ضروري نصــوّت لطالبنا في الاكاديمية ..!! واللي ماراح يصوت يفتــش عن وطنيته!! بسم الله الرحمن الرحيم .. كنت اتصفح في بعض المنتديات .. وتفـاجأت بصراحه بواقع ماتمنيت اشوفه ..!!:cry: أحزاب .. وضعت لكل طالب من طلاب اكاديمية .. الانحلال الاخلاقي .. والسـقم الفكـري .. ليــة .. !!! انا اعرف انهم دخلوا على شبابنا وبناتنا من خلال مفردة (( الوطـــنية )) وكلنا يعرف كيف نضعف عند هالأحساس ..فأغلب من يتابع هذه البرامج من شباب وفتيات اعمارهم ماتزال صغيره ومن بلغ به العمر عتيا ومازال يشاهدها نسأل الله له الهداية .. وهالفئـة هذي ماتقول اللي اسويه صح او خطاء لا ..!! هي تخاطب نفسها بقولها هل انا وطني ام لا ..!! حرام هاللي قاعد يصير ..!! هذا اللي قاعد يحصل خطـر يهددنا .. معقوله للمرة الرابعه ومابعد استوعبنا !! استغلال واضح ..استغفال مضحك .. ليه اي واحد يصوت مايستشعر خطورة اللي قام فيه .. المفروض قبل ماتصوت تحط عندك اللي لك واللي عليك من خلال هالتصويت عشان تعرف تجني الارباح والخساير .. مع ان الارباح .. معدومه والخسائر الوان واشكال .. من اول ثانية تكون انت السبب في بقاء اي طالب بتصويتك تذكر ان اي اثم وكل ذنب .. ستشاركه وستقاسمه فأنتم في الاختيار سواء... تذكـر ان تصويتك ستختم به السنة التي تعيش .. فاجعل خاتمتك حسنة لك تنفعك .. لا تضرك .. وكل عـــام ونحــن أقوياء في صد سموم الغزو الفكري باءذن الله .. في رعاية الله .. |
جزاااااااك اللله خير وجعله ان شاء الله بميزاان حسنااتك |
انا الحمدلله ماقد صوت ولا ابي اصوت ولاعمري فكرت والله داخلين اكاديمية ثقافيه ولا ادبيه ولا تعليم نصوت لهم بيدينا ورجولنا لكن هالتفاهات اللي مطلعينها لنا وهالعاهات ستار اكاديمي وسوبر ستار وغيرها وش ابستفيد اذا صوت غير اني ابضيع قريشاتي وابكسب ذنوب الله يهديهم ويصلحهم شكرا سنسن واعذريني على ردي ماركزت فيه بالي مشغول مع اعتزال الذيب :( |
بالفعل اختي .. كلامك صحيح .. والادهى والامر من كلامك ان فيه روابط تشجيعيه في الدول المجاوره وحملات للتصويت .. هذا حسب قرائتي في الجرايد عن هذا الكلام .. ولا تستغربي من حماس الشباب والفتيات اذا كان الداعم الاول لهم الاباء !! واتوقع اكثر فئه يصوتوا للبرنامج ولعشاقهم هم المراهقين وصغار السن والبنات .. وهذي الشي واضح والكثير اتفق عليه .. من واجبنا قبل لا نلومهم ان احنا نوجههم .. ونعلمهم انهم على خطأ .. يعني قبل كل شي التوعيه قبل العقاب او إلقاء اللائمه عليهم .. لانهم صغار لسه مانضجت عقولهم .. اتمنى من الله انه يصلح الحال .. وكل عام وانتم بخير.. ولك الف شكر اختي المبدعه دائماً سندريلا .. تقبلي ارق التحايا .. دمتي بخير |
جزاتس الله خير ان شالله بقول لاصدقأي ان التصويت ماله فايدة وبستشهد بكلامتس ان حنا مانختم سنتنا هذي بمعاصي خوفني عنوان الموظوع مشكووره |
يسلموا سندريلا على الموضوع صدقيني البرنامج سخيف جدا واللي اسخف منه الناس اللي تتابعه . أما عن الوطنية نعم هذا نوع من انواع الدعايات للبرنامج ولكن هل الوطنية في معناها الحقيقي هو أن اصوت للشخص مغنى واساعده على المعصية . الجواب . بكل المقاييس معصي . |
,,, ,, , لو كانت وطنية ( تُشترى ) بـ سخافه ...!! فـ انحدار الاخلاق استشف من اهواء النفس حتى اطاحه جريحا ...!! شخص يبقى والاخر يخرج .. وكلاهما من دائرة الاخلاق في ( الخارج ) ايعني ان نلتمس العذر لهم لانهم اشتروا رذيلتهم بـ انفسهم ...؟!! وماالذي بقي ... سوى ان نقرأ السلام على العقول وكفى ...!! سندريلا الهلال لو ان هنالكـَ منبرا لـ هذا المجلس .. حتما سـ يكون قلمكـِ النقي .. ولو ان هنالكـَ وهج يضيء ارجاء الصفحات .. بكل تاكيد هو حرفكـِ العذب ,, باركـَ الله فيكـِ وفي قطرات حبر تسوق كلماتكـِ الينا كي نرتوي .. لا تقطعي السقيا حفظكـِ الله ورعاكـ ... :) **** كوني بخير ...SoMe OnE... |
من يعتقد ان وطنيته تظهر في هذه البرامج الهابطه لا بارك الله في وطنيه كهذه ناس فاشله..قلوب مريضه..نسأل الله لنا ولهم الهدايه ثانكس سندريلا مع التحيه |
سطار اكاديمي . مهزله بـ مهزله بـ مهزله على قول سالم سيار :rolleyes: ووش هـالوطنيه اللي تطلع مع طلاب الاكاديميه ؟ لو الوطنيه كذا ؟ اجل وطنيتي معدومه :eek: لاهنتِ |
ناوي اهوش عليك يوم قريت العنوان بس أشوى |
يعطيك العافيه والله يجزاك خير وستار اكاديمي قمه في التفاهه ما أتوقع الى الحين احد عاقل فاهم يشوفه واحلى شي واحد من الأعضاء كان حاط في توقيعه صورة بقره تصوت لهم :D اتمنى اشوف هالتوقيع الحين |
يعطيك العافيه اختي سندريلا كل سنه نقول خلاص انتهى البرنامج ونتفاجأ بوجوده في السنه الثانية |
الله يهديهم كلهم فعلا قمة السخافه انك تصوت والأدهى والأمر اذا كنت تعرف وين تروح هالفلوس |
هذا غزو على ابنائنا ومرض تفشى والسبب قله الوازع الديني جزاك الله خير سندريلا وهذا موضوع آخر ..... لنرد به على زعيماويه تشــــــــاو |
هلا بسندريلا الابداع :) التصويت ولعبة التصويت مسرحية مكشوفة ومثال واضح للجشع المادي والاستغلال الواضح ايضا كشفت عن وجود فئة ( مغفلة ) في مجتمعنا تستجيب وبكل سهولة لمثل هذه التفاهات اذا كنا نعتبر الاهتمام بهذه السخافات وطنية فاننا نسىء للوطنية نفسها ونحط من قيمتها ياليتنا نكون وطنيين بالشارع وبعملنا وبالاماكن العامة ياليتنا نشرف وطنا بالخارج ونهتم بسمعته مسكينة هذه الوطنية ظلمها من حصرها بمثل هذه السخافة سندريلا يعجز الكلام عن وصف ابداعك بالفعل انتي شمعة المنتدى ونوره:yes: حفظك الله من كل مكروه وحقق لك كل ماتريدينه;) |
الوقت المعتمد في المنتدى بتوقيت جرينتش +3.
الوقت الان » 12:27 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd