|
الجميع مشكور على الرد.واكرر انا لايهمني الشاعر مايهمني هو مضمون شعره.ومن تضايق من العنوان اعتذرله عن ذلك. ولكن ماذا تسمي مافعله؟ وأين اعتذار الشاعر لمن ازعجته القصيده؟.اما عن الحكم الشرعي لمثل هذا القول فسأتركه لعلماء الدين. |
والله يا أختي موب التويجري ولا المريخي ولاحامد زيد ولا الثالث ولا كل الشعراء مهايطيه بس !! الشعر بكبره ( هياط ) والدليل : ( يقولون مايفعلون ) وبعدين تكفير وماتكفير هذا أمر موب أنتي اللي تحكمين عليه جزاك الله خير هذا أمر يختص به المشايخة والعلماء أما أنتي وأنا والبقية مالنا ومال الفتاوى والتكفير و و والخ وياسر التويجري شاعر كبير مايختلف عليه اثنان وبعدين اذا كان الإنسان بيتكلم عن شي ياليت يشوف قبل وبعد اللي تكلم عنه التويجري حينما مدح محمد بن زايد ( والله مدري وش اسمه بس قصدي داعم البرنامج ) :D مدحه لسبب مهم وكبير جداً بالنسبه لياسر !! وياسر ذكر السبب بعد القصيدة .. والسبب هو أن الشيخ هو من تبنى الشاعر ياسر التويجري وهو اللي دعمه وهو اللي كان واقف بجنبه من 4 أعوام :) مايحق له يمدحه ؟؟ ما أعتقد أحد فاهم بيقول لا مايحق له :) ومن المفترض قبل ماتنزلين هالموضوع وتهاجمين الشاعر المعروف ياسر التويجري ومدحه للشيخ : تشوفين اللي عندنا هنا :) أعتقد أنهم دكاتره في المدح الـ ( ـــكاذب ) :) ماتركوا كلمه ولا تركوا شخص إلا وعطوه فوق حجمه وحقه :) أنا لو أني مكان الشاعر ياسر .. ودعمني شيخ ووقف معاي من بداياتي لحد الشهره أقل شي أسويه مثل ماسوى ياسر :yes: يحق لك تنتقدين البرنامج لأن كل انسان ووجهة نظره وكل شي في هالدنيا له سلبيات وايجابيات لكن ما أعتقد أن (سلبيات) شاعر المليون أكثر من ستار أكاديمي :) أتمنى أن كلامي مايكون ثقيل عليك لكن هذا ردي وهذي وجهة نظري الشخصية :) تحياتي العطره :) |
ياأخي الشعر ليس كما ذكرت الشعر له ايجابيات ولكن يعتمد على موضوع القصيده وخير مثال على ذلك رسول الله صلى الله عليه وسلم اتخذ حسان شاعرا للإسلام .إقرأ الأشعار في ادب الدعوة الإسلاميه ستفهم ماذا أقصد.ثم ان الشعراء يقولون مالا يفعلون وليس العكس..اما الحكم الشرعي اتركه لعلماء الدين يبدو انك لم تقرأ جيدا ردودي على الاعضاء.دعني أسألك هل ستمدح احدا بقولك(أنت المهدي المنتظر)؟ثم ماعلاقة كلامي بستار اكاديمي؟أنا إنتقدت الشاعر وليس البرنامج.واذا كان هذا الشاعر كبيرا كما تقول فالمصيبة أعظم؟ |
بصراحه ماشفت هالبرنامج بس على حسب طرحك اخوي شكله مبهذل وتاااااااااافهه مشكور على الموضوع ويسلمووووووو لا للشعار ولا للأشعار بعدك ياطلال رحمه الله |
إقتباس:
يا أختي أنتي الحين تتكلمين عن الشعر في أدب الدعوه الإسلامية وردي الأول كان قصدي به واضح طيب الشعراء يقولون مالايفعلون ماختلفنا أختي :) أنت المهدي المنتظر .. مادري والله وش قصد الشاعر هههههههههههههههه أنا لما قلت ستار أكاديمي فكان قصدي : التناقض من بعض الناس !! اللي يذمون ستار أكاديمي ويطالبون ببرامج مفيده وبرامج ناجحه ويوم طلع برنامج ممتاز ومفيد طلعوا ناس وذموا البرنامج .. !! بالعربي والله مافهمنا لكم :rolleyes: ^^^^^^^^^^^^^^^^^^ ما أقصد شخص معين .. قصدي وكل القصد بعض من الناس محد يقدر يحددهم :) أختي أنا وأنتي نتفق في شي وكذلك جميع الأعضاء وهو ( الدين وغيرتنا عليه ) فأنا ما أقول أن الشاعر كبير ( بعد ) ماقال أنت المهدي المنتظر !! الشاعر كبير قبل مايدخل البرنامج .. ياسر التويجري شاعر معروف وله مكانه في الساحة الشعرية لكن والله ثم والله قصدي مو كبير بعد البرنامج :) وتذكري أن أي شي يسيء لديننا الحنيف فنحن أول من ندافع عنه مهماً كان المسيء :) أشكرك على حسن خلقك وتفهمك الرائع :) تحياتي |
