افادنا مراسلنالدى المؤلف الشهير سبيستيانى راح وخلانى عن حقيقه

رحله الطاغيه وسفر وجاج الى المقناص :

يقول المؤلف :

انه فى ذاك الجو الرهيب الى يوسع الصدر من الاجواء اللى يحبها قلبك

ماشاء الله غبار شمس تدبغك الين تفقد الذاكره .. قررو الخروج الى

المقناص لان الاجواء مناسبه ( للشهبان) اخذو العده .. قدور , تباسى,

كتشب, مكروويف. مدرى ليش ماخذينه . المهم حملو العده على الونيت

ومعهم خمسه براميل مويه سبحان الله يتعطلون . حركو من بيت الطاغيه

الين فيه ارض جنب بيته وهو يوقف وينزل الخيمه والعده . المشكله

انهم مايعرفون يطبخون . بس الجيران ماقصرو واحد ماد ماصوره المويه

والثانى سلك التليفون . والمطاعم على الذمه ..

المهم وهم في وسط الصحراء المقحله قبل غروب الشمس قاعدين في الخيمه

ثلاث عمد كانهم ( جساس و كليب والزير )وصقورهم قدامهم ( تراها تماثيل)

شوي الاذاك السلوقي

المهم حنو عليه ونادوه المهم ماجلس عند باب الخيمه مارده الى صدر

المجلس شكله ولد نعمه قال الطاغيه نجربعبك الليله نطق سفرقال لا نبي

ارانب قال جاج نبي حباري وشوله جايبين الصقور طبعآ في الاخير اقتنعوا

بفكرة الطاغيه.

قررو انهم يجربعون لما جو يركبونه في حوض الونيت رفض السلوقي يركب

ما يبي الا قدام جنب السواق؟؟؟؟؟

اركبو ورا وبركبه قدام .المهم وهويسوق يقول يالله بجربوع مضيع شكل

هالسلوقي طيب ، شوي الاطلع ذاك الجربوع

والحق يالطاغيه بسرعه عاليه جدآ حت ان الاثنين اللي راكبين وراء بغو

يطيرون.قم وافتح الباب وهو مسرع يبيه يلحق هالجربوع والله ماحولك احد

اثره يبي يوقف وينزل براحته . قام الطاغيه ورفسه ذيك الرفسه الاهو

برا السياره واخيرآ شاف الجربوع وهو يلحقه ويلحقه اثره سريع

والطاغيه مبسوط ياوالله انه سلوقي طيب اثر الجربوع اذكى ممكان يتوقع

فيه شبك فيه فتحه صغيره دخل الجربوع مع الفتحه يوم انتبه الطاغيه

للشبك ضرب بوري واللي راكبين ورا يصارخون يبونه يوقف والحبيب مدرعم

ذالراس يحسبهم يشجعونه مبسوط .

قام الطاغيه ولع النور العالى يوم شاف الشبك وهويصك ذيك الفرامل

يسمعها الى في اخر الرياض ويحذف يبي الفكه من الشبك .

والله ياهو طلع الغبار اللى في الشبك يوم لخ فيه . طبعآ الطاغيه دق

ريوس وتركه عرف ان ماعندك احد. واتضح بعدين ان

السلوقي مايشوف زين وان العدسات طاحت يوم رفسه الطاغيه .

عفركوش ...... وش السالفه

اقشر الطاغيه رفسه رفس مبرحا وطاحت العدسات

الله يرجك جساس وكليب والزير ما نقصهم الا جحدر اقصدبحر01

انت و وجهك يا الاشهب وش عرفك با المقناص و سوالفه


لا انت و لا مراسلك عندكم سالفه ما دامكم من سكان معكال.




<<< ::: ساكن فى الفيصلية .





<<< ::: أحتمال ينقل برج المملكة لأنه جديد. :p




<<<< ::: على كيفة.





<<<< ::: ضايق صدره لأنه مهوب مع الشله اللى راحت للمقناص.



مرة ثانيه سجل راكب لأقطع خشمك.

تحياتى.

ابو الذهب الله يرجك انا كنت ساتر( جحدر)لانه هو القهوجي

وبعدين ابو املاقيط وسفر ما قصرو مسكوه وابو البكوس يتعلم

الملاكمه عليه يقول بيطاق طايسون..............

اقول :

الرحله هذي شكلها تبديع ما دام فيها الثلاثي الكوكباني . :p



وبعدين وين شهبان معه الظاهر انهم كانوا يطاردون الفليت وهم صغار .:p :p


عاد يوم كبروا ما ادري عنهم .




مع امنياتي الحاره ان يكون مؤلفك على اسمه ( راح وخلاني ) .



عشان نرتااااااااااااااااااااااااااح .

أصلآ مهوب انا اللي معهم هذا واحد أسمة :-



عجاج


مجرد تشابه بالأسماء