الجزء 48


--------------------------------------------------------------------------------

ريــم: وأخيرا شفناك ياشهلا شكل هالتغلي؟؟
شهلا: ريــم أبي أصعد فوق بسرعه وديني أي غرفة ماابي الحريم يشوفوني..
ريــم: تعاااااااالي نروح غرفتي...
شهلا: مشكورة
.. كان اليوم الثاني من أيام العزاء أخف تأثيرا من اليوم الأول صحيح مازال بقلوبهم حزن لكن كانوا متماسكين أكثر وبالذات أم فيــصل..
في عزاء الرجال مرت كثير من الوجيه على الوليــد ماميز ولا وجه من الوجيه.. كانت عنده الرؤية ضبابية ومو متمكن من الشوف بسبب الدموع اللي كانت تغطي عينه... عدا أنه لفت انتباهه شاب ضخم كأنه تبع كمال الأجسام.. طويل..لاحظ الترحيب الحار اللي حظى فيه الشاب وأبوه من العم ابو سلطان.. استغرب الوضع لكن اعتبره صدفة عابرة..
........................................ .......... ...........
نهلا كانت تركض مفزوعة وقفت أمام أمها وهي تقول: يمه الحقي علينا شهلا مو في الغرفة؟
أم سلطان: مو في الغرفة أجل وين؟؟ لاتكون في أحد الغرف الثانية
نهلا: دورناها في كل الغرف مالقيناها..
أم فيــصل: أظني عرفت وينها اجلسوا هنا وأنا بروح أشوفها..
اللي جاء في بال أم فيــصل هو أن شهلا تكون في غرفة فيــصل وفعلا.. لقتها هناك..
كانت شهلا ماسكة صورة فيــصل وضامتها لصدرها ونايمه على سرير فيــصل..لما دخلت أم فيــصل حست شهلا بالحركة.. فزت على حيلها وحطت الصورةتحت غطاء السرير..
أم فيــصل: شتغبين يابنتي عيونك فاضحتك...
شهلا طمست راسها ومسحت دموع في عينها..
أم فيــصل: تعالي يابنتي اجلسي..
جلست شهلا على طرف السرير.. وأم فيــصل على طرفه الثاني..
أم فيــصل: شهلا أنا أحس أني أتعذب كل ماأشوفك بالحاله هذي أنا اللي عزيز على المرحوم عزيز علي.. ومثل ماكان فيــصل يعزك أنا أعزك بعد.. ومايهون علي أشوفك بالحاله هذي وأسكت.. شهلا كلنا الحزن يدمر قلوبنا وأنا اللي الحين أواسيك أنا بحاجة من يواسيني لكن برضه حياتنا ماراح توقف راح تستمر حتى يشاء الله لها بالتوقف مثل ماشاءالله لـفيــصل وانتي بالشكل هذا تدفنين روحك بأحزان مالها نهاية لازم نحاول نتناسى بعض الأشياء المرة في حياتنا مو معقول نظل عايشين على مرارة الحاضر وننسى حلاوة السابق... أنا أبي أشوفك سعيده لأن بسعادتك سعادة ولدي وقت ماكان حي..
شهلا: خاله اللي أنتم تطلبونه مني صعب.. أنا تعودت على حياتي مع فيــصل من صغرنا وصعب علي بين عشية وضحاها أبدل حياتي هذي تحتاج وقت وجهد.. وبعدين أنا أعتبر حياتي اتهت بنهاية فيــصل وماعاد للحياة لون لا للفرح مكان..
أم فيــصل: لا ياشهلا أنا الحين أطلب منك أنك تحاولين تغيرين من حياتك الحزن اللي أنتي دافنه نفسك فيه واللي مو من صالحك..
شهلا: بحاول بس ياليت أقدر..زين خاله عندي طلب..
أم فيــصل: اطلبي آمري أنتي العزيزة
شهلا: خاله أنا أبي آخذ صورة فيــصل ممكن..
أم فيــصل: أنا مو مستخسرة الصورة عليك لكن صورة فيــصل بتظل محفورة بالقلب ولاتنفع ورقه أحطها على رف طاوله..
شهلا بالأول تضايقت لكنها اقتنعت شويه بوجة نظر أم فيــصل..
وطلعت أم فيــصل وشهلا من غرفة المرحوم..
الوليــد وبعد ماخلص عزاء الرجال.. خرج للكورنيش وجلس على صخرة وصار يطالع البحر وكأنه يشكي له من الضيم.. وهو يتذكر صورة فيــصل واللي محفورة على جفنه وفي قلبه.. يتذكر الأيام اللي عاشها معاه بحلوها ومرها.. من أول يوم كان لوليد في بيت عمه وبعد وفاة أهله لحد آخر يوم من حياة فيــصل.. وتفكيره ياخذه ويوديه ساعات يضحك ضحكة يقهر فيها الدهر.. وساعات يبكي..بكاء مر أقرب مايكون لبكاء الأطفال..
..............................بعد مرور ثلاثة شهور.......................
كان الوليــد جالس على نفس الصخرة.. لكن بإختلاف الزمان والحال.. في المرة الأولى كان يشكي لكن هالمرة كان يبكي.. حس روحه خسر كل شيء خسر أخوه وصديقه خسر أهله خسر سلطان.. وقبل أسبوع كان بداية خسارته لحبه الأول والأخير حبه اللي ماله مثيل.. كلها 3شهور وبتكون ريــم لغيره ريم اللي حبها.. اللي ياما حلم فيها.. يخسرها بلحظة..
ودق جواله وقطع عليه حبل أفكاره المر.. طالع الجوال بعيون كلها أسى.. ماجد يتصل بك..
الوليــد: هلا ماجد
ماجد: هلا الوليــد وينك فيه؟؟
الوليــد: على الكورنيش تكفى تعال..
ماجد: مسافة الطريق وأبكون عندك..بااااااي
الوليــد واللي ماتوقعه أن ماجد يكون أقرب الناس له.. من بعد فيــصل قدروا بالشهرين اللي فاتوا أنهم يكسرون الحاجز اللي بينهم ويبدلونه بحاجز أخوه.. في تاماضي كان ماجد هو اللي بحاجه لوليد أما الآن فوليد هو اللي بحاجه لـماجد..
ماجد: هلا الوليــد عسى ماتأخرت..
الوليــد: لا جيت بوقتك يا ماجد..
ماجد: مايحتاج تحكي ياوليد وصلني كل شيء..
الوليــد: ماجد أنا ماني قادر أتصور أن ريــم بتكون لواحد غيري وبعد سنة من الحب ريــم تكون لغيري..ومين الشخص هو زياد.. زياد ياماجد أنا موقادر أتخيل أن الملاك بتكون للشاب الضخم اللي كأنه مدرب كارتيه..
ماجد: الحياة ياوليد شمعة يوم تضوي وتعيّشك بسعادة..ولكن مصيرها تحترق فتيلتها وتطفى وتتركك تتخبط بالظلمه.. ويوم تحرقك بنارها..
الوليــد: آه يا ماجد أحس الدنيا ضاقت فيني... طول عمري عندي قناعة تامة أن الحب مايشرى بالفلوس ولكن الوقت الظالم يفرض علينا أحيانا نبيع حبنا مقابل الفلوس..
ماجد: ريــم يا الوليــد وافقت على الشيء هذا مجبرة ليست مخيره ماأمامها خيار ثاني غير أنها ترضى بزياد عشان تدخل الفرحة لقلوب الأهل اللي من دخل عمي ابو ابراهيم المستشفى ماذاقوا لها طعم..وابوي اللي مهدد بالسجن لو ماسدد الديون اللي على الشركة..
الوليــد: ماجد أبي أرد البيت ودني..
ركبوا السيارة وبعد ماقربوا من البيت..
الوليــد: تصدق بالأول كنت أتلهف أرد البيت الآن أحس أني مالي خلق أقرب صوبه
ماجد: الوليــد المفروض أنت تكون أقوى من كذه.. وريم من اليوم ورايح حاول تنساها.. ريــم ماعادت لك مثل الأول.. حاول تعيش حياتك وتنسى الماضي.. تعيش حياتك من دون ريــم..
الوليــد ضحك ضحكة قهر: أنسى الماضي مستحيل أنسى الماضي.. لكن أحاول أتناساه وأحط هالجرح مع جروحي اللي قبل.. جروحي اللي مازال أثرها بقلبي.. جروحي اللي مازالت تنزف.
وصلوا البيت.. نزل الوليــد وهو يسحب رجوله ارتاح لما فتح الباب ولقى لمبة الصالة مطفيه والهدوء يعم البيت.. اتجه للمصعد بيرقى فوق..
......: وليــد أنا محتاجه لك..
الوليــد التفت خلفه بيعرف من صاحب الصوت هذا الصوت يشبه صوت ريــم لكنه يختلف عنه شويه.. كان صوتها مخنوق مثل ماهي مخنوقة ودموعها على خدودها..
الوليــد: ريم؟؟
ريــم: إيه ريــم ؟؟
الوليــد: آسف أنا فيني نوم ماأقدر أجلس وياك..
الوليــد كان خايف من المواجهه طول الفترة اللي فاتت وهو يحاول يتجنبها قد مايقدر..
ريــم: براحتك مافي أحد بالبيت مستعد يسمعني ليه ماانتم قادرين تفهمون موقفي؟؟؟
الوليــد لما سمعها تقول الكلام هذا حس قلبه يتقطع عليها.. لكنه..كمل طريقه وصعد غرفته..وتجاهلها
...................................ملخص اللي صار أثناء الشهرين................................. ....
شركة ابو ابراهيم وأخوه أعلنت افلاسها بعد ماعجزت عن تسديد العجز والديون المتراكمة لهم.. وابو ابراهيم من عرف بالخبر جته جلطة ونقل للمستشفى والحين هو بدأ يتماثل للشفاء
زياد وأبوه استغلوا فرصة طيحة أبو ابراهيم وافلاس الشركة تقدم زياد لخطبة ريــم..
ريــم حطت في موقف صعب إما أنها ترفض زياد وتعيش مع الوليــد سعيده وتبني سعادتها على تعاسة اللي حولها.. أو أنها تحكم لروحها بسجن مؤبد وتدفن نفسها مع شخص كرهته من أول ماسمعت اسمه.. ويعيشون البقيه بسعاده.. حكمت عقلها وقررت تدفن روحها مع زياد.. وتدوس على حبها عشان تنقذ أهلها وأبوها وعمها.. وزياد وأبوه اعدوها أنهم يسددون الديون اللي على عمها ويرجعون أبوها وعمها للسوق كما كانوا..
الدراسه ابتدأت من قبل أسبوع ونصف..
ريــم طلب منها الوليــد أنها تحقق له حلمه وان كان صعب عليها لكنها تدرس حاسب آلي لأنه كان دايما يقول لـريــم ثقافتك بالحاسب عالية ولا تدخلين قسم غيره..
شهلا وقفت في وجه الكل واتركت الدراسه بالقليل لسنه لحد ماتهدأ نفسيتها بعد الصدمة اللي صارت لها.. وبكذا تكون تأخرت سنه في دراستها..
نهلا دخلت قسم أحياء نبات وتقدم لخطبتها شاب محترم وحبوب خارج إطار العائلة ومن الرياض بالتحديد.. يشتغل في أرامكو على أن يكون الزواج بعد سنة..
الوليــد قوت علاقته بـماجد مرة وقدم هو بعد اعتذار عن الكورس الباقي على أن ياخذه بعدين
ابراهيم عمل بنصيحة أمه اللي كانت ودها تشوفه معه شهادة الدكتوراه وبعد إصرار أبوه عليه سافر الإمارات يكمل دراسته هناك..كان على علم بكل اللي يصير بالتليفون ويسير على أهله كل ماسمحت له الفرصة...
........................................ .......... ........................................ .......... ................