الحمد لله إتفقنا.شكرا اخي على لطفك.صدقني انا لست من متصيدي الاخطاءولكن آخر مااتمناه ان يقع اخ مسلم بخطأ كهذا.لم أستطع إلا ان اكتب في الموضوع لعله يدخل المنتدى ويقرأ أو يخبره احد بذلك. اتمنى ان يقرأ ماكتبناه ويعود عن خطأه.ونكسب انا وانت والآخرين الأجر. |
" كفـر صـريح " !! عنــوان في غـير محـله خيتو ..! بالعكـس انا أشــوف " ياسر التويجـري " أبــدع في هذي الأمــسيــة .. وشعــرهـ راائــع جداًَ .. من بداايـة البرنامج .. جميـعا شفنا التكرير في بعض القـصـايد ..!! نحـن لا ننــكر أن يـاسر التويجـري بـاالغ تمـاماَ في المــدح لكن الحق يقـال .. بأن شعــرهـ مبهـر ليش نستـغرب .. ومحمد بن زايد أفضـاله كثيـرة على ياسر .. له حق أن يبالغ فيما يراهـ ..!! المقصـود بالمهـدي .. لاأعتــقد خيتو المراد بأبو خالد " محمد بن زايد " .. وأعتقد ما كان قصــدهـ كذاا .. يمكن قصـدهـ شيء ثان .. وانسـحابه من الحلــقة .. دليل أنشغـاله بالزواااج ..وفُهمـ قصـدهـ بأنه يتمنى ات يتكلف زواجـه . وهذا مو بصـحيح..!! وأكــثر ما أستــغربت .. كلمة السعــيد " هياط ماله داعي " و" الشاعر الللي بعـدهـ " .. يبدو أن الغــيرة أجتاحت ابو سعـيد !! لأنه بكل بسـاطة ياسر التويجـري جعله في هذي الحلقة لا يسوى شيء في مدح محمد بن زاايد ..!! ودمـت .. (بـ)ـخير ,, سيمووووو |
لا لا لا لا سلامتك ظلمتي الرجال الله يهديك اولا الشاعر ياسر التويجري معروف وهو اكبر من هالامور وعلى فكره الرجال مغتنى ولا يبي المليون ومقتدر وربي معطيه عسى الله يزوده ثانيا الشيخ محمد بن زايد متبني الشاعر ويعتبر ياسر مثل ولده يعني قد قابله قبل اربع سنين واعجب فيه الشيخ وصار مثل ولده ثالثا البيت اللي به انت المهدي المنتظى لحاجتين الشاعر كان يقصد ان الشيخ لا غاب عنا انتظره مثل انتظار خلق الله للمهدي وهو تشبيه مجازي لابه كفر ولاهم يحزنون الحين انتي ماشاء الله عليك مالاحظتي الا ذي في احد ابياته قال بالمعنى اني تعلمت من احمد عليه السلام مايغنيني عن امير وغيره وقصيدته جزله وماعليها خلاف رابعا الرجال ماقال للشيخ تكفل بزواجي الرجال اعتذر من المسابقه لان يبي يهتم بزواجه وعلى فكره الشيخ محمد بن زايد هو اللي طلب ياسر التويجري انه يشارك والا المسابقه اصغر من التويجري كون انه شاعر معروف خامسا شهاده الكويتي العزب وهو مؤرخ للشعر لقصيدة التويجري تكفي يوم قال مابعدها قصيده سادسا ياسر التويجري اعطى درس جامد للجنه وتغطرسها وكانهم فطاحل بالشعر باستثناء الخلوق جدا المسعودي سابعا وهو الاهم انا ماادافع عن الشاعر كون انه عنزي من قبيلتي لا والله لكن الحق يقال وانا اليوم جلست مع ناس تعرف الشعر زين والله مغير يمدحون فيه وفي قصيدته هذا اللي عندي والله العظيم لاني اعرف الشاعر ولاهم يحزنون وعلى فكره ماكان يعجبني لكن اللي شفته منه امس كبر بعيني تحيه للجميع |
