|
هــل سترحل؟؟ عوّد ترى داعي الهوى عند بابك ×× واروي القلوب اللي بعد ماترون غنـيت لـك عمري ولا جا جـوابك ×× واسمي مع مجنون سامي تدون سامي.. قلت لي يوماً أنك باقٍ من أجلنا حتى وإن جار عليك الأقربون رحل:sad: :sad: |
لا سامي ماراح يعتزل وش فيكم:eek: لاتضيقون صدورنا تكفوووووووووووووووووووون :cry: يارب يكون الكلام مو صحيح ياااااااااااااااااااااارب ولكن هل للحروف ان تعبر عن سامي سامي اسطورة في ملاعبنا وقلوبنا خلاص مافي سامي :cry: الله يعوضنا ويسهل طريقكـ للتو احسست بان احساسي القديم بان لاكورة بعد سامي تجدد وتحقق :cry: من سنين كلما رايت سامي يتبادر الى ذهني كيف سنتابع الكورة بدون سامي وهاهي اللحظات قربت حماك الله اباعبدالله:cry: بس لاتعتزل هلالي الظهران الله يوفقك وتتخرج بس لاتقول سامي بيعتزل :cry: |
رحل يوسف وسيرحل سامي :) |
سامي لاعب امتعنا كثير وجلب البهجه الى قلوبنا ولكن عقارب الساعه تدور سيذهب سامي وسيبقى التاريخ يتحدث ويتحدث ولن يوفي سامي حقه سامي الجابر اللاعب الذي يحضر الجمهور من أجله لن توفيه كلماتي ....... ========= برايفت للظهراني .....مو كأن مكان الموضوع غلط؟؟؟؟:rolleyes: تشــــــــاو |
واللهـ مدريـ وشـ أقولـ !! بسـ ماأتخيّلـ الكورهـ بدونـ ساميـ .. خنقتنيـ العبرهـ وربيـ s16s آآآآآآآآآهـ يا ساميـ تكفى لا تعتزلـ :cry: |
هـ الـدنيـا الواحد يبي [[ يـضـمـن ]] نفسه .. :) .. |
السلام عليكم و رحمة الله و بركاتة آآهــ آآهــ آآهــ :( ,, تووي ادري انه اعتزل على بالي اشاعات :( .. اسعدتنا كثيرا سامي لن ننساااااااااااك فأنت باقي في قلوبنا :( .. ما كان ودنا تعتزل زي كــذا لكن قدر الله و ما شاء فعل :( .. ماني قــادر استوعب .. لكن قالها كلي هلالي [ رحل يوسف و سيرحل سامي ] .. الى اللقاء ساااااااااامي .. ! s45s |
سنظل نذكرك حتى وان رحلت فلقد تركت لنا ما لم يتركوه غيرك شكرا هلالي الظهران |
:cry: :cry: :cry: :cry: :cry: تكفى ياابو عبدالله لاتعتزل عشان خاطر اللي يحبونك تــــــــــكـــــــــفى :cry: :cry: :cry: :cry: :cry: |
كلامي قبل لا ابدأ يمثل وجهة نظر خاصه بولد وايل اتمنى محد يتدخل فيها الا بابداء رايه باحترام والكلام موجه للمشرفين قبل الاعضاء تمنيت ان سامي اعلن اعتزاله النهائي بعد كأس العالم الاخيره لكن للاسف سامي الذكي خيب ظني ابي واحد يقنعني وش فايده سامي بالموسم هذا سواءا وقع عقد واستلم مبلغ او العكس اتمنى من اداره النادي والجمهور التركيز على عمر الغامدي والشلهوب فهم ابخص بتجديد العقود وسامي ياليتك تمشي من الحين الهلال ماراح يوقف لا على سامي ولا على غيره راح يوسف وراح النعيمه والمصيبيح وسعد مبارك وسلطان مناحي وبن نصيب وهذال والبقيه اتت وستاتي صحيح سامي اكبر لاعب حقق انجازات للهلال بعد الله والعشم في ياسر وربعه لكن يظل سامي مجرد لاعب خدم واخذ مقابل الخدمه واكثر ..........!! اتمنى من كل قلبي ان جمهور سامي يقدم النادي على لاعبه المفضل انا اقولها بكل صراحه سامي لاعب كبير مااختلفنا نجم من طراز نادر برضوه نتفق لكن ماهو معنى هذا اني اقدم مصلحة سامي على النادي ياليت ياعمر << ان تسانه اسمك الصدزي تراني مضيع المهم ياليتك ماتزعل علي لاني بصراحه على طاري النجم سامي كنا نتكلم في موضوعه اللي شطح هاليومين مع الاداره وانا بصراحه متنرفز لدرجه ماتتصور باختصار يرحل سامي وغيره ويبقى باذن الله الهلال بنفس الشموخ والزعامه ;) تحيه للجميع |
