ترى الموضوع هاذا جد واتحداكم تقولون لا ولا عمركم مريتوا فيه
اللي هو ازفت شي بالحياه،،،،تدرون وش ازفت شي قد يواجهك ؟؟؟
انك تتطلع من بيتكم في عز الظهر ودرجه الحراره 50
وتلقى سيارتك مبنشره
ولاهنا سياره ثانيه ولا هنا ليموزين
وانت مضطر تروح بالسياره والمشوار مهم جدا جدا
لاهلك او ابوك
يعني
رحت فيها
ومش خشمك يا حلووو
ـــــــــــــــ
لما تروح مواعد الشباب
والبطاريه مافيها الا شرطه ولا معاك شاحن
وانت وخشتك كل طلعتك مرتبطه بالجوال
شي يضيق الصدر من جد
ــــــــ
لما تروح تحلق عند حلاق ويرز خشتك ويجلس يليص بخشتك
لين تصير مثل الكيكه وانت ماتقدر تسوي شي
منحرج من الي ورى ينظارون وبعدين يجيب المشرط بيحلق ويشق وجهك
ذاك الشق الي يحبه قلبك
كنه ساقي وبعدين يجي يحط مطهر ويقب وجهك
ويصير مثل كتشب محلوت وانت تحترق تحت
يد هالحلاق ومنحرج من الشباب الي ورى
وبعدين يخلص الحلاقه وتقوم من الكرسي ووجهك مشطب تقول كنك مفتوح
مطعم بوجهك ،،،،، هذي مريت فيها كم مره
ــــــــــــــ
واشين شي بعد انك مرسم وجالس في مجلس وفيه ضيوف كثار ويجي بزر من
البزران ويمزح معاك ويسحب الشماغ
والله الورطه وش السوات؟
ماتقدر تصرفها الا تنطم وبس !
ـــــــــــــــــــ
ازفت شي ان تتعطل سيارتك
ولا فيه لموزين ويجيك احد الشباب الي على بالهم فزعه ويقول تبيني
اوصلك انت واهلك وانت منثبر عند الكبوت وتقوله
لا الله يسلمك وقافله معك ودك تجلده
ـــــــــــــــــ
اشين شي بعد لما تروح مقهى انترنت وتجلس في كبينه ويجي يجلس جنبك شله
بزارين متقاطين في كبينه ويخشون فويس شات ويجلسون يسبون
ودك تمعط سلك الكمبيوتر منهم وتشوتهم !
ــــــــ
اشين شي بعد لما يجي العيد وانت مواصل ويروح عليك كل اليوم
انا عارف ان الغالبيه مرو فيها ههههههه
ـــــــــــــــــ
اشين شي لما يمسكونك الهيئه مغازل في الفيصليه ويركبونك الجمس ورى
ويجلسون يدورون فيك في كل شوارع الرياض وانت داق اللطمه واخوياك
الدشير يمرون ويدقون بواري ويضحكون عليك !
ــــــــــــــــــــــــــ
اشين شي بعد لما تقوم الساعه 8 الصبح وانت جوعان ولا فيك النوم في
رمضان وهذا رمضان قرب استعدو له !!!
باللي يرضي ربكم
ـــــــــــــــــــــ
اشين شي هو ان الواحد في المنتديات يتوقع انه كاتب شين زين وان
العالم يبي يردون عليه ويروح شهر ما حد جاب خبره !!!
الله يسلم ايميلي والا انا كاتب شين :p
محبكم سهل 888 ;)
ياشييييييييييييييييييييييييييييييييييييييييييييييييييخ
&&&&&&&& مضايقات الحيــــــــاه &&&&&&&& 
لعب بشعري ومتفشل من الي عندي 
الوضع العادي