كانوا جالسين على طاولة الغداء.. الكل صامت.. عدا من صوت الملاعق والصحون..
أم فيــصل كان عندها موضوع لـريــم مو عارفة كيف تبدأ فيه ولاهي عرفة كيف تقوله..
أم فيــصل: ريم ياابنيتي..
ريــم بأسى: سمي..
أم فيــصل: أم زياد دقت علي وتقول يبون الملكة الأسبوع الجاي والزواج بعد المكلة بثلاثة شهور
ريــم رمت ملعقتها في صحنها وماقدرت تحبس دموعها أكثر من كذه.. وقامت تركض من اللطاولة متجهه للدرج.. كان الوليــد نازل من الدرج ولا غير عادته ياصل آخر الناس للطاولة
قابلها في الدرج وهي تبكي وهو معترض طريقها.. رفعت عينها طالعته.. قرأ في عيونها كل شيء.. طمس راسه بأسى وعرف أن نهاية حبهم قربت..
كملت طريقها لفرفتها.. فتحت باب الغرفة بقوة.. وقفلته ووقفت وراه.. تبكي بقهر.. وشوي شوي انسلحت على الباب لحد ماوصلت للأرضيه انسدحت على جنبها وهي غير مبالية وتبكي
وعلى طاولة الأكل..
ديمـــه: آه بس واي عليها هالبنية باعت روحها لسواد عيونكم..
كانت على دخلة الوليــد للمطبخ.. سمع هالكلمة كان وده لو أن الأرض تنقسم نصفين وتبلعه..
أم فيــصل بتصرف السالفة لما شافت الوليــد: وليد تودينا اليوم لأبوك نشوفه ونسلم عليه
الوليــد: هز راسه بالموافقة.. وهو يقول: إن شاءالله..
جلس على كرسيه وهو يطالع مكان ريــم الفاضي ماكان له نفس ياكل أصلا..
ومر الأسبوع على قلب ريــم مثل السنة حتى مافرحت بطلعة أبوها من المستشفى كان كل تفكيرها مع هالخطوة اللي بتقدم عليها هل هي صحيحة أو لأ..
وجاء يوم الخميس يوم الملكة كانوا مجهزين حفله بسيطة في البيت بالمناسبة هذي بيحضرها بيت العم ابو سلطان وخوات العريس..
كانت تمشط شعرها بقوة.. وتشده للأسفل بقوة وهي تقول: اليوم هو نهايتي..
نهلا واللي خافت لا تقطع ريــم شعرها وهي تشده بالطريقة هذي قربت منها وقالت: تفائلي بالخير يمكن تكون يوم ولادتك؟؟ وسحبت المشط من يد ريــم وبدأت تمشط شعر ريــم بهدوء
ريــم ضحكت بسخريه هي تقول: يوم ولادتي أنا اولدت مرتين مرة لما جابتني أمي ومرة لما حبيت الوليــد وغيره أنا أعتبره يوم وفاتي.....سمعوا طرق على الباب وقفت نهلا تمشيط شعر ريــم وسألت: ميييييييييين؟؟؟؟
........: أنا عمك افتحي الباب..
فتحت نهلا الباب وعرفت من نظرات عمها ابو ابراهيم لها أنه يبغى يتكلم مع ريــم..
ريــم قامت من كرسيها..
ابو ابراهيم: اجلسي ياابنيتي لا تحركين..وجلس هو على طرف السرير..
ابو ابراهيم: يابنيتي الزواج قسمة ونصيب.. أنا ماأدري شأقول لك أنا أتمنى لك السعادة وكنت اعرف أن سعادتك مع الوليــد مو مع غيره لكن الظروف قاسية ياريم..
ريــم: يبه لاتقول شيء أنا عارفة بالوضع وأنا اخترت هذا الطريق الصعب وبإذن الله قده.. أنا يبه ماهان علي أشوفك بالمستشفى ولا هان علي عمي يهدد بالسجن قررت أني أختار هالطريق وأنا عندي قناعة أنه هو الطريق الصحيح وان دست على حبي ومشاعري لكن سعادتكم عندي بالدنيا..
ابو ابراهيم مسح دمعته وهو يقول: كنت أتمنى أمشي بزفتك من العريس اللي حلمتي فيه لكن
قطعت كلامه ريــم وهي تقول: لكن تجري الرياح بما لاتشتهي السفن..
ابو ابراهيم كان جاي بيواسي ريــم لكن القوة اللي شافها في بنته اليوم رهيبة بدل ماهو يواسيها لقاها هي تواسيه..
ابو ابراهيم: أجل أتركك الحين تكملين لبسك..
طلع ابو ابراهيم من هنا ودخلت الكوافيرة على ريــم من هنا..
الكوافيره: أهليييييييين ياعروس تخزي العين هيدي قمر مو عروس..
ريــم: شكرا ممكن تبدين بشغلك أبي أخلص بدري..
الكوافيرة استغربت من رد ريــم القاسي لكنها بدات شغلها بصمت..
حطت اللمسات الأخيرة على مكياجها واللي زادها جمالا كان مكياجها ناعم على لون فستانها العنابي.. وتسريحة شعرها كانت روووعة كانت رافعة نصف شعرها.. بحركة بسيطة والباقي تركته على ظهرها.. ريــم كان شعرها غزير وناعم وطويل وأسود سواد الفحم وأي حركة تسويها لها الكوافيره بيطلع حلو أكيد..
نهلا: الله ياسلام شالحلاوة كلها يابختك ياعريس..
ريــم: ليتني كنت شينة لكن سعيدة يوم ملكتي..
نهلا: بدلي بسرعه خالتي أم فيــصل تحت تنتظرك تنزلين عشان تدخلين على زياد..
ريــم: خوات العريس جو؟؟
نهلا: ايه الله لايوريك يا ريــم لبسهم باين عليه غالي لكن ذوق معدوم تعالي شوفي مهرجان الألوان اللي تحت..
ريــم: بكيييييفهم ان شاءالله عمرهم ماتسنعوا.. بس بسألك الوليــد شأخباره وينه هو؟؟
نهلا: ريــم أنتي الحين زوجة زياد على سنة الله ورسوله وبتفكيرك بوليد بتخونين زياد..
ريــم: ماني قادرة أمنع تفكيري عنه شأخباره يانهلا عسى مو ضايق صدره..؟؟
نهلا: والله ماادري لكنه مع الرجال..
كان يراقب تحركات العريس بغبطه.. يغبطه على السعادة اللي فيه.. يغبطه على ريــم..
اليوم كان نهاية حياة قلب الوليــد وبداية لحياة زياد.. حس أنه المفروض يكون بمكان زياد تم يراقبه وهو يتلقى التهاني الحارة.. ويشوف الفرحة بعيونه كان يحس انه أحق من زياد بالمكان هذا.. تحامل على نفسه ومنع دموعه من السقوط.. بالقليل لحد نهاية الملكة..
........................................ .......... ..........................
نزلت على زغاريت الحريم.. صوت المسجل تحس أنه بيفجر راسها جرت ذيل فستانها العنابي من تحت رجل أخت زياد.. وهي تبتسم لكن مو من قلب.. ردت على كل اللي هنوها وبقلبها كانت تعزي روحها..جلست متوسطة بين جدتها وأم زياد..
أم زياد: والله وصبرت ونلت يازياد مبروك يابنيتي..
ريــم: الله يبارك فيك خالتي..
أم زياد: ان شاءالله ياريم بتكونين وحده من بناتي أنا لي 6 بنات وأنتي سابعتهم ولي ولد واحد عزيز علي وأنتي بتكونين من معزته
ريــم تشد على سنونها وترد بقهر: الله يسلمك ياخالتي..
كانت ريــم تشد قبضة ايدها على يد جدتها كل ماتكلمت أم زياد تحس بالخوف منها على الرغم من أن نظرات أم زياد كانت كلها حنية..
أشرت أم فيــصل بيدها لأم زياد و ريم قامت ريــم فهمت ريــم أن الإشاة تعني قرب الخطر تعني أن ريــم بعد دقايق بتدخل على زياد.. قامت من مكانها.. وقامت وراها جدتها واللي همست لها.. ياابنيتي تمسكي برجلك مثل لو كنتي تعضين عليه بسنونك.. والله يوفقك..
ريــم: ان شاءالله وبقلبها تقول ليت يحصل لي الفكة منه اليوم قبل بكره..أنتي مو داريه عن شيء ياجده..
تقدمت بخطوات متثاقلة للغرفة اللي كان فيها زياد ولو كان بيدها ولعت حريقة فيه وفي الغرفة.. كانت أم زياد تمشي وراها وجنبها خواته وللمرة الثانية تاطى أخت زياد ذيل الفستان وتشيله ريــم وهي تحس أنها يالله تشيل روحها...
فتحت أم زياد الباب.. دخلت ريــم..مطمسه راسها..رفعت راسها وقعت نظراتها على نظرات الوليــد..
وفجأة ماحست ريــم بروحها الا هي برى الغرفة ماتدري شاللي حصل ولا شاللي جرا لكن بعد مالتفتت على أم زياد عرفت أن الرجال مابعد طلعوا من الغرفة وفاقت من صمتها..
شوفة ريــم لوليد كانت كفيلة بأنها تهزه من طوله.. اهتز لما شافها لمح الحزن بعينها..
قطع قلبه حالهم.. والى الآن مو مصدق أن ريــم بتكون لغيره..رجعه للواقع صوت زياد
زياد: أنت ماودك تذلف عشان الحريم يدخلون..
طالعه الوليــد من فوق لتحت وبقلبه يقول: معقول هالضخم هذا بيتزوج الملاك هذيك..
زياد: حووووووه وين رحت أقولك ماودك تذلف؟؟؟
الوليــد بقلبه يقول ياليتك تذلف عن حياتنا لكن مسك لسانه رد وقال: الا الحين بطلع.. مبروك
زياد: الله يبارك فيك..
طلع الوليــد من الغرفة.. وفتح الباب الثاني حست ريــم أن الدنيا تلف فيها لكنها تماسكت وتقدمت.. كان ماد يده بيسلم عليها.. وبيد مرتجفة مدت يدها.. وأول مالامس اصبعها طرف اصابعه.. سحبت ايدها مفزوعه.. استغرب زياد من ردت فعلها.. لكن الجده تداركت الموضوع.. ايه يازياد لاتشره على ريــم بنتنا مو متعوده تسلم على رجاجيل..
زياد: لا ماعليه ياخالة أكيد ريــم يبيلها وقت عشان تاخذ علي...
التفت زياد لها وأشر لها: تفضلي..
حست كأن رجليها تصلبت وأنها مو قادرة تجلس على الكنب.. جلس زياد ولما رفع راسه لقاها بعدها واقفة سحب فستانها وهو يقول: ليه طايره بالسماء اجلسي.. جلست ريــم بصعوبة وطمست راسها ومسحت دمعه ماشافها غير زياد..
تلفتت حولها تدور جدتها لقتها طلعت حست روحها غريبة بينهم.. لكن كلها دقايق ودخلت المصورة..كانت ودها تتمسك بالمصورة حست أنها الوحيده اللي تعرفها!! وقف زياد استعدادا للتصوير.. وقفت ريــم معه..
المصورة عدلت لهم وقفه مناسبة..
المصورة: حط يدك على خصرها..
زياد: تااااااااامريني...
وهو ماكذب خبر من سمع هالكلام الا وحط ايده على خصرها وقربها يمه..كانت ريــم تطالع عيون المصورة وكأنها تتوسلها أنها تطلب منه يشيل يده..لكن لاحياة لمن تنادي.. حست ريــم كأن الدم يتصاعد الى وجهها وينحبس في شرايين وجهها من القهر..
زياد: أووووووف كل هذا خجل وجهك كأنه طماطة..
ريــم: طالعته بنظرة توسل أنه يسكت... لكنه هو مافهم هالنظرة.. وتم يعلق عليها..
وبعد ماأخذوا لهم كم صورة..