8 8 طيب دامه عنزي ليش دائماً يقدم خواله على عمامه ! ما احد فيه نقص ولكن ملاحظه وجت بعد ردك :) وبعدين يقولون المعنى بعقل الشاعر أو ببطنه وآخر بيت قال فيه من ترك شي عوضه الله بغيره وبعدها قال ابنسحب وبكمل ترتيب زواجي ( يعني افهمها ) هو صحيح ياسر ذكي ويتميز بغروره المحبب بس ليش احس انه يتبدون ( يبي يسوي نفسه بدوي ) باللفظ .. ولكنه يضل متميز وخصوصاً اذا قصد بيت فصحى وبيت عامي ولكن الخلاصه إن البرنامج فشل والاسباب التعصب القبلي اللي نشوفه من الشعراء والمشاهدين تصدق ان فيه شاعر قد قال لبو خالد المذكور ما ابي الا سلامتك بس ان حصل فله ما يضر :D الرسول صلى الله عليه وسلم يقول فيما معناه : " اذا ريتم المداحين فاحثوا على وجوههم التراب " |
إقتباس:
والله ماراح يضير عنزه تقديم خواله عليهم :) ياسهل المداحين من زمان ماعاقت على هالبرنامج ولا يروح خلف بن هذال بعيد في كم سنه طار للواء على خبري هذا ان ماكان اعلى رتبه ولو ان ياسر يبي الرزق ماتعنى لابن زايد لوه يبيه كان سدح له قصيده في احد عيال ال سعود وجاه اللي يبي وزود البرنامج مشكلته وحيده اللي اشوفها من وجهة نظري وهي البحرينيه اللي مدري وش تبي :D هذا الصدز والا الباقي مااشوف فيه شي خصوصا ان المدح على قولتكم والنفاق متعودينه من زمان وهذا ساس العرب من ايام الجاهليه يعني مابه شي جديد لكن دام ان الموضوع عن ياسر ومدحه ونفاقه على كلام اختى صاحبة الموضوع فترا كل الشعراء اللي دخلوا ومحمد بن زايد موجود كلهم مدحوه ماعدا البكر التميمي والمري ان ماخاب ظني اما العصبية القبليه مااختلف فيها معك كلن يمدح نفسه ويغني على ليلاه وان البرنامج ساهم في ظهورها على السطح بعد ماكانت تحته والمفروض يكون به تنبيه على هالشي خصوصا ان المسعودي بتله يطلب من المشاركين قصايد تخدم المجتمع وتجسد الواقع اللي حاصل سواءا زين والا شين وسلامتك:) |
قصيدة ياسر التويجري ( المهدي المنتظر)صوت ،فيديو،كتابة ولدت ساطي ومتغطرس وأحب الخصام ولا أعترف في إدارة طبع والا مدير أوجدت نفسي من اللاشي والانعدام نبذت فالمجتمع لاني صريح وفقير ماكان تفكيري الا كيف أخطف السنام والحمد لله خطفت اليوم كل البعير إن لم يكن مركزي بالصف الاول أمام ماعاد تفرق معي لو كنت قبل الاخير الله أكبر ولله البقاء والداوم وهو الاله الاحد وهو السميع البصير أخذت من مدرسة أحمد عليه السلام مالاخذيته من مخاوى وزير وامير وأخذت من تجربة عبدالعزيز الامام وش يصنع العلم لاخاواه سيف شطير واخذت من فلسفة هتلرعدم اللالتزام وكسبت نفسي وريحت القلق والضمير وابشرك حالتي دايم على مايرام من ركعتين الفجر الين بعد الاخير صحيح عندي تحفظ على بعض الانام مثل معمر وابو مازن وتوني بلير لكن انا مااحب اقلل الاحترام واذهب ضحية طموح الغرب وانا صغير قومية المسلمين اللي عليها الكلام راحت معا خالد وعمرو وعلي والزبير الله ولا ذل والتخوين والانهزام ياعابدين العروش الوضع جدا خطير يابو خلف كيف حالك عل حالك تمام انسى القصيدة وهات علوم اخوي الكبير شيخ عرفته وتقريبا لي اربع اعوام يومني اجيه لا جاير ولا مستجير يشوقني له نشوق الوسم عقب الحيام في صفرة جوها ماهو بفية هدير الشيخ ابو خالد محمد عداه الملام اللي يصير من الاصرارمالايصير حد الثماله اعزه لاعلي الحرام اني احبه وحبٍ لودرابه يطير يطير مثل الوحش لاضف ريشه وحام وحول على الذايره بالجو مثل المغير ان الملوك اذا اعطوك حب وغرام خلوك من سائر الخدام يعني خفير الا انت ياراعي التقدير والاهتمام ياللي رحمت الصغير وشلت هم الكسير اذا البلاط الامير والكنب والرخام له شاعر يدهله في صبح والا عصير فانادهلت الثرياوالقمر والغمام وحولت اداهم طرف مشلحك مالي خشير كفرت بالناقصه والغدر والانتقام وامنت باانك حزامي بالنهار العسير من لايقدر ثباتك مع عكاك الزحام ماهوب والله مقدر ويش معاني جرير يارا س عيطا يمسك البدء قبل الختام يالنادر اللي على صيد المكارم شهير يالمهدي المنتظر بالحاجتين الجسام المدة المسكته والاخذ بيد الضرير ياسيدي ودي افهق لك ضلوع العظام واعطيك شي بصدري وانت رجل خبير اناتراني اعاني نوب من انفصام يوثرعلى البرمجة في راسي المستدير واصير احس اني البارود والا الحسام في ساحة الشعر من تبوك لاقصى عسير ممايسبب لبعض اعدائي الاحتدام اللي يحسبون قرض الشعر مثل الشعير والشعر وان كانه المقصود بأول مقام فالله يرحم ابو الطيب ويرحم زهير روح التنافس وحب الشيخ والانضمام ماهي بتعني لدى الكثرة نهاية مصير والشاعر اللي معه عزوة خوال وعمام تفداه وايل وترقب مستعدة مطير والله فلا ينقهروالا يضيق ويضام لاجاء اللززوالملاقى والقبس والنذير وجمع الدراهم ماهي باكبر طموح الغلام اللي جمع من قلوب الناس شي كثير من حبني رغم تفويتي له الانخدام واللي كرهني فهذا شخص ملعون صير دام المعارك صغيره ماعلينا لزام ينوب عن سيفي البتار اصغرجفير قرات فيماقراته من بلوغ المرام اللي ترك شي لله عاضه الله بخير او بالزيارة الى http://www.qassimy.com/vb/showthread.php?t=105328 وهذي مرة اخرى http://ma3refah.googlepages.com/Yaser.3gp الحجم حوالي 5 ميجابايت .. وهذي مرة ثالثة http://up.9q9q.net/up/index.php?f=A97mOlRrO |
مشكورة أختي على غيرتك بصراحة ياسر التويجري بيض وجيهنا بقصيدتة وخلا الأماراتيين كلهم يصفقولة وعلى قصت النفاق تراني والله أكرهة بس ترا الشيخ الي كان يمدحة يستاهل (شكلة طيب ومتواضع) وهو مانافقة علشان فلوس ولا شئ ثاني لا الي فهمتة أن الشيخ كان متبنية شعريا قبل أربع سنوات يعني يستاهل المدح وعلى ذكر القصيدة انشاء الله ابي أحملها بعد شوي.. تحياتي... |
عواااااااااااااااااااااافي ابوندى.....على النقل والتويجري شاعر رغم غرورهـ.. |
ههههههههههههههههه توني اقرى موضوع زعيمه قديمه ويابو ندى ماشاء الله عليك عيني عليك بارده جبتها بسرعه شار كبير باسلوبه وطرحه والقائه وعلى النقطه الي صار فيها جدال في احدى المواضيع إقتباس:
اعتقد هنا انه تشبيه وابو ندى لك شوي بالنقل ترى الكلام في نقص واخطاء مطبعيه تشـــــــــــــــــاو |
مشكووووووور سبقتني في تحميلها وعلى قصة المهدي شكل وراها مغزا مافهمناه المهم أحسن مافي هذا الشاعر انة ما يخاف أحد مهما كان وتذكرو قصيدتة في (الطرشي) ال زلفة... علم الزلفة يوقف لا نخيب ظنة بالقصيد الي بحدة خنجر عدناني الله أكبر ياقرى مكة وأهل السنة عرضكم أصبح نقاش لواحدن علماني |
| الوقت المعتمد في المنتدى بتوقيت جرينتش +3.
الوقت الان » 10:22 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd