إقتباس الرسالة الأصلية كتبت بواسطة معذبهم ان رحل سامي .. فـ بإختصار : رحل الهلال .. وانتهى زمن التشجيع ! بكل صراحه .. رحيل سامي يعني نهايتنا في التشجيع ! كيف ولا .. وان سامي هو الهلال ..! . لـلاسف .. هؤلاء لا يعرفون من هو سـامي ! .. تحيتي ..

يمكن نهايتك انت بالتشجيع يابعدي ;) وهذي اللي ما اتمناه
بيرحل سامي وبيبقى الهلال وبيني وبينك الزمن يامعذبهم

الهلال هو الهلال وسامي هو سامي
يمكن اني مااعرف سامي كثر معرفتكم لكني اعرف منهو الهلال

شرفتنا بمرورك ياحلو ;)

إقتباس الرسالة الأصلية كتبت بواسطة ولد وايل قلي وش الاهم سامي والا الاهتمام بتجديد العقود وجلب لاعبين اجانب ومدرب وتحسين وضع الفريق ياعمر محد اكل حق سامي وانا اول اللي يعرضون هالشي لكن كلامي اللي كتبته ومتاكد منه مثل ما انا متاكد اني اكتب ردي لك الان ان سامي حقوقه الكامله في جيبه والاختلاف في تجديد عقده الحالي ;)

خلني بقتبس الجزء الاخير من كلامك لو تسمح لي..

انا عارف ان وضع الفريق صعب وعلى المحك .. طيب هل تتوقع لو اعلن سامي الاعتزال هالفتره مابتكون النتائج وخيمه؟! ارجع لردي السابق وشوف النقاط الثلاث اللي ذكرتها ..

بعدين اسمحلي ياسعد ومع احترامي لادارة الهلال وتقديري وحبي لشخص محمد بن فيصل وماقدمه السنتين الماضيه لكن هالسنه تغير وما اعرف وش اللي حصل؟!

هي كلمه وحده .. يداك أوكتا وفوك نفخ!! هالامور اللي ذكرتها كلها ناتجه من عمل الاداره باستثناء عقود الغامدي والشلهوب .. الاداره من احرجت نفسها بالتاخير والتسويف والقرارات الارتجاليه وهذي النتيجه الا ان يتم تدارك الوضع باذن الله وكلي امل بان يعود محمد بن العامين الماضيين ..

على فكره اذا الاداره ماتتحمل عقد سامي ليه ضغطت عليه علشان يستمر؟ وليه وعدوا بالعقد؟ ودامهم يبون يكرمونه ليه همشوه وماقدروه ؟ على الاقل لا تكرمونه بس عاملوه باللي يستحق!!


اخيرا .. سعد وانا اخوك صدقني معلومتك الاخيره خاطئه مليون بالميه .. وانا مستعد اجيب لك تسجيل بالصوت والصوره وسامي ينطقها بعظمة لسانه بانه لم يستلم ريال من مقدمات عقوده السابقه!!

ابشركم ابو عبدالله تراجع عن قراره

المصدر

سامي قال وقعت ولم استلم شي
الكلام بعد التوقيع استلم والا لا

بعدين ياقلبي اللي ضغط على سامي للاستمرار هم اعضاء الشرف وهم اللي يتحملون

الاداره مالها ذنب
وعلى كلامك ان وضع الفريق تتحمله الاداره بقراراتها الارتجاليه فهذي انا ضدك فيها

العامين اللي مضت كانوا اعضاء الشرف قريبين من النادي والكل يدعم لو معنويا
لكن الان الوضع تغير حتى فيصل بن سعود ماصار يدعم لانه مل من الدعم لحاله
وهذا الشي ارخى الاداره وانا كلي امل ان الوضع راح يتحسن

اعلان سامي لاعتزاله ماراح يضير الفريق باذن الله
هذا هو الفريق متصدر وسامي قبله في دبي ولبنان ولا لعب الا عشر دقايق في موسم
ولا ضر اللاعبين ولا الجماهير
ياخي حتى المطالبه بالاحتفال الخمسيني انا ضده الان الى ان يتحسن وضع الفريق
المادي والمعنوي وحتى البشري من لاعبين ومدرب وغيره

تحيه للجميع وانا اكتفي بالرد هذا
والسموحه اذا اخطيت على احد
الاختلاف في وجهات النظر لا يفسد للود قضيه

[QUOTE=ولد وايل;4575458]سامي قال وقعت ولم استلم شي
الكلام بعد التوقيع استلم والا لا
[QUOTE]

سامي قال .. لم استلم اي مقابل من عقودي الثلاثه السابقه!!