إقتباس:
الإختلاف لا يفسد للود قضية ولذلك أسجل هنا اختلافي مع الحبيب هلالي السرعة ومع من يؤيده و مع سامي الجابر نفسه و أقول له بشكلٍ خاص مع السلامة و لا تنس تمر علينا. |
سامي سامي سامي سامي سامي لاتعتزعل ارجوك |
سامي اسطورة من اساطير الهلال علامة بارزة ومضيئة بتاريخ الزعيم سامي ( رجل الحسم ) في فترة تعد من افضل الفترات في تاريخ الهلال لكن هذه حال الدنيا سامي اعتزل مثل مااعتزل صالح النعيمة ويوسف الثنيان وغيرهم من ( اباطرة ) الكرة لن ننسى سامي ولن ننسى ( بصماته ) في تاريخ زعيمنا كفيت ووفيت ياابوعبدالله .. s13s |
هل الكلام هذا حقيقة ام اشاعاااات؟؟؟!!! واتمنى ان يكون اشاعه ويكمل سامي الموسم هذا على الاقل وحقيقه الكوره مالها طعم من دون سامي :cry: :cry: :cry: :cry: :cry: :cry: :cry: :cry: |
إقتباس:
معذورين !! لأنكم ماتعرفون الحقيقة اللي استمر سامي يخبيها وصبر عليها الين مل منه الصبر!! وش اللي اخذه سامي؟! فقط لمعلوماتكم .. سامي لم يستلم ريال واحد من مقدمات عقوده الاربعه السابقه! لسامي مالايقل عن العشره ملايين ريال لم يستلمها ولم نسمع له حديث عنها ولايعرف هالحقيقة الا المقربين منه .. فقط لأنه الوحيد اللي اخلص للنادي ووقع على عقوده بدون حتى ما يقرأها .. فقط لأنه اخلص وضحى ولم يساوم ويضغط على النادي في يوم من الايام ! وايش كانت النتيجه؟! النتيجه نكران وجحود واهمال للأسطوره في اخر مشواره .. سامي من خمس شهور يطالب وكل يوم يقولون له بكره!! ليتك ياسامي اعتزلت بعد كأس العالم ولا استسلمت للضغوط .. قالوا له وقع بس وهذا العقد تكريمي وستكرم أفضل تكريم ..وماذا بعد؟ لاعب بحجم سامي قدم للأزرق الكثير وضحى من أجله تكون نهايته لاعب هاوي ! كبيرة حيل في حق رمز من رموز الهلال يا هلاليين يا أوفياء:sad::sad: التكريم لم يكن في يوم من الأيام ( تهميش ) يا ادراتنا الحبيبة ! فما قوبل به سامي هو تهميش له ولتاريخه الكبير .. سامي ضحى بأحلى نهاية بوعود وهمية وتهميش لا يتقبله لاعب صاعد ! عندما عقد النية على إعلان الاعتزال رسمياً بعد كاس الخليج تذكرت إدارة الهلال أن هناك سامي ! عفواً أن هناك لاعب يدعى سامي ( مهمش ) طوال الفترة الماضية ! لأنه ابن الهلال البار الذي لا يساوم ولا يجادل فقط كان ملتزم الصمت ليرى نهاية الحكاية المملة ( سامي لا يمكن الاستغناء عنه سامي شارك ام لم يشارك هذا عقد تكريمي سامي نحتاجه كقائد داخل وخارج الميدان )!! وبعد؟! ارحموا عزيز قوم ذل !! سامي مع كل حقوقه السابقه لم يطلب بها يوما .. والان وهو فعلا في عز الحاجه طلب جزء بسيط من حقوقه واخر ماوعوده وماهي النتيجه؟! آآآآه ياسامي.. وآآآه من غدر الدنيا .. سامي لك الله فأنت