الجزء 49

أم زياد: نتركم تاخذون راحتكم ونطلع..
ريــم: لا خلييك خاله تونا..
زياد أطلق ضحكة مزعجة وقال:هههههه خايفة مني لايغرك عضلاتي تراني حمل وديع
طلعت أم زياد وخوات زياد.. وجلست ريــم لحالها مع زياد.. كان زياد يحاول يسمع منها أي كلمة كان يسألها ويحاول يطلعها من صمتها لكنها كانت تكتفي بالرد على أسئلته بلا أو ايه..
زياد: كم رقم جوالك؟؟
ريــم: ليه؟؟؟
زياد: عشان أكلمك كل مااشتقت لصوتك ولا ماتبين تسمعين صوتي؟؟
ريــم ابتسمت وكأنها حست أن شعورها بالخوف بدأ يتلاشى.. حست بالراحة مع زياد بالرغم أنها في قمة توترها لكن ارتاحت لما سمعت كلام زياد فيه شيء كثير ذكرها بوليد خفة دمه وبعض ملامح وجهه..قالت: أنا رقمي مميز ولو أقوله لك من مرة وحده أتحداك تنساه..
زياد: أفا عليك ماأنسى رقمك لو هو أصعب من الصعب..
ريــم: تسلم لكن رقمي غيييير رقمي مميز..
زياد: طيب عطيني هالرقم المميز بشوفه.. وطلع زياد جواله من جيبه بيخزن رقمها.. ملته ريــم الرقم ابتسم لما شافه وقال: هذا مميز؟؟ تشوفين التميز لا كلمتك ان شاءالله..
وبخفة حركة حط يده على كتفها.. ومن سوى هالحركة بدت ريــم تطالعه بنظرات كأنها تطلب منه يشيل يده.. عرف من نظراتها شالمقصود شال يده وقال: سمعت أنك على علاقة حب مع ولد عمك الوليــد؟؟
ريــم وكأن ماء حار انكب فوق راسها.. وبدأت تحترق قهر.. عرف زياد بشعورها.. غير الموضوع وهو يقول: شأخبار الداسة؟؟
ريــم ردت عليه وتفكيرها مو معها: زينه زينه..
زياد: خلاص ياريم الدراسه مو لازم تكملينها الخير كثير ومو محتاجين حق راتب الوظيفة..
اقتراح زياد هذا رد ريم لعالم الواقع.. وقالت: لا يازياد الا دراستي.. أنا بكمل دراستي قسم حاسب.. وبعدين من قال لك أني أدرس عشان الوظيفة أنا أحب الدراسه وحلمي هو قسم الحاسب..
وفجأة فتح الباب شخص ما.. رفعت راسها ريــم كان أخوها ابراهيم.. قامت تركض عليه وضمته وصارت تبكي طلعت كل حيلها بالبكاء على كتفه ابراهيم عرف شسبب هالبكاء..
همس بإذنها: بس ياريم قطعتي قلبي..
ريــم: ظنيتك ماراح تجي اشتقت لك حييييييل
ابراهيم: وأنا فعلا ماكنت ناوي أجي عندي امتحانات هالأسبوع.. لكن زياد أصر علي يقول مايصير ماتشارك أختك فرحتها..
التفتت ريــم على زياد وطالعته كان مبتسم وفرحان..لفرحها بأخوها..
جلس ابراهيم معهم وصار يسألهم عن أحوالهم واستأذن منهم وطلع..وقال لزياد: يالله تعال معي نروح نشوف الرجال وخل البنت تشوف بنات عمها.. فك عنها ياشيخ..
ضحك زياد وقال: قل أعوذ برب الفلق.. والتفت على ريــم وقال: يالله باي..
ريــم ارتاحت لما حست ابراهيم جنبها وارتاحت أكثر لما شافت رقة زياد في تعامله معها ولكنها استغربت كيف درى زياد بحبها لوليد؟؟كان مجموع الوقت اللي قضته ريــم عند زياد هو ساعة الا ربع..مرت فيه أحداث كثيرة..
وفتحت الباب اللي على صالة الحريم.. وانفجعت لما شافت البنات متجمعين يحاولون يسمعون أي شيء..
ديمـــه: تعالي تعالي أختي حبيبتي علميني شصار؟؟؟ وبالحرف الواحد
ريــم: اذلفي بس ماصار غير النكد..
لينـا: ريــم أمي تقول تعالي سلمي على زوجة خالك توها جايه..
ريــم: صدق والله طولت..
ريم: هلا والله وغلا ياأم ندى وينك حييتي لا تجين
أم ندى: هلا بك مبروك ياعروس بالأول..
ريــم: الله يبارك فيك.. كانت كلمة مبروك من أكره الكلمات على قلب ريــم اليوم..
جلست ريــم مع الحريم.. لحد ماراحوا سلمت على خالها وودعتهم وصعدت لغرفتها..
البنات: نهلا+ شهلا كانوا بينامون اليوم في بيت عمهم.. صحيح شهلا كانت تحس أن هالشيء صعب عليها لكنها بتحاول..
بدلت فستانها ولبست لبس البيت ووقفت قدام المرايه تطالع روحها فعلا كانت آيه بالجمال من ملامح وجهها لشعرها لجسمها.. سمعت صوت طرق الباب..
ريــم: أدخل
فتحت الباب ووقفت عند الباب وهي تقول: ريــم ممكن أقعد معك شويه؟؟
ريــم: أكيد ياشهلا تعالي ادخلي أنا محتاجة أسولف مع أحد..
شهلا: حتى أنا ياريم.. محتاجة أسولف معك..
دخلت شهلا وجلست على السرير.. سحبت ريــم كرسي التسريحة وجلست عليه..
شهلا: كيف كانت دخلتك على زياد اليوم؟؟
ريــم: آه يا شهلا.. كانت صعبة كانت.. مثل نزع الروح.. تخيلي أنك تتمنين طول عمرك شخص وبلحظة تشوفين كل شيء يخترب وتلقين مكان هالشخص اللي تمنيتيه شخص غريب عليك...شخص عمرك ماشفتيه.. ولأول مرة تسمعين فيه.. شخص قدر يشتريك بماله..
شهلا: كلنا في الهوى سوا.. أنتي ياريم حالك أحسن من حالي أنتي تشوفين الوليــد كل يوم تدرين أنه بخير وبصحة.. حتى لو ماارتبطتوا في بعض قلوبكم عند بعض..
الوليــد كان مار من عند غرفة ريــم وكالعادة التفت على الغرفة يتأملها.. شاف لمبتها مفتوحة استغرب أن ريــم تصحى مثل هالوقت.. ساقته رجوله من دون علمه للباب وقف وحط اذنه على الباب وسمع...
ريــم: آه ياشهلا عذاب انك تحبين وتحلمين وتبنين حلمك بيت جميل تتعبين فيه وتصفينه طوبة طوبة وتكتشفين فجأه أن حلمك بنيتيه من ثلج والثلج انصهر تحت حرارة الظروف..
وينصهر كله ومايبقى غير الماء بعد انصهاره اللي يجري ويكون نهر من الحزن.. نهر لا ينضب...أنا كنت أظن أن سعادتي مع الوليــد بتدوم وأنه ماراح يجي يوم أكون فيه لغير الوليــد ولكن هاليوم صار.. صار وأنا ماأقدر أسوي شيء..
كلمات ريــم حسها الوليــد كأنها خنجر بقلبه.. ومن دون مايحس بروحه طرق الباب..
ريــم فتحت الباب وتلخبطت لما شافت الوليــد..
الوليــد حس بروحه وقال: مانمتي يا ريــم؟؟
ريــم: لا مانمت.. كنا أنا وشهلا نسولف..
الوليــد: زين ناموا وخلوا عنكم التفكير بالهم تفكيركم هذا بيذبحكم.. وحاولوا تناسون الماضي وان كان صعب عليكم.. وعيشوا حياتكم اللي مالكم مفر منها..
بعد ماقال الوليــد كلماته.. انطلق لغرفته..وهو بحالة عصيبة من البكاء.. والدموع دخل غرفته وصفق بالباب وجلس على الكرسي.. وصار يعيد ذكرياته وحبه ويتحسر على عمره الجاي من دون ريــم...
في غرفة ريــم..
شهلا: الظاهر أنه سمع كلامنا الأخير؟؟
ريــم كانت تدافع عبراتها وتقول بصوت متقطع: ياربيه كل ماأشوفه ياشهلا أتعذب أكثر.. أحس أني ظلمته معي.. شذنبه المسكين حبني بكل خلية بجسمه أستصغر روحي لا تذكرت اللي سويته فيه.. وأحيانا أقول شذنب زياد أظلمه معي وأنا أحب غيره؟؟
شهلا دموعها على خدها: بس ياريم بس تكفين قلبتي مواجعي..
ريــم مسحت دموعها وهي تقول: الله يكون في عوننا... شهلا أجيب لك فراش تنامين عندي؟
شهلا: أنا وعدت لينـا أني أنام عندها.. لكن لينـا نامت وخلتني بروحي قلت أجي أسولف معك.
ريــم: خلينا ننزل للدور اللي تحت ندور لنا شيء نناظره أحس أني بطق من القهر أبي أي شيء أشوفه المهم بس ماأعيش بدوامة الهم..
نزلوا البنات للدور التحتي وكان في الصالة ابراهيم و و الوليــد.. طالعت ريــم الوليــد شافت في عيونه أثر البكاء..
ابراهيم: زين اللي جيتوا توسعون صدورنا..
ريــم: وزين اللي لقيناكم توسعون صدورنا..
جلست ريــم وشهلا على جنب في الصالة.. وصاروا يسولفون سولفوا في أمور كثيرة تكلم لهم ابراهيم عن الدراسه هناك والنظام كيف..وطول الوقت كان الوليــد مطمس راسه..
وبدأ الحكي يجر بعضه عن المدرسة وعن الدراسة..
ابراهيم: الا ياشهلا ممكن أفهم ليه تركتي الدراسة؟؟
شهلا: آه يا ابراهيم ليه تذكروني بهمي أنتم.. أنا أجلت دراستي مؤقتا سنة بس لحد ما ترجع المياه لمجاريها وبعدها بعود أدرس..
ابراهيم: ايه بس لو درستي كان أشغلتي نفسك بشيء غير التفكير باللي راح.. اختلطتي في الناس.. يمديك يا شهلا تغيرين رايك وتمدين على الدراسة بعدنا في أول السنة ولحد الحين ملفك موجود ماسحبتوه من المدرسة..
الوليــد: كلمها يا ابراهيم قول لها كلنا حاولنا فيها بس مارضت..
ريــم: اي والله ياشهلا لو تدرسين أحسن لك تخرجين روحك من هالحالة الكئيبة تصدقين حتى أنا أعتبر الدراسه متعة لي.. بالقليل اختلط بالناس وأنسى همي..لكن همي ماينساني..
ابراهيم: الا تعالي أنتي تدرين أنك بعد 3 شهور بتصيرين عروسة؟؟ ماشفتك تجهزين جهاز ولا تختبين مثل العالم والناس..
ريــم بصوت مأساوي: أدري أني بعد3 شهور بصير متعوسه مو عروسه.. وأدري اليوم ملكتي بس واللي يسلمكم لاأحد يذكرني بالموعد هذا أكرررررهه..
ابراهيم حس بغلطته وشاف الدموع في عيون ريــم وفي عيون الوليــد..لكنه تكلم وقال: هذي ليلتك ولازم تكونين فيها مبسوطه حاولي ياريم.. مايصير تضيعين ليلة العمر..
ريــم: ليلة العمر؟؟ وتبني أكون مبسوطة أنا ماللفرح في قلبي محل..والحزن يسري مع دمي
سكت ابراهيم وهو مو معجبه حال أخته نفسه يمسح على راسها وينسيها حزنها كله..
قطع صمتهم صوت ابراهيم وهو يتنحنح.. عدل جلسته..وكأنه يبي يقول شيء!!
الوليــد: ابراهيم عندك شي بتقوله؟؟
ابراهيم: والله الحق اييييييييييييه عندي!!
الكل رفع راسه: وشووو؟؟
ابراهيم: بصراحة حياة الوحدة تعبتني وأفكر أتزوج!
الوليــد طايرة عيونه ويقووول: والله؟؟
ابراهيم: والله
ريــم حست أن الفرحة ردت لقلبها بالخبر هذا وقالت: ماقلت لي من العروس حاط فبالك أحد والا تبينا نخطب لك؟؟
ابراهيم: بصراحه بصراحه فرح حاطها فبااالي
ريــم: فرح!!؟؟ مين فرح؟؟
ابراهيم: فررررح نسيتيها؟؟
ريــم: اي من هي؟؟
ابراهيم احمر وجهه وهو يقول: فرح الممرضه اللي أعطيتها كف هذاك اليوم!
انفجروا الوليــد+شهلا بنوبة ضحك ..أما ابراهيم حك راسه ومسح العرق اللي تصبب منه..
قطعت ريــم ضحكهك وهي مقطبه حواجبها وتقول: اي بس على ماأظن أن فرح أكبر منك بالقليل بثلاث سنوات!!
ابراهيم: أدري وراضي فيها لو أكبر مني بـ 20 سنه..
ريــم..طارت عيونها وقالت: طيب كلم أبوي إن وافق
ابراهيم: بس ماتدرون هي تزوجت ولا لأ؟؟
شهلا: هي تقرب لي من بعيد..ماسمعت أنها تزوجت..
ابراهيم تنهد ورجع ع الكرسي يعدل جلسته وهو يقول: الله يبشركم بالخير
دق جوال ريــم.. طالعت الجوال.. ومدته لابراهيم وهي تقول رقم غريب ترد عليه ولا أسهجه؟؟
ابراهيم: لا هاتي أرد عليه شوراي؟؟أشتغل سنترال أنا بتاع كله..
ابراهيم: نعم..
.......: هلا..
ابراهيم: نعم أخوي بغيت شيء؟؟
........: أممممممم أنت ابراهيم؟؟
ابراهيم باستغراب: ايه نعم ابراهيم..
.......: أنا زياد أمداك تنساني..
ابراهيم: هاااه أمداك؟؟
زياد: زوجتي وابكلمها عندك أي مانع؟؟
ابراهيم يشر لـريــم من بعيد ويقول لها زياد.. ريــم أشرت راسها بالرفض..
زياد: وين ريــم؟؟
ابراهيم: ريم هلكانه بعد اليوم ونامت ماقدرت تقاوم حتى جوالها نسته بالصالة من التعب
زياد: أفاااا أنا مشاوف لها.. لكن ماأقول غير بلغها نومة العوافي..
ابراهيم: ان شاءالله..
ريــم... قامت من مكانها وتركت جوالها مع ابراهيم وراحت غرفتها..ولحقتها شهلا بالجوال..
ريــم: مو قادر يصبر يعني يدق الحين؟؟ تونا ماأخذنا على بعض...
شهلا: ريــم تصدقين كسر خاطري شكله مايت عليك..
ريــم: مات هو أنا بنام ياشهوله نامي بس واتركي عنك هالخرط الفاضي..
حطت ريــم راسها على وسادتها.. ونامت...... وبعد أقل من ساعة تقريبا
تنبهت من نومها وهي تتمنى لو أنها ماصحت من هالحلم الحلو.. التفتت على يمينها كانت شهلا غارقة في نومها..تنهدت بقوة وقالت الله يرحمك يمه مو معي بحاضري لكن معي بقلبي وأحلامي.. قامت لبست جلال صلاتها وطلعت من غرفتها لغرفة ابراهيم
طرقت الباب.. ثلاث مرات مارد عليها كانت ناوية ترجع غرفتها.. ولكن فتح الباب..
ابراهيم: ريييييييييم فيك شيء؟؟
ريــم: لأ بس حلمت حلم حلو ليتني ماصحيت منه..
ابراهيم: ادخلي ادخلي الوليــد داخل في الغرفة..
ريــم: لا خلاص أقول لك الحلم بعدين..
ابراهيم: لا تعالي ادخلي كلنا بنسمع الحلم.. تعالي..
دخلت ريــم لغرفة ابراهيم ةهي مستحيه من الوليــد..
ابراهيم: وليــد الأخت ريــم حلمت حلم وشايفتنا مشايخة جت تبينا نفسر لها الحلم
ريــم: لا عاد ابراهيم لا تقول كذه ترا خلاص ماأقوله..
الوليــد: لا لا لا قوليه يامعوده..
جلست ريــم على طرف سرير ابراهيم وجنب ابراهيم وأمام الوليــد وعقدت حواجبها كأنها تتذكر وقالت: حلمت بأمي.. كنت في صحراء جافة وكأني تايهة ومو عارفة شأسوي وجت أمي من بعيد ضمتني لصدرها..و...و...(( هنا خنقتها العبرة وماقدرت تكمل))
الوليــد: ايه وايش كملي بسرعة..
ريــم بعد مالقطت أنفاسها: وبعد ماضمتني قالت لي.. عيشي مستقبلك ياريم والطريق اللي أنتي تمشينه هو الصح..ومادام أن نيتك أنك تساعدين أهلك فعلى نياتكم ترزقون.. وأعطتني عباية طويله وسوداء وساترة.. فجأة لقيت روحي تحولت من الصحرا لحديقة خضرا..
تناظروا الوليــد و ابراهيم وقال الوليــد: الحلم شكله زين اذا تبين أسأل لك مفتي أحلام يفسره
ريــم: إيه ياليت ودي ياوليد وأكون لك شاكرة
الوليــد: لا شكر على واجب..
ريــم قامت من مكانها وهي تقول تصبحون على خير..ردوا عليها العيال: وأنتي من أهله..
رجعت غرفتها.. وانسدحت على فراشها وهي تفكر بحلمها.. حتى نامت..