إقتباس بعدين ياقلبي اللي ضغط على سامي للاستمرار هم اعضاء الشرف وهم اللي يتحملون الاداره مالها ذنب

اللي ضغط على سامي محمد بن فيصل وراح له الين باريس ووقع معه!!

إقتباس وعلى كلامك ان وضع الفريق تتحمله الاداره بقراراتها الارتجاليه فهذي انا ضدك فيها العامين اللي مضت كانوا اعضاء الشرف قريبين من النادي والكل يدعم لو معنويا لكن الان الوضع تغير حتى فيصل بن سعود ماصار يدعم لانه مل من الدعم لحاله وهذا الشي ارخى الاداره وانا كلي امل ان الوضع راح يتحسن

اي اعضاء شرف!! مافي الا فيصل بن سعود وهو اللي توقف .. باقي كم مليون من عيال بن مساعد نفسها ماتغيرت ..وفهد بن محمد تكفل بالاولمبي وبندر بن محمد بالشباب والناشئين والمدرسه.. بعدين وين عقود الاستثمار ووو اللي تقول عنها الاداره؟!

إقتباس اعلان سامي لاعتزاله ماراح يضير الفريق باذن الله هذا هو الفريق متصدر وسامي قبله في دبي ولبنان ولا لعب الا عشر دقايق في موسم ولا ضر اللاعبين ولا الجماهير ياخي حتى المطالبه بالاحتفال الخمسيني انا ضده الان الى ان يتحسن وضع الفريق المادي والمعنوي وحتى البشري من لاعبين ومدرب وغيره

شلون مايضر؟
ياخي اللاعبين بشر ولهم نفسيات ومشاعر .. ياخي وش موقفهم لو شافوا سامي يعتزل بهالطريقه!! بهالاسلوب الشلهوب والغامدي وغيرهم يدورون مصلحتهم وهم مرتاحين!!

حتى لو ماضر الحين .. على المستوى البعيد تاثيراته تظهر..

إقتباس تحيه للجميع وانا اكتفي بالرد هذا والسموحه اذا اخطيت على احد الاختلاف في وجهات النظر لا يفسد للود قضيه

على الراس والعين سعد .. وخذني معك تكفى!!

يعطيك العافيه هلالي الظهران

فعلآ كلماتك حملت أصدق المعاني لتعلن الوفاء لسامي

ســـامي كلنا معك طلبنــاك لاترحــــل

هلالي الظهران الغالي ،،،

سامي تعرض للظلم كثيراً خاصة في ما يتعلق بمقدمات العقود و لكن قضية أنه لم يأخذ شيئاً في آخر ثلاثة أو أربعة عقود ( قوية شوي ) .

ما يحصل حالياً يجعلني أقول " الله يذكر عبدالله بن مساعد بالخير "

هناك نقطة رئيسية يجب التنبه لها ..

يوجد فرق كبير بين ما يأخذه سامي من عضو شرف كمبالغ لا تمثل النادي و بين ما يأخذه من عضو شرف كمبلغ باسم النادي و إدارته .

ختاماً و لمصلحة النادي و سامي أعتقد أنه من المفترض حسم القضية سريعاً من خلال تقييم الكابتن سامي و مدى حاجة الفريق له و من ثم عرض مبلغ محدد عليه إن قبل حمداً لله و إن لم يقبل يبقى له حق التكريم اللائق .

ليه احنا عاطفيين

سامي مالعب من بداية الموسم الا دقايق معدودة

والرجال خلاص تشبع كورة

والنادي ماعمره قام على اسم واحد

لكل زمان دوله ورجال ..

اما حقوقه .. فهذي قضية ثانية مالها علاقة بانه يعتزل ولا لا
اذا له حق يطالب فيه

نقطة ثانية:

المجلس العام=>

إقتباس لمناقشة المواضيع العامه التي لا تتعلق بالرياضة

يعجبني جداً هامش الحرية في مجلسنا.

كنت ، بيني و بين نفسي ، ألوم الحبيب هلالي السرعة على هذا الموضوع لأنه و من خلال طرحه في المجلس امتاز بواقعيته و عمقه.

اليوم زرت منتدى الجمهور و رأيت عدداً من المواضيع المثبتة و تتحدث عن سامي بطريقة لم أكن أظن أنها ستحدث في الزعيم . في منتدى سامي ربما لكن في الزعيم لا.

قل مثل ذلك عن مواضيع تمجيد يوسف الثنيان و التي انتشرت قبل أعوام.

إذا كان هؤلاء الأعضاء ، و خاصة المتميزون منهم ، يريدون خيراً لهذا المنتدى فيجب لا يكثروا من تلك المواضيع ، و إن كان و لا بد فدونهم المنتديات الخاصة باللاعبين كــ مدمي الشباك و النمر و الكاسر و غير ذلك.