لم تلوي يد الاداره ولم تضغط عليها في يوم ولم تهدد بمقدمات عقود ولم ترهب بالذهاب لعضو شرف نصراوي ولم تماطل في تجديد عقودك .. فقط لأنك السامي .. سامي لن أنسى تلك النظرات التي تصوبها للمدرج الجنوبي في كل.. هدف إنجاز بطوله أشعر ان عيناك ترقبني لتهديني صنيعك.. ملكتنا وإن هدفنا لتملكك.. صنعت لناً مجداً وعجزنا عنك تقديم الجزاء .. عقدين من الزمن تحكي لنا " جبروت قدم " أعزت أمه .. وأدُلت أمم.. وفي النهايه سترحل وهامتك في السماء :sad::sad: |
لاتعتـــــــزل |
سمعت ان سامي بيعتزل وكثير قالووها بس ما اتووووقع .. سامي زي مانقرأيحضر تمارين .. صحيح انه يغيب بإذن من الإداره بس اتووقع انه بيرجع وبيكمل هالمووووسم معنا.. .. ســامي ملك الفن والإبداع .. ملك المراوغه والهجمه .. ملك الذكاء والفطنه .. ســـــامي قائد الكتيبه الزرقاااااء لاندري كيف سنووودعك حينما يحين وداعك .. :( ســامي لازلت قادرا على العطـــــاء فلماذا التوووقف وانت في قمة ابداعك ؟؟ :( .. شكرا اخوي هلالي الظهــران .. دمت بخيــر ..’’ |
هلالي الظهران .. لاتكون محامي عن سامي .. وجلاّد للطرف الثاني ..!! ســامي .. ابن الهلال .. وكلنا يعرف حب الهلاليين لسامي من رؤساء للنادي واعضاء شرفه وجماهيره وصحافة الهلال .. الشوشره اللي حاصلة الان لا تنفع سامي ولا تفيد نادينا .. هالشيء هذا يتمناه.. اي منافس للهلال .. عاد ياكبرها يشوفونها حرب بين سامي والهلال .. الهلال أعطى سامي وسامي أعطى الهلال .. علاقة طرديه ومعادلة عادله .. أما قولة النادي اعطى سامي وسامي ماعطاه او سامي اعطى النادي والنادي ماجازاه .. هالكلام لا يودي ولا يجيب يخلق مشاكل ويجلب زعزعه احنا في غنى عنها .. فيه ادارة مسؤلة .كفيلة بالشيء هذا .. اما ان احنا بناخذ حقوق اي لاعب مفضّل عندنا من خلال سطورنا ..هذا يدل على اننا فعلا نشجع اللاعب لا النادي .. سامي سيرحل .. كما رحل غيرة .. رحل عن بعض الانديه نجمها الوحيد ولازالت تحاول النهوض .. ولكن الهلال يرحل منه نجوم وليس نجم واحد سواء بالاعتزال او الاحتراف او الاصابه وهاهو يغرد خارج السرب في بطولاته وحتى في صدارتة لاي بطولة .. يدخلها .. سامي من المفروض منه كلاعب عرف برقي فكره ومعرفته لخبايا الامور يصرّح بأن الامور بينه وبين الاداراة فقط ..ويجب ان تقف الامور الى هذا الحد .. |
معك حـق اخوي هلالي الظهران سامي مانقدر نجازيه سامي لا قبلك ولا بعدك |
هلالي الظهــــــــران الله يحرم اصابعك عن النار كلامك عين العقل والصواب واللي يقول سامي أخذ أكــثر من ما اعطى أقولها وبالفم المليان هذا كذب محض سامي طول مشواره مع الهلال قدم الكثير والكثير اللي مااقدر اعده اخذ منه الجهد والتعب والحريه حتى الزواج ماتزوج الا بعد الثلاثين بسنوات جدد ووقع على بياض لم يكلف النادي فوق طاقته وماساوم او استهبل على النادي عد النادي مو مجرد نادي يلعب فيه كان النادي بيته اللي قضى فيه اكثر من عقد من السنوات أصبح لاعب مكروه عند جماهير الخصم وتقبل الشتائم والتلفيقات والتزوير ضغط على نفسه و "نفسيـتـه " لعب وهو مصـاب خاطر بحياته مهوب شرط يكون سامي اللي قدم بس مجرد لعب فيه نفسيات وفيه تضحيات وفيه التزام مواعيد وفيه مهاره وفيه انه يقدم للنادي وكـأنه نــاديه هو من شدة عطائه الاا محددود وتفانيه نادر الوجود وآخر شي جاايين تقولون انه اخذ أكثر والله من شد الصدمه ماقدر اعبر او اتكلم لتذهب الكوره الى الجحيم بعدك ياساااامي آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ ياسامي |
سامي لاعب نتفق جميعاً بانه لن تنجب الملاعب كـ اخلاقه ولعبه .. لوكن هذي سنه الحياة .. الثنيان وش صار بعد اعتزاله .. الكل زعل بس وش نسوي .. وسامي هذا وقته يعتزل .. ليتفرغ باقي حياته لحياته وابنائه .. وكلنا معك يابو عبدالله .. في حلك وترحالك .. وبيظل سامي في القلوب في الحضور وفي الغياب .. ولن ينسى من الذاكره يوم واحد .. اللي قدمه للزعيم ماهو هين .. او سهل ينسونه الهلاللين .. اتمنى له التوفيق .. عوافي هلالي الظهران سامي اعتزل .. بس هذي سنة الحياه .. |
إقتباس:
مانبي نطول النقاش على السامي لانه ماهو من مصلحة احد وهدي هدي تراه نقاش ودي لاتخليها تخرب عشان سامي إقتباس:
قلنا لكم هذي وجهة نظر ورأيي في سامي خصوصا في هالسنه الاخير لكن مايعجبكم احد ياتكذبونه او تجردونه من هلاليته احترم حبكم لسامي لكن لا احد يلومني في حبي للنادي فهو همي الاكبر لا سامي ولا ياسر ولا غيره ولا حتى يوسف لانه كل هالنجوم صناعة هالنادي الكبير يايليت مره ثانيه اللي يبي يرد علي وماهو عاجبه كلامي يحسن النية على الاقل ماطلبت شي كثير انا اللي اخاف منه وان شاء الله انه مايصير مثل جار الهنا ( النصر ) لهم عشر سنين يتغنون بماجد لان حبهم لماجد طغى على حب النادي وافهم يافهيم |
لا عاد ياولد وايل تراك شبيت على راعي الموضوع سامي ترى اعتزاله موب بالساهل وصعب علينا كمشجعين هلاليين مو عاد محبين لسامي تقبل هالموضوع والحمد لله ابشركم طلع اشاعه سامي يبي يستمر هلالي سامي أسطورتنا نحبك |
ولد وايل هذي مهوب وجهات نظر هذي حقائق وانت عكستها .. اذا يهمك النادي بس ماشفنا شعار النادي بتوقيعك شفنا تمجيد للاعب انت تناقض كلامك ووش جابنا للنـصر الحين يعني نكره سامي ولا نقول انه لاعب اي كلام عشان مانصير مثلهم ؟؟ عليك منطق مدري شيبي بصراااحه |
,,, ,, , رحل سامي ... لا لم يرحل ...!! قصة بدأت ولا اعلم متى نهايتها.. ولكن هي كلمه اقولها وكلي يقين بـ محتواها ... سامي الجابر لو احس يوما ما .. انه قادر على تقديم شيء لـ الكيان الهلالي .. فـ لن يبخل ابدا .. ولكن ربما حان الوقت لـ ان يمتطي الجيل الثاني صهوة جواد النجوميه شكرا سامي لو بقيت .. وشكرا فيما لو قررت الرحيل ... هلالي الظهران سؤال لو كانت اجابته بـ نعم ..!! فـ من المحال ان يعجب اي مشجع هلالي .. ولكن عطفا على المعطيات .. نريد سامي وايضا نريد الهلال ...:) دائما ماتشدني اطلالتكـ .. حتى لو كانت مجرد ( استفهامات ) فـ باركـَ الله فيكـ ومنحكـَ الله التوفيق ,, **** كن بخير ...SoMe OnE... |
إقتباس:
