الفاس معروف انه من ادوات الملاحه الجويه . والملاس هو اللى يستعينون
فيه لكشف الالغام
طبعا معلومات مافيه امل احد يعرفها
بس مالهااى داعى فى الموضوع اللى بقوله:
كنت جالس امس مدرى قبل امس مع ناس الله لايجمعكم معهم
قبل العشاء
وش حليلهم سواليف سنعه وعلوم رجال
تفضلو العشاء حياكم الله ياهلا ومرحبا . هذا قبل العشاء
مشاء الله الرجال متكلف واجد : حنينى , جريش , فول, قرصان, مطبق.
برستد, فلافل, مراصيع. والمشكله انه يلزم عليك كل من هاذا جرب هاذا
خلصنا من العشاء جاء دور الحلى : مهلبيه , كريمه وينك ياجاج , ;)
ام على , ام سعد ( وش ام سعد) المهم خلصنا من العشاء والحلى ..رجعنا
الى المجلس نكمل السهره.. نصف ساعه ومدرى وش صار فينا
واحد يقول انه كان طيار حربى وانه فى طلعه استكشافيه ضرب عليه الكفر
الامامى الايسر وماقدر يسيطر على الطياره وصمخ فى برميل زباله. وبعدها
نزلوه يصلح كبده وشكشوكه فى البوفيه
واحد ماسك خط يهوجس يوم سئلوه وش فيك قال انه داخل جمعيه مع بيل جتس
الشهر 2500 ويبى هو الاول علشان يسدد الايجار
اثنين متباقسين مدرى وش فيهم واحد يفكهم يقول ياشباب خلو المشاكل
الى رجعنى من السفر حنا فى غربه
واحد يقول انه كان فى ساحل العاج وشاف حرمه تصيح وتبكى عند زوجها
اثر فيه تمساح اكل رجل زوجها يقول جاء ذاك الساحر وقعد عند الشاطى
وقام يقول كلام غريب شوى طلع التمساح وش تبى ( احد داق بيجر)
قاله طلع رجل الرجال . قال وش دخل امك . قال اقول طلعها والا تفاهمت
معك . مانفع التهديد يقول ويطب الساحر محيفره على التمساح ولا طلع
الا ورجل الرجال معه . بس رجل الساحر مهيب فيه
ثلاثه قاعدين يبيعون برج ايفل حديد خرده. ولله الحمد تمت البيعه
حسب تقرير المستشفى والشرطه:
لايروح تفكيركم بعيد ما تطاقينا بس نبى نعرف السبب
كدمات , كسور , واحد فى العنايه المركزه
المشكله ان الشرطه تقول لزم تجيبون السياره اللى صار فيها الحادث؟؟؟
والى الحين مانعرف السبب
فاس ابو ملاس 
المهم وهالزيادة ذي سببت في إحتراق الفيوز كلها ومع الأسف ياخوي مافيه لكم قطع غيار
مافيه احد توصونه غير ابو الملاقيط
تحمدو الله ترى بجيكم عيال . 
الوضع العادي