كان الكل موجود على طاولة الغداء..عدا ريــم اللي أمس سهرت الى وقت طويل وماقدرت تصحى من نومها...
الوليــد: ريم وينها؟؟
أم فيــصل: ريم تقول أنها لاقامت من النوم راح تتغدى والحين هي تعبانة وتبي تنام..
الوليــد: تعبانة.. من متى؟؟ وقام متجه للدرج بيرقى يشوف ريــم..
أم فيــصل: الوليــد أجلس كمل أكلك..
الوليــد استغرب لكن عرف من لهجة أم فيــصل الحازمة أنه أمر مافيه نقاش.. جلس وكمل غداه..وبعد ماتفرقوا الوليــد آخر اللي قاموا من الطاولة هو وأم فيــصل..
أم فيــصل: ياولدي.. لا أنت تغيرت ولا ريــم تغيرت لكن الظروف هي اللي تبدلت..
الوليــد فهم قصدها وهي عندها حق بكل اللي تقوله.. فعلا الظروف تغيرت عليهم..
طلع الوليــد من البيت وراح لكوفي شوب.. جلس يشرب كوب قهوة وتذكر أنه وعد ريــم أنه يفسر لها الحلم عند شيخ مفسر.. شاف الساعة كان باقي على أذان العصر خمس دقايق طلع من الكوفي شوب.. واتجه للمسجد.. دخل ومثل ماتوقع لقى الإمام موجود يقرأ القرآن.. بين الأذان والإقامة.. اتجه الوليــد يمه.. وجلس ينتظره لحد ماانهى الآيه..
الوليــد: السلام عليكم..
الإمام: وعليكم السلام ورحمة الله وبركاته..
الوليــد: الصراحه أنا يا ابو مهند جايك بطلب..
الامام: آمرني..
الوليــد: أبي رقم مشايخة تفسير أحلام القى عندك جواب؟؟
الامام: ايه نعم لكن أعطيك الارقام بعد الصلاة
الوليــد: ان شاءالله..
........................................ .......... ........................................ ......
دخل للبيت فرحان حاس بأنه معه الراحة لـريــم.. وحمد ربه أنه لقى ريــم و ابراهيم بالصالة..
الوليــد: ابراهيم متى بتسافر؟؟
ابراهيم: بعد شوي ليه عندك شيء
الوليــد: ريم فسرت الحلم عند مفسر أحلام..
ريم: من جد شقال لك؟؟
الوليــد: قال لي أن الشخص اللي حلم هالحلم هذا كاره أمر لكن هالأمر فيه خير له.. وأن هالشخص سوى أمر خلاه يكسب الأجر والثواب من الله..
ريــم وكأنها حست أنها فعلا ارتاحت لموضوع زياد وقالت: الوليــد شرايك بزياد؟؟
الوليــد: شجاب لجاب ياريم؟؟
ريــم: لا جاب ياوليد الأمر اللي أنا كارهته هو أمر زياد..
الوليــد: ريم أنتي أخذتي رأيي من قبل وأنا قلت لك زياد خوش رجال..ويستاهلك..
ريــم: طيب أنت متضايق يا الوليــد؟؟
الوليــد حس بغصة بقلبه لما سألت ريــم هالسؤال ولكنه قال: ريــم ارضي بقضى ربك اللي مالك مفر منه والحمد لله اللي طحتي في يد زياد مو في يد أحد مايعرف قيمتك..
ريــم: الحمدلله على كل حال..
ابراهيم: زين يالله ريــم جيبي شنطتك أوديك..وأنا بروح أكلم ابوي ..
الوليــد: وين ان شاءالله
ابراهيم: ريــم بتروح بيت خالي..
الوليــد حس أن الحل اللي وصلت له ريــم هو الحل الأفضل ممكن ابتعاد ريــم عنه وابتعاده عنها في خير للطرفين بحيث كل واحد يحاول يتأقلم على الظروف الجديدة..

استقبلتها زوجة خالتها بكل حب.. احتفت فيها انبسطت ان ريــم شرفتهم عندهم كم يوم بالقليل يكملون باقي الجهاز سوا.. وتعطيها أم ندى النصايح قبل الزواج واللي بقى عليه 3 شهور..
وهي بعد حست روحها مرتاحة أكثر في بيت خالها..
أم ندى: الا ريــم بسألك شسويتي بالفستان الأبيض..
ريــم: عند المشغل البروفه السبوع الجاي...
أم ندى: ناقصك شيء من الجهاز تبين نكمله سوا..
ريــم: لا الحمدلله خالتي أم فيــصل كملت لي كل شيء.. وأصلا أهل العريس ماقصروا
أم ندى: وأنتي وين موقعك في الإعراب..
ريــم: أنا ماادري؟؟ أنا بعدي صغيرة ومو فاهمه بالمواضيع هذي خالتي تعرف فيها..
أم ندى: لا ياريم لازم بكره أطلع معك للسوق ونشوف كم فستان حلو لك أنتي ذوقك مايعلى عليه..وبنشوف التيورات سوا يمكن تلقين لك كم تيور حلو..
ريــم: بس أم زياد قالت لي.. لا تجهزين واجد لأنهم اخذوا مقاساتي وأرسلوها للبنان وجهزوا الفساتين بمقاسي..
أم ندى: ولو لازم يكون لك كم فستان وتيور تدخلين فيها عليهم.. مايصيركذا تدخلين ويد ورا ويد قدام..
ريــم: صدقتي..
أم ندى: أنا دخلت فستاني عند المشغل وبكره البروفه تشوفينه ان شاءالله معي..
ريــم: ان شاءالله..
ودق جوال ريــم قطع عليهم حديثهم...
ريــم تغير وجهها بعد ماقرأت الإسم..أم ندى حست فيها قامت من عندها وقالت أتركك تاخذين راحتك مع زرجك.. ابتسمت لها ريــم وهي تقول بقلبها ماتدرين عن شيء..وردت على زياد..
ريــم: مرحبا..
زياد: هلا بالصوت عاش من سمع صوتك..
ريــم: عاشت أيامك..
زياد: شفيك تقولينها كذه كأنها مو من قلب طالعه؟؟
ريــم: لا ماكو شيء.. بس متضايقة
زياد: من مين؟؟ ماعاش من ضيق خلقك..
ريــم: لا بس كذه..
زياد: بس كذه؟؟ مافي ضيق يجي من لاشيء؟؟ريم بأمرك الحين أسولف معك شويه
ريــم: أنا في بيت خالي ماني في بيت أهلي.
زياد: كيف يعني بتباتين عند خالك؟؟
ريــم: ايه بأبات عنده اسبوع تقريبا.
زياد: ريــم أنا عندي كلام كثير نفسي أقوله لك ولازم أشوفك.. طيب أجي لبيت خالك؟؟
ريــم: هاه تجي بيت خالي؟؟
زياد: شفيك تخوبليتي كأن أحد قارصك أنا أبجي أشوفك فيها شيء؟؟
ريــم: لا مافيها شيء أكيد بس أنا مااستعديت..
زياد: مو مهم لكن أنا بقلبي كلام ضروري أقوله لك..
ريــم تقريبا دفعها فضولها تعرف هالكلام..أو شي ا دفعها انها تتكلم معه؟؟ لكن بلا شك هي بدأت تحس بالراحة له.. بس محتاجة شوية وقت..
وصفت له بيت خالها ووعدها أن مسافة الطريقو وبيكون عندها.. قامت بدلت هدموها وحطت ميك أب خفيف وجهزت صينية العصير ومسكت جوالها وجلست في المجلس تنتظره..
كانت تفكر بينها وبين نفسها شبيكون الكلام اللي عند زياد واللي ماقدر يقوله في التليفون أكيد موضوع كايد.. قطع تفكيرها صوت جوالها يرن..
ريــم: هلا بك
زياد: هلا ريــم.. أنا عند الباب تعالي افتحي لي...
ريــم: طيب الحين بجيك..
وراحت تركض شالت بنت خالها الصغيرى ندوشه ومسكت يدها وراحت للباب.. تحس أن قلبها بيطلع من محله خايفة متوترة.. عمرها ماسوتها كأنها بتستقبل شخص غريب عنها..
فتحت الباب ببطء.. زياد دخل.. ومد يده وهو يقول: تسلمين ولا للحين تخافين؟؟؟
مدت ريــم يدها وهي خايفة وحطت يدها في يده.. شد زياد قبضة يده على يدها بيسوي فيها مقلب لكن مع التوتر اللي كان مخلي كل خلية في جسم ريــم تتحرك خلاها ماتحس بضغطة يده لحد ماخاف زياد أنه يكسر يدها وفك يده عنها..التفت على ندوشه وهو مبتسم ويقول: من هالأمورة الصغنونه؟؟
ريــم: هذي... ذي بنت خالي ايه بنت خالي ندوشه..
زياد مسك البنيه وحبها.. وشالها معه.. وهو يقول لريم: الى متى بتوقفيني على الباب؟؟
ريــم: لا تفضل آسفة نسيت أدخلك..
زياد: لا ماعليه شكلك حيل خايفة ترى والله ياريم أنا ماآكل لحوم بشر..صدقيني..
ابتسمت ريــم وهي تحاول تخفي التوتر في عيونها..
دخلت زياد للمجلس وخلت معه ندوشه وراحت تجيب العصير.. لما رجعت لقت ندوشه حطت راسها على صدر زياد ونامت..
زياد: مفروض تغارين من هالأمورة؟؟
ريــم مدت يدها بتاخذ ندوشه من زياد عشان تدخل البنيه داخل..
زياد: هيه شتسوين؟؟
ريــم: بآخذ البنيه أدخلها داخل..
زياد: لاعاد بتدخلينها وأنتي في حالة التوتر هذي بعد شوي تطيحين البنيه من بين يدينك وأنتي مو حاسه في روحك.. خليها بحضني..
ريــم: زين أنادي الخدامة تجي تشيلها..
زياد: وأنا اشتكيت لك؟؟ أنا مرتاح كذه أصلا أنا جنوني الأطفال.. وكل مايسوون من شقاوة أحب شقاوتهم مو بس أحبهم أعشقهم..
ريــم: والعمل يعني؟؟
زياد: العمل تشيلين البنيه انسي!! كل اللي بتسوينه اجلسي مرتاحة وأنا بخلي ندوشه على حالها.. والله شكلها يجنن ملائكي تعالي شوفيها...(( كانت ندى حاطه راسها جهة زياد))
ريــم: أعرف وانت تخبرني عنها يعني.. هذي ندوشه البنت المزيونه..
زياد: أنتي بس تعالي شوفيها والله تجنن..تعالي ترى والله أني حبوب ماآكل..
تحركت ريــم لحد ندى بتشوفها ومع انها متحركة لنى الا أن المسافة اللي كانت تفصلها عن زياد وندى كبيرة نوعا ما.. واكتفت انها تطالعها من بعيد..
زياد: شهذا ياربي تعالي قربي أكثر..
قربت ريــم أكثر ومن قربت.. الا وسحب يدها زياد وجلسها جنبه على الكنب.. شهقت ريــم وكانت بتصرخ بعدها بس زياد.. مسك فمها..
زياد: شبلاك يابنت الناس؟؟ والله اني حبوب..
ريــم كانت تطالعه بعيون كلها قهر وكأنها ودها تطحنه..
التفت زياد على ندى وقال لها: ندوشه خلاص ماما قومي خلصت اللعبة.. وطلع من جيبه حلاوة صغيرة وأعطاها اياها..
ريــم مستغربة ومو فاهمه ان كل اللي طاف كان لعبة حبكها زيود وندوش..
ندوش: باااي عمو زياد بلوح يم ماما..
زياد: الله معك ياأمورة..
والتفت زياد على ريــم لقاها بعدها في حالة الذهول.. اقترب من يمها شويه.. لكن ريــم ابتعدت لجنب أكثر وقرب يمها وابتعدت ريــم لجنب..
زياد: بس يبه على هالحاله ناصل نهاية المجلس..

الجزء 50

ريــم: زياد احترم حالك وخلك في مكانك لاتقرب أكثر..
زياد: أفااا ياريم... أنا للهدرجة هذي أخوف؟؟
ريــم ارتبكت من سؤال زياد.. وطمست راسها وغطى وجهها بعض خصلات شعرها..
زياد: زين بس خلاص لا تقطعين من هالحيا.. شوفي الموضوع اللي كنت بكلمك فيه هو أننا لازم نتعرف على بعض أكثر أنا ماأعرف عنك غير أنك ريــم عبدالله قسم حاسب سنة أولى..
ريــم: شبتعرف زيادة؟؟وهذا اللي عندي بقوله لو بغيت أعرفك على روحي أكثر
صوب زياد عيونه تجاه ريــم وطالعها وقال: عيونك تقول غير كذه..
ريــم: أنا اللي أتكلم ولا عيوني؟؟
زياد: اثنيناتكم... بس ماعليه هالخوف بيروح مع الوقت.. خليني أعرفك أنا عن نفسي أكثر..
أنا ولد وحيد من بين بنات والحمد لله أبوي مدللني.. وتنهد بقوة وقال: وملبي لي كل طلباتي..
ريــم: أها طيب أنا شأستفيد من هالمقدمة اللي شطولها؟؟
زياد: تستفيدين أنك تعرفيني أكثر تعرفين طبايعي أكثر.. ولا ماودك..
ريــم: زين كمل قول كل اللي عندك..
زياد: ريــم شرايك نطلع نتمشى بحديقة البيت مو أحسن؟؟؟
ريــم على طول قالت: لأاااااااا وبعدين أدركت الموضوع وقالت: أقصد بالسموم نتمشى؟؟
زياد ابتسم وقال: As you like..
سكت زياد شوي وقال: ريــم أنا وانت محتاجين للوضوح أكثر.. محتاجين للصراحة ساعديني ياريم أساعدك..
ريــم: شأساعدك فيه أنا كل اللي عندي أنت تعرفه..قسم حاسب سنة أولى يتيمة الأم.. عايشة في بيت أبوي مع اخواني من الأبو..
قاطعها زياد وكأنه يضيف معلومة: وولد عمك الوليــد أيضا ساكن مع أخوانك من الأبو..
ريــم تلعثمت بالكلام شوي لكنها قالت: وأنت شلك في ولد عمي؟؟
زياد: ريــم أنتي مو متكلمة خليني أنا أبدأ وأتكلم وأقول لك قصتي..
ريــم: قصتك؟؟ ماقالوا لي أهلك انك تألف قصص لما جوا يخطبوني؟؟
زياد ابتسم وقال: حلوووووة منك.. لكن أنا قصتي غير عن كل قصص التأليف قصتي واقعيه مو من نسج الخيال..
ريــم حست أنها مشدودة أنها تسمع قصته نفسها تعرف شالقصة هذي اللي بينت على ملامحه الضيق لما نطق فيها..
زياد: أنا يا ريم حبيت بنت خالي من يوم كنا صغار.. حبيتها بكل مافيني لكن...
ريــم: لكن شنو شصار؟؟
زياد: لكن الله فوق كل شيء.. أبوي كان على خلاف مع أبوها..خلاف دائم..
ريــم: خلاف على شنو.. على شنو يتنازعون؟؟
زياد: علو وسخ دنيا على فلوس يتنازعون..فكرت أتقدم أخطبها.. كان وقتها عمري20 سنه وهي عمرها 18 سنة.. لكن أبوي رفض وبقوة أني أتقدم لها.. وبعد محاولات اقناع عده بكل الوسائل والطرق المشروعة.. وافق.. ورحنا نخطب بنت خالي من ابوها.. حسيت وقتها أن حلمي بدأ يتحقق وأن الدنيا ابتسمت لي... وان عمري ماأكون تعيس بعدها.. وفعلا رحنا بيتهم وتقدمنا لخطبتها وكان رد أبوها اللي هو خالي طردنا من بيته.. بعدها حسيت أن الدنيا اسودت في وجهي.. انقلبت حياتي لجحيم تأخرت عن دراستي الجامعية.. ماعدت أختلط بأهلي والناس اللي حولي مثل الأول فقدت روح الفكاهه..لحد ماتغير رأي خالي وفجأة وافق على زواجي من بنته استغرب ابوي سبب موافقته المفاجأة وهو اللي كان رافض الزواج وبشدة جاء لحد أبوي يعتذر ويطلبني لبنته..كان ابو البنت مستعجل يبي يتم الزواج بأسرع وقت.. كنت فرحان ياريم ماأخبي عنك شكثر كنت فرحان.. فعلا حلمي اللي اعتبرته صعب المنال الان اصبح مناله في يدي.. بدأ أبوي تحرياته الخاصة سأل جيرانهم سأل أولياء أمور صديقاتها أبوي حس بأن الموضوع فيه شيء.. وفعلا احساس ابوي ماخاب.. فعلا كانت البنت..(( وخنقت زياد العبرة لكنه تدارك نفسه)) كانت البنت حامل بطريقة غير شرعية وأبوها بيلملم الفضيحة اللي صارت لها وبيزوجني اياها باسرع وقت.. كان آخر شيء أتصوره هو أن هالبنت اللي حبيتها بكل مافيني.. تكون أخلاقها بالشكل هذا... وطبعا أبوها جاء وترجاني أستر عليها وأتزوجها لكن ماعاد لي نفس ولا أسمع طاري اسمها كان نسيانها صعب.. انقلبت حالتي صرت مثل المجنون ماغير أناديها.. وأعاتبها.. عز على أبوي يشوفني بالحالة هذي حاولوا معي بشتى الطرق عرضوا علي الزواج من وحدة ثانيه لكني كنت توني طالع من تجربة قاسية وماحبيت أفتح تجربة جديدة.. لحد ماسمعت اسمك مع امي واللي غير لي مجرى حياتي تبدلت أوضاعي صحيت من غيبوبتي.. كانت أمي تمدح في جمالك وخالتي تشكر بأخلاقك.. وأول شيء كنت أسأله عن البنات اللي يعرضن علي.. أخلاقهم كيف؟؟ وآخذ أدق التفاصيل عن أخلاق البنيه بعدها أفكر فيها بتمعن عرضت أمي علي يجي 15 بنت من صارت سالفة بنت خالي.. وكنت أرفضهم..لحد ماجاء طاري اسمك..قال لي أبوي يومها أن مصلحة للطرفين من هالزواج.. أنتم تسددون ديونكم... وأنا أفتح صفحة جديدة في حياتي..وهذاني أمامك مرت على قصتي 8 سنين.. وهذي كل قصتي ياريم.. وهذي الصراحة والتفت زياد على ريــم بيشوف تعابير وجهها.. كانت تمسح دموعها وتقول: أوووه قصتك مرة مؤثرة..
زياد: لكن أنا اعتبرها كرامة من الله فضح ربي البنت.. وطلعها على حقيقتها.. قبل لا أتورط فيها... وغير زياد نبرة صوته... تعالي شبلانا احنا قلبنا درامي؟؟
ريــم: قصتك غصب تقلب الواحد درامي..
زياد: وهذي هي كل قصتي .. ماودك تكلميني أنتي عن نفسك؟؟ تعبت من كثر الحكي..
ريــم: أممم لا خل التعرف علي وقت ثاني .. أنا الحين مالي خلق أقولها..
زياد: مو مشكلة نخليها وقت ثاني..عسى ماتظايقتي من صراحتي؟؟
ريــم: لا بالعكس ليه أتظايق تدري أنك كبرت في عيني أكثر بعد ماقلت قصتك بشجاعة..
زياد ابتسم وهو يقول: أشوى..الى متى بتتمين هنا في بيت خالك؟؟
ريــم: ماادري يمكن لأسبوع اذا مااحتجت أمدد المدة..
زياد: لا يامعوده مالي خلق أضرب مشوار كل يوم من بيتنا لبيت خالك بيت خالك بعيد..
ريــم: اوووف والله هذي مشكلتك لازم تاخذ على الوضع أصلا..
زياد يطالع الساعة ويقول: الله تدرين الساعة 1ونصف ماأسرع مامر علي الوقت..
ريــم: أوووه على بالي 10 ونصف 11 الا بالكثيييير
زياد: أخذتنا السواليف فشله من خالك.. عسى مايقول شالضيف الثقيل
ريــم: لاااا خالي مايسويها خالي حبوووب
زياد: زين يالله أجل أستأذنك..
ريــم وهي واقفه وتمد يدها بتسلم على زياد: الله معك..
زياد وهو يحط يده في يد ريم: كولييش وأخيرا اقتنعتي اني حبوب ماآكل ومديتي يدك تسلمين
ابتسمت ريم ولا ارادي طمست راسها.. مسك طرف وجهها السفلي بيده ورفعه لفوق وهو يقول: ياأنك حيويه بشششششششكل.. بس يعجبني حياك حيا البنت يحليها..
وطلع زياد من عند ريــم.. راحت ريم للمجلس شالت الصينية وانتبهت لجوال يرن.. حاولت تلحق مصدر الصوت ولقته كان جوال زياد نساه عندها..قفلته.. شالته معها.. وطلعت للصالة.. كانت الأنوار طافية والهدوء يعم المكان عرفت ريــم ان الكل نايم..صعدت غرفتها وانسدحت على السرير تفكر في زياد..لكن بسرعة تحول تفكيرها لوليد وصارت تتذكر قصتها معه... وتفكر لوقالت القصة لزياد.. شبيكون موقف زياد..
..... كان يتقلب على السرير ومن كثر التفكير كأن عقله انشل.. يحس بالحنين للأيام الحلوة اللي فاتت.. يحس بالحنين لـفيــصل لـريــم.. وطرت في باله ريــم حس أنه بيختنق كان يظن أن بعادها عن نظر عينه في مصلحه له بحيث أنه يتأقلم على فكرة نسيانها لكن كان الكلام سهل والتنفيذ صعب موت مو قادر يمنع تفكيره عنها ولا يمحي صورتها بالفستان العنابي من ذاكرته.. ولا هو قادر ينسى معها الأيام اللي طافت.. مسك جواله كان يبي يطمئن عليها لكن تذكر كلمات أم فيــصل اليوم له..(( لا أنت تغيرت ولا ريــم تغيرت ولكن الظروف تبدلت))
رجع جواله محله.. ورجع راسه على المخده.. وكان يحاول أنه ينام....
دق جوالها قامت على صوت الجوال مزعوجه.. مسكته كان زياد بيت يتصل بك.. وبدون لهجة التذمر اللي كل مرة تقولها.. ردت بلهفة..
ريــم: ألووو
زياد: صباح الخير بعدك نايمة؟؟
ريــم: كم الساعة الحين؟؟
زياد: الحين الساعة 2 الظهر..
ريــم: الله الظاهر أمس طولنا بالسهر..
زياد: زين ريم بسألك.. أمممم جوالي ضايع مانسيته عندكم أمس؟؟
ريــم كانت حابه تسوي له مقلب: جوالك لأ ماشفته لكن أروح الحين المجلس أتأكد
زياد: أوكي ودقي خبريني..
ريــم: ان شاءالله..
قفلت الخط من زياد وهي تحاول تكتم ضحكتها.. قامت من السرير بدلت ومسكت جوالها ودقت على بيت زياد..
......: نعم..
ريــم خافت وأدركت أن هالصوت موصوت زياد لكن من يكون لاصار مو صوت زياد؟؟
......: نعم؟؟
ريــم بتردد: السلام عليكم..
......: وعليكم السلام نعم؟؟
ريــم: أمم زياد موجود؟؟
......: من اللي يبيه؟؟
ريــم: أنا ريــم..
......: هلا ريــم هلا بنتنا شأخبارك ماعرفتيني؟؟
ريم: لا والله ماعرفتك مين؟؟
......: أنا خالتك أم زياد نسيتيني..
ارتاحت ريــم لما درت أن هالحرمة هي خالتها أم زياد
ريــم: هلا خالتي هلا والله آسفة ماعرفتك..
أم زياد: لا عادي بكرع تتعودين على صوتي..هذا زياد جنبي ذبحني بيكلمك.. مع السلامة
ريــم: مع السلامة خالتي..
زياد: هلا ريــم هااااه لقيتي جوالي؟؟؟
ريــم: لا مالقيته.. حاولت أدق عليه من جوالي كان مقفل؟؟
زياد: الظاهر عليه العوض ومنه العوض..
ريــم: يالله ياولد الحلال يفدااااك..
زياد: زين أنتي مشغولة اليوم أسير ولا ماأسير؟؟
ريــم: ماادري شبيصير علي اليوم لكن أخبرك يكون بيننا اتصال..
زياد: كيف يكون بيننا اتصال وماكو جوال معي؟؟لكن تدرين كيف ارسلي رساله لجوال ولد عمي أنا دايما أكون وياه واذا ارسلتي أتصل عليك..
ريــم: لاااا استحي..
زياد: من شنو؟؟؟ لاعادي يابنت الحلال أنتي بس بترسلين رساله
ريــم: أوكي زياد يصير خير معي خط ثاني الحين أكيد بنت عمي بتقول لي ليه ماجيتي الكلية اليوم..
زياد: ايه صح انتي عندك مدرسه ولازم ماأعودك السهر كيف راحت عن بالي هذي؟؟
ريــم: أوووووف لا تتريق تكفى تراك في يوم من الأيام كنت مثلي...
زياد: يالله بس بااي لا الحين بنت عمك تذبحك..
ريم: الله معك يالله باااااي
وردت ريــم على الخط الثاني مثل ماتوقعت ريــم نهلا هي المتصله..
ريــم: أعتذر عن غيابي.. وذلك نظرا لظروف الطالبه التي ألمت بها..
نهلا: آسفة عذرك غير مقبوووول
ريــم: أفااااا ليه؟؟ مع أنه موقع من ولي الأمر؟؟
نهلا: موقع من زياد مثلا..

الجزء 51
--------------------------------------------------------------------------------

ريــم: اسكتي يانهلا ماقلت لك أمس زياد جاء لمي وصرنا نسولف لحد الساعة1ونصف.. أخذتنا السواليف
نهلا: شااااااااااااطرة يالبنت النجيبة..
ريــم: ههههههههههه الله يقطع سوالفك
نهلا: على فكرة البنات كلهم يسلمون عليك كثير السلام ويباركون لك بالملكة ويقولون عقبال لنا
ريــم: الله يسلمك ويسلمهم من كل شر...
سولفت ريــم شوي مع نهلا بعدين استأذنته ونزلت عند زوجة خالها..
أم ندى: شالحركات من ورانا ياريم أمس؟؟
ريــم ابتسمت وقالت: أخذتنا السواليف وماحسينا بالوقت..
ضحكت أم ندى وقالت: زين يالله
ريــم: وين يالله؟؟
أم ندى: يالله جيبي عباتك موعد البروفه حقت فستاني..
ريــم: ايه صح والله نسيتها.. تصدقين..
وراحت ريــم مع أم ندى للمشغل يشوفون بروفة الفستان...
........................................ .......... ........................................ .
كان متركي على مركى الصالة ويحاول يمنع تفكيره في ريــم لكن عبث كل اللي قاعد يسويه..
لينـا كانت تكلم بالتليفون ومبين عليها مبسوووطه من الخبر اللي تسمعه بالتليفون..
وبعد ماقفلت الخط.. التفتت على الوليــد وأمها وهي تقول
لينـا: أبشررررررررررررررررركم شهلا اليوم داومت بالمدرسة..
الوليــد بان عليه السرور ولكن مو من قلب:أحسن لها من جلسة البيت..
أم فيــصل: اي والله أحسن لها من جلسة البيت هذا المفروض انها من زمان كانت مسويته..
ديمـــه: كانت جايه تركض من بعيد.. ومعها مجله وتقول: يمه يمه يمه..
أم فيــصل: شفيك بسم الله عليك
ديمـــه: شوفي هالفستان حلو أخيطه لزواج ريــم؟؟
أم فيــصل: والله ياابنيتي أنتي بثالث ثانوي وانا على بالي أنك الحين تذاكرين!!
الوليــد بان عليه الضيق يوم سمع طاري زواج ريــم قام من مكانه.. واتجه للباب بيطلع بره..
أم فيــصل تهمس: زين كذه زعلتيه وحنا اللي فرحانين أنه أول مرة يجلس معنا..من بعد رجعتنا من سويسرا
ديمـــه: يمه الوليــد لازم يتعود على أنه يسمع هالسالفة مايصير نداري عنه ونفجعه بعدين أننا خططنا للزواج..لازم يشاركنا هو عشان يحاول يتأقلم مع الوضع..
أم فيــصل: هزت راسها ايجابا وهي تقول: يمكن معك حق؟؟
........................................ .......... ..................................
رفع ابو ابراهيم الجوال وهو يبتسم ويناظر المتصل..
ابو ابراهيم: هلا وغلااا
........: هلا فيك يبه وش أخبارك؟
ابو ابراهيم: تمام الله يسلممممك وينك يا ابراهيم مالك جيه؟؟
ابراهيم: أمممممممممم يمكن يمكن الأسبوع الجاي بس ماقلت لي وش سويت بموضوعي؟؟
ابو ابراهيم: اذا جيت نتفاهم عليه أنت بس تعال..
ابراهيم: بكراا عندك أجل تآمرني شي..
ابو ابراهيم: بهالسرعه!! هههههههههههه سلامتك ماأبي غيرها..
ابراهيم: استودعتك الله..
ابو ابراهيم: فمان الكريم..
........................................ .......... ........................................ .......
ماكذبت خبر ترد من المشغل وعلى طول أرسلت رساله لولد عم زياد(( اذا زياد عندك خله يكلمني اذا يقدر))
وماهي الا دقايق ورن الجوال..
ريــم: ألووو
زياد: زياد يقدر يكلمك أفااا بس زياد لو مشغول فضى روحه عشانك..
ريم: الله يسلمك مشكووووور...
زياد: أجي الحين؟؟
ريــم: أممم تقدر بس عطني خبر أول ماتطلع عشان أتجهز
زياد: أوكي.. خلاص الحين أنا ربع ساعة وأنا عندكم..
ريــم: حياااااااااك الله..
مسكت ريــم جوال زياد وهي تبتسم..وحطته داخل كرتون هدايا صغير...وربطت الكرتون بشريطه حمراء ناعمه..
وبدلت هدومها ونزلت.. حطت الهديه على الطاولة جنب صينية القهوة.. وجلست على الكنب تنتظره..
ندوش جت لمها وقال لها: حالتو أنت ليس قاعده لحالك هنا؟؟؟
ريــم: تعالي ندوشه اجلسي معي ابسولف وياك.. أنا جالسة أنتظر عمو زياد..
ندوشه وهي تجلس في حجر ريــم وتقول.. حالتوو ليث عمو زياد يدي دايما هنا؟؟
ريــم: أممم عشان هو زوجي...
حست كأن كلمة زوجي طلعت من قلبها بغصة هي صحيح بدأت تحاول تتأقلم مع وضع زياد وفكرت بزياد من كل النواحي غير من ناحية أنه زوجها حست كأن هالنقطه غابت عن بالها.. هي ماتنكر أنها بدات تعز زياد لأن زياد حبووب والكل يحبه من أول جلسه وياه حتى الوليــد حبه من أول جلسه جلسها وياه.. لكن فكرة زياد زوجها حست أنها غابت عنها..
ندوش تلف وجه ريــم لها وتقول: حالتو أكلمك ليه ماتردين علي؟؟
ريــم: آسفة حبيبتي بس بغيتي شيء؟؟
ندوش: قولي لعمو زياد يديب لي حلاوة..
ريــم قبصت خد ندوش وقالت لها: ياحبك حق الحلاو..
تذكرت ريــم أن زياد يفضل العصير أكثر من القهوة لأن جسمه صحي ومايبي يخربه على قولته..
قامت اتجهت للمطبخ.. وحطت كاسين عصير في صينية..وجابتها على طاولة المجلس.. سمعت صوت جرس
ريــم تكلم ندوش: جاء عمو زياد..
ندوش ارتسمت ابتسامه على وجهها البريء.. وقالت: نلوح نفتح له يالله حالتو..
ريــم: طيييب
فتحت ريــم لزياد وسلمت عليه مصافحة ودخلته للمجلس.. طبعا هو جلس وحط ندى في حظنه.. ومسك كاس العصير.. قربه من شفته بيشرب منه..
ندى بكل براءة الطفوله: ابي عثير
ريــم: ندى حبيبتي عيب روحي قولي للخدلمة تحط لك عصير..
زياد: لا خليها ماعليها وأعطاها كاسه..
ريــم: آه على فكرة زياد.. هذي هدية متواضعة لك.. ((ومدت له الهديه))
زياد: هذي لي؟؟ شكرا من زمان ماأحد أهداني..
ريــم: العفو بس لا تفتحها الا اذا ركبت السيارة..
زياد: ليه؟؟
ريــم: بس أيتحي..
زياد: ايه ماعليه أهم شيء هدية.. وحس زياد بشيء بارد انكب عليه طمس راسه.. كانت ندى ماسكه الكاس مايل وانكب على حجر زياد..
زياد: أفاااا شهذا؟؟
ريــم شهقت وقالت: ندوشه شسويتي؟؟
زياد: لا خليها عادي.. هي طفلة..
ريــم: ندى قومي روحي للخدامة يالله بسرعه..ندى دفنت روحها بين أحضان زياد وكأنها تحتمي فيه.. زياد ضمها وقال لـريم: ليش متضايقة حدك أنتي ترا عادي
ريــم: افسخ البنطلون أعطيه الشغالة تغسله..
زياد باستغراب: لا عااااد قولي قسم؟؟
ريــم ضحكت لأنها مافكرت بالنقطة هاذي..
زياد: ؟؟ ماعليه خليه أنا أول ماآصل البيت أعطيه خدامتنا تغسله..
ريــم: براحتك..
زياد: وعدتيني تكلميني عن نفسك اليوم.. هااااه ؟؟ هاااااتي
ريــم: زياد.. أمممم أنت ليه مصر تسمع شيء من الماضي؟؟
زياد: لأني قريت في عيون الوليــد يوم الملكه كل شيء وعرفت ليه أنتي تزوجتيني..
ريــم: لا لاتظن أني تزوجتك عن طمع.. أنا...
قاطعها زياد وهو يقول: أنتي حبيتي تساعدين أهلك وضغطتي على نفسك في سبيل سعادتهم أنا عارف هالشيء.. وأحسك تكبرين بعيني كل ماأتذكره.. دستي على حبك عشان خاطر تشوفين أهلك بسعاده..
ريــم مسحت دموعها وقالت: زياد أنت شاب متفهم جدا.. أنت سهلت علي نصف الطريق..
زياد: أنا ياريم مابي أطالبك بأنك تنسين الوليــد.. لأني عارف أن النسيان صعب لكن أبيك تعيشين حياتك معي أنا كزوج.. وصديق.. وأم وأخت وكل شيء بدنيتك.. ومع الوقت والعشره بتشوفين شيصير..
ابتسمت ريــم ابتسامة راحة ورضا.. وبقلبها تقول: فعلا على نياتكم ترزقون..
قضت ريــم وقت حلو مع زياد وعند الباب ودعها زياد.. وركب السيارة.. أول ماركب السيارة.. فتح كرتون الهدية وضحك لما شاف جواله.. فتح الجوال على طول وراح لمحل بيع مجوهرات شرى خاتم ألماس ناعم وحلو وحطه في علبه حلوه.. ودق عليها يقول لها..انزلي خوذي مني غرض أو ارسلي أحد ياخذه..
ارسلت ريــم الخدامة وجابت الغرض.. أعطت الخدامة الغرض ريــم وراحت.. فتحت ريــم الكيسة وانبهرت بشكل الخاتم لبسته على اصبعها أعجبها شكله مرة.. وسمعت صوت الجوال جاها مسج.. فتحتها كانت تقول(( شوفي كيف الناس يهدون)) ضحكت من خاطرها.. وحمدت ربها على زياد اللي ارسله الله لها ينقذ أهلها..
........................................ .......... ........................................ .......... .....................................
وصل الوطن وهو مبسوط اليوم بكلم أبوه بموضوعه بجديه والله يستر!! دخل البيت وهو شاق الحلق ضحكه..
الوليــد: حمدلله على السلامة يالشيخ..
ابراهيم: الله يسلمممك وين أبوي وين أبوي؟؟
الوليــد: الحين يجي استريح عسى ماتعبت بالسفر؟؟
ابراهيم: لا كله تمام وميسر الحمدلله..
ابراهيم التوتر مبين عليه بس حاول يخفيه وهو يقول لوليد: وليد ماتري شصار على موضوعي؟؟
الوليــد: أمممممممم شنوو؟ أي موضوع؟؟
ابراهيم: موضوع الزواج!!
الوليــد: ههههههههههه لا والله ماسمعت شي
ابراهيم: هقوك أبوي يرفض؟؟
الوليــد: أممممممممممممممم مدري بصراحه بس ماأعتقد عمر عمي الله يحفظه ماوقف بطريق أحد مننا مو ياقف في وجه زواجك عاد!!
ابراهيم: الله يسمع منك..
جت أم فيــصل قطعت كلامهم.. وهي تقول: حيا الله المعرس
ابراهيم اختب يوم سمع هالكلمه وقام يسلم على خالته..وهو يقول: الله يسمع منك ياخاله
أم فيصل: ههههههههه لا تتسرع..
جلست أم فيصل معهم تسولف..دخل ابو ابراهيم مع الباب وضحك لمن شاف ابراهيم بالبيت..سلم ابراهيم على ابوه..وبدون تردد..قال: يبه ريحني وش قلت بالموضوع..
أم فيــصل: هههههههه مستعجل؟
ابراهيم: اي والله..
ابو ابراهيم: أممممم ياوليدي أنت داري أن البنت أكبر منك؟؟
ابراهيم: اي يبه داري وعارف ومهو عيب ولا حرام آخذ وحده أكبر مني خديجه زوجة الرسول عليه الصلاة والسلام كانت أكبر منه بـ20 سنه,,,
ابو ابراهيم: والله مقدر آقف بطريقك اذا أنت تبي هالشي لك حرية الاختيار..أنا سألت عن البنت وقالوا لي أنهم أجاويد..صحيح البنت تراها يتيمه..
ابراهيم بفرررررح: نقول مبرووك؟؟
ابو ابراهيم: خل نروح نخطبها من أهلها بالأول وش هالعجله عليه؟؟
الوليــد: لا تلومه ياعمي
ابو ابراهيم: وأنت ياوليد ماودك ندور لك على عروس؟؟
تنحنح الوليــد وبدل الابتسامه اللي كانت على وجهه بعلامات أسى وقال: لا ..
ابو ابراهيم: وراك ياوليدي..خلنا نفرح فيك قبل أموت مابقى بالعمر كثر ماراح..
الوليــد: الله يعطيك طولة العمر ياعمي بس رجاء لا تفتح هالموضوع..
احترم ابو ابراهيم رغبة الوليــد وأسكت عن الموضوع..
ابراهيم: احم احم يبه متى نروح يمهم نخطب؟؟
ابو ابراهيم: اليوم بكلم وأشوف..
........................................ .......... ........................................ .......... ..
حددت موعد خطبة الرجال..البيت مخترش اليوم ابراهيم بيروح يخطب..خاارش البيت كله..
جابت ريــم المبخرة وهي تقول للإبراهيم..تعال خل نبخرك يالمعرس..
ابراهيم وهو جاي لريم ويقول يلاااا بخري بخري..
ريــم: تضحك وهي تقول الله يوفقك ان شاءالله ويكب لكم الخير..
ابراهيم: آآآآمين..
زعق ابراهيم زعقه فجعت ريــم وهو يقول: وليدوووووووووه يكفي تمنظر شكلك أنت العريس وأنا مدري يلا خل نروح!!
ريــم: هههههه حايف لا ياخذ الجو عنك؟؟!!
ابراهيم: والله ماخفت منه خايف من الشيبه أبوي لا ياخذ الجو عني !!
ريــم: ههههههههههههههههههههههههههه لا لاوقفت على ابوي ارقد وآمن..
........................................ .......... ........................................ .......... ...
تنهدت أم فيــصل بعد ماطلعوا الرجال وهي تقول..يالله التوفيق بس..الله يوفقه ويوفق أخيته وبنات المسلمين..
ديمـــه: ويوفقني ويزقني العرس العااجل.
ريــم: خرشه أنتي بصراحه!!! جايك رزقك جايك وش مستعجله عليه؟؟
ديمـــه بابتسامه: مدري..
كانت ريــم جدا متوترة وخايفة لا يرفضون ابراهيم ويصاب هو بخيبة أمل..وكانت طول الوقت تدعي له..
إلا أن قطع دعوتها صوت جوالها..طلعته بترد..بقته زياد..طلعت برا الصالة وهي ترد: ألووو
زياد: يسعد مساك..
ريــم: هلا والله..
زياد: وينك أنتي فبيت خالك؟؟
ريــم: لا نسيت أنت مو قلت لك اليوم بجي بيتنا عشان اليوم بيروحون يخطبون لابراهيم ولازم أكون موجودة؟؟
زياد: يوووووووه والله نسيت وش صار عليهم؟؟
ريــم: طلعوا قبل قليل..الله يوفقهم ويختار لهم الصالح..
زياد: آمين..
وصارت تسولف ريــم مع زياد بسواليف ثانيه وتخبره عن تجهيزاتها للزواج..
ديمـــه طبت في ريــم وهي تقوب: طاااااااااالع الشاعريه بس..
زياد سمعها قلبها ضحكه من ورا السماعه..
ريــم: يدموه حلي عني عاد!!
ديمـــه: طيب طيب بذلف بكرامتي..
ريــم: يكون أحسن..
........................................ .......... ........................................ ..
كان الجو متوتر شوي.. ابراهيم مبين عليه التوتر..وهو ياكل تمرها ويدفعها بفنجال قهوة..
الوليــد كان جالس جنب ابراهيم مس بإذنه: بس فضحتنا تقل ماشفت تمر بحياتك عاشر عطش تمره تاكلها!!
ابراهيم: وش أسوي يا وليد والله متوتر صرت أسوي أي شيء من دون تفكير..
التفت ابراهيم وهو يشوف أخو فرح الصغير واللي يمكن هو أقرب واحد له بالعمر..ابتسم له ابتسامه بسيطه..
سامي(أخو فرح الكبير): بصراحه أبو ابراهيم أعطانا خبر من قبل واحنا سألنا عنكم وسألنا البنت وهي موافقه..
ابراهيم طارت عيونه وقال لوليد: ابوي سوا كل هذا من وراي؟؟
الوليــد: وأنت نايم بالعسل خخخخخ
سامي يكمل كلامه واللي وجهه لإبراهيم وهو يقول: كلمنا عنك يا ابراهيم ماسمعت صوتك كل الجلسه!!
ابراهيم تنحنح وهو يقول: أحضر الماجستير لقسم الادارة..بالامارات..
سامي: ماشاءالله تبارك الله..حلو الله يوفقك..
ابراهيم: الله يجزاك خير..
سامي: مستعد تشوف البنت الحين؟؟
ابراهيم تنحنح ماتوقع بالسرعه هذي تصير الشوفه بس قال: اذا أنتم مستعدين ماعندي مانع..
سامي: عن اذنكم أعطيها خبر بس..
ابراهيم+ابو ابراهيم: إذنك معاك..
دقايق ورجع سامي وهو يقول تفضل ابراهيم..
ابراهيم: زاد فضلك..
دخل ابراهيم على غرفه بسيطه جدا..جلس ع الكنب..وعيونه على الباب الثاني واللي توقع منه تطلع فرح وفعلا حصل اللي توقعه دخلت فرح ومعاها صينية عصير..والارتباك مبين عليها مره..تقدمت لابراهيم ولمن بغت تقدم له العصير بغت توقع الصينيه فحجره..بس ابراهيم تدارك الموضوع ومسك الصينيه معاها من الجهتين وحفظ توازن الصينيه..فرح احمر وجهها خجل.. ابراهيم ابتسم وقال: حياك فرح..حطت فرح صينية العصير على الطاولة وجلست مقابل ابراهيم وهي تناظر الأرض..مرت دقيقة بدون أي كلام..الا أن تكلم ابراهيم وهو يقول..كيف الشغل معاك؟؟
فرح: زين الحمدلله..
ابراهيم: عسى ماتتعبين من دوامين؟؟
فرح: أمممممممم تعودت تقريبا..
ابراهيم: الله يعين..
استأذنت فرح وقامت..وهي تقول عن اذنك..
ابراهيم: اذنك معاك..
رجع ابراهيم وسامي للرجال بالمجلس..جلس كل واحد بمكانه..
سامي: متى ماتبون الملكه احنا حاضرين وترانا مانبي زواج وطهبله..احنا ناس بسيطين ملكه وخذ زوجتك يا ابراهيم معاك..
ابو ابراهيم: براحتكم..خلاص أجل نشوف احنا الموضوع ونرد لكم خبر..
سامي: مثل ماتبون..
طلع ابو ابراهيم وعياله وأخوه من بيت أخوان فرح..وهم مبسوطين لفرحة ابراهيم...
ابو سلطان: الله يوفقك ياوليدي ويقدم لك الصالح..
ابراهيم: الله يجزاك خير عمي..
ركبوا السيارات.. الوليــد و ابراهيم بسيارة وابو سلطان وابو ابراهيم و ماجد بسيارة..
ابراهيم: تصدق أعجبتني بساطتهم!!
الوليــد: اي صحيح مره بسيطين هالناااس..يدخلون القلب..

الجزء 52


--------------------------------------------------------------------------------

تكابراهيم: الحمدلله..عقبالك ان شاءالله..
الوليــد تنحنح وهو يشد على الدركسون بقوة ويقول: الله يجزاك خير..
........................................ .......... ........................................
جلست ريــم هالليله عند أهلها عشان تشوف أخوها..وتشبع منه قبل زواجها وزواجه..
ريــم: متى قررتوا الملكه؟؟
ابراهيم: أمممممم أنا أفكر أخليها بعد بكرا..
ريــم: بهالسرعه؟؟
ابراهيم: ايه ملكه بعدين أعطيها اسبوع تجهز حالها وخلاااص..
ريــم: عجل ياخي أنت؟؟
ابراهيم: أحسن خير البر عاجله
........................................ .......... .......................................
اليوم ملكة ابراهيم كا مبسوط ع الآخر صحيح أنهم أخروا الملكه شهر عشان البنت تستعد ويكون ملكه وزواج مع بعض..لكن ابراهيم تحمس لهالفكرة وحسها أفضل من الأولانيه..شرط ابراهيم على فرح أنها ترك وطيفتها وتسافر معاه للإمارات وهي واقفت بالشي هذا..
حفلة الملكة كانت أقل من بسيطه..كان ماتتعدأ خوات فرح وحريم أخوانها وخوات ابراهيم وبنات عمه بس..
بكرا طيارة ابراهيم على لبنان بيقضون اسبوعين عسل فيها..كان ودهم تكون الفترة أطول بس ماقدروا لأن ابراهيم ماعنده إجازة...
جاء المملك..وطلب من العريس(ابراهيم)أنه يقول وراه وبدأ يتكلم ويقول..أقبل أنا ابراهيم بن عبدالله......
كان صوت ابراهيم يروح ويجي من الخوف..بعد ماأنتهى حس انه سو جهد عظيم بقى سماع موافقة العروس وتوقيعها وتصير فرح زوجته على سنة الله ورسوله
جت أخت فرح تركض لفرح وبيدها دفتر..وهي تقول لها..وقعي ياعروس الله يوفقكم..
مسكت فرح القلم بارتباك...وقعت توقيعها وهي تفكر أنها الحين صارت زوجة ابراهيم على سنة الله ورسوله..
وكلها نصف ساعه بالكثير..وودعوا العريسين للفندق..
بالسيارة كان ابراهيم اللي يسوق بتوتر مو عارف كيف يتصرف ولا يتكلم..بس قطع الصمت وهو يقول..
تبين شي نتعشا فيه؟؟
فرح بصوت متقطع : لا لا مو مشتهيه..
ابراهيم: كيف مو مشتهيه ماتعيشيتي أنتي؟؟
فرح: لاااا... الا الا تعشيت
ابراهيم ابتسم لفرح ووقف السيارة ونزل منها بيجيب عشاء خفيف لهم...
واتجهوا للفندق بعشاهم..والساعه 6 الصباح انطلقوا للمطار عشان يلحقون على رحلتهم الساعه 8...
........................................ .......... ........................................ ...
وصلوا لبنان وهم تعبانين شويه..كانوا مستأجرين سويت في عالي الجبل استغرق صعود الجيل حوالي 10 دقايق..لمن وصلوا القمة..ونزلوا من السيارة..ضمت فرح يدينها لبعض وهي تقول الجو بارد شويه..
ابتسم ابراهيم وهو يخلع جاكيته ويحطه على كتف فرح..ويضم فرح له وهو يقول..أنا أدفيك..
ابتسمت فرح بخجل..وماعارضت حركة ابراهيم ابد..
........................................ .......... .
قضوا في لبنان اسبوعين ماينتسون بحلوه..تعرفوا على بعض أكثر..تكلموا عن المواقف اللي مرت لهم بحياتهم..حس ابراهيم بحب فرح اللي يغرقه وحست هي بحب ابراهيم اللي غرقها..الجلسه حلوة بلبنان والجو أحلى لكن كانوا مضطرين يرجعون عشان زواج ريــم ولأن ابراهيم ماعنده اجازة..
وصلوا البلد وكان ماجد ووليد باستقبالهم بالمطار..
الوليــد+ماجد: حمدلله على السلامة..
ابراهيم: الله يسلمكم..
الوليــد: سمنان ياشيخ شسويت أنت؟؟
ماجد: يقولون الراحة النفسيه تسمن الواحد..
ابراهيم: اي والله صدقت الراحه النفسيه والاستقرار ياسلاااام.
الوليــد: بس بس أنا مدري وش سالفة اللي يتزوجون يصيرون شاعريين بالمرة خخخخخ
ابراهيم: يلا بس وصلونا البيت,,
الوليــد: أهلي هناك ينتظرونكم على العشاء..
ابراهيم: والله وحشوني مره..
شال الوليــد شنط ابراهيم وفرح وركبها السيارة وركبوا السيارة..
........................................ .......... .......................................
دخلوا ابراهيم وفرح على صوت زغاريت الحريم والكل فرحان لفرحهم..سلموا على الكل...
راح ابراهيم يم الرجال يسلم عليهم..أما فرح ظلت عند الحريم..بدت ريــم تعرفها على الموجودين وحده وحده..
فرح: أنتي ريم؟؟
ريــم: ايه أنا
فرح: ماشاءالله كلمني ابراهيم عنك كثير يقول زواجك بعد بكرا..
ريــم ابتسمت وقالت: عسى ماحشيتوا فيني بس!!
فرح: لا أفااا عليكي بس..ماجبناك الا بالخير..
ريــم: أشواااا...
بعد ماأنتهت العزيمه دخل ابراهيم ع الحريم ..وجلس جنب جدته وهو يهمس لها..هاااا وش رايك بعروسي؟؟
الجده: ماشاءالله تبارك الرحمن عرفت تختار...الله يوفقكم بس..
ابراهيم: الله يجزاك خير وعقبالك..
الجده مسكت عصاها وهي تضرب ابراهيم وتقول: وشووو؟؟ عيدها شوف وش اسوي فيك..
ابراهيم: آآي خلاص خلاص ماأعيدها والله..فرح حامي عني تكفين..
الجده: لا يابنيتي رجلك هذا يبي له ضرب..
ابراهيم: زين كذا يمه طلعتيني فاشل عند زوجتي؟؟
الجده: أحسن ماأحد قالك تقول اللي قلته..
ضج المجلس بالضحك..وقام ابراهيم وهو يضحك ويقول يلا فرح نروح غرفتنا..
قامت فرح وهي تقول: عن اذنكم..تصبحون على خير..
الكل: اذنك معاك وأنتي من أهل الخير..
صعدت فرح الدرج مع ابراهيم متجهين لغرفة ابراهيم ولمن دخلوا الغرفه..
ابراهيم: عسى عرفتي أهلي؟؟
فرح: ايه الا عرفتهم وحده وحده.. ريــم أختك ماقصرت..
ابراهيم: ايه الحمدلله..
كانت فرح جالسه على التسريحه وتمشط شعرها..
جاء ابراهيم وتركا على التسريحه وهو يقول: ومن أكثر من أعجبك فيهم؟؟
فرح: أمممممممممم كلهم عسل مثلك..
ابراهيم: عيوني..
فرح: هلا قلبي..
ابراهيم: حياتي..
فرح: هلا عمري..
ابراهيم: أمممممم سكر حياتي..
فرح: هلا حبي هههههههههههههه بتقول اللي عندك والا كيف؟؟
ابراهيم: من قالك أنه عندي شيء بس حسيت هالكم ساعه اللي ماقلت هالكلام لك كأنها دهر وجيت أعوض..
........................................ .......... ........................................ .......... ...
قامت فرح ع الساعه 9 ونص الصبح..راحت تسبح..وجت تصحي ابراهيم..
فرح وهي تحط يدها على وجه ابراهيم: برهومي يلا قوم ماعاد الا خير..
ابراهيم: فتح عيونه..
فرح: صباحك ورد..
ابراهيم: صباحك فرح وسكر وووووإلخ عيوني..
نزلوا العرسان تحت ولقوا الجده..جالسه تفطر مع أم فيــصل..جلسوا معاهم..وصاروا يسولفون..وهم مبسوطين..
أقبل ابو ابراهيم..وقامت فرح من مكانها وحبت راسه وقام بعدها ابراهيم وحب راسه..وهو يقول: صبحك الله بالخير..
ابو ابراهيم: صبحك الله بالرضا والسرور..
ابو ابراهيم: اليوم تجي معاي يا ابراهيم عندي مشاغل أحتاجك فيها..
ابراهيم: تآمرني..
أم فيــصل: خله يرتاح هذا العريس..
ابراهيم: لا أبد تعب أبوي راحه..
طلعوا ابو ابراهيم+ابراهيم..يخلصون الأشغال أما فرح جلست مع أم فيــصل والجده تسولف معاهم الا أن قامت ريــم وراحت فرح معاها تسولف بغرفة ريم...
........................................ .......... ........................................ ..بعد الغداء...............
كانت فرح جالسه عند الجده بالصاله والكل موجود عدا الرجال بمجلس الرجال..
دخل ابراهيم..وهو يقول: السلام عليكم...
الكل: وعليكم السلام..والرحمة..
جلس جنب فرح..وقال لها بهمس: وحشتيني..
قالت فرح بنفس النبرة: وأنت أكثررررر....
........................................ .......... ...........................
على الساعه 6 المغرب..وبغرفة ابراهيم..
فرح: ابراهيم وش رايك نطلع ريــم اليوم نمشيها حسيتها متضايقه الصبح!!
ابراهيم: ليه؟؟يمكن عشانها عروس
فرح: مدري بس حسيتها متضايقه مره ماحسيتها عروس عااديه...خل نطلع عشان ترسخ فبالها طلعتها معاك قبل تزوج بيوم وخل ناخذ البنات معانا..
ابراهيم: فكرة مش بطاله والله أنتي يافرح بطيبتك تزنين بلد..
فرح: ماعليك زود عيوني..بروح أشوف البنات..
ابراهيم: وش رايك تطلع العيله كلها!!
فرح: أحسن وأحسن..
ابراهيم: خلاص أجل بنزل أكلمهم..أنا..
نزل ابراهيم وقال لهم والكل وافقه الرأي حتى وليد..وطلعوا متجهين لمزرعتهم..والي واعدوا عمهم أبو سلطان هناك..
كانت ليله ولا أروع بالنسبه لريم..تصرفت فيها بحريه كبنت ولآخر مره..فحياتها ماخلت شي ماسوته حتى لعب الكورة لعبته..بس بقى لها الدبابات..
ريــم: ابراهيم بطلبك طلب بس ماتردني!!
ابراهيم: الطلعه كلها عشانك وأردك؟؟!!
ريــم: أبي أركب دباب تكفى..
ابراهيم: طيب بروح أجيب المفاتيح..
راح ابراهيم وجاب المفاتيح..وراح هو والبنات لساحة الدبابات..دخلوا ساحة الدبابات..شهقت شهلا لمن تذكرت آخر مرة جوا هنا كانت مع فيــصل لمن فيــصل خبى عنهم المفاتيح..تذكرت كل هذيك اللحظات اللي ماغابت عن بالها أصلا..طالعت دباب فيصل الأزرق كما هو على حطة يده..ترجعت لوراء وهي تقول العبوا أنتم أنا ماأبي ألعب..
ابراهيم: شهلا لا يفوتك ثلاث أرباع عمرك مب كل مرة نعطيكم المفاتيح بالساهل..
بس شهلا تراجعت للخلف وهي ماتدري وش كانوا يقولون..لحقتها فرح واللي كان عندها خلفيه عن الموضوع..
ركبت ريــم الدباب وهي مبسوطه و ابراهيم يوصيها لا تسرع..وركبوا بقية البنات الدبابات الثانيه عدا دباب فيــصل اللي ماأحد تجرأ يحركه..جلس ابراهيم يصفق للبنات..
شوي وجت فرح ومعاها شهلا..اللي كانت الدموع معلمه على وجهها..
ابراهيم: حياكم حياكم تبون تلعبون؟؟
فرح: أممممممم أنا ماأعرف بس شهلا تبي تلعب..
ابراهيم: فتح دباب فيــصل لشهلا وركبت شهلا عليه وهي تحبس دموعها وتتذكر فيــصل..
ابراهيم: فروحتي..شفيك؟؟
فرح: شهلا كسرت خاطري مرة ياحرام..
ابراهيم: ماعليه بكرا تتعود يافروحتي..بس ماودك تركبين دباب؟؟
فرح: لاا
ابراهيم: الا اركبي أبي أعلمك عليه..
فرح: أمممممم بعد 9 شهور..
ابراهيم: ليش يعني 9 شهور؟؟ ليه مو الحين!!
فرح: لأني ياعبقري حامل..
ابراهيم..وهو يزغرت ويقول: والله فرح جد تتكلمين؟؟
فرح: بس بس فضحتنا ايه جد والا العب أجل..
ابراهيم: الله يبشرك بالخير والله أبوي بيفرح بهالخبر مره..
مسك ابراهيم يد فرح وهو يقول لها على هونك امشي..على أقل من مهلك بطلعك من هنا لا تجي حدا هالمراهقات تخبطك بالدباب تراهم مراجيج..
فرح: ههههههههههههههههههههههههههههههه
........................................ .......... ........................................ .......... ......
كل شيء ماشي حسب ماخططوا له.. الساعة 2 زفة العروس..والساعة 6 الفجر بيروحون العرسان لشهر العسل في ماليزيا..
الخوف باين في عيونها.. فستانها وشرعتها ومكياجها كان فن في الذوق..
وجاءت ساعة الصفر.. دخلت على الحريم وهي تمشي بخطى بسيطه.. على صوت المسجل اعالي الكبس مسلط عليها.. مشت بهدوء حتى وصلت عند الكرسي على المنصة.. التفتت على الناس وقفت.. تطالع الناس كانت صورة أمها في كل مكان في الصالة كل أم تتمنى لبنتها هاللحظة تمنت لو أن أمها تشاركها فرحتها.. أوتعزيها بفقدها لوليد للأبد..
دقايق ودخل ابوها مع ابراهيم أخوها مع خالها يتوسطهم العريس..تقدم العريس لحد ماوصل المنصة مسك يدها وراحوا سوا للكرسي..التفت عليها زياد ابتسم في وجهها ابتسامه ريحتها.. وهمس لها.. شالحلاة كلها؟؟
وكلها نصف ساعة وكانت ريــم واقفة عند السيارة بتركبها.. ركبت في المقعد اللي خلف السواق.. ورفع أبوها ذيل فستانها وصك باب السيارة.. وركب عريسها جنبها..
تفاجأت ريــم بصوت السائق كان الوليــد نعم الوليــدالشاب الشامخ.. الشاب اللي وقف في وجه كل الظروف ورغم كل المصاعب والمشاكل اللي واجهته لازال الوليــد شامخ..ولازال في عيونه بريق من الحزن..
وقفت السيارة عند باب الفندق نزل الوليــد وفتح باب ريــم.. نزلت هي مطمسه راسها..
ونزل العريس من الباب الثاني..
الوليــد حس شفته تتجمد والدموع تخلط بالكلمات بحلقه ولا هو قادر يتكلم وهو يشوف فتاة أحلامه تروح لغريب والى الأبد..قسى على حلقه ودفع عبرته وقسى على شفته وتبرأ من قلبه باللحظه نفسها وقال: مبروك ريــم مبروك زياد..
زياد: الله يبارك بعمرك وعقبال مانفرح فيك..
ضحك الوليــد ضحكة سخريه مايعرف شكان مغزاها هل هي ضحكة سخريه من الزمن أم ضحكة سخريه من اللي سمعه من زياد..
الوليــد: الساعه 5 أكون هنا عشان أوديكم المطار..
زياد: ليه تعب روحك فيه تاكسي..
الوليــد: أفا عليك بس تاخذ تاكسي وأنا موجود..
زياد: ماتقصر..
ومسك العريس يد عروسه وتقدم لاستقبال الفندق.. ورجع الوليــد السيارة.. جلس على كرسي السياره ورضرب مقود السيارة بقهر وقال:
هذا حظي من على الدنيا وعيت... كل ماأضوي شمعة بدربي انطفت
مع جميع الناس ياربي وفيـــت ... ليه بس اللي معي الدمـــعه وفـــت
........................................ .......... ........................................ .......... .......................................
هذا الوليــد .. تربا رباية عز مع العز كله عمه.. حسدوه كثير على النعمه اللي هو فيها..
تمنى بنت عمه تكون معاه..لكن للأسف اتخذت الحياة منحى آخر..يمكن تكون الحياة ظلمت الوليــد بعض الشيء لكنها قد تكون أنصفت زياد اللي تعب بحياته الحياة..كذا يوم تضحك لك ويوم تضحك عليك
........................................ .......... ..تــــــمــــــــــــــت............... .......... ........

اسف اني ضيقت صدوركم

حسبي الله على ابليسك نزلت دمعتي

الله يعطيك العافية على القصه الحزينه

والله منتب صاحي يبو ملا... تبينا نقرى القصه كلها...

لا والله مشكور والهل أني قاريها كلهاو وتستحق التثبيت

مشوااااااااااااااااااااار .. لكن .. مشكوووووووووووووور

هههههههههههههه تبيني اقراّ كل القصه مـ....مشكوور

يسلموووووووووو

والله تو الاحق ودي العالم ما يبكون لاني اعرفها

لكن للاسف انتهت

ومشكووووووووووور

قناص عنيزة

نصيحه الي ماقراها يقراها

مشكووور

اخيرا قضيتها 3 ايام اقراها


والله القصه روعه وتستاهل