انا قلت وجهة نظري في سامي كلاعب مثله مثل اي لاعب خدم وراح يعتزل السنه هذي او اللي بعدها مثله مثل اي لاعب نجم على طاري التوقيع لو كنت امجد يوسف ماجلست اشجع الهلال الان :) وعلى فكره التوقيع ماحطيته الا قبل حفل اعتزال يوسف بيومين والى يومك موجود للذكرى لا اقل ولا اكثر ولو كنت احب يوسف على النادي كان مشيت مع يوسف انتي شفتي التوقيع ماشفتي الصوره اللي تحت اسمي لا تناظرين بطرف عين لاهنتي المنطق اللي ماقدرتي تفهمينه ياوخيتي هو لا لتغليب مصلحة لاعب على مصلحة كيان بسألك سؤال جاوبيني بصراحه ؟ هل قلت انا اكرهوا سامي لا تحبون سامي ؟ عجبي منك إقتباس:
انا طرحت وجهة نظري مااسات لاحد ولا احد يزعل لاني متاكد لو سامي بنفسه قرا كلامي ماراح يزعل وان شاء الله انتم مثله تحيه للجميع |
صراحه إلى الحين ماصدقت السالفه اللي صارت مع ابو عبدالله والاداره.. بالله عليكم ابو سلطان بيسوي كذا يعني مو معطي سامي حقوقه؟! الا بيعطيه :) بس لو يصبر شوي ..لان الاداره حسب ماسمعت انها تمر بأزمه ماليه.. وربي مو ضايع حق سامي.. لاتنسون أن ابو سلطان يوفي بوعوده :) بس ابو عبدالله الله يهديه استعجل شوي :( .. مشكلة بعض جماهير الهلال يفضلون اللاعب على النادي.. |
مرحبا بالجميع .. قبل كل شي أبي كلمة راس لولد وايل .. سعد وانا اخوك ياخلفهم انت شلون اهدي؟ وش انا مسوي؟ لاني باللي كذبك ولاني باللي جردت احد من هلاليته!! بالعكس ماقلت كلمه لواحد وكلامي للجميع ومافيه اسائه لاحد .. وهو وجهة نظر وحقيقه تخفى على الكثير .. فأين الجزئيه بكلامي تدعو لان نخسر بعض!! اذا كنت تعرف حقيقة ما أخذ سامي وتصر على انه أخذ فهذا شأنك ووجهة نظرك .. واذا كان ماسمعته حديثا عليك ايضا الامر لك.. بقية حديثي لسندريلا والجميع .. انا لست محاميا عن سامي!! فما قدمه خلال عقدين من الزمن داخل المستطيل وخارجه كفيل بأن يدافع عنه على مر الازمان.. نعلم ان سامي ابن الهلال ومحبوب من اعضاء الشرف.. لكن وش نتيجة الحب؟ وعود وهميه وتهميش .. على مدار 12 سنه يوعد سامي بمقدمات عقود من (هالمحبين) ولم يلتزم احد ويوفي بعهده!! والسامي لم يشأ الحديث او يثير شوشره .. والان سامي في حاجة لكل حق من حقوقه فعليا .. ولا أي حس ولا خبر من هالمحبين الاوفياء!! اجزم بان سامي اذا كان في غنى عن هالاموال سيستمر في الصمت لكنه يحتاجها وآآآه يادنيا :sad::sad: بعدين على مهلكم .. أشوفكم جردتوني من هلاليتي ونسبتوا تشجيعي لسامي!! لم يكن سامي وجمهور الهلال الكبير دنيئاً لكي يفتح هذا الملف ويناقش الإدارة أين هو التكريم الذي وعد به القائد ؟! السامي أرادها صمت وانتظار لما وعد به ومن خلفه جمهور الهلال الكبير الذي لن ينسى الجابر فهو الأسطورة الأكبر من النسيان لكن لو حدث (لاقدر الله) وان مضى الذيب في قراره وبهذه الطريقه المشينه لتاريخه ستكون نقطه سوداء في تاريخ ادارة محمد بن فيصل .. ولن ابالغ ان قلت انها ستبقى النقطه الابرز .. وللاسف الناس لاتذكر الا الجانب السلبي .. نأتي للنقطه الاهم .. وهي نتيجة التعامل مع الاسطوره بهكذا طريقه .. اولا: موقف الهلال قدام المتابعين والاعداء .. هالشوشره الحاصله وش اسبابها؟ سامي أحد صناع مجد الهلال وأحد رموزه والرمز الأوحد في تشكيلة الفريق حالياً يعامل بهالشكل ؟! أولاً هاوي .. ثانياً تعال تمرن ويصير خير .. ثالثاً أصبر علينا !! هالشي يبي يفتح مجالات تشمت كثيرة من قبل اللاهلاليين .. ثانيا: موقف الهلال وادارته امام جمهوره.. هذا جزاء رمز من رموز الهلال؟ وهذي نهايته! يعني لازم يلوي ذراعكم حتى توفون معه وياخذ حقوقه! ثالثا والاهم : تاثير هالموقف على عزيز والشلهوب والغامدي والبقيه .. اذا كان هذا التعامل لرمز من الرموز ومثلهم الاعلى وش تتوقعون بيسوون؟! اذا الاسطوره عومل بهالتهميش والنكران وهو الاسطوره مانظرتهم المستقبليه؟ اسألكم بالله اذا جا للشلهوب عرض من الهلال بـ6 مليون ومن البلوي جاه الضعف .. وش بيقرر؟ يستلم الــ12 كاش ولا يضحي ويعتمد على وعود وكلام بانه ياخذ 6 .. والله العالم يستم شي منها ولا مصيره مصير مثله الاعلى؟!! اجيبوني يامن جردتمونا من هلاليتنا .. يعني يانمدح او نسكت ولا احنا مشجعين لاعب!! ختاما .. انا مشجع بسيط وراس مالي علم ارفعه وصوت اهتف به للهلال الكيان ووالله ثم والله ان عشقه يجرى بدمي .. وكل من ارتدى القميص الازرق محل تقدير .. والاساطير محلهم القلب .. صالح .. يوسف .. سامي .. الدعيع.. لكن اذا كان التعامل مع الاسطوره في نهاية مشواره بهالطريقه المقززه واسكت فوالله مافيني خير ولا وفاء لانسان صنع المستحيل والفرح للملايين .. سامي فلتعذرنا فوالله لم نقدرك حق قدرك .. مات التقدير .. مات التقدير.. مات التقدير.. |
إقتباس:
سامي من مقدمات عقوده الثلاثه الماضيه لم يستلم اي ريال!!! اما عقده الاخير فهو مازال بانتظار حقوقه .. حنا مانبي سامي يعصى الاداره او يضغط عليها .. لكن الى متى يستمر ابو عبدالله وهو ساكت عن حقوقه؟ واذا جحدوه مثل الاولين من اللي بيفيده؟ القهر ان سامي يحتاج لكل ريال حتى يعوض من خسائره .. وماسفراته هالسنه الا لتدارك مايمكن تداركه او تعويض لخسائره .. وين التقدير لرمز من الرموز ؟ هل هذا هو الوفاء والحب؟! للتوضيح.. يا ناس نعرف ان سامي بيعتزل في يوم من الايام وهذا حال الدنيا ومصيرنا نحزن على فراقه لكن اللي يحز بالخاطر الطريقه المخزيه اللي يعامل بها هالاسطوره وفي اخر مشواره :sad: |
هلالي الظهران وشلونك ;) كلامي كان موجه للجميع ماهو لك حتى في بداية ردي الاول عممت على الجميع محد يحتلف ان سامي لاعب ذكي وتصرفاته موزونه ويشهد له الكل وانا اولهم انا وانت ياهلالي الظهران من عرفنا الدنيا وحن نشجع الهلال على كثر السنين اللي مرت على الهلال ماعمري شفت مثل هالسنه الصعبه على النادي اول بالسابق كان الهلال محارب من تحت لتحت لكن السنه هذي عيني عينك اجلس مع نفسك وفكر في وضع الهلال هالسنه ............ الكل ضده الاتحاد السعودي الامانه العامه ثلاث ارباع الانديه ضد الهلال الجماهير اللاهلاليه اتحدت مع بعض حتى جماهير الشباب صارت تكرهك ياهلالي مع ان الهلال طلع من رحم الشباب حتى اللي مايسوى صار يطلع بيانات رسميه حكوميه ضد الهلال :upset: محمد بن فيصل في وضع لا يحسد عليه الله يكون في عونه بس الفريق محتاج مدرب ومحتاج لاعب مهاجم مع ياسر ويمكن لاعبين بدل التايب وقوارو محمد الشلهوب وعمر الغامدي عقودهم بتنتهي بعد خمس شهور اعضاء الشرف مامنهم دعم محمد بن فيصل او النادي بكبره عليه ضغوط ماهيب طبيعيه بطوله اسيا والبطولات المحليه اللي حامل لقبها الهلال والاهم بطوله الدوري قلي وش الاهم سامي والا الاهتمام بتجديد العقود وجلب لاعبين اجانب ومدرب وتحسين وضع الفريق ياعمر محد اكل حق سامي وانا اول اللي يعرضون هالشي لكن كلامي اللي كتبته ومتاكد منه مثل ما انا متاكد اني اكتب ردي لك الان ان سامي حقوقه الكامله في جيبه والاختلاف في تجديد عقده الحالي ;) |
ان رحل سامي .. فـ بإختصار : رحل الهلال .. وانتهى زمن التشجيع ! بكل صراحه .. رحيل سامي يعني نهايتنا في التشجيع ! كيف ولا .. وان سامي هو الهلال ..! . لـلاسف .. هؤلاء لا يعرفون من هو سـامي ! .. تحيتي .. |
إقتباس:
يمكن نهايتك انت بالتشجيع يابعدي ;) وهذي اللي ما اتمناه بيرحل سامي وبيبقى الهلال وبيني وبينك الزمن يامعذبهم الهلال هو الهلال وسامي هو سامي يمكن اني مااعرف سامي كثر معرفتكم لكني اعرف منهو الهلال :) شرفتنا بمرورك ياحلو ;) |
إقتباس:
انا عارف ان وضع الفريق صعب وعلى المحك .. طيب هل تتوقع لو اعلن سامي الاعتزال هالفتره مابتكون النتائج وخيمه؟! ارجع لردي السابق وشوف النقاط الثلاث اللي ذكرتها .. بعدين اسمحلي ياسعد ومع احترامي لادارة الهلال وتقديري وحبي لشخص محمد بن فيصل وماقدمه السنتين الماضيه لكن هالسنه تغير وما اعرف وش اللي حصل؟! هي كلمه وحده .. يداك أوكتا وفوك نفخ!! هالامور اللي ذكرتها كلها ناتجه من عمل الاداره باستثناء عقود الغامدي والشلهوب .. الاداره من احرجت نفسها بالتاخير والتسويف والقرارات الارتجاليه وهذي النتيجه الا ان يتم تدارك الوضع باذن الله وكلي امل بان يعود محمد بن العامين الماضيين .. على فكره اذا الاداره ماتتحمل عقد سامي ليه ضغطت عليه علشان يستمر؟ وليه وعدوا بالعقد؟ ودامهم يبون يكرمونه ليه همشوه وماقدروه ؟ على الاقل لا تكرمونه بس عاملوه باللي يستحق!! اخيرا .. سعد وانا اخوك صدقني معلومتك الاخيره خاطئه مليون بالميه .. وانا مستعد اجيب لك تسجيل بالصوت والصوره وسامي ينطقها بعظمة لسانه بانه لم يستلم ريال من مقدمات عقوده السابقه!! |
وشو..!!متأكدين ولا تستهبلون..!! ياربي لالالا مستحيل يابو عبدالله اصبر علينا شوي.. مع التحيه |
|
سامي قال وقعت ولم استلم شي الكلام بعد التوقيع استلم والا لا بعدين ياقلبي اللي ضغط على سامي للاستمرار هم اعضاء الشرف وهم اللي يتحملون الاداره مالها ذنب وعلى كلامك ان وضع الفريق تتحمله الاداره بقراراتها الارتجاليه فهذي انا ضدك فيها العامين اللي مضت كانوا اعضاء الشرف قريبين من النادي والكل يدعم لو معنويا لكن الان الوضع تغير حتى فيصل بن سعود ماصار يدعم لانه مل من الدعم لحاله وهذا الشي ارخى الاداره وانا كلي امل ان الوضع راح يتحسن اعلان سامي لاعتزاله ماراح يضير الفريق باذن الله هذا هو الفريق متصدر وسامي قبله في دبي ولبنان ولا لعب الا عشر دقايق في موسم ولا ضر اللاعبين ولا الجماهير ياخي حتى المطالبه بالاحتفال الخمسيني انا ضده الان الى ان يتحسن وضع الفريق المادي والمعنوي وحتى البشري من لاعبين ومدرب وغيره تحيه للجميع وانا اكتفي بالرد هذا والسموحه اذا اخطيت على احد الاختلاف في وجهات النظر لا يفسد للود قضيه |
