السعودي فيه كرت ؟

مدري هيّ لعبة حواري ولا ايش ؟ التحكيم له قوانينه ، فاول عن فاول يفرق ، وكرت عن كرت يفرق ..
جاء بعدها جمال الشريف وردّ عليه وقاله " لا بالعكس ،، اعتقد أنه الكرت الاصفر قليله وأنّه من الممكن يتحصّل على كرت أحمر !! "

الحالة الثالثة كانت الطرد الأوّل ، طبعا ً لا غبار عليه انفراد تامّ ومستحيل يكون لهم حجّة معيّنة للاعتراض ،،

الحالة الرابعة وقمّة المهازل تأتي ..!
كرة مشتركة بين أكثر من لاعب سعودي وبحريني ، ويجيك اللاعب البحريني وينطّ بكلتا قدميه بلعبة متهوّرة جدا لاستخلاص الكورة من الشلهوب ..

الحكم يعطيه كرت أصفر ، وحتّى الآن مافيه أي اعتراض من البحريني ، بعدها تذكّر الحكم أنّه اللاعب البحريني عنده كرت أصفر من قبل وطلّعله الكرت الأحمر ، وهنا بدأ الصياح والنياح ..!
مـادري ليه يعني هالـ"تخلف" من اللاعب البحريني ، كرتين صُـفر ما عليهم غبار وقاعد تعترض ..
المشكله انه ما اعترض على الكرت الثاني ،، بس لما طلعله الاحمر بدا الاعتراض ..

ما علينا منّه ننتقل للاستوديو التحليلي .. :)
هنا خلّص التحليل التحكيمي ..
قام بعدها ماجر قال " أنه له اعتراض حول الطرد الثاني ،،، الكرة مشتركة بين أكثر من لاعب سعودي وبحريني ،، وبالأخير يأتي الحكم ليشهر بطاقة في وجه اللاعب رقم 2 !! لماذا هذا اللاعب بالتحديد ، الحكم عارف انه عنده بطاقة صفراء من قبل ليه ما اعطى الكرت هذا لـ محمد سالمين مثلا ً ؟؟! "

شوفوا التخلّف بأم عينيه !!
اللاعب البحريني هوّ كسر الشلهوب ، وماجر يقول أنّه على الحكم يعطي البطاقة الصفراء للاعب بحريني ثاني عشان " ما يكون في طرد " !!

بالله عليكم ايش تسمّون مثل هالعقليات المتحجّرة :yes: ؟

وكل هذا بسبب الحقد على المنتخب السعودي رغم انه المنتخب القطري ما كان طرف بالمباراة أصلا ً .. :) !!

آخر المهازل يجيك المقدّم يقول " عموما ً نبارك للمنتخب السعودي هذا الفوز وكذلك للمنتخب البحريني هذا المستوى اللي قدّمه واللي كان في معظم أوقات المباراة أفضل من المنتخب السعودي "

لعنبوبليسك ، الاحصائيات وقدامك أكثر من 20 شوتة للسعودية مقابل 3 شوتات للبحارنة ، وتقول المنتخب البحريني أفضل من المنتخب السعودي بالمباراة .. :) ؟؟

قناة حاقدة ، ومع احترامي للقطريين ما توقّعت درجة الانحطاط بقناة الجزيرة توصل لهالمستوى اللي شفناه أمس ..
جبتوا المحلل وقال انه كل قرارات التحكيم صحيحة ليش تعارضونه أجل ،

آخر كلمة ..
للأمام يا منتخبنا وبالتوفيق لك قدّام قطر ..
وفليخرس الحاقدون ..

سـلام ..!