[QUOTE=ولد وايل;4575458]سامي قال وقعت ولم استلم شي الكلام بعد التوقيع استلم والا لا [QUOTE] سامي قال .. لم استلم اي مقابل من عقودي الثلاثه السابقه!! إقتباس:
إقتباس:
إقتباس:
ياخي اللاعبين بشر ولهم نفسيات ومشاعر .. ياخي وش موقفهم لو شافوا سامي يعتزل بهالطريقه!! بهالاسلوب الشلهوب والغامدي وغيرهم يدورون مصلحتهم وهم مرتاحين!! حتى لو ماضر الحين .. على المستوى البعيد تاثيراته تظهر.. إقتباس:
|
يعطيك العافيه هلالي الظهران فعلآ كلماتك حملت أصدق المعاني لتعلن الوفاء لسامي ســـامي كلنا معك طلبنــاك لاترحــــل |
هلالي الظهران الغالي ،،، سامي تعرض للظلم كثيراً خاصة في ما يتعلق بمقدمات العقود و لكن قضية أنه لم يأخذ شيئاً في آخر ثلاثة أو أربعة عقود ( قوية شوي ) . ما يحصل حالياً يجعلني أقول " الله يذكر عبدالله بن مساعد بالخير " هناك نقطة رئيسية يجب التنبه لها .. يوجد فرق كبير بين ما يأخذه سامي من عضو شرف كمبالغ لا تمثل النادي و بين ما يأخذه من عضو شرف كمبلغ باسم النادي و إدارته . ختاماً و لمصلحة النادي و سامي أعتقد أنه من المفترض حسم القضية سريعاً من خلال تقييم الكابتن سامي و مدى حاجة الفريق له و من ثم عرض مبلغ محدد عليه إن قبل حمداً لله و إن لم يقبل يبقى له حق التكريم اللائق . |
ليه احنا عاطفيين سامي مالعب من بداية الموسم الا دقايق معدودة والرجال خلاص تشبع كورة والنادي ماعمره قام على اسم واحدs13s لكل زمان دوله ورجال .. اما حقوقه .. فهذي قضية ثانية مالها علاقة بانه يعتزل ولا لا اذا له حق يطالب فيه نقطة ثانية: :D المجلس العام=> إقتباس:
|
8 8 8 أضنه لو كتب بالجمهور راح يتسبب بوقف يوزرات كثير من اصحاب الردود وهذا الشي ما يرضينا فقال من باب : احفظ كرامة منهو يعزك ويغليك :) |
8 8 8 8 شباب وش دعوه الموضوع عطيتوه اكبر من حقه بالاختصار المفيد سامي لاعب كبير ..........ولكن آن الاوان لكي يعتزل تشــــــــــــــــاو |
يعجبني جداً هامش الحرية في مجلسنا. كنت ، بيني و بين نفسي ، ألوم الحبيب هلالي السرعة على هذا الموضوع لأنه و من خلال طرحه في المجلس امتاز بواقعيته و عمقه. اليوم زرت منتدى الجمهور و رأيت عدداً من المواضيع المثبتة و تتحدث عن سامي بطريقة لم أكن أظن أنها ستحدث في الزعيم . في منتدى سامي ربما لكن في الزعيم لا. قل مثل ذلك عن مواضيع تمجيد يوسف الثنيان و التي انتشرت قبل أعوام. إذا كان هؤلاء الأعضاء ، و خاصة المتميزون منهم ، يريدون خيراً لهذا المنتدى فيجب لا يكثروا من تلك المواضيع ، و إن كان و لا بد فدونهم المنتديات الخاصة باللاعبين كــ مدمي الشباك و النمر و الكاسر و غير ذلك. |
| الوقت المعتمد في المنتدى بتوقيت جرينتش +3.
الوقت الان » 02:08 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd